အလုပ်ကြိုးစားတိုင်းခေါင်းဆောင်မဖြစ်

ဆောင်းပါးရှင် - ကိုညီညီ (တောင်ကြီး)

. ဒီဘက်နိုင်ငံရောက်တော့ လူတွေကို အလုပ်ရှာပေးပြီး ကူညီတတ်တဲ့အစ်မတစ်ယောက်ကပြောဖူးတယ် "သူက အလုပ်ကြိုးစားတယ် ခေါင်းဆောင်ဖြစ်တာမဆန်းပါဘူး" တဲ့။ ကျွန်တော်တို့ပြောနေတာက လုပ်သက်ကြာတဲ့ အမျိုးထဲကတစ်ယောက်က အလုပ်ကြိုးစားရင်း နဲ့ နောက်ပိုင်းခေါင်းဆောင်ဖြစ်လာတာကို ပြန်ဆွေးနွေးနေခဲ့တာဖြစ်ပါတယ်။
.
. ရုတ်တရက်နားထောင်လိုက်ရင်တော့ ဒီစကားကနေရာတိုင်းက တံခါးတိုင်းကိုဖွင့်လို့ရမယ့် "စွယ်စုံသော့ - Master Key" တစ်ချောင်းလို့ထင်မိကြလိမ့်မယ်။ ဒါပေမယ့် စာဖတ်သူတွေအပေါ်ထားတဲ့ရိုးသားမှုကိုရှေ့တန်းတင်ပြီးပြောရရင် တစ်ချို့နေရာမှာ "ခေါင်းဆောင်မှု - Leadership" ဆိုတာ အလုပ်ကြိုးစားတတ်၊ အမြန်လုပ်တတ်၊ ကုန်ပစ္စည်းများများထွက်တာနဲ့ တိုက်ရိုက်အချိုးကျတယ်လို့ မဆိုသာပါဘူး။
.
.
. ကိုယ်တွေ့နဲ့ယှဉ်ပြီးပြောရရင် ခေါင်းဆောင်ပေါင်းများစွာကို ကျွန်တော်တွေ့ဖူးတယ်။ အလုပ်ကြိုးစားသူတစ်ချို့ခေါင်းဆောင်ဖြစ်လာတာတွေ့ဖူးသလို ခေါင်းဆောင်တိုင်းအလုပ်မကြိုးစားပါဘူး။ သူတို့အလုပ်မကြိုးစားဘူးဆိုတာ အလုပ်မလုပ်ဘူးလို့ အညံ့ဘက်ကနေပြောတာမဟုတ်ပါ။ သူက ခေါင်းဆောင်အလုပ်ကိုလုပ်တဲ့နေရာမှာ သေသပ်ဖျတ်လတ်သလောက် တစ်ချိန်လုံး တကုတ်ကုတ်အလုပ်လုပ်နေတာမဟုတ်ဘူးလို့ ပြောချင်တာပါ။

ပြင်ဆင်ချိန်လိုနေသေးတဲ့ဘဝတစ်ခု

ဆောင်းပါးရှင် - ကိုညီညီ (တောင်ကြီး)

. အခုလို ဇွန်လကိုစဖွင့်တာနဲ့ မကြားချင်တဲ့ညည်းညူသံတွေထဲမှာ မြန်မာနိုင်ငံမှာသောသောညံနေတာက ကိုယ်တိုင်သော်၎င်း၊ ကိုယ့်သားကိုယ့်သမီးသော်၎င်း (၁ဝ) တန်း စာမေးပွဲမအောင်လို့ စိတ်ညစ်နေကြတဲ့ပြောသံဆိုသံတွေပါပဲ။ ဒီအချိန်မှာ အားပေးရင်း အားပေးရင်း နဲ့ လက်တွေ့ပကတိအခြေအနေမှန်နဲ့ဝေးအောင်ခေါ်သွားတတ်တဲ့ သံယောင်လိုက်၍ထင်ယောင်မြင်မှားဖြစ်ခြင်း - Illusion တစ်ခုကို လက်ခံဖို့မှားယွင်းစွာတိုက်တွန်းတာကိုတွေ့လာရလို့ ဒီစာကိုရေးပါတယ်။
.
. အများပြောဆိုကြတာက (၁ဝ) တန်းဟာ ဘဝတစ်ခုမဟုတ်ပါ . . (၁ဝ) တန်းဟာ အဆုံးအဖြတ်တစ်ခုမဟုတ်ပါ . . စသဖြင့် လျှော့တွက်ခိုင်းပြီး ကိုယ်ဖြေခဲ့တဲ့စာမေးပွဲဟာ မခက်သယောင်ယောင်၊ လူတိုင်းခုန်ကျော်ဖြတ်သန်းသွားနိုင်တဲ့ ဒူးအမြင့်လောက်သာသာ တန်းထားတဲ့ သားရေကွင်းကြိုးတန်းလို ပြောနေကြတယ်။
.
.
. အခု စာဖတ်နေကြတဲ့မိတ်ဆွေတွေထဲမှာ ကုမ္ပဏီလူကြီးတွေပါမယ်၊ အစိုးရလူကြီးတွေပါမယ်၊ နယ်မြေအသီးသီးက လုပ်ငန်းရှင်တွေပါမယ်၊ ဘယ်တစ်ဦးတစ်ယောက်ကများ လုပ်သားငှားရမ်းတဲ့အခါ (၁ဝ) တန်းကျသူကိုခေါ်ချင်ပါသလဲ? ငါ့အလုပ်က (၈) တန်းအောင် သေစာ ရှင်စာ ရေးတတ်၊ မွေးစာရင်း သေစာရင်း တွက်တတ် ချက်တတ်ရင်ရပြီဆိုပြီး ငှားရမ်းသူဘယ်နှစ်ယောက် ပါပါသလဲ . . ကိုယ့်ဟာကိုယ် မေးကြည့်ကြပါ။
.
. ဘယ်သူမဆို ပိုတော် ပိုတတ်တဲ့ လုပ်သားတွေနဲ့ကိုယ်လုပ်ငန်းကို ငြမ်းဆင်ချင်တယ်။ ဘယ်သူမဆို ကိုယ့်ဝန်ဆောင်မှုကို ပိုမိုကျွမ်းကျင်တဲ့လုပ်သားနဲ့ အနာဂါတ်ကို ပန်းဝင်စေချင်တာပါပဲ။ ဒါကြောင့် ကလေးတစ်ယောက်ရဲ့ (၁ဝ) တန်း အောင်မြင်မှုလောက်ရထားတဲ့ သူ့ရဲ့ရင့်ကျက်မှု နဲ့ တွေးခေါ်ဆင်ခြင်မှုတွေအပါအဝင် အသက် (၂ဝ) မပြည့်သေးသူတစ်ယောက်ရဲ့ လူငယ်ဘဝ နဲ့ လုပ်အားကို ငှားရမ်းချင်တယ်လို့ မှတ်ယူလို့ရပါတယ်။