လွယ်လွယ်ရတဲ့ငွေကြောင့် အသက်ပေးရတတ်တယ်

ဆောင်းပါးရှင် - ကိုညီညီ ( တောင်ကြီး )

.

.

ကျွန်တော်ငယ်ငယ်ကနေတဲ့လမ်းထိပ်မှာ ဝက်ကန်ထရိုက်တစ်ယောက်က အင်မတန်ချမ်းသာတယ်။ သူ့အိမ်ဧည့်ခန်းက ကားလမ်းမဘက်ကို လှည့်နေတော့ အိမ်ရှေ့တံခါးကြီးသာ မပိတ်ထားရင် လမ်းသွားလမ်းလာတွေ အိမ်ထဲမှာ သူတို့ထိုင်နေတာ အကုန်လုံးမြင်နေရတယ်။ ညနေခင်း လုပ်ငန်းသိမ်းလို့ အရောင်းတော်တွေ စာရင်းပိတ်ချိန်ဆို ငွေတွေ .. ငွေတွေ ဆိုတာ မြွေရေခွံအိတ်နဲ့ထမ်းလာကြပြီး ဧည့်ခန်းကြမ်းပြင်မှာ မရေနိုင်လို့ နံပါတ်တပ်ပြီးသိမ်းရတယ်။ အဲဒီခေတ်အခါက ပုဂ္ဂလိကဘဏ်တွေ မထွန်းကားသေးတော့ ကိုယ့်အိမ်ဟာ ကိုယ့်ပိုင်ဆိုင်မှုသိမ်းဆည်းရာ နေရာပဲလေ။ ပေါ်ပေါ်တင်တင်ချမ်းသာလာလိုက်တာ တစ်လမ်းကျော်မှာ အိမ်တစ်လုံးဝယ်ပြီး အိမ်စီးကားကို စတိုခန်းထဲထည့်ပြီး ရောင်းစားနိုင်လာတဲ့အထိပဲ။

.

နောက်ပိုင်း ရပ်ကွက်ဥက္ကဌ ဖြစ်လာတယ်။ ဘယ်သူမှမသုံးခင် ကြိုးမဲ့ - Cordless Phone သုံးတယ်။ ရပ်ရေး ရွာရေးတွေ ဝင်လုပ်တယ်။ ထိပ်သီးပိုင်းအုပ်ချုပ်ရေးလောကမှာ ထင်ပေါ်ကြော်ကြားလာတယ်။ ငွေလှူတယ်။ ဦးဆောင်တယ်။ လိုင်းကားထောင်တယ်။ ကန်ထရိုက်တွေလိုက်ဆွဲတယ်။ ကားလမ်းတံတား အခွန်လေလံအောင်တယ်။ ဝက်ကန်ထရိုက်ထပ်ရတယ်။ ဈေးပစ်ပေးပြီးဝယ်တယ်။ နောက်ဆုံးတော့ စားသုံးသူတွေက ဝက်သား ဈေးကြီးကြီးနဲ့ ဝယ်စားရတယ်။ ဝက်ပေါ်ပြီး ဆိုင်ကယ်နဲ့လိုက်ရောင်းတဲ့ မှောင်ခိုဈေးကွက်ဖြစ်လာတယ်။ လိုက်ဖမ်းတယ်။ တရားစွဲတယ်။ လုပ်သူတွေက ခိုးရောင်းတယ်။ ဒါက စီးပွားရေး နဲ့ လူမှုရေးအပိုင်း။

.

အိမ်ထောင်ရေးမှာ တစ်ခါထဲ မိန်းမနှစ်ယောက်နဲ့ ပေါင်းသင်းနေထိုင်တယ်။ စကားမများဘူးလားလို့ မမေးပါနဲ့။ အကြီး နဲ့ အငယ်ကတည့်တယ် .. ညီအစ်မအရင်းခေါက်ခေါက်။ ဒါကထားလိုက်ပါ။ အကြီးနဲ့ သားသမီးမရလို့ ဒီလိုဇာတ်လမ်းဖြစ်တာပေါ့လို့ အတွင်းသိလူကြီးတွေပြောတာ ဘေးက ကလေး ကျွန်တော်က ခိုးနားထောင်ခဲ့ရတာကိုး။ တစ်ဖြည်းဖြည်းနဲ့ တွင်ကျယ်လာလိုက်တဲ့ ဂုဏ်သတင်းက ဘယ်လောက်အထိလဲဆိုတော့ သူ့ဝက်ရုံကသတ်တဲ့အသားက တစ်ခြားကထက် ပိုစားကောင်းတယ်၊ စားပြီးရင် စွဲနေတာပဲ ဆိုပြီးတောင် ပြောယူရတယ်။ လိုချင်သူတွေ မရမှာစိုးလို့ အော်ဒါမှာထားရတယ်။ ရတဲ့သူကလည်း အလှည့်နဲ့။ စဉ်းစားသာကြည့်ပါတော့ ဘယ်လောက်စီးပွားဖြောင့်သလဲဆိုတာ။ ဒါပေမယ့် ကားအစီးလိုက်သယ်လာတဲ့ ဝက်တွေကြားမှာ ဝက်သေတွေပါတာ ဘယ်သူမှမသိဘူး။ အဲဒီဝက်သေတွေထဲမှာ ဘာတွေပါတယ်ဆိုတာ သာတောင်ဆိုးသေး .. ဘယ်သူမှ မသိဘူးလေ။

အမေရိကန်ရောက်မြန်မာကျောင်းသားနှင့်မိဘများလွန်ဆွဲခြင်း

ဆောင်းပါးရှင် - ကိုညီညီ ( တောင်ကြီး )

.

.

မြန်မာနိုင်ငံကနေ အမေရိကားကို ကျောင်းလာတက်ကြသူတွေအားလုံးဟာ တက္ကသိုလ်တက်ကြသူတွေချည်းမဟုတ်ပါ။ တစ်ချို့ဆို IELTS အမှတ် နဲ့ GRE အမှတ်တွေအရ တက္ကသိုလ်ဝင်တန်းမှီရင်တောင် ကွန်မြူနတီ ပေါင်းကူးကောလိပ်မှာ ( ၁ ) နှစ်တန်သည် ( ၂ ) နှစ်တန်သည် ဘာသာစကားကောင်းမွန်ရေးအတွက် ကွန်းခိုတတ်ကြတယ်။ တစ်ချို့ အသက် ( ၂၁ ) နှစ်အောက်များကျပြန်တော့ ပြောင်းရွှေ့နေထိုင်သူမိဘတွေနဲ့လိုက်လာပြီး အလယ်တန်း၊ အထက်တန်းတွေ ကျော်ဖြတ်ကြရတယ်။ ငယ်ငယ်ကတည်းက လိုက်ပါလာသူတွေနဲ့ ဒီနိုင်ငံရောက် အမေရိကန်ပေါက်မြန်မာမျိုးဆက်သစ်တွေမှာ မတူညီတဲ့အမူအကျင့်တွေ ရှိနေတယ်။ သူတို့ကျင်လည်ရာ အသိုက်အမြုံမှာ ကြီးပြင်းဖော် ကြီးပြင်းဖက် မြန်မာလူမျိုးတွေမရှိရင် ပိုမိုထူးကဲ ပြုမူနေထိုင်ကြတယ်။
.
" အိမ်မှာ အင်္ဂလိပ်စကားမပြောရဘူး .. မြန်မာလိုသာပြောရမယ် " လို့ တားမြစ်ခံထားရတဲ့ ကလေးတွေဟာ မိဘ၊ မောင်နှမတွေနဲ့ တစ်မျိုးတစ်ဘာသာ ကွဲထွက်နေတတ်ကြတယ်။ ဆိုလိုတာက သူရဲ့ကျောင်းတစ်ရက်စာ လေ့ကျင့်ကွင်းမှာ ပြောရတာ အင်္ဂလိပ်စာ နဲ့ အင်္ဂလိပ်စကား၊ အိမ်ရောက်တော့ အင်္ဂလိပ်လို မပြောနဲ့ဆိုတော့ မကြိုက်ကြဘူး။ စိတ်ဓါတ်တူပြီး အသက်မကွာတဲ့ ညီအစ်ကိုမောင်နှမတွေရှိရင် သူတို့က တစ်အုပ်စု၊ မိဘတွေက တစ်အုစ်စု ဖြစ်ပြန်ရော။ ဂိမ်းလေး ဘာလေး ဆော့ရင် အော်ချင်ရာအော် ပြောချင်ရာပြော ဘိုလိုချည်းပဲ၊ ဒီအချိန်ဟာ သူ့ရဲ့ ကိုယ်ပိုင်လွတ်လပ်ချိန်လေ၊ မိဘတွေ တားမရတော့ဘူး။
.
တစ်ခြားဘက်က ပြန်ကြည့်မယ်ဆိုရင် ကိုယ့်ကလေးကို အင်္ဂလိပ်စာတော်စေချင်လို့ ရန်ကုန် နဲ့ နယ်တွေမှာ ILBC ထားရ၊ ဘုရင့်နောင်က YIEC မှာ ထားရ၊ ဝင်ဒါမီယာမှာ ISY ထားရ နဲ့ ကုန်လိုက်တဲ့ မိဘရဲ့ငွေတွေ သောက်သောက်လဲပဲ။ ကျောင်းကြိုချိန် မိဘချင်း ဂုဏ်တုဂုဏ်ပြိုင်လုပ်ရလို့ပင်ပန်းရပေမယ့် ကလေးက အသံထွက်ပီပီသသ နဲ့ အင်္ဂလိပ်စကားလေး နှစ်ခွန်း သုံးခွန်းလောက်ပြောလိုက်တဲ့အခါ မိဘတွေ အရည်ပျော်သွားကြစမြဲပါ။ 

ပြန်မပြောချင်တဲ့ သံယောဇဉ်မြန်မာအကြောင်းတွေ

ဆောင်းပါးရှင် - ကိုညီညီ ( တောင်ကြီး )

.
.
ပြော မပြောချင်ပါဘူး။  အမေရိကားရောက်တော့ နေကောင်းလား အဆင်ပြေလားဆိုပြီး နှုတ်ဆက်မိပါတယ် ပေးလိုက်တဲ့ ကတိတွေ များလွန်းလို့ ဘယ်နားသွားသိမ်းမှန်းမသိအောင် ဖြစ်ရတဲ့ " ကြိုရောက် " မြန်မာတွေရဲ့ အကြောင်း။

.

ဒီမြေကိုမနင်းခင်က အခုလို Facetime တို့၊ Viber တို့၊ Facebook Messenger တို့ဆိုတာ ပေါ်သေးတာ မဟုတ်ဘူး .. GTalk ခေတ်လေ အင်တာနက်ကဖေးမှာ တစ်နာရီ ( ၄ဝဝ ) နဲ့ သုံးရတဲ့အချိန်တွေ မှတ်မိကြတယ်မဟုတ်လား? ကိုယ်က တစ်ခုခုသိချင်တဲ့အခါ GTalk မှာ မီးစိမ်းလေးတွေ့လို့ခေါ်လိုက်ရင် ဖြေရမှာ စိုးလို့ပြေးရော .. လူမရှိတဲ့ပုံစံချိုးပြီး Profile ကို Idle လုပ်ထားလိုက်ကြတယ်။ ကိုယ်ကတော့ ရိုးရိုးဆိုတော့ ဘယ်သိပါ့မလဲ ကွန်ပျူတာနားမှာ လူတစ်ကယ်မရှိဘူးထင်တာပေါ့။

.

မအားရင်လည်း ပွင့်ပွင့်လင်းလင်းပြောပါ လူမှုရေးနာလည်ပါတယ်၊ အရှေ့ နဲ့ အနောက် နိုင်ငံခြားတော့ အချိန်ကွာတာလည်း သိပါတယ်။ ဒါပေမယ့် တစ်ခေါက်လည်းမဟုတ် နှစ်ခေါက်လည်းမဟုတ်ဆိုတော့ သတိထားမိလာတာပေါ့။ တစ်ခါကဆို ပိုဆိုးသေးတယ် .. ကွန်ပျူတာဖွင့်ဖွင့်ခြင်း GTalk လည်းဝင်လိုက်ရော မီးအစိမ်းကနေ Offline ချက်ချင်းကြီး ဖြစ်သွားတယ်။