အဆုံးအဖြတ်တစ်ခုရဲ့လားရာ ( တိုးနီ ဧကာဒသမပိုင်း ) ၁၁။

ဆောင်းပါးရှင် - ကိုညီညီ ( တောင်ကြီး )

.

.

မြန်မာရှေ့နေနဲ့တွေ့တဲ့အချိန် သူတောင်းသမျှအချက်အလက်တွေကို ကျွန်တော်ပေးလိုက်တယ်။ လိုတာရှိရင် သူပြန်လာလိမ့်မယ်။ ပိုတာဆိုရင်လည်း အမှုတွဲထဲ သူထည့်ရေးမှာမဟုတ်ဘူး။ ဒါဟာ သူ့လိုင်း .. သူကောင်းကောင်းကျွမ်းတာ စကားပြောတာနဲ့တင် ကျွန်တော်သိတယ်။ ကိုအယ်လ်ခမ်းကို ပြောပြတော့ သိပ်စိတ်မပူုဖို့ ထပ်အားပေးရှာပါတယ်။ ကိုအယ်လ်ခမ်း ကျွန်တော့ကို ထပ်ကူညီတာ ရှိသေးတယ်။

.

.

ကျွန်တော့ကို Resume ရေးပေးတယ်။ အလုပ်အတွက် ထောက်ခံပေးတယ်။ ခင်တဲ့မင်တဲ့သူတွေကို ပြောပေးတယ်။ နောက်ဆုံးတော့ ကျွန်တော် မီးဖိုချောင်မှာ အလုပ်ရတယ်။ မြန်မာနိုင်ငံတုန်းက ကြားခဲ့သလို တစ်နာရီ ( ၈ ) ဒေါ်လာမဟုတ်ဘူးနော်၊ လုပ်ခ က တစ်ရက်ကို ( ၃ ) ဒေါ်လာထဲ ရတာ။ ဘယ်တူပါ့မလဲ ဒီနေရာက ဒုက္ခသည်ထိန်းသိမ်းရေစခန်းဆိုတော့ သူ့အိုးနဲ့သူ့ဆန် တန်ရာပေါ့။

.

အလုပ်အကြောင်း နည်းနည်း ရှင်းပြပါဦးမယ်။ အဝတ်လျှော် - Laundry မှာ လုပ်လို့ရတယ်။ သက်သာပေမယ့် ဘာစားစရာမှ မရှိဘူး။ မီးဖိုချောင်မှာလုပ်ရင် ပိုပင်ပန်းပေမယ့် အစားချောင်တယ်။ ကိုယ်ကြိုက်တာ ကိုယ်ချက်ပြီး အရင် ကစ်ထားလို့ရတယ်။ Kitchen မှာ လှည်းနဲ့ ထမင်းလိုက်ပို့တယ်ဆိုတာမျိုးလည်း ရှိသေးတယ်။ ကျွန်တော်က ကွဲနေတဲ့ သူငယ်ချင်း ( ၄ ) ယောက်နဲ့ ဗမာတွေကို ရှာချင်တာဆိုတော့ ကိုအယ်လ်ခမ်း ရဲ့ လမ်းညွှန်ချက်အတိုင်း ထမင်းလိုက်ပို့တဲ့အလုပ်ကို ရွေးလိုက်တယ်။

ငွေမရပဲ ဘယ်သူက အလကားလုပ်ပေးမှာလဲ ( တိုးနီ ဒသမပိုင်း )

ဆောင်းပါးရှင် - ကိုညီညီ ( တောင်ကြီး )

.

.

တစ်ပတ်လောက် ထမင်းလိုက်ပို့ရင်း စနည်းနာလိုက်ရုံနဲ့ ကိုအယ်လ်ခမ်းဟာ အားတက်စရာ သတင်းတစ်ချို့ကို ယူဆောင်လာတယ်။ သူငယ်ချင်းတွေရှိတဲ့နေရာတွေကို သိပြီ။ အပိုဆု အနေနဲ့ မြန်မာ ( ၁၅ ) ယောက်လောက်ရှိတယ်ဆိုတာကိုပါ စုံစမ်းနိုင်ခဲ့တယ်။ သူကတစ်ဆင့် ဆက်သွယ်ပြီး အဆင်ပြေတဲ့အကြောင်း တစ်ဖက် နဲ့ တစ်ဖက် အကြောင်းကြားနိုင်ခဲ့လို့ စိတ်သက်သာရာ ရခဲ့တယ်။ ပြောရမယ်ဆိုရင် ကိုအယ်လ်ခမ်းက သူ့ဘယ်လိုအကြောင်းပါပြီး ဒီကိုရောက်လာတယ်ဆိုတာကိုသာမပြောတာ ကျန်တာကျတော့ ဘဝတူချင်းမို့ တတ်နိုင်သလောက် ကူညီပါတယ်။

.

.

ပထမဦးဆုံးရတဲ့အကူအညီက လူမွဲဖြစ်နေတဲ့ ကျွန်တော့ကို ဖုန်းကဒ် ချေးပေးတာပါပဲ။ ( ၅ ) ဒေါ်လာတန်ကဒ်ပါ။ အဲဒါနဲ့ ကျွန်တော့မိတ်ဆွေကိုဆက်လိုက်တဲ့အခါ အရမ်းအံ့သြသွားသလို စိတ်လည်းအရမ်းပူနေတာ သိရတယ်။ အားတက်သရော သူဘယ်လိုကူညီပေးရမလဲ? လိုအပ်တာပြောဆိုတော့ ပိုမိုနားလည်နှံ့စပ်တဲ့ ကိုအယ်လ်ခမ်း နဲ့ ဖုန်ပြောခိုင်းလိုက်တယ်။ ကိုအယ်လ်ခမ်းအကြံပေးတာက ...

.

အရင်ဆုံး ရှေ့နေရှာပါ။ ကိုယ်ဖာသာကိုယ် Story တည်ဆောက်ပါ။ ဆိုလိုတာက ဒီနိုင်ငံက ကိုယ့်ကို ဒုက္ခသည်အဖြစ်လက်ခံဖို့ တရားသူကြီးကို တင်ပြနိုင်ဖို့ ဇာတ်လမ်းတစ်ခုလိုတယ်။ ယုံကြည်နိုင်လောက်တဲ့ ရှေ့နေနဲ့တိုင်ပင်ပါ။ အချက်အလက်တွေ အဆင်သင့်ဖြစ်ရင် တရားသူကြီးကို ဦးတိုက်လျှောက်ပါ လို့ နည်းလမ်းပေးပါတယ်။

ဘာမှအားမငယ်နဲ့ တိုးနီ … ( နဝမပိုင်း )

ဆောင်းပါးရှင် - ကိုညီညီ ( တောင်ကြီး )

.

.

လှံထမ်းလာတာကို မြင်ရ၊ ကံထမ်းလာတာကို မမြင်ရဆိုတဲ့ မြန်မာစကားပုံဟာ မြန်မာ့မြေပေါ်မှာတင်မက အမေရိကန်မြေဆီလွှာပေါ်မှာလည်း မှန်နေတယ်ဆိုတာ စောနက ထွက်လာတဲ့ အဖွဲ့ ( ၂ ) ဖွဲ့က သက်သေပြသွားတာကို မြင်လိုက်ရတယ်။ ကျွန်တေ်ာတို့အပေါ်ကိုရော ဘယ်လိုကံမျိုး ကျရောက်မလဲဆိုတာ သိချင်နေမိတယ်။ အခန်းဝက Officer က နာမယ်ခေါ်တဲ့အခါ ကျွန်တော်တို့ကို အခုရောက်နေတဲ့ ထိန်းသိမ်းရေးဋ္ဌာနမှာ သွားလာလှုပ်ရှားနိုင်ဖို့ မှတ်ပုံတင် - ID လုပ်ပေးမယ်လို့ ပြောပါတယ်။ မျက်စိတည့်တည့်လောက်မှာ ကောင်တာပေါ်က ကင်မရာနဲ့ လိုင်စင်ဆိုဒ် ဓါတ်ပုံရိုက်ပြီး လိုအပ်တဲ့အချက်အလက်တွေဖြည့်ပြီးတဲ့အခါ ပလပ်စတစ်လောင်းပေးလိုက်တယ်။ လောလောဆယ် ကျွန်တေ်ာ့မှာ သက်သေခံအထောက်အထားတစ်ခုတော့ရပြီ။

.

.

သူတို့ရဲ့ လုံခြုံရေးစံနစ်ကို ထိန်းချုပ်တဲ့လူ သတ်သတ်ရှိပုံရတယ်။ ဆက်စပ်အခန်းငယ်တွေကြားမှာ ဦးဆောင်လိုက်ပို့တဲ့ အရာရှိကိုယ်တိုင် တံခါးမှာရှိတဲ့ လျှို့ဝှက်နံပါတ် ရိုက်သွင်းရသလို CCTV  ကင်မရာကို မော့ကြည့်ပြီး ခွင့်တောင်းမှ ဖွင့်ပေးတယ်။ လမ်းကျဉ်းကျဉ်းလေးကတစ်ဆင့်ခေါ်သွားတဲ့နေရာမှာ ဝတ်ထားတဲ့ အကျီတွေနဲ့ သူတို့ယူနီဖောင်း လဲရပြန်ပြီ။ ( ၅ ) မိနစ်ပဲ အချိန်ပေးတယ်။ တစ်ချိန်ချိန် ဒီဋ္ဌာနကနေ ထွက်သွားတဲ့အခါ ပြန်မှတ်မိအောင်လို့ အမှတ်အသားလုပ်ပြီး သိမ်းထားပေးပြန်တယ်။

အာလူးကြော်လို ကြွပ်ကြွပ်ရွရွမဖြစ်တဲ့ဘဝ ( တိုးနီ အဋ္ဌမပိုင်း )

ဆောင်းပါးရှင် - ကိုညီညီ ( တောင်ကြီး )

.

.

မနက်စောကြီးလာခေါ်တော့ ပုံးအပြာကြီး ပြန်တွန်းလာပြီး ကျွန်တော်တို့လာခါစက အကျီထုတ်တွေကို ပြန်ရွေးယူခိုင်းတယ်။ လက်ရှိဝတ်ထားတဲ့ ထိန်းသိမ်ရေးစခန်းက အဝတ်အစားတွေကို ပြန်လဲခိုင်းတယ်။ သူတို့ပေးထားတဲ့ အဝတ်တွေကို အဲဒီပုံးထဲ ပြန်ထည့်ရမယ်တဲ့။ ကားပေါ်မတက်ခင်မှာ လက်ထိပ်ခတ်ပြန်တယ်။ အိပ်ချင်မူးတူးနဲ့ စိတ်ညစ်နေရတဲ့အထဲ လက်ထိပ်ခတ်ခံရတာ မြန်မာနိုင်ငံမှာဆို မင်္ဂလာမရှိတဲ့ မနက်ခင်းလေးလို့ပြောရမှာပေါ့။ သွားရမယ့်နောက်ထပ်တစ်နေရာက ကျွန်တော်တို့ဘဝကို အလှည့်အပြောင်းတစ်ခု လုပ်ပေးနိုင်မယ်ဆိုရင်တော့ လက်ထိပ်နဲ့လည်း မင်္ဂလာရှိပါတယ်လို့ အကောင်းဖက် လှည့်တွေးမိလိုက်ပါတယ်။

.

နောက်ထပ် ခပ်လေးလေး လှည်းတစ်စီးဝင်လာတော့ ကျွန်တော့အတွေးမျှင်စတွေ ပြတ်တောက်ကုန်တယ်။ စိတ်လည်း တော်တော်ညစ်သွားတယ်။ လှည်းပေါ်မှာ ခြေကျင်းဝတ်တွေ အများကြီးပါလား။ လူအားလုံးကို ခြေကျင်း နဲ့ လက်ထိပ်ကို ဘောက်ချိတ်နဲ့ တွဲခတ်လိုက်ကြတယ်။ အရာရှိတစ်ယောက် အားလုံးကိုရှင်းပြတာက “ အခုသွားမယ့်နေရာက ဝေးတယ်။ ကြားထဲမှာ မြို့ငယ်လေးတွေကို ဖြတ်သွားစရာရှိတယ်။ ထွက်ပြေးလို့မရအောင်လို့ ယာယီခတ်တာပါ။ စိတ်မပူကြပါနဲ့ ” လို့ အင်္ဂလိပ်လိုရော စပိန်စကားနဲ့ရော ကောင်းကောင်းမွန်မွန် ရှင်းပြပါတယ်။

.

.

ကျွန်တော်က ( ၄ ) ဂဏန်းနဲ့ တော်တော်အကျိုးပေးပုံ ရတယ်။ ကားပေါ်မှာ နေ့လည်စာ - Lunch ပေးတော့ အထဲမှာ ( ၄ ) မျိုး ပါနေတယ်။ ဆန်းဝှစ်တစ်ခု၊ လိမ္မော်သီးတစ်လုံး၊ ပန်းသီးဖျော်ရည်စက္ကူဗူးတစ်ဗူး နဲ့ Lay တံဆိပ် Classic အာလူးကြော်တစ်ထုပ်။ အခုနောက်ပိုင်း အဲဒီအာလူးကြော်ထုပ်ကိုတွေ့မိတိုင်း အတိတ်ဘဝကို မမေ့နိုင်ဘူး။ ပုံရိပ်တွေ ပြန်ပြန်ပေါ်လာတယ်။ စားရပုံလည်းကြည့်ဦး .. လက်နှစ်ဖက်က ခတ်ထားတော့ အာလူးကြော်ထုပ်ကို ကိုယ်တိုင်မဖောက်နိုင်ဘူး။ ဖောက်လို့ရတော့လည်း လက်နှိုက်စားလို့ မရပြန်ဘူး။ လက်ဖဝါးပေါ်မှာတင်ပြီးတော့ လူက အရှေ့ကို ကိုင်းပြီး စားရတယ်။ ပန်းသီးဖျော်ရည်ဆိုလည်း ကိုယ့်လက်နဲ့ကိုယ်အဖုံးမဖွင့်နိုင်ပြန်ဘူး။ သိပ်ခက်ခဲတဲ့ ဘဝပါ။

လာပြန်ပြီ ( ၄ ) နာရီ ( တိုးနီ သတ္တမပိုင်း )

ဆောင်းပါးရှင် - ကိုညီညီ ( တောင်ကြီး )

.

.

ဒီဇင်ဘာလရဲ့ ရာသီဥတုက ဒီဒေသမှာ ကြမ်းတယ်။ ပူရင်အရမ်းပူပြီး ချမ်းတဲ့အခါ ရေခဲရေနဲ့ပက်လိုက်သလို မခံမရပ်နိုင်အောင် ချမ်းတယ်။ မကြာသေးခင်ကမှ ရေချိုးထားရုံမက အကျီတွေက ကိုယ်ဝတ်နေကျမဟုတ်ပြန်။ အပြောင်းအလဲကို ဒေါင်ကျပြားကျ ရင်ဆိုင်နေရတဲ့ ကျွန်တော်ဟာ မဟာရွှေမန္တလေးရာသီဥတုကို သတိရနေမိတယ်။ အခုဒီနေရာကတော့ ကျွန်တော်အပါအဝင် ခရီးသွား ( ၅ ) ယောက် တရားဝင်ဒုက္ခသည်အဖြစ်ကြေငြာခဲ့ကြတဲ့ မက္ကဆီကို-အမေရိကန်နယ်စပ်ဒေသ က တက္ကဆက်ပြည်နယ် ဖြစ်ပါတယ်။

.

.

အစောင့်ရဲ ( Officer ) က ကျွန်တော်အိပ်ရမယ့်ကုတင်နံပါတ် ( ၁၃ ) ကို လိုက်ပို့တယ်။ နှစ်ထပ်ကုတင်တွေမှာ အပေါ်က စုံ,နံပါတ်ဖြစ်ပြီး အောက်ကတော့ မ,နံပါတ် မို့လို့ ကျွန်တော်က အောက်မှာ အိပ်ရမယ်ထင်တယ်။ ဘယ် နဲ့ ညာ နှစ်ခြမ်းစလုံး ကုတင်တွေ တန်းစီထားပြီး အလယ်လျှောက်လမ်းမှာ သံထိုင်ခုံ နဲ့ သံထမင်းစားပွဲခုံကို ကြမ်းပြင်မှာ အသေစိုက်ထားတယ်။ အမြဲမခွဲဘူးဆိုတဲ့ သူငယ်ချင်းတွေ ( ၂ ) ယောက်တစ်သုတ် နဲ့ ( ၃ ) ယောက်တစ်သုတ် ကွဲသွားပါတယ်။ ကုတင်ပေါ်မှာ မွှေ့ရာနဲ့တူတဲ့ ဖော့ကို ပလပ်စတစ်နဲ့အုပ်ထားတဲ့ အခင်းလေးတစ်ခုခင်းထားတယ်။ ကျွန်တော့်အပေါ်အထပ်မှာအိပ်မယ့်သူက မက္ကဆီကန်ပုပုလေး တစ်ယောက်ပါ။

.

ကျွန်တော်တော့ တော်တော်လေး စိတ်ဓါတ်ကျနေမိတယ်။ ဘယ်နားရောက်လာလို့ ဘာတွေဆက်ဖြစ်မလဲဆိုတဲ့အတွေးရဲ့အဖြေကို အခုအချိန်ထိ နီးစပ်လောက်အောင် ရှာမတွေ့သေးဘူးလေ။ ကုတင်နားမှာ ပစ္စည်းတွေ စီမယ်လို့လုပ်တုန်း ကျွှန်တော့်နားကို လူတွေဝိုင်းအုံလာတယ်။ သူတို့ဘာသာစကားနဲ့ အပီအပြင် လာပြောနေတဲ့ပုံပဲ။ ဒါပေမယ့် ကျွန်တော်တစ်လုံးမှနားမလည်ဘူး “ I’m no Mexican ” လို့ တွေ့ကရာ ကျိုးပဲ့အင်္ဂလိပ်နဲ့ ပြန်ပြောလိုက်မိတယ်။ အခုနောက်ပိုင်းမှ ပြန်စဉ်းစားမိတယ်။ မြန်မာနိုင်ငံကထွက်လာကတည်းက တစ်ရက်မှ စိတ်မချမ်းသာရသေးဘူး။ နေ့တိုင်း စိတ်ပိန်ချုံးရုံမက ခန္ဓာကိုယ်ကလည်း ပါးပါးလေးပဲ ကျန်တယ်။ ဒါကြောင့် သူတို့လူမျိုးနဲ့ ခပ်ဆင်ဆင်တူနေတာနေမှာ။

တိုးနီ နဲ့ ကုတင်နံပါတ် ( ၁၃ ) ( ဆဋ္ဌမပိုင်း )

ဆောင်းပါးရှင် - ကိုညီညီ ( တောင်ကြီး )

.

.

သူငယ်ချင်းခေါင်းဆောင် ဆေးစစ်တဲ့အလှည့်တုန်းက မေးလာတဲ့သတင်းက သိပ်အားရစရာမရှိပေမယ့် ထွက်ပေါက်အနည်းငယ်တော့ ရခဲ့ပါတယ်။ “ မင်းတို့ လူငယ်လေးတွေ စိတ်မပူပါနဲ့။ ကြောက်စရာမလိုပါဘူး။ အခုက တာဝန်ရှိသူတွေက ဥပဒေအတိုင်း စစ်ဆေးတာပါ။ ဖမ်းတာမဟုတ်ဘူး။ မင်းတို့ကို ဒီကနေ လူအများကြီးရှိတဲ့နေရာကို ထပ်ခေါ်သွားလိမ့်မယ်။ ထိန်းသိမ်းရေးစခန်း - Camp ဝင်ဖို့ ပဏာမ စစ်ဆေးတာသာ ဖြစ်တယ်။ ဒီလိုလူအုပ်စုထဲက ပြန်ပို့နိုင်သူတွေကို ပြန်ပို့ပြီး ပြန်မပို့နိုင်သူတွေကို တရားဥပဒေအရ ဆက်လက်ကိုင်တွယ်သွားမှာဖြစ်တယ် ” ဆိုပြီး Doctor Officer ပြောတာကို ပြန်ပြောပြတယ်။

.

သို့သော်လည်း ဒီနေရာမှာ ကျွန်တော်တို့ ဘယ်လောက်ကြာအောင်နေရဦးမှာလဲ? အဲဒါကလည်း တရားသူကြီး - Judge နဲ့ဆိုင်တယ်လို့ ပြောပါသေးတယ်။ ဒါဆို ကျွန်တော်တို့လည်း Judge နဲ့ တွေ့ရဦးမှာ သေချာသလောက်ရှိတယ်။ စိတ်နည်းနည်းသက်သာသလိုတော့ရှိသွားပေမယ့် ဒီအခက်အခဲထဲက အမြန်ဆုံးလွတ်ချင်နေပါပြီ။ အမြန်ဆုံး လွတ်လပ်ချင်ပါပြီ။

.

.

မှာထားတဲ့အတိုင်း မနက် ( ၄ ) နာရီမှာ အခန်းတံခါးက တာဝန်ကျေစွာ ပွင့်လာတယ်။ ကျွန်တော်တို့မှာ မျက်နှာသစ်ဖို့ဝေလာဝေး၊ သွားတိုက်တံမရှိ ဘာမရှိ နဲ့ မျက်စိကိုပွတ်၊ မျက်နှာကို လက်နှစ်ဖက်နဲ့သပ်ချ၊ ခေါင်းကဆံပင်ကိုဖွ၊ ခြေဆန့်လက်ဆန့် လုပ်ပြီးသွားတာနဲ့ ကျွန်တော်တို့ အဆင်သင့်ဖြစ်နေပါပြီ။