Sexy ကို အဓိပ္ပာယ်ဖွင့်ပုံက ဆန်း

ဆောင်းပါးရှင် - ကိုညီညီ ( တောင်ကြီး )

.

.

Sexy စကားလုံးကို ကျွန်တော်တို့ ငယ်ငယ်ကတည်းက ရင်းနှီးပြီးသား ဖြစ်ပါတယ်။ ယောက်ျား မိန်းမ၊ အထီး အမ၊ ဆန့်ကျင်ဖက်လိင် စတဲ့ အဓိပ္ပာယ်နဲ့ မြန်မာ့ယဉ်ကျေးမှုမှာ အသုံးနည်းပြီး လူရှေ့သူရှေ့ ရှောင်ရှားသုံးစွဲရတဲ့ စကားလုံးအနေနဲ့ မှတ်ယူသင်ကြားခဲ့ရတယ်။ အသက်ကလေးရလာတာနဲ့အတူ နယ်ခြားရေခြားရောက်လာတဲ့အခါ အသုံး - Usage မတူတာတွေကို သိလာရတဲ့အပြင် ငိုအားထက် ရယ်အားသန် အဖြစ်အပျက်တွေလည်း ရှိခဲ့ပါတယ်။

.

နိုင်ငံရပ်ခြား အလုပ်ခွင်တွေမှာ မြန်မာတွေစုမိတဲ့အခါ အလုပ် ( ၂ ) ခု လုပ်တတ်ကြတယ်။ တစ်ခုက သူ့မှာပါတာယူလာ၊ ကိုယ့်မှာပါလာတာ နဲ့စု ထမင်းအတူစားရင်း အသုပ် “ သုပ် ” စားကြတယ် … ဒါက ပထမအလုပ် “ သုပ် ” ။

.

နောက်တစ်ခုက ကိုယ့်ဘေးနားမှာရှိနေတဲ့ လူမျိုးခြားအကြောင်းကို အတင်း “ တုပ် ” တာပါ။ ဒါမျိုးကျတော့ မြန်မာတွေ ခေတ်မီတယ်ပြောရမလား .. ယောက်ျားမိန်းမ မရွေး၊ နေရာဒေသ မရွေး၊ အချိန်အခါ မရှောင် ရှေ့မှာတည့်တည့်ထားပြီး တုပ် ကြပါလေရော။ ဟုတ်တယ်လေ .. သူတို့မှ နားမလည်တာ။ ကိုယ့်လူမျိုးအချင်းချင်းတွေ့တာတောင် ကိုယ့်မြန်မာစကား မပြောရတော့ဘူးလား?

ရွှေလား ငွေလား သေချာစဉ်းစား

ဆောင်းပါးရှင် - ကိုညီညီ ( တောင်ကြီး )

.

.

မြန်မာနိုင်ငံကနေ ခရီးထွက်တော့မယ်ဆိုတော့ ပစ္စည်းပစ္စယတွေထုတ်ပိုးရင်း လက်ဝတ်ရတနာတွေကို ဘယ်လိုသယ်သွားမလဲဆိုတာ ဝေခွဲရအခက်ခဲဆုံး ကိစ္စတစ်ခု ဖြစ်ခဲ့ရတယ်။ ရန်ကုန်အိမ်ကနေထွက်တော့ သယ်ချင်သမျှ ရွှေထည်တွေ ( သိပ်မများပါ ) .. ခန္ဓာကိုယ်ပေါ်မှာ ဆင်မြန်းပြီးသကာလ ကျွန်တော်တို့ဇနီးမောင်နှံဆိုတာ ရပ်တကာ ရွာတကာဖိတ်ထားတဲ့အလှူပွဲကိုသွားတဲ့ တောသူကြီးလင်မယားပုံစံ ပေါက်နေပါတော့တယ်။ တာဝန်ကျလေဆိပ်စောင့် ရဲမေက ဒီအထာသိတော့ ကျောက်တွေပါတဲ့ လက်ဝတ်တွေကို အသေအချာစစ်ဆေးနေပါတယ်။

.

ကိုယ်ကလည်း ခရီးစဉ်ဖြောင့်ချင်တာကြောင့် ဒီအခက်အခဲကို ကျော်ဖြတ်ဖို့ မြန်မာ့နည်းမြန်မာ့ဟန်နဲ့ ဘယ်လိုဖြေရှင်းရမယ်ဆိုတာ မသိတာမဟုတ်ပါ .. သိပါတယ်။ ဒါပေမယ့် မြန်မာနိုင်ငံမှာနေခဲ့တဲ့သက်တမ်းတစ်လျှောက်လုံး ဝန်ထမ်းတွေကို အဆိပ်ပင်ရေလောင်းသလို အားပေးအားမြှောက် ဆက်မလုပ်ချင်တော့တာကြောင့် ဘာမှမပေးပဲ နေလိုက်တယ်။ အဲဒီအခါကျ အထက်လူကြီးကိုဖုန်းဆက်တော့ အမျိုးသမီးရဲ့ စိန်ဆွဲသီးက ယူလို့မရဘူးပြောလို့ လိုက်ပို့သူနဲ့ ပြန်ထည့်ပေးလိုက်ရပါတယ်။ ငွေရှိလို့မဟုတ်သလို ရွှေရှိလို့လည်း မဟုတ်ပါဘူး။ တစ်ခါမှမရောက်ဖူးတဲ့ အမေရိကားဆိုတဲ့နိုင်ငံကိုသွားဖို့ အိမ်ပြောင်းတာထက်မလျော့တဲ့ ရွှေ့ပြောင်းသယ်ယူမှုတွေ လုပ်ခဲ့ရတဲ့သဘောပါ။

.

.

အမေရိကန်မြေဆီလွှာကိုနင်းတော့ အထင် နဲ့ အမြင်က တစ်ခြားစီဆိုတာ သိလာတယ်။ ဒီနေရာသစ်မှာ လူတွေ ရွှေမဝတ်ကြဘူး။ မြန်မာတွေလို တို့လို့တွဲလောင်းဝတ်တာ ဘာမှမရှိဘူး။ တွေ့ဖူးသမျှကတော့ ရွှေဖြူပါးပါးလေး နဲ့ လက်စွပ်ဖြူလေးနဲ့။ တစ်ချို့မိန်းကလေးငယ်လေးတွေကျ ဟမ်းချိန်းသေးသေးလေးဝတ်တာမျိုး ဒီလောက်ပဲ ဝတ်ကြတယ်။ ဒီတော့ ကျွန်တော်တို့ယူလာတဲ့ ရွှေတွေက ဥစ္စာခြောက်ဖို့ကလွဲရင် ဘာအသုံးကျဦးမှာလဲ? အဲဒါနဲ့ ကျေးဇူးရှိတဲ့အစ်မကို အကူအညီတောင်းပြီး သူ့ဘဏ်က သံသေတ္တာ - Locker ထဲမှာသိမ်းထားဖို့ သွားအပ်ထားရတယ်။ အိမ်မှာထားရင်လည်း လူကြီးတွေကအလုပ်သွား၊ ကလေးတွေကကျောင်းသွား နဲ့ စိတ်ချရပုံလည်း မရှိဘူးဆိုတော့လေ။ ဒါက ရောက်ပြီးမှ ကြုံရတဲ့ ရွှေ ဝတ်မရတဲ့ ဒုက္ခ။

သမ္မတ နဲ့ ကျောင်းသားလူငယ်ထောက်ပံ့ကြေးအက်ဥပဒေ

ဘာသာပြန်သူ - ကိုညီညီ ( တောင်ကြီး )

.
.

အားလုံးမင်္ဂလာပါ …

စီးပွားရေးနယ်ပယ်သစ်မှာ ကျွန်တော်တို့ရဲ့ အဆင့်မြင့်ပညာရေးက ဘယ်လောက်အရေးပါတယ်ဆိုတာ ဂျော်ဂျီယာ ပေါ်လီတက္ကနစ် နည်းပညာတက္ကသိုလ်မှာ ကျောင်းသားတွေ နဲ့ ကျွန်တော် စကားပြောခဲ့တယ်။ အများတတ်နိုင်အောင် ဘယ်လိုသက်သာတဲ့နည်းလမ်းရှိနိုင်မလဲဆိုတာကိုပါ ဆွေးနွေးခဲ့တယ်။

.

တီထွင်မှုနယ်ပယ်မှာတည်ထားတဲ့စီးပွားရေးတစ်ခုမှာ အဓိကအကျဆုံး ထုတ်ရောင်းနိုင်တဲ့အရည်အချင်းကတော့ “ သင် ဘယ်လောက်သိသလဲဆိုတဲ့ ဗဟုသုတ ” ပါပဲ။ ဒါကြောင့် အလယ်အလတ်တန်းစားမိသားစုအသိုင်းအဝိုင်းကိုဝင်ရောက်နိုင်ဖို့ အသေချာဆုံး နဲ့ အမြဲတစေ မုချလိုအပ်တာက အဆင့်မြင့်ပညာရေးစံနစ်ဖြစ်တယ်ဆိုတာ ကျွန်တော်အမြဲပြောနေခြင်း ဖြစ်တယ်။

.

ဒီကိစ္စဟာ ဘယ်တုန်းကမှ ဒီလောက်ဈေးမကြီးခဲ့ဖူးသလို ဘယ်တုန်းကမှလည်း ဒီလောက် အရေးမကြီးခဲ့ဖူးဘူး။ ပညာရေးဆုံးခန်းတိုင်ပြီး ကျောင်းပြီးသွားဖို့ ကျောင်းစားရိတ်ချေးငွေ - Student Loan ဟာ ကျောင်းသားတစ်ယောက်အတွက် လက်ရှိမှာ ပျမ်းမျှ ဒေါ်လာ ( ၂၈ဝဝဝ ) ကုန်ကျနေပါတယ်။