နေရာသစ်မှသင်ယူခြင်း ၁

    

ဆောင်းပါးရှင် - ကိုညီညီ (တောင်ကြီး)

       အမေရိကားကိုဘယ်လိုသွားရသလဲဆိုတာကိုမပြောပြခင် အိမ်ကိုလွမ်းနေတာမို့ ဒီကနေအမိမြန်မာပြည်ကိုဘယ်လိုပြန်ရသလဲဆိုတာကိုအရင်ပြောပြချင်ပါတယ်။ ဆန်ဖရန်စစ္စကိုမြို့ကနေ ရန်ကုန်ကိုပျံသန်းတာအဓိကလေကြောင်းလိုင်း (၂) လိုင်း ရှိပါတယ်။ China Airline နဲ့ Singapore Airline တို့ပါ။ Korean Air က  မြန်မာပြည်ကို (၂ဝ၁၂) အောက်တိုဘာလမှ စဆွဲတာ ။ (၂ဝ၁၂) မတ်လ မှာ ကျွန်တော်ပြန်ဖြစ်ဖို့ အကြောင်းပေါ်လာလို့ အလုပ်ကိုခွင့်တင်တာကြိုမတင်လို့ဆိုပြီးရက်အနည်းငယ်စောင့်ရပါတယ်။ ရလည်းရရော ချက်ချင်းကြီးပြန်မယ်ဆိုပြီး ဒီနိုင်ငံကခေါ်တဲ့အစ်မအလုပ်လုပ်ရာ သူမရဲ့ရုံးခန်းထဲကကွန်ပျူတာရှေ့မှာလက်မှတ်ဝယ်ဖို့  နှစ်ယောက်သား (Shop Around) စ လုပ်ပါတယ်။

         ကြည့်လိုက်တော့ China Airline က (၁၄၃၂) ဒေါ်လာ ဖြစ်နေပြီး Singapore Airline က (၁၁၇၂) ဒေါ်လာပါ။ တစ်ခုခက်တာက China Airline က ထိုင်ဝမ်မှာ လေယာဉ်ချိန်း (Transit) တစ်ခါပဲလုပ်ရမှာဖြစ်ပြီးတော့ စောင့်စားချိန် (၁) နာရီပဲကြာမှာလေ။ Singapore Airline က ဆန်ဖရန်စစ္စကိုကနေ ဆိုးလ် မှာ ရပ် - (၂) နာရီစောင့် - စင်ကာပူကိုသွား . . စင်ကာပူလေဆိပ်မှာ ရန်ကုန်လေယာဉ်ကို (၇) နာရီထပ်စောင့်ရမယ်။ မထူးဘူး စောင့်ရလဲစောင့်မယ် . .  ဈေးသက်သာရင်ပြီးရောဆိုပြီးဝယ်လိုက်တယ်။ အသွား နာရီ (၃ဝ) - အပြန် (၂၄) နာရီ နဲ့ပေါ့။ အခမဲ့သယ်ခွင့်ကယ်ရီက ပေါင် (၅ဝ) ပါကင် (၂) ထုတ် နဲ့ လက်ဆွဲက (၁၅) ပေါင်။

                           

                 မတူတာတစ်ခုက China Airline က ပေါင် (၅ဝ) ပါကင် (၁) ထုပ်စီ ကို ပေါင် (၇ဝ) ထည့် (အထုပ်ကြီးလိုက်) လို့ရတယ်။ နောက်ထပ် (၃၂) ဒေါ်လာပေးလိုက်ရုံပဲ။ Singapore Airline က တော့ ပေါင် (၅ဝ) ထက် ပိုထည့်ခွင့်မပေးဘူး (၂ဝ၁၂ အခြေအနေ)။ အထုပ်ကိုထပ်တိုးချင်ရင် ပေါင် (၅ဝ) အထိ တစ်ထုပ် ကို (၁၂၁) ဒေါ်လာပေးရမယ်။ ဒီနိုင်ငံရောက်မြန်မာတွေက (များသောအားဖြင့်) ပေါင်ပိုသယ်ကြတယ်။ ပေါင် (၅ဝ) ကယ်ရီတစ်ထုပ်ကို ဒေါ်လာ (၂ဝဝ) နဲ့ အသွား (၁) ထုပ် အပြန် (၁) ထုပ်ဆိုရင် သူတို့အတွက် ခရီးစားရိတ် ဒေါ်လာ (၄ဝဝ) ရသွားပြီ။ လေယာဉ်လက်မှတ်က (၇၇၂) ဒေါ်လာပဲကျတာ့တာပေါ့။ တစ်ချို့တွေဆို အမေရိကားကအသွား (၁) ထုပ် ၊ မြန်မာပြည်ကအပြန် (၂) ထုပ်သယ်တော့ ကုန်ကျစားရိတ်က (၅၇၂) ဒေါ်လာပဲရှိတယ်လေ။

                                 

      လေဆိပ်ဆင်းတဲ့နေ့က အစ်မလိုက်ပို့တယ်။ ပေါင်ချိန်တော့ (၅၁) ပေါင်ခွဲ ဖြစ်နေရော။ တာဝန်ကျ Singapore Airline ဝန်ထမ်းက သဘောကောင်းလို့ အဆင်ပြေသွားတယ်။ ဒီလက်မှတ်ပြကောင်တာ (Check In) မှာ အရေးကြီးတာက လက်မှတ်ကိုခရီးသွားမယ့်သူရဲ့ အကြွေးဝယ်ကဒ်ပြားနဲ့ဝယ်ရမှာ ဖြစ်သလို ကောင်တာမှာပြန်စစ်တဲ့အခါအဲဒီကဒ်ပြားပြနိုင်ရမယ်။ လေယာဉ်လက်မှတ်ကလည်း လက်မှတ်ပုံစံမဟုတ်တဲ့ ပရင်တာကထုတ်လိုက်တဲ့ စာရွက်တစ်ရွက်ပါပဲ။ ရန်ကုန်ခရီးစဉ်အတွက် စင်ကာပူကနေဆက်စီးရမယ့်လက်မှတ်ကို ဒီမှာတင်တစ်ခါတည်းထုတ်ပေးတယ်။ လေကြောင်းနှစ်လိုင်းရဲ့လေဆိပ်ထူးခြားချက်ကတော့ Singapore Airline က စင်ကာပူရောက်တဲ့အထိလမ်းအဝေးကြီးလျှောက်ရတာပါ။

            ဆန်ဖရန်စစ္စကိုလေဆိပ်မှာ ဒီနိုင်ငံက ဘာအထောက်အထားနဲ့ထွက်သလဲဆိုတာပြရတယ် (ပြန်ဝင်လာဖို့ စာရွက်စာတမ်း) ဂရင်းကဒ် (Alien Registration Number) ပြလိုက်တယ်။ လုံခြုံရေးကစစ်တော့ ဖိနပ်ချွတ်၊ ကိုယ်ပေါ်မှာပါတဲ့ ကျောပိုးအိတ် (Backpack) အကုန်ဖွင့် -  လက်တော့၊ ခါးပတ်၊ တယ်လီဖုန်း၊ Mp3 က အစ ဗန်းထဲထည့်ပြီးတော့ စက်ကိုဖြတ် - ပြီးတော့ အကုန်လုံးပြန်ဝတ်၊ ပြန်ထည့် - လမ်းအဝေးကြီးလျှောက်ပြီးနောက်ဆုံးလေယာဉ်ပေါ်ရောက်မှပဲနားရတယ်။

         ထိုင်ခုံနံပါတ်တည်ဆောက်ပုံက နံပါတ် (၄၁) လောက်မှာ အထူးတန်း (Business Class) နဲ့ အခန်းကာထားတော့ (၄၄) လောက်ယူရင် အလယ်သန့်စင်ခန်းနဲ့နီးတယ်။ အနောက်ရောက်တော့ လေယာဉ်လူးတယ်လို့ ပြောပေမယ့် (၅၉) နဲ့ (၆၁) လောက်ယူ . .  ဒါမှ မနက်မျက်နှာသစ်ချိန် သန့်စင်ခန်းမလုရမှာ။ (၁၁) နာရီခွဲစီးလို့ တောင်ကိုးရီးယားလေဆိပ်ရောက်တော့ဖိနပ်ထပ်ချွတ်ရပြန်ရော၊ ဓါတ်လှေခါးနဲ့အပေါ်ထပ်တက်၊ Free WiFi မှာ အင်တာနက်ခနသုံးနေလို့ရတယ်။

         ပြောချင်တာကစင်ကာပူလေဆိပ်အင်တာနက်ကအကန့်အသတ်များတယ်။ နေရာတိုင်းဝိုင်ဖိုင်မပေးထားဘူး (၂ဝ၁၂ အခြေအနေ)၊ လက်တော့နဲ့ ကြိုးထည့်သုံးရတယ်။ ဒါမှမဟုတ်အသင့်သုံးကွန်ပျူတာမှာ မတ်တပ်ရပ်သုံးလို့ရတယ်။ စင်ကာပူလေဆိပ်က လူသိများပြီးသားမို့အထူးမပြောလိုပါဘူး။  

         စင်ကာပူမှာထိုင်ခုံတွေထိုင်ရင်သတိထား ပိုးသတ်ဆေးတွေအမြဲဖျန်းထားတတ်တယ်။ ကျွန်တော့တုန်းကလက်တော့အားသွင်းဖို့ထိုင်လိုက်တာဘောင်းဘီစိုသွားသေးတယ်။ ဒီတော့ ဘယ်ရမလဲ . . စာရေးခုံပေါ်တက်အိပ်လိုက်တာပေါ့။ မှတ်မှတ်ရရတစ်ခုကသန့်စင်ခန်းမှာမေ့ကျန်ခဲ့တဲ့ကင်မရာကို (၁) နာရီကျော်အကြာမှ သတိရလို့ပြန်သွားယူတာကံကောင်းလို့ပြန်ရတယ်။ သန့်ရှင်းရေးမှာတော့ စင်ကာပူကို အမေရိကားလည်းမမီပါဘူး။ အဝတ်တစ်ခုနဲ့ တစ်ချိန်လုံးလိုက်သုတ်နေတာစင်ကာပူကတော့စံပြပါပဲ။

                               

                               (၂ဝ၁၃) မှာ လေကြောင်းလိုင်းသစ်တွေထပ်တိုးချဲ့လာပေမယ့် မြန်မာပြည်ကိုပြန်လို့ရတဲ့ ဈေးသက်သာတဲ့လေကြောင်းကတော့သိသိသာသာတိုးမလာပါဘူး။ EVA Airline က China Airline လိုဈေးသင့်တော်ပါတယ်။ သူလည်း ထိုင်ဝမ်မှာ ခနနားမှာပါ။ Qatar Airways က မြန်မာပြည် နဲ့ အမေရိကားအရှေ့ဘက်ကမ်းခြေကိုပျံတာများတယ်။

         လေယာဉ်လက်မှတ်ဆိုတဲ့အမျိုးက ဝယ်တဲ့အချိန်ပေါ်မူတည်ပြီးဈေးနှုန်းပြောင်းတတ်ပါတယ်။  အရေးကြီးလို့တော့ သွားမဝယ်နဲ့ ဈေးကိုအမြင့်ကြီးတင်ထားလိုက်တာသတိထားရမှာပါ။ ထပ်ပြီးသတိပေးချင်တာကတော့ Singapore Airline စီးမယ်ဆိုရင် ရောက်တဲ့လေဆိပ်မှာတွန်းလှည်းအသေးတစ်ခုကိုမဖြစ်မနေရှာပြီးကိုယ့်မှာပါတဲ့အထုပ်အပိုးတွေ၊ ကျောပိုးအိတ် နဲ့ လက်တော့ပါမကျန် အကုန်တင်တွန်းမှလူသက်သာမယ်လို့အကြံပြုပါရစေ။

         အနယ်နယ်အရပ်ရပ်မှာပြန့်ကျဲရောက်ရှိနေကြတဲ့မြန်မာပြည်သားတွေ အမိမြေကို ဘေးရန်ကင်းကွာသက်တောင့်သက်သာခရီးဝေးမှအိမ်ပြန်နိုင်ကြပါစေ။

ခင်လျက်

ကိုညီညီ (တောင်ကြီး)

06-26-2013