ကြ်န္ေတာ႕သားေရးေပးတဲ႕ Resume

ေဆာင္းပါးရွင္ - ကိုညီညီ ( ေတာင္ၾကီး )

. 
. အခုစာဖတ္ေနတဲ႕ ခ်စ္မိတ္ေဆြေတြေတာ႕မသိဘူး . . ကြ်န္ေတာ္ကေတာ႕ ကြ်န္ေတာ႕ထက္ၾကီးသူေတြကေနထက္စာရင္ ငယ္ရြယ္သူေတြထံက သင္ယူရတာ ပိုႏွစ္သက္ပါတယ္။ သင္တယ္ဆုိတဲ႕ေနရာမွာ စာသင္တာကိုအဓိကေျပာလိုတာမဟုတ္ပဲ သူတုိ႕သိထားတဲ႕ အေတြ႕အၾကံဳ၊ သင္ယူထားတဲ႕ ပညာအရည္အခ်င္းအေၾကာင္း ျပန္ေျပာျပတာမ်ိဳးလည္းပါဝင္ပါတယ္။
.
. တစ္ရက္မွာ ပစ္ထားတာၾကာျပီျဖစ္တဲ႕ ကြ်န္ေတာ႕ရဲ႕အလုပ္ေလွ်ာက္လႊာ - “ ရစမီ - Resume ” ကို ျပန္မြမ္းမံဖို႕အေၾကာင္းဖန္လာတယ္။ ဒါနဲ႕ လုပ္ေနက်အတိုင္း ေရးထားတဲ႕ဖုိင္ကိုျပန္ရွာတယ္။ ဘာတုိးရမယ္ ဘာေလွ်ာ႕ရမယ္ဆိုတာကို အၾကမ္းေရးတယ္။ စာျပန္စီတယ္။ ျပီးေတာ႕ ေနာင္တစ္ခ်ိန္အလုပ္ေလွ်ာက္ရမယ္ဆိုရင္ ေလွ်ာက္ရမယ္႕ကုမၸဏီရဲ႕သမိုင္းေနာက္ခံ နဲ႕ သူတုိ႕ေမွ်ာ္လင္႕ထားတဲ႕ လုပ္ငန္းလိုအပ္ခ်က္ နဲ႕ ေလွ်ာက္ထားသူရဲ႕လိုအပ္ခ်က္ေတြကုိ စဥ္းစားရပါတယ္။
.
.
. ဘယ္လိုေရးေရး စိတ္တုိင္းမက်တာ ျမန္မာအေခၚ - CV ေဖာင္ ( သို႕ ) Resume လို႕ ေျပာခ်င္တယ္။ Facebook မွာ စာေရးရတာလြယ္တယ္။ ဒါေပမယ္႕ Resume မွာ အင္တာဗ်ဴးထုိင္သူေတြဖတ္ခ်င္တာ၊ ၾကားခ်င္တာေတြပါဖို႕ လိုရင္း/တုိရွင္း ခ်ံဳ႕ပစ္ရတာ သိပ္မလြယ္ပါဘူး။ ဒီအတြက္ စာအေရးအသားကုိ တိုတိုတုတ္တုတ္ နဲ႕ ခ်က္ေကာင္းအေၾကာင္းအရာေတြပါေအာင္ေရးသားဖို႕ ငယ္ငယ္တုန္းက ( ၅ ) တန္းမွ အဂၤလိပ္စာကို စသင္ခဲ႕ရတဲ႕ ကြ်န္ေတာ႕ဦးေႏွာက္ကို ကြ်န္ေတာ္ မယံုဘူးျဖစ္ေနပါတယ္။

.
. ဒီေနရာမွာ အခက္အခဲကုိဝင္ေျဖရွင္းေပးသူကေတာ႕ ဇာတ္လုိက္ေက်ာ္ၾကီး “ စြမ္း ” ပါ။ သူက ကြ်န္ေတာ္လုပ္ထားတဲ႕ Microsoft Word က ကိုယ္ေရးအခ်က္အလက္ေတြကုိ Google Drive က Google Doc ဖိုင္တစ္ခုကို ကူးယူပါတယ္။ တစ္ဆက္တည္းမွာ Google မွာ ေရြးခ်ယ္ဖို႕ေပးထားတဲ႕ နမူနာ - Template ေတြထဲကေန ကြ်န္ေတာ္နဲ႕ကိုက္ညီမယ္႕ ပံုစံ - Format တစ္ခုကိုေရြးပါတယ္။
.
.
. အင္တာနက္ခ်ိတ္ဆက္္ထားတဲ႕ကြန္ပ်ဴတာေပၚမွာ Microsoft Word ဖိုင္တစ္ခုဖြင္႕ျပီး New အေနနဲ႕ရွာလိုက္ရင္ အထက္ကေျပာခဲ႕သလို ေရြးစရာနမူနာေတြရွိပါတယ္။ ဒါကို စြမ္း က “ ကုမၸဏီမွာအလုပ္လုပ္ရင္ျဖစ္ျဖစ္ ကိုယ္ပိုင္စီးပြားေရးလုပ္ရင္ပဲျဖစ္ျဖစ္ ေနာက္ပိုင္းမွာ Google Doc သံုးသင္႕တယ္။ သူက အင္တာနက္အျမဲလိုတယ္ဆုိေပမယ္႕ အြန္လုိင္းမရွိတဲ႕ Offline အေျခအေနမွာလည္း ကိုယ္ေရးထားတာကို သိမ္းထားေပးတယ္။ ဒီဖိုင္ေတြကို Google ရဲ႕ အြန္လိုင္းသိမ္းဆည္းမႈ ဆာဗာ - Data Center ေတြမွာတက္သိမ္းထားတာေၾကာင္႕ ဒီဖိုင္ကုိ ကြန္ပ်ဴတာေျပာင္းျပီး ဖြင္႕မလား? တက္ဘလက္မွာ ဖြင္႕မလား? လက္ကုိင္ဖုန္းေပၚမွာ တည္းျဖတ္မလား? အားလံုးအဆင္ေျပတာေၾကာင္႕ ကုိယ္နဲ႕တစ္ပါတည္းပါတဲ႕စာရင္းတစ္ခုျဖစ္သြားပါတယ္ ” လို႕ ရွင္းျပတယ္။
.
. ကြန္ပ်ဴတာကိုတေဂ်ာက္ေဂ်ာက္ေခါက္ရင္းလက္မအားတဲ႕ “ စြမ္း ” ဟာ သူ႕ဆီဝင္လာတဲ႕အီးေမးလ္ေတြကို လက္ကိုင္ဖုန္းမွာစစ္ေနရံုမက ကြ်န္ေတာ႕ Google Doc မွာေရးထားတဲ႕ Resume ထဲက စာသားေတြကို ေနရာခ်ေပးတယ္။ အဲဒါကို ကြ်န္ေတာ္က ဒီဘက္ကေန ကြန္ပ်ဴတာေနာက္တစ္လံုး နဲ႕ Google Doc ထဲဝင္ျပီး မလိုခ်င္တာေတြျဖဳတ္၊ လိုခ်င္တာေတြတိုးရင္း Google Cloud ရဲ႕ - Synchronized ျဖစ္ေအာင္လုပ္ေပးထားတဲ႕ Feature ေၾကာင္႕ သူ႕စက္ထဲကရုိက္ေနတဲ႕စာေတြကို ကြ်န္ေတာ႕ကြန္ပ်ဴတာထဲမွာ အခ်ိန္နဲ႕တစ္ေျပးညီ ျမင္ေနရပါတယ္။
.
.
. ျမန္မာႏိုင္ငံကလာခဲ႕သူပီပီ ဘာလုပ္တတ္တယ္၊ ဘယ္ကိစၥေတြမွာကြ်မ္းတယ္ဆိုတာကို ကြ်န္ေတာ္က Resume ထဲမွာ မဆံ႕မျပဲထည္႕ခ်င္တာကုိ “ စြမ္း ” က “ နည္းနည္းရွင္းျပရေလ ပိုေကာင္းေလ . . အမွားနည္းေလ ” တဲ႕။ သူက “ ကိုယ္ေျပာခ်င္တာကို အကုန္ပါေအာင္ က်စ္က်စ္လစ္လစ္ေလး ကြက္တိေရးျပေတာ႕ အင္တာဗ်ဴးထုိင္မယ္႕သူေတြရဲ႕အခ်ိန္ကိုျဖဳန္းရာမေရာက္သလို ဖြဲ႕ကာ ႏြဲ႕ကာ ခ်ဲ႕ကားေရးထားျပီး စိတ္ဝင္စားစရာမေကာင္းတဲ႕ Resume ပိုင္ရွင္ကို ဘယ္သူက အလုပ္ခန္႕ခ်င္ပါ႕မလဲ ” လို႕ ဆက္ရွင္းျပတယ္။
.
. Resume တစ္ခုရဲ႕ အခင္းအက်င္းပံုစံမွာေတာ႕ နာမယ္၊ လိပ္စာ၊ ဖုန္းနံပါတ္ နဲ႕ အီးေမးလ္လိပ္စာက ထိပ္ပုိင္းမွာ ေနရာယူပါတယ္။ အဆင္႕ျမင္႕တဲ႕ပညာရွင္ - Professional တစ္ေယာက္ဆုိရင္ေတာ႕ ဖတ္လိုက္သူလန္႕သြားျပီး ခ်က္ခ်င္းအလုပ္ခန္႕ခ်င္ေလာက္ေအာင္ သူ႕ရဲ႕ Facebook ၊ LinkedIn နဲ႕ ဝဘ္ဆိုဒ္ေတြကို လွလွပပ ခန္႕ညားထယ္ဝါစြာ ထည္႕သြင္းႏိုင္ပါတယ္။
.
.
. Objective ေနရာမွာ ကိုယ္ကြ်မ္းတဲ႕၊ လုပ္ႏိုင္တဲ႕၊ လုပ္ထားဖူးတဲ႕ေအာင္ျမင္မႈေတြကို တစ္လိုင္းခ်င္းစီထည္႕သြင္းရပါမယ္။
.
. ေအာက္မွာမွ Experience ေခါင္းစဥ္ေအာက္မွာ ကိုယ္လုပ္ခဲ႕ဖူးတဲ႕ လုပ္ငန္းအေတြ႕အၾကံဳကုိ တစ္အုပ္စုခ်င္းစီ ေနရာ၊ ကုမၸဏီနာမယ္၊ လုပ္ကိုင္ဖူးခဲ႕တဲ႕ကာလအပိုင္းအျခား၊ ရာထူး နဲ႕ တာဝန္ဝတၱရားေတြကို သပ္သပ္ရပ္ရပ္ေရးျပရပါမယ္။
.
.
. အဲဒီလိုေရးျပလာလိုက္ရင္ ေအာက္မွာ ပညာေရး - Education ေနရာေရာက္ေတာ႕မွ ဘာေက်ာင္းတက္ခဲ႕တယ္၊ ဘာဘြဲ႕ေတြရျပီး ဘယ္နယ္ပယ္ေတြမွာကြ်မ္းတယ္ဆိုတာကုိ ေရးျပရပါမယ္။ ဒီေနရာကိုေတာ႕ အင္တာဗ်ဴးထိုင္သူေတြ မျဖစ္မေန ဖတ္ၾကတဲ႕အပိုင္းျဖစ္ျပီး သူတုိ႕စိတ္ထဲရွိတဲ႕ “ မင္း ေက်ာင္းတက္တုန္းက ပညာရပ္ေတြကို ဘယ္ေလာက္သိသလဲ ?” ဆိုတဲ႕ေမးခြန္းေတြကို ေျဖဖိုိ႕ျပင္ဆင္ထားရပါမယ္။
.
. ဒါက ကြ်န္ေတာ္သိတဲ႕ သမားရိုးက်ေရးနည္းပါ။ “ စြမ္း ” က ေျပာစရာမ်ားေနတဲ႕ကြ်န္ေတာ႕ Resume ကို ေအာက္မွာ ျဖည္႕စြက္အေၾကာင္းအရာ - Additional Information ဆိုျပီး ထပ္တိုးေပးပါတယ္။ အဲဒီမွာ ကြ်န္ေတာ္ပိုသိတဲ႕အေၾကာင္း၊ ပိုလုပ္ႏုိင္တဲ႕အရည္အခ်င္းေတြကို သိပ္သည္းက်စ္လစ္တဲ႕အဂၤလိပ္စာနဲ႕ ခပ္တုိတိုေရးေပးတယ္။
.
.
. အခုေနာက္ပိုင္း အလုပ္ေလွ်ာက္လႊာေတြမွာ မ်က္ႏွာဖံုး - Cover Letter ကို အေလးေပးဖတ္ရႈလာတာ သတိထားမိတဲ႕အျပင္ ပညာရွင္တစ္ခ်ိဳ႕ဆုိရင္ သူတို႕ရဲ႕ဓါတ္ပံု၊ ဝဘ္ဆိုဒ္ရဲ႕ပံု - Screen Shot ေတြကိုပါထည္႕သြင္းလာၾကတယ္။ ျပီးေတာ႕ ဒီ Cover Letter ထဲမွာ Resume ကို တည္႕တည္ၾကီးျပန္မညႊန္းတဲ႕ တစ္ျခားေျပာစရာေတြကုိ အလြန္ဆံုး စာလံုးေရ ( ၅ဝဝ ) ခန္႕ ေရးထည္႕သင္႕ပါတယ္။
.
. ဥပမာ - ကုမၸဏီတိုးတက္ေအာင္ဘာလုပ္ခ်င္တယ္၊ ကြ်န္ေတာ္/ကြ်န္မသာဆုိရင္ ဒီေနရာမွာ ဒီလိုလုပ္ျပီး ေအာင္ျမင္ေစရမယ္၊ ဟိုေနရာမွာဆုိရင္ ဒီလိုဆံုးရွံဴးမႈမ်ိဳးအစား တစ္ျခားအစားထုိးလုပ္ေဆာင္မႈတစ္ခုခုကုိ လုပ္ဖို႕အၾကံေပးမိတယ္ . . ဘာ . . ညာ ဆုိျပီး ေရးသင္႕တယ္လုိ႕ “ စြမ္း ” က ရွင္းျပျပီး သားအဖႏွစ္ေယာက္ Resume ေရးသားျခင္းဟာ ညသန္းေခါင္ေက်ာ္ေတာ႕ ျပီးဆံုးသြားပါတယ္။
.
.
. ဒီႏိုင္ငံက ေက်းဇူူးရွိတဲ႕အစ္မက ကြ်န္ေတာ္အေမရိကားမလာခင္ကတည္းကသင္ေပးထားတာတစ္ခုရွိတယ္ “ အေရးၾကီးတဲ႕စာရြက္စာတမ္း၊ ပံုေတြ၊ မွတ္စုေတြကို အီးေမးလ္ထဲက Draft မွာ သိမ္းထားပါ ” ဆုိတာေလးပါ။ ကြ်န္ေတာ္ အဲဒါကို အျမဲလိုက္နာတယ္။ ဒါေၾကာင္႕ ရံုးေတြ ကႏ႖ားေတြသြားလို႕ တစ္ခုခုလိုရင္ အင္တာနက္ေတာင္းဖြင္႕ျပီး သိမ္းထားတဲ႕အထဲကေန ျပန္ထုတ္ေပးတာမ်ိဳးေၾကာင္႕ အဆင္ေျပခဲ႕တဲ႕သာဓကေတြ ကြ်န္ေတာ႕မွာရွိတယ္။
.
. အခုေနာက္ပိုင္းက်ေတာ႕ ကားေသာ႕မွာ USB ေသာ႕ခ်ိတ္တစ္ေခ်ာင္းတြဲထားျပီး အေရးၾကီးတဲ႕ ကဒ္ျပားေတြ၊ ပါ႕စပို႕ ပံုေတြ နဲ႕ Resume ေတြကို ဘီးလိမ္႕ေလရာေဆာင္သြားေတာ႕တာပါပဲ။ ဘာပဲေျပာေျပာ ကြ်န္ေတာ္ဟာ “ ၾကီးသူ ” ဆီကေရာ “ ငယ္သူ ” ဆီကပါ ပညာသင္ခ်င္သူပါ။ အခုဆို “ သမီး နဲ႕ သား ” တို႕လို “ မ်ိဳးဆက္သစ္ေတြ ” ဆီကပါ ပညာယူဖို႕ ေစာင္႕ေနပါတယ္။ ဒီေန႕ေတာ႕ သား “ စြမ္း ” နားက ေလ႕လာခဲ႕ရတဲ႕အသိပညာေတြေၾကာင္႕ ကြ်န္ေတာ႕ Resume လည္း အသစ္ျဖစ္ခဲ႕ရျပီ။ ကုိေအာင္ကိုလတ္စကားငွားေျပာရရင္ “ ( ၇ ) ႏွစ္ ရွိျပီ ” ။
.
. ခင္လ်က္
.
. ကိုညီညီ ( ေတာင္ၾကီး )
. 05-12-2017
.
.
Unicode Version:
.
.
. " ကျွန်တော့သားရေးပေးတဲ့ Resume "
. အခုစာဖတ်နေတဲ့ ချစ်မိတ်ဆွေတွေတော့မသိဘူး . . ကျွန်တော်ကတော့ ကျွန်တော့ထက်ကြီးသူတွေကနေထက်စာရင် ငယ်ရွယ်သူတွေထံက သင်ယူရတာ ပိုနှစ်သက်ပါတယ်။ သင်တယ်ဆိုတဲ့နေရာမှာ စာသင်တာကိုအဓိကပြောလိုတာမဟုတ်ပဲ သူတို့သိထားတဲ့ အတွေ့အကြုံ၊ သင်ယူထားတဲ့ ပညာအရည်အချင်းအကြောင်း ပြန်ပြောပြတာမျိုးလည်းပါဝင်ပါတယ်။
.
. တစ်ရက်မှာ ပစ်ထားတာကြာပြီဖြစ်တဲ့ ကျွန်တော့ရဲ့အလုပ်လျှောက်လွှာ - “ ရစမီ - Resume ” ကို ပြန်မွမ်းမံဖို့အကြောင်းဖန်လာတယ်။ ဒါနဲ့ လုပ်နေကျအတိုင်း ရေးထားတဲ့ဖိုင်ကိုပြန်ရှာတယ်။ ဘာတိုးရမယ် ဘာလျှော့ရမယ်ဆိုတာကို အကြမ်းရေးတယ်။ စာပြန်စီတယ်။ ပြီးတော့ နောင်တစ်ချိန်အလုပ်လျှောက်ရမယ်ဆိုရင် လျှောက်ရမယ့်ကုမ္ပဏီရဲ့သမိုင်းနောက်ခံ နဲ့ သူတို့မျှော်လင့်ထားတဲ့ လုပ်ငန်းလိုအပ်ချက် နဲ့ လျှောက်ထားသူရဲ့လိုအပ်ချက်တွေကို စဉ်းစားရပါတယ်။
.
.
. ဘယ်လိုရေးရေး စိတ်တိုင်းမကျတာ မြန်မာအခေါ် - CV ဖောင် ( သို့ ) Resume လို့ ပြောချင်တယ်။ Facebook မှာ စာရေးရတာလွယ်တယ်။ ဒါပေမယ့် Resume မှာ အင်တာဗျူးထိုင်သူတွေဖတ်ချင်တာ၊ ကြားချင်တာတွေပါဖို့ လိုရင်း/တိုရှင်း ချုံ့ပစ်ရတာ သိပ်မလွယ်ပါဘူး။ ဒီအတွက် စာအရေးအသားကို တိုတိုတုတ်တုတ် နဲ့ ချက်ကောင်းအကြောင်းအရာတွေပါအောင်ရေးသားဖို့ ငယ်ငယ်တုန်းက ( ၅ ) တန်းမှ အင်္ဂလိပ်စာကို စသင်ခဲ့ရတဲ့ ကျွန်တော့ဦးနှောက်ကို ကျွန်တော် မယုံဘူးဖြစ်နေပါတယ်။
.
. ဒီနေရာမှာ အခက်အခဲကိုဝင်ဖြေရှင်းပေးသူကတော့ ဇာတ်လိုက်ကျော်ကြီး “ စွမ်း ” ပါ။ သူက ကျွန်တော်လုပ်ထားတဲ့ Microsoft Word က ကိုယ်ရေးအချက်အလက်တွေကို Google Drive က Google Doc ဖိုင်တစ်ခုကို ကူးယူပါတယ်။ တစ်ဆက်တည်းမှာ Google မှာ ရွေးချယ်ဖို့ပေးထားတဲ့ နမူနာ - Template တွေထဲကနေ ကျွန်တော်နဲ့ကိုက်ညီမယ့် ပုံစံ - Format တစ်ခုကိုရွေးပါတယ်။
.
.
. အင်တာနက်ချိတ်ဆက််ထားတဲ့ကွန်ပျူတာပေါ်မှာ Microsoft Word ဖိုင်တစ်ခုဖွင့်ပြီး New အနေနဲ့ရှာလိုက်ရင် အထက်ကပြောခဲ့သလို ရွေးစရာနမူနာတွေရှိပါတယ်။ ဒါကို စွမ်း က “ ကုမ္ပဏီမှာအလုပ်လုပ်ရင်ဖြစ်ဖြစ် ကိုယ်ပိုင်စီးပွားရေးလုပ်ရင်ပဲဖြစ်ဖြစ် နောက်ပိုင်းမှာ Google Doc သုံးသင့်တယ်။ သူက အင်တာနက်အမြဲလိုတယ်ဆိုပေမယ့် အွန်လိုင်းမရှိတဲ့ Offline အခြေအနေမှာလည်း ကိုယ်ရေးထားတာကို သိမ်းထားပေးတယ်။ ဒီဖိုင်တွေကို Google ရဲ့ အွန်လိုင်းသိမ်းဆည်းမှု ဆာဗာ - Data Center တွေမှာတက်သိမ်းထားတာကြောင့် ဒီဖိုင်ကို ကွန်ပျူတာပြောင်းပြီး ဖွင့်မလား? တက်ဘလက်မှာ ဖွင့်မလား? လက်ကိုင်ဖုန်းပေါ်မှာ တည်းဖြတ်မလား? အားလုံးအဆင်ပြေတာကြောင့် ကိုယ်နဲ့တစ်ပါတည်းပါတဲ့စာရင်းတစ်ခုဖြစ်သွားပါတယ် ” လို့ ရှင်းပြတယ်။
.
. ကွန်ပျူတာကိုတဂျောက်ဂျောက်ခေါက်ရင်းလက်မအားတဲ့ “ စွမ်း ” ဟာ သူ့ဆီဝင်လာတဲ့အီးမေးလ်တွေကို လက်ကိုင်ဖုန်းမှာစစ်နေရုံမက ကျွန်တော့ Google Doc မှာရေးထားတဲ့ Resume ထဲက စာသားတွေကို နေရာချပေးတယ်။ အဲဒါကို ကျွန်တော်က ဒီဘက်ကနေ ကွန်ပျူတာနောက်တစ်လုံး နဲ့ Google Doc ထဲဝင်ပြီး မလိုချင်တာတွေဖြုတ်၊ လိုချင်တာတွေတိုးရင်း Google Cloud ရဲ့ - Synchronized ဖြစ်အောင်လုပ်ပေးထားတဲ့ Feature ကြောင့် သူ့စက်ထဲကရိုက်နေတဲ့စာတွေကို ကျွန်တော့ကွန်ပျူတာထဲမှာ အချိန်နဲ့တစ်ပြေးညီ မြင်နေရပါတယ်။
.
.
. မြန်မာနိုင်ငံကလာခဲ့သူပီပီ ဘာလုပ်တတ်တယ်၊ ဘယ်ကိစ္စတွေမှာကျွမ်းတယ်ဆိုတာကို ကျွန်တော်က Resume ထဲမှာ မဆံ့မပြဲထည့်ချင်တာကို “ စွမ်း ” က “ နည်းနည်းရှင်းပြရလေ ပိုကောင်းလေ . . အမှားနည်းလေ ” တဲ့။ သူက “ ကိုယ်ပြောချင်တာကို အကုန်ပါအောင် ကျစ်ကျစ်လစ်လစ်လေး ကွက်တိရေးပြတော့ အင်တာဗျူးထိုင်မယ့်သူတွေရဲ့အချိန်ကိုဖြုန်းရာမရောက်သလို ဖွဲ့ကာ နွဲ့ကာ ချဲ့ကားရေးထားပြီး စိတ်ဝင်စားစရာမကောင်းတဲ့ Resume ပိုင်ရှင်ကို ဘယ်သူက အလုပ်ခန့်ချင်ပါ့မလဲ ” လို့ ဆက်ရှင်းပြတယ်။
.
. Resume တစ်ခုရဲ့ အခင်းအကျင်းပုံစံမှာတော့ နာမယ်၊ လိပ်စာ၊ ဖုန်းနံပါတ် နဲ့ အီးမေးလ်လိပ်စာက ထိပ်ပိုင်းမှာ နေရာယူပါတယ်။ အဆင့်မြင့်တဲ့ပညာရှင် - Professional တစ်ယောက်ဆိုရင်တော့ ဖတ်လိုက်သူလန့်သွားပြီး ချက်ချင်းအလုပ်ခန့်ချင်လောက်အောင် သူ့ရဲ့ Facebook ၊ LinkedIn နဲ့ ဝဘ်ဆိုဒ်တွေကို လှလှပပ ခန့်ညားထယ်ဝါစွာ ထည့်သွင်းနိုင်ပါတယ်။
.
.
. Objective နေရာမှာ ကိုယ်ကျွမ်းတဲ့၊ လုပ်နိုင်တဲ့၊ လုပ်ထားဖူးတဲ့အောင်မြင်မှုတွေကို တစ်လိုင်းချင်းစီထည့်သွင်းရပါမယ်။
.
. အောက်မှာမှ Experience ခေါင်းစဉ်အောက်မှာ ကိုယ်လုပ်ခဲ့ဖူးတဲ့ လုပ်ငန်းအတွေ့အကြုံကို တစ်အုပ်စုချင်းစီ နေရာ၊ ကုမ္ပဏီနာမယ်၊ လုပ်ကိုင်ဖူးခဲ့တဲ့ကာလအပိုင်းအခြား၊ ရာထူး နဲ့ တာဝန်ဝတ္တရားတွေကို သပ်သပ်ရပ်ရပ်ရေးပြရပါမယ်။
.
.
. အဲဒီလိုရေးပြလာလိုက်ရင် အောက်မှာ ပညာရေး - Education နေရာရောက်တော့မှ ဘာကျောင်းတက်ခဲ့တယ်၊ ဘာဘွဲ့တွေရပြီး ဘယ်နယ်ပယ်တွေမှာကျွမ်းတယ်ဆိုတာကို ရေးပြရပါမယ်။ ဒီနေရာကိုတော့ အင်တာဗျူးထိုင်သူတွေ မဖြစ်မနေ ဖတ်ကြတဲ့အပိုင်းဖြစ်ပြီး သူတို့စိတ်ထဲရှိတဲ့ “ မင်း ကျောင်းတက်တုန်းက ပညာရပ်တွေကို ဘယ်လောက်သိသလဲ ?” ဆိုတဲ့မေးခွန်းတွေကို ဖြေဖိို့ပြင်ဆင်ထားရပါမယ်။
.
. ဒါက ကျွန်တော်သိတဲ့ သမားရိုးကျရေးနည်းပါ။ “ စွမ်း ” က ပြောစရာများနေတဲ့ကျွန်တော့ Resume ကို အောက်မှာ ဖြည့်စွက်အကြောင်းအရာ - Additional Information ဆိုပြီး ထပ်တိုးပေးပါတယ်။ အဲဒီမှာ ကျွန်တော်ပိုသိတဲ့အကြောင်း၊ ပိုလုပ်နိုင်တဲ့အရည်အချင်းတွေကို သိပ်သည်းကျစ်လစ်တဲ့အင်္ဂလိပ်စာနဲ့ ခပ်တိုတိုရေးပေးတယ်။
.
.
. အခုနောက်ပိုင်း အလုပ်လျှောက်လွှာတွေမှာ မျက်နှာဖုံး - Cover Letter ကို အလေးပေးဖတ်ရှုလာတာ သတိထားမိတဲ့အပြင် ပညာရှင်တစ်ချို့ဆိုရင် သူတို့ရဲ့ဓါတ်ပုံ၊ ဝဘ်ဆိုဒ်ရဲ့ပုံ - Screen Shot တွေကိုပါထည့်သွင်းလာကြတယ်။ ပြီးတော့ ဒီ Cover Letter ထဲမှာ Resume ကို တည့်တည်ကြီးပြန်မညွှန်းတဲ့ တစ်ခြားပြောစရာတွေကို အလွန်ဆုံး စာလုံးရေ ( ၅ဝဝ ) ခန့် ရေးထည့်သင့်ပါတယ်။
.
. ဥပမာ - ကုမ္ပဏီတိုးတက်အောင်ဘာလုပ်ချင်တယ်၊ ကျွန်တော်/ကျွန်မသာဆိုရင် ဒီနေရာမှာ ဒီလိုလုပ်ပြီး အောင်မြင်စေရမယ်၊ ဟိုနေရာမှာဆိုရင် ဒီလိုဆုံးရှံူးမှုမျိုးအစား တစ်ခြားအစားထိုးလုပ်ဆောင်မှုတစ်ခုခုကို လုပ်ဖို့အကြံပေးမိတယ် . . ဘာ . . ညာ ဆိုပြီး ရေးသင့်တယ်လို့ “ စွမ်း ” က ရှင်းပြပြီး သားအဖနှစ်ယောက် Resume ရေးသားခြင်းဟာ ညသန်းခေါင်ကျော်တော့ ပြီးဆုံးသွားပါတယ်။
.
.
. ဒီနိုင်ငံက ကျေးဇူူးရှိတဲ့အစ်မက ကျွန်တော်အမေရိကားမလာခင်ကတည်းကသင်ပေးထားတာတစ်ခုရှိတယ် “ အရေးကြီးတဲ့စာရွက်စာတမ်း၊ ပုံတွေ၊ မှတ်စုတွေကို အီးမေးလ်ထဲက Draft မှာ သိမ်းထားပါ ” ဆိုတာလေးပါ။ ကျွန်တော် အဲဒါကို အမြဲလိုက်နာတယ်။ ဒါကြောင့် ရုံးတွေ ကန႖ားတွေသွားလို့ တစ်ခုခုလိုရင် အင်တာနက်တောင်းဖွင့်ပြီး သိမ်းထားတဲ့အထဲကနေ ပြန်ထုတ်ပေးတာမျိုးကြောင့် အဆင်ပြေခဲ့တဲ့သာဓကတွေ ကျွန်တော့မှာရှိတယ်။
.
. အခုနောက်ပိုင်းကျတော့ ကားသော့မှာ USB သော့ချိတ်တစ်ချောင်းတွဲထားပြီး အရေးကြီးတဲ့ ကဒ်ပြားတွေ၊ ပါ့စပို့ ပုံတွေ နဲ့ Resume တွေကို ဘီးလိမ့်လေရာဆောင်သွားတော့တာပါပဲ။ ဘာပဲပြောပြော ကျွန်တော်ဟာ “ ကြီးသူ ” ဆီကရော “ ငယ်သူ ” ဆီကပါ ပညာသင်ချင်သူပါ။ အခုဆို “ သမီး နဲ့ သား ” တို့လို “ မျိုးဆက်သစ်တွေ ” ဆီကပါ ပညာယူဖို့ စောင့်နေပါတယ်။ ဒီနေ့တော့ သား “ စွမ်း ” နားက လေ့လာခဲ့ရတဲ့အသိပညာတွေကြောင့် ကျွန်တော့ Resume လည်း အသစ်ဖြစ်ခဲ့ရပြီ။ ကိုအောင်ကိုလတ်စကားငှားပြောရရင် “ ( ၇ ) နှစ် ရှိပြီ ” ။
.
. ခင်လျက်
.
. ကိုညီညီ ( တောင်ကြီး )
. 05-12-2017