အလုပ်ရှုတ်ခြင်းနဲ့ရန်ကုန်ရဲ့ဝိရောဓိတစ်မနက်

ဆောင်းပါးရှင် - ကိုညီညီ (တောင်ကြီး)

.

. ကြိုဆိုခြင်းနဲ့နှုတ်ဆက်ခြင်းကို မကြာခဏလုပ်တတ်တာ ရန်ကုန်မြို့ပါပဲ။ မွေးရပ်မြေရှမ်းရိုးမက ဒီလောက်ဥာဏ်မများဘူး၊ ဟန်မထွားဘူး၊ သွားမယ်ဆိုရင် သွားမယ်၊ လာမယ်ဆိုရင် လာမယ် ကြိုပြောသလိုလုပ် လုပ်မယ့်အတိုင်း အစီအစဉ်ဆွဲနေကျ၊ အစီအစဉ်ဆွဲတဲ့အတိုင်းလည်း အမြဲဖြစ်မြောက်နေကျ။
.
. တစ်ချို့က ရန်ကုန်ဟာ မာယာများတယ် ဘာ ညာ နဲ့ ပြောတဲ့သူတွေကသာပြောနေတာ . . သူ့မြို့ နဲ့ သူ့လူထုက ကျပ်သိပ်နေလို့ တစ်ခြားဘာမှလုပ်နိုင်တဲ့မြို့မဟုတ်တော့ဘူး။ တစ်နေ့တစ်ခြား မြို့ပြကိုတက်လာပြီး မျှော်လင့်ချက်တွေကိုအရောင်သွေးတဲ့ နယ်အသီးသီးက လူထုဟာ ပိတ်သတ်ကျပ်ညှပ်နေတဲ့ဘတ်စ်ကားနဲ့တက္ကဆီတွေကြား အတွေးနယ်ထဲ Facebooking Journey ခရီးသွားနေကြတာ အခုဆိုရင် အစိုးရ (၂) ဆက်ရှိခဲ့ပြီလေ။
.
.
. ခရီးကနေပြန်ရတော့မယ်ဆိုတော့ အလွမ်းသယ်နေတဲ့ရန်ကုန်ကို သနားမိတယ်။ မိုးထဲလေထဲမှာ တိမ်ညိုတိမ်တိုက်အထုတ်မည်းမည်းကြီးကို ကြိုးစားပမ်းစားထမ်းနေရတဲ့ ရန်ကုန်ကိုကြည့်ရတာ ပင်ပန်းလှပါတယ်။ တက်လာတဲ့ဒီရေ နဲ့ ထွက်ပြေးနေတဲ့ကမ်းနားလမ်းမှာ ဓါးစာခံဖြစ်သွားတဲ့ ပဟေဠိမြွေလှေခါးညဈေးတန်းခမျာမှာ ကန့်လန့်ကြီးလည်စင်းခံလို့ အသက်ငင်နေတယ်။
.
. ကားလမ်းပိတ်ရင်တရားခံ၊ ယာဉ်တိုက်မှုဖြစ်ရင်တရားခံ၊ ဆက်ဆံရေးမချေမငံဖြစ်လို့ရန်ပွဲစရင်တရားခံ လူထုရဲ့မေတ္တာကိုမရခဲ့တဲ့ ဘတ်စ်ကားတွေဟာ လူသူမဲ့ကုန်းကျော်တံတားအောက်မှာ ငါးရှဉ့်ခြောက်စပ်ဟင်းတစ်ပွဲလို အားပြိုင်နေဆဲ၊ လမ်းလုနေဆဲ၊ ခရီးသည်လုနေဆဲ၊ ဘယ်ဘက်လမ်းကြောကနေ တက်မောင်းနေဆဲ။

လိမ်ညာတဲ့သားသမီး နဲ့ အမှန်မပြောတဲ့မိဘ

.
. "စားချိန်မှာ ဝင်စားမယ် . 🍼🍼🥣🥣. အိပ်ချင်မှာ ဝင်အိပ်မယ် . 💤💤🧖🧖 . အပူအပင်ကင်းတဲ့ကလေးလေးဘဝသာ . 👨‍👩‍👧‍👦👨‍👩‍👧‍👦🤸🤸💏💏 . တစ်ခါပြန်ပြီးရချင်သေးတယ်" ဆိုတဲ့ ဆရာစိုင်းခမ်းလိတ်စကားက ကလေးငယ်ဘဝရဲ့ဘယ်အရာကိုပြန်တမ်းတပြီး ရေးဖွဲ့ထားမှန်းမသိပေမယ့် ကျွန်တော့အနေနဲ့တော့ မလိမ် မညာတတ်တဲ့ကလေးဘဝကိုပြန်ရချင်မိသလောက် အခုချက်ချင်းပြန်ရောက်ချင်မိပါတယ်။
.
. ဖြူဖြူစင်စင်ကလေးတွေကို လောဘကြီးတတ်အောင်၊ ဒေါသဖြစ်အောင်၊ အလိုမကျတဲ့စိတ်ခံစားရလေအောင်သင်ပေးခဲ့တာ လူကြီးတွေပါ။ မယုံမရှိကြပါနဲ့။ မိတ်ဆွေတို့ငယ်ငယ်တုန်းက လက်ထဲကပစ္စည်းကိုလုယူသွားပြီး ပြန်လိုချင်ရင် ပါးကိုနမ်းခိုင်းတာ လူကြီးပါ။ အစားမြန်မြန်စား . . မစားရင် လူဆိုးကြီးလာလိမ့်မယ်ဆိုပြီး ကြောက်စိတ်ကိုမွေးပေးတာ လြူုကီးပါ။ မင်းကို ဟိုအိမ်က စာတော်တဲ့ကောင်လေးရဲ့ေ-ျးကျွေးမယ်လို့ ပြောပြီး စိတ်ဓါတ်မကျကျအောင် ပြောခဲ့တာ လူကြီးပါ။ အဲဒီထဲမှာမပါတဲ့ မလိမ်လိမ်တတ်အောင်သင်ပေးတဲ့ လူကြီးမျိုးကို မိတ်ဆွေငယ်ငယ်တုန်းကမတွေ့ခဲ့ဘူးဆိုရင် သိပ်ကံထူးခဲ့တယ်လို့ ဆိုရတော့မှာပါပဲ။
.
.
. အပြစ်ပေးရင် ကြောက်တယ်။ ကြောက်တော့ အမှန်မပြောရဲဘူး။ အမှန်ကိုဖုံးကွယ်ပြီးပြောလိုက်တော့ လူကြီးက အပြစ်ကို အပြစ်လို့မမြင်တော့ဘူး။ ဒါကို ပြသနာရှောင်လွဲနည်းလို့မြင်သွားတဲ့ကလေးငယ်ဟာ နောက်ဆိုရင် ပြုလုပ်မိတဲ့အပြစ်ကို လူကြီးမသိစေဖို့ လိမ်ညာတတ်လာတယ်။
.
. တစ်ကြိမ်ကနေ နှစ်ကြိမ်၊ နှစ်ကြိမ်ကနေ သုံးကြိမ် ဒီလိုနဲ့ ဆယ်နှစ်၊ အနှစ် (၂ဝ)၊ အနှစ် (၃ဝ) ကြီးကောင်ကြီးမားဘဝရောက်လာတဲ့အထိ လိမ်တတ်လာတယ်။ လိမ်ကောင်းရင်းနဲ့ဆက်လိမ်တယ်။ နှစ်ပေါင်းများစွာလိမ်လာတဲ့သူဟာနောက်တော့ သူလုပ်သမျှမှန်တယ်ဆိုတဲ့အနေအထားနဲ့လောကကြီးကိုထပ်လိမ်ဖို့ကြိုးစားကြတာ ဆန်းကြယ်တဲ့သံသရာတော့မဟုတ်ပါဘူး။