တည္ျငိမ္မႈ၏လွမ္းေခၚသံ

ေဆာင္းပါးရွင္ - ကုိညီညီ ( ေတာင္ၾကီး )

.

( ၁ )

တစ္ခ်ိဳ႕ေသာအခ်ိန္ေတြမွာ ျပည္႕ႏွက္ေနတဲ႕ရက္ခ်ိန္းေတြၾကားမွာ ဘာကိုမွထပ္တိုးလုပ္လို႕မရေလာက္ေအာင္ျဖစ္ရတဲ႕အေျခအေနေတြ ကြ်န္ေတာ္တို႕ၾကံဳေတြ႕ရပါတယ္။ အားလပ္ခ်ိန္ေတြဟာလည္း အလုပ္၊ သင္တန္း၊ လူမႈေရးပြဲလမ္းသဘင္မ်ား နဲ႕ ေတာက္တုိမယ္ရဗာဟီရမ်ားရဲ႕ ျပန္ေပးဆြဲျခင္းကို ခံေနရပါတယ္။ ဒါ႕အျပင္ ေခတ္မီွအီလက္ထေရာနစ္ပစၥည္းမ်ားကေန အဆက္မျပတ္ပို႕လႊတ္လာတဲ႕ ေတာင္ပံုယာပံုသတင္းအခ်က္အလက္ေတြရဲ႕ မတူစဖူးထူးကဲစြာလႊမ္းမုိးမႈကို တစ္ဆက္တည္းခံစားေနရပါတယ္။

.

အဆုိပါ အဆက္မျပတ္ကြန္နက္ရွင္မ်ားေၾကာင္႕ မိမိကုိယ္ကိုယ္ဘာမွလုပ္စရာမရွိဘူးလို႕ထင္ရေလာက္ေအာင္ ပ်င္းရိတဲ႕စိတ္ဟာ ညနက္သန္းေခါင္အထိ မရပ္နားႏုိင္ေသးပါဘူး။ ဒါေၾကာင္႕ လူေတြမွာ ဆန္႕က်င္ဖက္စိတ္ဖိစီးမႈေတြဝင္လာရပါတယ္။

.

ဒီစိတ္ေဖာက္ျပန္မႈျဖစ္စဥ္ေတြဟာ တစ္ဖက္လွည္႕အေနနဲ႕ အလုပ္အေပၚမွာ အလုပ္သမားေတြရဲ႕အာရံုစိုက္မႈ၊ အလုပ္ရွင္ေတြရဲ႕အလုပ္သမားေတြအေပၚမွာငဲ႔ညွာမႈ၊ တိက်တဲ႕လုပ္ကိုင္ရည္ေတြအေပၚနဲ႕ ကုန္ပစၥည္းထြက္ႏႈန္းေတြေပၚမွာ အက်ိဳးသက္ေရာက္မႈရွိလာပါတယ္။ အေျခခံအားျဖင္႕ အလုပ္ရႈတ္ေအာင္လုပ္ထားျခင္း - Busyness ကို အလုပ္အေပၚစိတ္ဝင္စားမႈ နဲ႕ လူလူခ်င္းဆက္ဆံမႈလမ္းသြယ္ကုိ လွပေသသပ္ေအာင္ခင္းက်င္းေပးထားတယ္ဆုိရင္ မမွားေတာ႕ပါဘူး။

.

( ၂ )

က်န္းမာေရးပ်က္ယြင္းျခင္း၊ ကြာရွင္းျပတ္စဲျခင္း နဲ႕ ႏွလုံးေသြးေၾကာျပတ္ျခင္း စတဲ႕ ဘဝပ်က္ေလာက္တဲ႕အျဖစ္ဆုိးေတြၾကံဳရဖုိ႕ ထုိင္ေစာင္႕ေနစရာမလိုတာက ေကာင္းျခင္းမဂၤလာတစ္ခုပါပဲ။ ဒါေၾကာင္႕ ကြ်န္ေတာ္တုိ႕မွာအခ်ိန္ရွိတယ္။ ဒါေၾကာင္႕ နားရမယ္။ ျဖည္းျဖည္ခ်င္း လုပ္ယူရမယ္။

.

အစီအစဥ္ေတြၾကပ္ေနတဲ႕အေၾကာင္းရင္းကို သိရမယ္။ မ်ားျပီးပိေနတဲ႕အလုပ္ေတြရဲ႕ မူလအရင္းျမစ္ကို ရွာရမယ္။ ေတြ႕တဲ႕ေနရာမွာ သိသိခ်င္း ကိုယ္႕ခႏၶာကိုယ္ကိုေမာင္းႏွင္ေနတဲ႕အရွိန္ကုိ ခ်က္ခ်င္းေလွ်ာ႕ခ်ပစ္ရမယ္။ လႈပ္ရွားမႈတစ္ခုနဲ႕တစ္ခုၾကားမွာ ျခားပစ္ရမယ္။ သတိမဲ႕ေနတဲ႕ အခ်ိန္ေတြကုိ တတ္ႏုိင္သေလာက္ ဆြဲထားရမယ္။ ေလ်ာ႕နည္းေအာင္ လုပ္ရမယ္။ ဘဝကုိ ေအးေဆးစြာရင္ဆုိင္ရမယ္။ တစ္စံုတစ္ခုေသာအရာအတြက္ တစ္မိနစ္၊ တစ္စကၠန္႕ေလာက္ပဲအခ်ိန္ရတယ္ဆုိေစဦး ျဖည္းညွင္းသက္သာစြာလုပ္ရပါမယ္။

.

.

( ၃ ) အလုပ္မ်ားမႈ - Busyness ေမြးဖြားလာျခင္း

.

ကုန္ထုတ္လုပ္မႈစက္မႈေတာ္လွန္ေရးျဖစ္လာတဲ႕အခါ လူသားတုိ႕ရဲ႕လြတ္လပ္ခြင္႕အခ်ိန္ေတြဟာ နာရီ နဲ႕ မိနစ္ဆုိျပီး အခ်ိန္ေခါင္းကြဲသြားပါေတာ႕တယ္။ ျပီးခဲ႕တဲ႕ဆယ္စုႏွစ္ ( ၂ ) ခုေလာက္မွာ အလုပ္တြင္ျပီး ခိုင္းသမွ်ျပီးတယ္ဆုိတာ သံသယရွိစရာပါ။ နာရီလက္တံက လူေတြရဲ႕လုပ္ႏုိင္စြမ္းရည္ကို အဆံုးအျဖတ္ေပးလာတဲ႕အခါ စမတ္ဖုန္း နဲ႕ တက္ဘလက္ျပားေတြက အလုပ္အားလပ္ခ်ိန္ေတြမွာ တိုးဝင္ေနရာယူလာၾကတယ္။

.

မည္သုိ႕ပင္ျဖစ္ေစကာမူ အလုပ္ေႏွာင္႕ေႏွးမႈ နဲ႕ နာရီစက္ဝန္းအခ်ိန္ကိုက္အလုပ္ျပီးေစမႈတုိ႕ဟာ အေသြးအသားနဲ႕တည္ေဆာက္ထားတဲ႕လူသားေတြအတြက္ ဖိစီးလြန္းလွတယ္။ ဒါ႕အျပင္ အစီအစဥ္မက်တဲ႕ လမ္းညႊန္မႈေၾကာင္႕လည္း လူေတြနားရမယ္႕အခ်ိန္မွာ မနားရသလို ျဖစ္ေစတယ္။ နားျပန္ေတာ႕လည္း လက္ကိုင္ဖုန္း နဲ႕ ကြန္ပ်ဴတာေတြေပၚမွာ လမ္းသလားျပန္ေတာ႕ ဆင္ျခင္စဥ္းစားတဲ႕အသိဥာဏ္ - Creative Thinking ကိုလည္း ေပ်ာက္ဆံုးေစပါေတာ႕တယ္။

.

.

မီးနီမွာ ကားခဏရပ္တုန္း လက္ကိုင္ဖုန္းေပၚမွာ အီးေမးလ္ နဲ႕ မက္ေဆ႕စစ္ရံုမက ေဖ႕စ္ဘြတ္ခ္ေပၚမွာ ဘယ္သူေတြဘာတင္ေသးသလဲလို႕စစ္ေနၾကသူေတြကုိ ေတြ႕ဖူးၾကမွာပါ။ ဒီလူေတြရဲ႕ အနားရခ်ိန္ - Break ေတြကို ကိရိယာ - Devices ေတြက လႊမ္းမိုးေနပါတယ္။ တစ္ကယ္အလုပ္ျဖစ္ခ်င္တယ္၊ ပစၥည္းမ်ားမ်ားထြက္ခ်င္တယ္ဆုိရင္ အလုပ္သမားကိုျဖစ္ျဖစ္၊ မိမိကိုယ္တုိင္ျဖစ္ျဖစ္ ဇြတ္ေရာ အတင္းကာေရာ “ ခိုင္း ” လုိ႕မျဖစ္ႏိုင္ပါဘူး။ မၾကာခဏ “ နား ” ေပးမွ မွန္ကန္တဲ႕အေျဖကို ရမွာျဖစ္ပါတယ္။

.

စာေရးဆရာတစ္ေယာက္က “ ကြ်န္ေတာ္တုိ႕ဘဝမွာ လုပ္စရာေတြဆုိတာ ဘူးေဖးအစားစားပြဲၾကီးလို ပံုထားတာမွ အမ်ားၾကီးပါ။ အဝစားဆုိတဲ႕အတုိင္း လူေတြက ရသမွ်ကို ဝမ္းဗုိက္ၾကီးထဲ ၾကိတ္သြင္းပစ္ခ်င္ၾကတယ္။ ဒီလိုနဲ႕ ေလာဘတၾကီးၾကိဳးစားရင္း ေနာက္ဆံုးမွာ လွ်ပ္တုိက္ေမာပန္းျပီး မကုန္ႏုိင္ မခမ္းႏုိင္ျဖစ္ရျပန္တယ္ ” လို႕ ေထာက္ျပတယ္။ ေနာက္ထပ္သူက ..

.

“ ျဖည္းျဖည္းလုပ္ဆုိတာ ပ်င္းရိဖုိ႕၊ အသံုးမက်ဖို႕၊ ေႏွာင္႕ေႏွးေစဖုိ႕ နဲ႕ ေလးေလးလံလံျဖစ္ေစဖုိ႕ မဟုတ္ပါဘူး။ ဒီလိုလည္း ဘယ္သူမွျဖစ္ေစခ်င္မွာ မဟုတ္ဘူးေလ။ မလုပ္ခ်င္လုပ္ခ်င္နဲ႕လုပ္ရတဲ႕အလုပ္ေတြေၾကာင္႕  သူတို႕ရဲ႕ေက်ာရိုးထဲမွာ ခႏၶာကုိယ္ကိုအနားယူဖို႕ ပိုးေတြက တုိက္တြန္းေနၾကတယ္ ။ ဒါေၾကာင္႕ သူတို႕အိပ္ငိုက္မယ္၊ အရွိန္က်လာမယ္။ ဒါေပမယ္႕ သူတို႕မအိပ္ၾကဘူး၊ မနားၾကဘူး။ အေၾကာင္းကေတာ႕ အလုပ္ရွင္ကုိေၾကာက္ရတယ္။ အဲဒီလိုလုပ္ရင္ အျပစ္ရွိတယ္လုိ႕ခံစားေနရတယ္။ သူတုိ႕ရွက္ၾကတယ္ ” လုိ႕ ဆက္ေျပာျပန္တယ္။

.

.

ေနာက္ထပ္စာေရးဆရာတစ္ေယာက္ကေတာ႕ “ စိတ္ဖိစီးမႈစြဲလမ္းေနတဲ႕လုပ္သားေတြရဲ႕ ပဋိဥာဥ္စိတ္ေၾကာင္႕ အလုပ္အျမန္လုပ္တဲ႕ လူေနမႈစံနစ္ဆုိတာ မူးယစ္ေဆးဝါးလိုပဲ စြဲရင္း သံုးရင္း နစ္ေစတယ္။ ဒါေၾကာင္႕လူေတြဟာ တံုးကုိက္ကိုက္ က်ားကိုက္ကိုက္လုပ္ေနၾကတာပဲ။ အခ်ိန္တုိင္းမွာ လွ်ပ္ပ်ာလွ်ပ္ပ်ာလုပ္တာေၾကာင္႕ ဒီအျပဳအမူ နဲ႕ အရွိန္ႏႈန္းကပဲ ခႏၶာကုိယ္ရဲ႕ ဓါတုျဖစ္စဥ္ နဲ႕ ဦးေႏွာက္ရဲ႕အစီအစဥ္တက်လွည္႕ပတ္ထိန္းသိမ္းမႈကို အျမန္ဆံုးထိခုိက္ေစတယ္ ” လုိ႕ သတိေပးထားပါတယ္။

.

.

( ၄ ) အရွိန္ေလွ်ာ႕မႈကိုရွာေတြ႕ျခင္း

.

အလုပ္မ်ားတဲ႕လန္ဒန္ျမိဳ႕မွာေနသူတစ္ေယာက္ရဲ႕ သုေတသနလုပ္ပံုက ထူးျခားပါတယ္။ သူဟာ အလုပ္ကေနေျပးထြက္ဖို႕ ကယ္ေပါက္အေနနဲ႕ သား နဲ႕ အခ်ိန္ေပးျပီးေနၾကည္႕တယ္။ ( ၉ ) မိနစ္စာအိပ္ယာဝင္ပံုျပင္မ်ားဆုိတဲ႕စာအုပ္ကိုလက္ေတြ႕ဖတ္ရႈအသံုးခ်ျပီးသကာလ ေတာ္ေတာ္စိတ္သက္သာရာရခဲ႕တယ္လို႕ေျပာျပတယ္။

.

“ အစတုန္းက အလုပ္အားလံုးကိုမျပီးရင္ ေခ်ာက္ထဲက်ေတာ႕မယ္႕ ဘဝကို နားနားေနေနအလုပ္လုပ္တဲ႕အခ်ိန္က်မွ ကြ်န္ေတာ္ျပန္လည္ရွာေဖြေတြ႕ရွိလိုက္တယ္။ အဲဒါ ငါ ဆိုတာ သိလိုက္ရတယ္။ အခုေတာ႕ ဒီဖီလင္ေတြ ကြ်န္ေတာ႕မွာ မက်န္ေတာ႕ဘူး။ သက္သာသြားျပီ ” လို႕ သူ သံုးသပ္မိလာတယ္။

.

.

သူေျပာတဲ႕ အရွိန္ေလွ်ာ႕ခ်ျခင္းဆုိတာ ပက္က်ိလိုက်င္႕ၾကံဖို႕မဟုတ္ပါဘူး။ သူ႕ေနရာနဲ႕ သူ႕အရွိန္နဲ႕ သင္႕တင္႕ေလ်ာက္ပတ္ေအာင္လုပ္ျခင္းကသာ ေအာင္ျမင္ရာအေၾကာင္းရင္း ျဖစ္ေစမွာပါ။ “ ကြ်န္မေခၚတဲ႕ Slow ဆိုတာ တစ္ျခားသူေတြအတြက္ကေတာ႕ အလုိက္သင္႕ေရစီးေၾကာင္း - Flow အေနနဲ႕ျမင္ရမွာပါ။ ကုိယ္နဲ႕အဆင္ေျပတဲ႕ႏႈန္းနဲ႕ေမာင္းႏွင္တဲ႕အခါ အားထုတ္သမွ်အသက္ဝင္ျပီး အလုပ္တစ္ခုလံုးကို တစ္ၾကိမ္တည္းအျပီးလုပ္ႏိုင္တဲ႕စြမ္းရည္ေတြ အလုိလုိေရာက္လာပါလိမ္႕မယ္ ” လို႕ ရွင္းျပပါတယ္။

.

သူထပ္ေျပာျပတဲ႕ Flow ဆိုတာ စိတ္ပါဝင္စားမႈအထြဋ္အထိပ္အေရာက္ဆံုးျဖစ္ေစတဲ႕ ကုိယ္႕အတြက္အၾကိဳက္ဆံုး၊ အခ်ိဳျမိန္ဆံုးကာလ - Sweet Spot ကုိ ေျပာတာျဖစ္ပါသတဲ႕။ ကုိယ္႕လုပ္အား နဲ႕ သက္ေတာင္႕သက္သာျဖစ္ျခင္း - Ease တို႕ဆံုမွတ္ျဖစ္တယ္လို႕ ဆက္ေျပာပါတယ္။ ဆိုလိုတာက ကိုယ္တစ္ကယ္အလုပ္လုပ္ရင္း သက္ေတာင္႕သက္သာအေနအထားတစ္ခုကို ေရြးခ်ယ္ျပီး အဆင္အေျပဆံုးကိုယ္ေနဟန္ထားအတိုင္း အလုပ္ကိုလုပ္သင္႕ပါတယ္။ တစ္ျပိဳင္နက္တည္း အလုပ္တစ္မ်ိဳးထက္ပုိတဲ႕ ကိစၥရပ္ေတြကို တစ္ျပိဳင္နက္တည္းလုပ္ေဆာင္ျခင္းမွ ေရွာင္က်ဥ္သင္႕တယ္လို႕ ေျပာလိုတာျဖစ္ပါတယ္။ ဒီလိုနည္းမ်ိဳးနဲ႕ မိမိရဲ႕ Sweet Spot ကုိ ရွာေဖြရင္း ေခ်ာမႊတ္ေလ်ာက္ပတ္စြာ လုပ္ေဆာင္သင္႕တဲ႕အေၾကာင္းကိုလည္း သတင္းစကားပါးလိုက္ပါတယ္။

.

.

သူ႕အေနနဲ႕ လုပ္ေနရတဲ႕အလုပ္ဟာ ဝန္ထုပ္ဝန္ပိုးျဖစ္လာျပီး ပိျပားလာရံုမက မႏုိင္ေတာ႕ဘူးဆိုရင္ အဲဒီေနရာကေန ထြက္ခြာသြားတယ္လို႕ ထပ္ေျပာျပတယ္။ ( ၁ဝ ) မိနစ္၊ ( ၁၅ ) မိနစ္ေလာက္ အျပင္ကုိခဏထြက္သြားျပီး မဂၢဇင္းတစ္အုပ္ေကာက္ကိုင္လုိက္တာမ်ိဳးရွိသလို ဘယ္ဟာကိုမွအဓိကမထားပဲ ေကာင္းကင္ျပာၾကီးကို ေငးေနလိုက္တယ္လို႕ သူ႕လုပ္ပံုကိုင္ပံုကို ေလ႕လာမိပါတယ္။

.

“ သူမ်ားေတြအျမင္မွာေတာ႕ ကြ်န္မကို ၾကိဳးစားပမ္းစားအလုပ္မလုပ္ဘူးလို႕ထင္မွာေပါ႕။ ကြ်န္မအတြက္ေတာ႕ ဒါဟာ အလုပ္အားလံုးျပီးေျမွာက္ဖို႕ မဟာဗ်ဴဟာတစ္ခုပါပဲ။ သိတဲ႕အတိုင္းပဲ လူတစ္ခ်ိဳ႕က နား .. နားျပန္ျပီ ဆိုျပီး ေမးေငါ႕တတ္ၾကတယ္မဟုတ္လား ” လို႕ ေျပာျပန္တယ္။ သူ႕ရဲ႕မွတ္သားစရာစကားတစ္ခုကိုလက္ေဆာင္ေပးခဲ႕ျပီး စကားဝုိင္းကို အဆံုးသတ္သြားပံုက ဒီလိုပါ..။

.

“ ဂိမ္းတစ္ခုအေပၚမွာထားရမယ္႕ သံမဏိစိတ္ဓါတ္ကေတာ႕ အဆင္႕ေတြအားလံုးကုိေက်ာ္ျဖတ္ျပီး အဲဒီဂိမ္းကေန ေအာင္ေအာင္ျမင္ျမင္ဘယ္လိုေဖာက္ထြက္သြားရမလဲဆုိတာက အေရးအပါဆံုးပါပဲ ” တဲ႕ေလ။

.

.

( ၅ ) ျဖည္းျဖည္းခ်င္းစတင္ပါ

.

မႏိုင္မနင္းမျဖစ္ခ်င္ရင္ ေသးေသးေလးကေန စတင္ေစခ်င္တယ္။ မနက္စာ ပဲျပဳပ္နဲ႕နံျပားေလးစားဖုိ႕အတြက္ ပဲျပဳပ္ နဲ႕ နံျပားလွမ္းဝယ္ပါ။ ပစၥည္းစံုရင္ မီးဖိုေခ်ာင္စားပြဲခံုမွာ ထုိင္ခ်လိုက္ပါ။ လုိအပ္တဲ႕ ပန္းကန္ခြက္ေယာက္ေတြထုတ္ျပီး ၾကက္သြန္နီခြာပါ၊ ပါးပါးလွီးပါ၊ ေရစစ္ပါ။ ပဲျပဳပ္အေနအထားေလးေပၚမူတည္ျပီး ဆီေလး ဆားေလး နည္းနည္းဆီထည္႕ျပီး သမေအာင္ေမႊပါ။ ၾကိဳက္တတ္ရင္ လက္ဖက္ရည္ပါဆယ္ေလးကို မတ္ခြက္ထဲငဲ႕ျပီး ေအးေအးေဆးေဆးသံုးေဆာင္ပါ။ ဒါဟာ ရိုးရွင္းျပီး ျဖည္းျဖည္းခ်င္းစတင္တဲ႕ပံုစံျဖစ္ပါတယ္။

.

ဘာအေႏွာင္႕အယွက္မွမရွိေအာင္ လက္ကိုင္ဖုန္း၊ တက္ဘလက္ျပား စတဲ႕ Gadget ေတြကုိ တစ္နာရီၾကာေအာင္ ပိတ္ထားလိုက္ပါ။ ဒီလုိလုပ္ေဆာင္မႈရဲ႕ အဆင္႕တုိင္းဟာ မိမိရဲ႕မွန္ကန္တဲ႕ ေန႕စဥ္ဘဝကို လမ္းညႊန္ေပးပါလိမ္႕မယ္။

.

.

“ ဒါဟာ တိတ္ဆိတ္ေအးခ်မ္းတဲ႕ အခ်ိန္သမယေလးပဲ။ ဒီတဒဂၤေလးဟာ ငါ႕ဘဝရဲ႕ တံခါးမ်ိဳးစံုကုိ ဖြင္႕ေပးလိမ္႕မယ္။ ငါနဲ႕ထုိက္တန္တဲ႕ေပ်ာ္ရႊင္ေက်နပ္မႈကို ရရွိေတာ႕မယ္။ ငါ႕ခႏၶာကုိယ္ကို အားအျပည္႕သြင္းထားျပီးျပီ။ ဓါတ္ခဲအားမကုန္ေအာင္ အားအင္ေတြကို ျဖည္းျဖည္းခ်င္းသံုးရမယ္ ” လို႕ ႏွလံုးသြင္းေလ႕က်င္႕သင္႕ပါတယ္။

.

ဒီနည္းလမ္းနဲ႕ဆန္႕က်င္စြာ လူအမ်ားစုဟာ အိပ္ယာထကတည္းက ရတာအကုန္ယူမယ္ဆုိတဲ႕စိတ္ထားၾကတယ္။ ဘဝမွာ အကုန္လံုး အေကာင္အထည္ေပၚေပါက္ျပီ္း အားလံုးထေျမာက္ျဖစ္ထြန္းခ်င္ရင္ လူၾကီးမင္းတုိ႕မွာ အခ်ိန္လိုပါတယ္။ အထူးအာရံုစိုက္မႈလိုပါတယ္။ အခုဘယ္ေရာက္ေနသလဲ? အခုလက္ရွိဘာလုပ္ေနသလဲဆုိတာကို ဆန္းစစ္ႏုိင္ဖို႕ စြမ္းအားေတြ ရင္းႏွီးျမွဳပ္ႏွံထားတတ္ဖို႕လိုပါတယ္။

.

အားအင္ေတြကုန္ခမ္းေနသူအဖို႕ေတာ႕ ဒီလုိအျမင္႕တက္ေအာင္ျမင္မႈရမယ္႕အစား လာရာလမ္းအတိုင္း ကြ်မ္းပစ္ဆင္းဖို႕သာ အေၾကာင္းရွိေနပါတယ္။ တစ္နည္းအားျဖင္႕ စက္ေသလူပမ္းျဖစ္ေနရင္ေတာ႕ လုပ္သင္႕တာေရာ၊ မလုပ္သင္႕တာေရာ ခြဲေဝမပိုင္းျခားႏုိင္ပဲ အားလံုးကို သိမ္းက်ံဴးဝန္ပိ လုပ္ေဆာင္ေနမွာ အမွန္ပါပဲ။

.

.
“ တည္ျငိမ္မႈ၏လွမ္းေခၚသံ။ ၁ ” စာမူသည္ ၂ဝ၁၆ ခုႏွစ္၊ ၾသဂုတ္လ ( ၁၃ ) ရက္ေန႕၊ စေနေန႕ထုတ္ NetGuide နည္းပညာဂ်ာနယ္ အတြဲ ( ၄ ) ၊ အမွတ္ ( ၄၇ ) ၊ စာမ်က္ႏွာ ( ၃၇ ) တြင္ ေဖာ္ျပပါရွိသည္။
.

.
.
( ၆ ) အရသာရွိျခင္းအႏုပညာ

.

ေပ်ာ္ရႊင္ခ်မ္းေျမ႕တဲ႕အခ်ိန္ေတြကို တည္ေဆာက္ယူရာမွာ အရာရာကိုအဆံုးရံွဴးခံလို႕ မရပါဘူး။ ၾကည္ႏူးစရာအမွတ္တရမ်ားဟာ ေန႕စဥ္အေတြ႕အၾကံဳေတြကေန ကိုယ္႕ဘဝထဲကို ဘယ္လုိဘာသာျပန္ယူမလဲဆုိတာ နဲ႕ ဘယ္လိုအသြင္ေျပာင္းယူမလဲဆုိတဲ႕အေပၚ လံုးလံုးလ်ားလ်ားအဓိပၸာယ္သက္ေရာက္ပါတယ္။

.

စားခ်င္တဲ႕အရသာအရွိဆံုးအရာကို လူေတြဟာ ေနာက္ဆံုးမွာခ်န္ထားတတ္ၾကတယ္။ ဥပမာ - အစားေကာင္းအေသာက္ေကာင္းေတြအမ်ားၾကီးကို ၾကိဳက္သေလာက္သာကုန္ေအာင္စားၾကပါလို႕ ခြင္႕ေပးလိုက္တဲ႕အခါ လူေတြထိပ္ဆံုးလုပ္ၾကတာက “ ျဖည္းျဖည္းခ်င္း အၾကာၾကီးစားတာပါပဲ ”

.

သူတုိ႕ဟာ စားေနဝါးေနတဲ႕အေတြ႕အၾကံဳကို အၾကာၾကီးခံစားလိုၾကတယ္။ လွ်ာေပၚအရသာခံတဲ႕သုခစည္းစိမ္မ်ိဳးကို တတ္ႏိုင္သမ်ွ ဆြဲဆန္႕ထားလိုၾကတယ္။ ဒီပံုပမာ မွန္မမွန္ဆိုတာကို စာဖတ္သူရဲ႕ ငယ္စဥ္ဘဝကုိ ျပန္သတိရလိုက္ရင္ အေျဖေပၚသြားမွာ ေသခ်ာပါတယ္။

.

.

“ ႏွင္းဆီပန္းရဲ႕ေမႊးရနံ႕ကိုခံစားခ်င္ရင္ သင္ ရပ္ရမယ္ - If you want to smell the roses, you have to stop ” ဆုိတဲ႕ စကားပံုေလးဟာ ကြ်န္ေတာ္တုိ႕ရဲ႕ ရင္ဘတ္ကို လာထိပါတယ္။ ကားေမာင္းေနရင္းလွမ္းျမင္ေနရတဲ႕ ႏွင္းဆီပန္းေတြကုိ ေမႊးစမ္းၾကည္႕ခ်င္ရင္ ကားကုိလမ္းေဘးခ်ရပ္၊ ေဘးမွန္ကိုခ်၊ ကားေပၚကဆင္းျပီး ကိုယ္ခႏၶာကိုကိုင္းလိုက္ကာ “ အားပါးပါး .. ႏွင္းဆီေလးက ေမႊးလိုက္တာ ” လို႕ ခံစားႏိုင္မွာျဖစ္ပါတယ္။ ဒါေၾကာင္႕ ခဏနားျပီး Break အခ်ိန္ကို ေပးျဖစ္ေအာင္ ေပးဖို႕လိုအပ္တယ္။ ဒါေပမယ္႕  ဒီေန႕ေခတ္လူေတြဟာ အရသာအားလံုးကုိ တစ္ျပိဳင္တည္းခံစားလိုျပီး တက္သုတ္ရုိက္ ခုန္ပ်ံေက်ာ္လႊားဖို႕သာ အာရံုေရာက္ေနတာက စိတ္မေကာင္းစရာပါ။

.

အလုပ္မ်ားမႈ - Busyness ဟာ လူသားေတြဆီက လုပ္ခ်င္ကိုင္ခ်င္စိတ္ - Desire ကို အဓၶမသိမ္းယူျပီး လုပ္ငန္းကို ရွည္ၾကာဖင္႕ႏြဲ႕ အခ်ိန္ဆြဲဖို႕ ျဖစ္လာေစတယ္။ တစ္ခုခုကို လုပ္မေနရင္ကိုပဲ အခ်ိန္ျဖဳန္းေနသလို ခံစားရေစတယ္။ မိမိကုိယ္ကိုအသံုးမက်သလို ခံစားမႈအျပင္းစားကို သြင္းေပးတယ္။ တကယ္ေတာ႕ အခ်ိန္ကအခ်ိန္ပါပဲ။ သံုးပံုသံုးနည္းကသာ ကြာျခားလာတာပါ။ အမ်ားသိၾကတဲ႕အတိုင္း အခ်ိန္ကိုသိမ္းထားလို႕မရသလို မက်ေရာက္မၾကံဳခ်င္လို႕ ျငင္းလည္းမရပါဘူး။ အက်ိဳးရွိရွိအသံုးခ်ဖို႕သာ အေရးၾကီးတာပါ။

.

.

အရသာရွိမႈရဲ႕အႏွစ္သာရကိုခံစားခ်င္ရင္ “ မိမိစိတ္ရဲ႕ပံုရိပ္ ” ကိုတည္ေဆာက္ဖို႕ အခ်ိန္ကို အသံုးခ်ရမယ္။ မိမိအမွတ္ရခ်င္တဲ႕ပံုရိပ္ေတြကုိ ကိုယ္ပိုင္မွတ္သားထားရမယ္။ ဒီအထဲမွာ ေပ်ာ္ရႊင္ခ်မ္းေျမ႕မႈပါမယ္၊ လွပတဲ႕ရႈခင္းေတာေတာင္သဘာဝေတြပါသင္႕ပါတယ္။ ဒီအျဖစ္သညွာေတြဟာ ကိုယ္႕ဘဝရဲ႕ ေရႊေရာင္ေတာက္ပခဲ႕ေသာေန႕ရက္မ်ားကုိ ဆဲြေရးဖို႕ အခုလက္ရွိေရာ ေနာင္အနာဂါတ္အတြက္ကိုပါ အားအင္ေတြျပည္႕ျဖိဳးေစမွာ အေသအခ်ာျဖစ္ပါတယ္။

.

.

( ၇ ) အထူးၾကပ္မတ္ထားတဲ႕သတိ

.

မိမိကုိယ္ကို အေတြ႕အၾကံဳေကာင္းေတြေပးဖို႕ဆုိတာ လြယ္ပါတယ္။ ဒီ႕အတြက္ ခႏၶာကိုယ္ေပၚက ဝင္ေလထြက္ေလေပၚမွာ မိမိစိတ္ကုိ ေဇာင္းတင္ထားေပးလုိက္ရံုပါပဲ။ ဒါမွမဟုတ္ ခႏၶာကေပးတဲ႕ ေရာဂါေဝဒနာတစ္ခုခုကို အာရံုစိုက္ျပီး လိုက္သိေနရံုနဲ႕တင္ အသိစိတ္ကို ခ်က္ခ်င္းရရွိႏိုင္ပါလိမ္႕မယ္။

.

ကမၼ႒ာန္းထုိင္ကြ်မ္းက်င္ပညာရွင္အမ်ိဳးသမီးတစ္ေယာက္က လုပ္အားေပးကုသိုလ္ရွင္တစ္ခ်ိဳ႕ကုိ အခန္းတစ္ခုထဲမွာ ဘာအလုပ္မွမလုပ္ေစပဲ ( ၆ ) မိနစ္ နဲ႕ ( ၁၅ ) မိနစ္ၾကား ထည္႕ထားတယ္။ ဒါေပမယ္႕ သူတို႕ကို စဥ္းစားေနေစတယ္။ ျပီးေတာ႕ အႏၱရာယ္မရွိတဲ႕အီလက္ထေရာနစ္လွ်ပ္စစ္ဓါတ္အနည္းငယ္ကို သူတုိ႕ရဲ႕ခႏၶာကုိယ္ေပၚ ျဖတ္သန္းသြားေစတယ္။

.

.

ဒီစမ္းသပ္ခ်က္အရ အစပိုင္းမွာေတာ႕ သူတို႕ကို မသက္မသာျဖစ္ေစတယ္လို႕ သိရတယ္။ သူတုိ႕ဟာ သတိပ႒ာန္ရဲ႕ မူရင္းသေဘာသဘာဝအရ ဘာမွမလုပ္ေနတဲ႕အခ်ိန္မွာ ၾကံဳေနရတဲ႕ခံစားခ်က္ကို ေဝဖန္မႈမျပဳျခင္းျဖင္႕ရယူႏုိင္မွန္း ေနာက္ပိုင္းမွာသိလာၾကတယ္။ ကမၼ႒ာန္းထုိင္ျခင္း ( တရားထုိင္ျခင္း ) ကေန သူတို႕ဟာ အက်ိဳးေက်းဇူးအတြဲလိုက္ခံစားလာရတယ္။

.

အဲဒီပညာရွင္က “ တရားထိုင္ျခင္း၊ ကမၼ႒ာန္းထုိင္ျခင္း၊ ဘာမွမလုပ္ပဲစိတ္စုစည္းထားျခင္း၊ နားေနျခင္း၊ သက္ေတာင္႕သက္သာေနျခင္း၊ သတိရွိေနျခင္း ဆိုျပီး အမည္နာမေတြဘယ္လိုပဲကြဲကြဲ လူေတြကိုကူညီမယ္႕ အက်ိဳးရလဒ္အျပည္႕ရဖို႕ အခြင္႕အလမ္းရွိတယ္ဆုိတဲ႕ တူညီနဲ႕အက်ိဳးေက်းဇူးကို ရရွိႏုိင္မွာျဖစ္ပါတယ္ ”

.

“ တစ္ကယ္လို႕သာ အလုပ္မွာအဆင္မေျပလို႕ စိတ္ရႈတ္ေနမယ္၊ စိတ္တုိေနမယ္၊ ေဒါပြေနမယ္ဆိုရင္ မိမိကုိယ္ကုိ အုပ္စုျပန္ဖြဲ႕ရမယ္။ လုပ္ရမွာတစ္ခုက စိတ္စုစည္းမႈကိုအေျခခ်လိုက္ပါ။ စိတ္ခံစားမႈကုိ အသက္ရွဴမႈလမ္းေၾကာင္းေပၚပို႕လုိက္ပါ။ ဒီအတြက္နဲ႕ေတာ႕ ထုိင္ခံုမွာေျခခ်ိတ္၊ မ်က္စိကိုစံုမွိတ္၊ ၾကည္႕မေကာင္း ျမင္မေကာင္း ထုိင္ေနဖို႕မလိုပါဘူး ” လို႕ သူ သိထားသမွ်ကို ေျပာျပတယ္။

.

.

ေခါင္းေလာင္းသံုးၾကိမ္ျမည္ျပီးမွ တယ္လီဖုန္းကိုေကာက္ကိုင္လုိက္တဲ႕အခါ မိမိစိတ္ထဲမွာ အစည္းအေဝးအတြက္ေျပာမယ္႕စကားလံုးေတြကုိ အဆင္သင္႕ျဖစ္ေစတယ္။ ဒါဆုိ အားလံုးကိုတစ္ျပိဳင္တည္း တစ္ခ်ိန္တည္းျပီးဖို႕ အခ်ိန္ေတြမလိုအပ္ေတာ႕တာ ေတြ႕ရမယ္။

.

သတိရွိေနတဲ႕စိတ္ဟာ တစ္ေန႕လံုးၾကံဳေနရတဲ႕ ရူးသြပ္ဖြယ္အခ်ိန္ေတြကို အုပ္စုျပန္ခြဲေပးတယ္။ အကန္႕လိုက္ သပ္သပ္စီလုပ္ႏုိင္ဖို႕လမ္းညႊန္ေပးတယ္။ မိမိပတ္ဝန္းက်င္မွာျဖစ္ေပၚေနတဲ႕ ကိစၥ ဝိစၥမွန္သမွ်ကို အမွန္ကိုအမွန္အတိုင္းျမင္ႏိုင္ေအာင္ ခင္းက်င္းေပးပါလိမ္႕မယ္။ အဲဒီ သတိစိတ္ဟာ သူတစ္ပါးပိုင္တာမဟုတ္ပါဘူး .. မိမိရဲ႕အတြင္းသ႑န္မွာ ရွိေနျပီးသားပါ။ မေတြ႕ပဲ ေက်ာ္သြားဖန္မ်ားလြန္းလို႕သာ မရွိဘူးလို႕ထင္ေနတာျဖစ္ပါတယ္။

.

.

သတိစိတ္ရွိေနတဲ႕လူတစ္ေယာက္ကုိ သာမန္ၾကည္႕ရင္ ျမန္ျမန္လုပ္ဖုိ႕ပ်င္းေနတဲ႕လူတစ္ေယာက္လို႕ ထင္ရေကာင္းထင္ရႏုိင္တယ္။ ဒါေပမယ္႕ သူ႕ရဲ႕သုေတသနအရ ဒီလိုေလ႕က်င္႕ျပီးသူေတြဟာ အလုပ္ခြင္ျပန္ဝင္တဲ႕အခါ စြမ္းေဆာင္ရည္ေတြတက္လာတာ ေတြ႕ရတယ္။ လုပ္ေနတဲ႕အလုပ္ကို မနားခင္ကထက္ ပိုမိုအာရံုစိုက္လာႏုိင္တာကိုလည္း ဝမ္းေျမာက္ဖြယ္ရာ သိရတယ္။ တစ္ဆက္တည္းမွာ “ အိုမင္းညည္းတြားေနတဲ႕အခ်ိန္ေတြကို အစိတ္စိတ္အမႊာမႊာပိုင္းလုိက္တဲ႕အခါ လန္းဆန္းတဲ႕အၾကိမ္ေသးေလးမ်ားစြာ တန္းဆက္ေနတာကို ” ထူးကဲစြာေတြ႕ရမွာျဖစ္ပါတယ္။

.

ဒီလိုသာ လြင္႕ပ်ံ႕ေနတဲ႕စိတ္ကုိသန္႕ရွင္းစင္ၾကယ္မႈျပဳလုပ္ျပီး မိမိကိုယ္ခႏၶာကုိယ္ထဲကုိ အခ်ိန္ကုိက္ျပန္လည္ေခၚယူႏုိင္မယ္ဆုိရင္ အလုပ္ၾကမ္းျပင္မွာျဖစ္သင္႕ျဖစ္ထုိက္တဲ႕ အဓိက နဲ႕ သာမညကို လြယ္ကူျမင္သာစြာခြဲျခားႏိုင္ပါလိမ္႕မယ္။ ဒီကေနတစ္ဆင္႕ ကြ်န္ေတာ္တုိ႕ဘာလုပ္သင္႕သလဲ၊ ဦးစားေပးကဘာလဲ၊ ရည္ရြယ္ခ်က္ကဘာလဲဆိုတာကို မူရင္းစီမံကိန္းမပ်က္ ေဆာင္ရြက္ႏုိင္တာကို ေတြ႕ျမင္ရဦးမွာပါ။

.

.

( ၈ ) သတိတရားကုိအလုပ္ခန္႕ျခင္း

.

သတိတရားကိုလက္ကိုင္ထားျပီး အားလပ္ခ်ိန္နဲ႕ညွိယူသူေနာက္တစ္ေယာက္ကေတာ႕ ကုမၸဏီပုိင္ရွင္တစ္ေယာက္ျဖစ္ပါတယ္။ ေသလုနီးပါးမေတာ္တဆထိခုိက္မႈခံရျပီးေနာက္မွာ သူ႕ကုမၸဏီမွာ ေယာဂက်င္႕စဥ္ကိုခြင္႕ျပဳေပးလိုက္သူလို႕ လူသိမ်ားပါတယ္။ သူ႕ကုမၸဏီက ဝန္ထမ္းေပါင္း ( ၁၃ဝဝဝ ) လံုး တက္ေရာက္ၾကတယ္။ သင္တန္းကေပးတဲ႕ရလဒ္အေျဖကေတာ႕ သူ႕ဝန္ထမ္းေတြမွာ စိတ္ဖိစီးမႈသိသိသာသာေလ်ာ႕နည္းလာတယ္၊ ႏွလံုးခုန္ႏႈန္းေလွ်ာ႕က်လာတယ္၊ ေသြးပ်စ္ျပီးစိတ္က်ဥ္းၾကပ္ေစတဲ႕ေဟာ္မုန္းေတြေလ်ာ႕နည္းလာတာကို ေတြ႕ရွိလာရတယ္။

.

ေနာက္ဆက္တြဲအက်ိဳးဆက္အေနနဲ႕ က်န္းမာေရးေကာင္းလာတဲ႕အတြက္ ကုမၸဏီက ထည္႕ဝင္ဝယ္ယူေပးရတဲ႕ က်န္းမာေရးအာမခံဟာ ေငြျဖဳန္းသလိုေတာင္ ျဖစ္လာပါေတာ႕တယ္။ ဒါေၾကာင္႕ပဲ ကုမၸဏီသူေ႒းရဲ႕ ေဒၚလာေငြ ( ၉ဝဝဝဝ ) ကို သက္သာသြားေစတယ္။

.

ေနာက္တစ္ဦးက သတိတရား နဲ႕ တရားထုိင္ျခင္းဟာ သူ႕အလုပ္ေတြရဲ႕မွ်ေျခကိုရွာေပးရံုမက အိမ္မႈဘဝကုိပါ ျပည္႕စံုေစတယ္လို႕ဆိုလာသူ စာေရးဆရာတစ္ေယာက္ျဖစ္ပါတယ္။ သူေျပာတာက “ ကြ်န္ေတာ္တုိ႕ဟာ တစ္စံုတစ္ခုအတြက္ ဒါမွမဟုတ္ ေနာက္ထပ္တစ္ခုအတြက္ အျမဲတမ္းစိတ္ပူေနတယ္။ သတိတရား နဲ႕ တရားထုိင္ျခင္းဟာ စိတ္ဖိစီးမႈေတြကေနလြတ္တဲ႕အခန္းငယ္ေလးေတြကို ဖန္တီးေပးတယ္။ ဒီအေလ႕အက်င္႕ေကာင္းေတြကေန လက္ရွိဘာျဖစ္ေနသလဲဆိုတာကိုလက္ခံဖို႕ လူေတြကို ညည္းခံႏိုင္စြမ္းေတြေပးတယ္။ သုိ႕ေသာ္လည္း ဒါဟာ လံုးဝၾကီးထံုထိုင္းေစတာမဟုတ္သလို တြန္းအားအေနနဲ႕လည္း မျဖစ္ေစပါ ” ဟူ၍ပဲ ျဖစ္ပါတယ္။

.

.

ဖိစီးတဲ႕စိတ္ကို ေလွ်ာ႕ခ်လိုက္တယ္ဆုိရင္ပဲ လုပ္ငန္းေဆာင္္တာအေပၚအာရံုစိုက္မႈတိုးလာတာက လက္ငင္းအက်ိဳးရရွိမႈပါ။ ဒါ႕အျပင္ စိတ္ဖိစီးမႈနည္းလာတာနဲ႕အမ်ွ အလုပ္လုပ္ခ်င္စိတ္က တစ္မ်ိဳးတစ္မည္ မ်ိဳးပြားလာပါတယ္။

.

အျခားတစ္ဖက္ကိုၾကည္႕လိုက္ျပန္ရင္လည္း အလုပ္ကိုဂရုစိုက္လာတာနဲ႕တစ္ေျပးညီ လစ္ဟာေနတဲ႕ေပ်ာ႕ကြက္ေတြကို တမင္သက္သက္ၾကည္႕စရာမလိုပဲ အလုိလိုျမင္သာလာတာ သတိထားမိပါလိမ္႕မယ္။ ျပန္႕က်ဲျပီး လိုရာမသိျဖစ္ေနတဲ႕စိတ္အစဥ္ေတြကို ရပ္တန္႕လိုက္ျပီး လက္ရွိျဖစ္ေနတဲ႕ ဘဝအေျခအေနကို အမွတ္ရလုိက္မယ္ဆိုရင္ သတိလက္လြတ္ျဖစ္ေနမွန္းမသိျဖစ္ေနတဲ႕႔ ပ်က္ကပ္အခ်ိန္ေတြကို ထိန္းခ်ဳပ္ႏုိင္ပါလိမ္႕မယ္။

.

.

( ၉ ) စိတ္ၾကည္တဲ႕ကမၻာမွာတည္ျငိမ္မႈကိုရွာေဖြျခင္း

.

Costco Member တစ္ေယာက္ေျပာတဲ႕ WhiteSpace ဆိုတာကို “ စိတ္ၾကည္တဲ႕ကမၻာ ” လို႕ အနီးစပ္ဆံုး ျမန္မာမႈျပဳၾကည္႕လိုက္ပါတယ္။ သူေျပာတဲ႕ ေနရာအေသးေလး - The Little Space ကို ရွာေဖြဖို႕ အခ်ိန္ ( ၃ဝ ) စကၠန္႕သာ လိုပါတယ္။ ဓါတ္ေလွခါးထဲမွာရပ္ေနစဥ္၊ အလုပ္ရံုးခန္းမွာထုိင္ေနစဥ္ အသက္ဝဝရွဴဖို႕ပဲ လိုပါတယ္။ သူ႕ရည္ရြယ္ခ်က္က ၾကပ္တည္းေနတဲ႕အစီအစဥ္ - Schedule ေတြၾကားမွာ ဦးေႏွာက္ကိုပြင္႕ေအာင္ ဖြင္႕ေပးရမွာပါ။ မရပ္မနားတဲ႕လႈပ္ရွားမႈေတြၾကားမွာ စကၠန္႕ ( ၃ဝ ) စာ အနားေပးျပီး WhiteSpace ကုိ ရွာခိုင္းတာျဖစ္ပါတယ္။

.

အဓိကျပသနာက အစည္းအေဝးေတြျဖစ္တယ္လို႕ သူက ထပ္ေျပာတယ္။ ဘာျဖစ္လို႕လည္းဆုိေတာ႕ ေနာက္ပိုင္းအစည္းအေဝးေတြဟာ တစ္ဖက္ကေဆြးေႏႊးသူကုိ အင္တာနက္ကေန တိုက္ရုိက္ျမင္ေနရတဲ႕ Conference Call ျဖစ္ေနတာေၾကာင္႕ပါ။ စကားေျပာရင္း ေဆြးေႏႊးရင္းနဲ႕ ထမင္းစားခ်ိန္အထိ ဆက္ဆက္သြားတာက ပိုဆိုးတယ္။ သူ႕ရည္ရြယ္ခ်က္က တစ္ဆက္တည္းျဖစ္ေစတဲ႕ လႈပ္ရွားမႈမ်ားကို အပိုင္းလိုက္ခြဲျခမ္းျပီး အခ်ိန္အကန္႕ေလးေတြ လုပ္ေဆာင္ေစတာျဖစ္တယ္။

.

.

ဒီနည္းလမ္းကိုအသံုးျပဳခဲ႕တဲ႕ ေဟာေျပာပြဲဆရာမတစ္ဦးက “ ေငြေပးဝယ္လို႕မရတဲ႕ေစ်းကြက္ထဲမွာ ဒီနည္းဟာ အၾကည္လင္ဆံုး၊ အၾကီးက်ယ္ဆံုး၊ အျမင္သာဆံုးလမ္းညႊန္ေပးတဲ႕ ျမွားေခါင္းတစ္ခုလိုပါပဲ။ တစ္ခ်က္တည္းနဲ႕ ကြ်န္မတို႕ရဲ႕ျပသနာက ဘာဆိုတာကို ပစ္မွတ္ထိေအာင္ပစ္ျပသြားတယ္ ” လို႕ အသိအမွတ္ျပဳခဲ႕တယ္။

.

သူေျပာသလို လူေတြက က်န္းမာေရးမေကာင္းတဲ႕အခါက်မွ အနားယူဖို႕ သတိရၾကတယ္။ ဒါမွမဟုတ္ တီထြင္ဆန္းသစ္တတ္တဲ႕ဝန္ထမ္းတစ္ေယာက္က စြမ္းေဆာင္ရည္ေတြက်လာတာကုိျမင္တဲ႕အခါက်မွ WhiteSpace ကုိ သတိထားမိလာတတ္ၾကတယ္။

.

.

WhiteSpace ကို သတိထားမိေစတဲ႕ေနာက္ထပ္အေျခအေနတစ္ခုကေတာ႕ ကုမၸဏီက ကုန္က်စားရိတ္အင္မတန္ၾကီးမားတဲ႕အမွားမ်ိဳးက်ဴးလြန္တဲ႕အခါမ်ိဳးမွာ ပုိသိသာတယ္။ ဒီကေန လူေတြရဲ႕စိတ္ဓါတ္ေတြ ေစာက္ထုိးက်ဆင္းကုန္တယ္။ ဝန္ထမ္းေကာင္းေတြစိတ္ပ်က္ျပီး တစ္ျခားကုမၸဏီကို ခုန္ကူးျပီးကာမွ သတိရတယ္ .. ငါတို႕ မွားေနၾကျပီ … လို႕ေပါ႕။

.

.

မိမိလုပ္ငန္းကို အစီအစဥ္တက်စီမံဖို႕ လူေတြကုိခုိင္းေစရတာ မျဖစ္ႏိုင္တဲ႕ကိစၥတစ္ခုမဟုတ္ပါ .. လုုပ္ရင္ရပါတယ္။ ဒီ႕အတြက္ လုပ္ငန္းသဘာဝကို ကြ်မ္းက်င္ေနဖို႕လိုတယ္။ “  ရွင္တို႕ မွားခဲ႕တယ္၊ နာက်င္ၾကတယ္။ ေမးခြန္းလည္း မေမးၾကဘူး။ ဒီ႕အျပင္ က်ရွံဴးခန္းမွာ သိပ္ျပီးနစ္ျမွဳပ္ေနၾကတယ္။ ပိုဆိုးတာက ဘယ္ကိစၥေၾကာင္႕ ဒီလိုမွားသြားတယ္ဆုိတာ သိေတာင္မသိလိုက္ၾကဘူး ” ဆုိတဲ႕ ေဟာေျပာခ်က္မ်ိဳးလည္း အပါအဝင္ေပါ႕။

.

“ တစ္ကယ္ေတာ႕ ဒါဟာ နယ္စပ္မ်ဥ္းေၾကာင္းလိုပဲ၊ ပါးပါးေလး ကာထားရံုသာ။ တီထြင္ၾကံဆမႈ၊ သြက္လက္ကစားမႈ၊ လြတ္လပ္စြာေတြ႕ၾကံဳမႈ .. လူေတြမွာ ဒါေတြလိုအပ္ေနတယ္။ ဒီအေၾကာင္းအရာေတြ နဲ႕ အေလ႕အက်င္႕ေတြကိုေမြးျမဴသင္႕လွပါတယ္ ” လို႕ သူက ထပ္ေဆြးေႏႊးတယ္။

.

ထပ္ဆင္႕အာရံုစိုက္မႈကေန မိလာတဲ႕အခိ်တ္အဆက္ေတြ အင္အားေတာင္႕တင္းလာမယ္။ သူေနာက္ဆံုးတင္ျပသြားတာက “ WhiteSpace ဆိုတဲ႕အခ်ိန္မွာ အျပင္းအထန္ၾကီးအသက္ရွဴသြင္း ရွဴထုတ္လုပ္ေနဖုိ႕မလိုပါဘူး။ အဲဒီအခ်ိန္မွာ တစ္ျခားရွဳတ္ပြေနတဲ႕အေရးကိစၥမ်ားကို တစ္ျပိဳင္နက္တည္းလုပ္မေနဖို႕သာ အေရးၾကီးပါတယ္ ” လုိ႕ ျဖည္႕စြက္ေျပာသြားပါတယ္။

.

.

စာဖတ္သူမ်ားလည္း မိမိတို႕ရဲ႕ တည္ျငိမ္မႈကိုရွာေဖြႏိုင္ရံုမက သတိတရားလက္ကိုင္ထားျပီး WhiteSpace ေလးထဲမွ ေခတၱကြန္းခိုႏုိင္ပါေစ။

.

ခင္မင္ျခင္းမ်ားစြာျဖင္႕

.

07-05-2015

.

Ref: Costco Connection : A Call for Calm : June 2015, Volume 30

.

“ တည္ျငိမ္မႈ၏လွမ္းေခၚသံ။ ၂ ” စာမူသည္ ၂ဝ၁၆ ခုႏွစ္၊ ၾသဂုတ္လ ( ၂ဝ ) ရက္ေန႕၊ စေနေန႕ထုတ္ NetGuide နည္းပညာဂ်ာနယ္ အတြဲ ( ၄ ) ၊ အမွတ္ ( ၄၈ ) ၊ စာမ်က္ႏွာ ( ၁၆ ) ႏွင္႕ ( ၃၇ ) တို႕တြင္ ေဖာ္ျပပါရွိသည္။
.

.

Unicode Version:

.

.

" တည်ငြိမ်မှု၏လှမ်းခေါ်သံ "
ဆောင်းပါးရှင် - ကိုညီညီ ( တောင်ကြီး )
.
( ၁ )
တစ်ချို့သောအချိန်တွေမှာ ပြည့်နှက်နေတဲ့ရက်ချိန်းတွေကြားမှာ ဘာကိုမှထပ်တိုးလုပ်လို့မရလောက်အောင်ဖြစ်ရတဲ့အခြေအနေတွေ ကျွန်တော်တို့ကြုံတွေ့ရပါတယ်။ အားလပ်ချိန်တွေဟာလည်း အလုပ်၊ သင်တန်း၊ လူမှုရေးပွဲလမ်းသဘင်များ နဲ့ တောက်တိုမယ်ရဗာဟီရများရဲ့ ပြန်ပေးဆွဲခြင်းကို ခံနေရပါတယ်။ ဒါ့အပြင် ခေတ်မှီအီလက်ထရောနစ်ပစ္စည်းများကနေ အဆက်မပြတ်ပို့လွှတ်လာတဲ့ တောင်ပုံယာပုံသတင်းအချက်အလက်တွေရဲ့ မတူစဖူးထူးကဲစွာလွှမ်းမိုးမှုကို တစ်ဆက်တည်းခံစားနေရပါတယ်။
.
အဆိုပါ အဆက်မပြတ်ကွန်နက်ရှင်များကြောင့် မိမိကိုယ်ကိုယ်ဘာမှလုပ်စရာမရှိဘူးလို့ထင်ရလောက်အောင် ပျင်းရိတဲ့စိတ်ဟာ ညနက်သန်းခေါင်အထိ မရပ်နားနိုင်သေးပါဘူး။ ဒါကြောင့် လူတွေမှာ ဆန့်ကျင်ဖက်စိတ်ဖိစီးမှုတွေဝင်လာရပါတယ်။
.
ဒီစိတ်ဖောက်ပြန်မှုဖြစ်စဉ်တွေဟာ တစ်ဖက်လှည့်အနေနဲ့ အလုပ်အပေါ်မှာ အလုပ်သမားတွေရဲ့အာရုံစိုက်မှု၊ အလုပ်ရှင်တွေရဲ့အလုပ်သမားတွေအပေါ်မှာငဲ့ညှာမှု၊ တိကျတဲ့လုပ်ကိုင်ရည်တွေအပေါ်နဲ့ ကုန်ပစ္စည်းထွက်နှုန်းတွေပေါ်မှာ အကျိုးသက်ရောက်မှုရှိလာပါတယ်။ အခြေခံအားဖြင့် အလုပ်ရှုတ်အောင်လုပ်ထားခြင်း - Busyness ကို အလုပ်အပေါ်စိတ်ဝင်စားမှု နဲ့ လူလူချင်းဆက်ဆံမှုလမ်းသွယ်ကို လှပသေသပ်အောင်ခင်းကျင်းပေးထားတယ်ဆိုရင် မမှားတော့ပါဘူး။
.
( ၂ )
ကျန်းမာရေးပျက်ယွင်းခြင်း၊ ကွာရှင်းပြတ်စဲခြင်း နဲ့ နှလုံးသွေးကြောပြတ်ခြင်း စတဲ့ ဘဝပျက်လောက်တဲ့အဖြစ်ဆိုးတွေကြုံရဖို့ ထိုင်စောင့်နေစရာမလိုတာက ကောင်းခြင်းမင်္ဂလာတစ်ခုပါပဲ။ ဒါကြောင့် ကျွန်တော်တို့မှာအချိန်ရှိတယ်။ ဒါကြောင့် နားရမယ်။ ဖြည်းဖြည်ချင်း လုပ်ယူရမယ်။
.
အစီအစဉ်တွေကြပ်နေတဲ့အကြောင်းရင်းကို သိရမယ်။ များပြီးပိနေတဲ့အလုပ်တွေရဲ့ မူလအရင်းမြစ်ကို ရှာရမယ်။ တွေ့တဲ့နေရာမှာ သိသိချင်း ကိုယ့်ခန္ဓာကိုယ်ကိုမောင်းနှင်နေတဲ့အရှိန်ကို ချက်ချင်းလျှော့ချပစ်ရမယ်။ လှုပ်ရှားမှုတစ်ခုနဲ့တစ်ခုကြားမှာ ခြားပစ်ရမယ်။ သတိမဲ့နေတဲ့ အချိန်တွေကို တတ်နိုင်သလောက် ဆွဲထားရမယ်။ လျော့နည်းအောင် လုပ်ရမယ်။ ဘဝကို အေးဆေးစွာရင်ဆိုင်ရမယ်။ တစ်စုံတစ်ခုသောအရာအတွက် တစ်မိနစ်၊ တစ်စက္ကန့်လောက်ပဲအချိန်ရတယ်ဆိုစေဦး ဖြည်းညှင်းသက်သာစွာလုပ်ရပါမယ်။

.
.
( ၃ ) အလုပ်များမှု - Busyness မွေးဖွားလာခြင်း
.
ကုန်ထုတ်လုပ်မှုစက်မှုတော်လှန်ရေးဖြစ်လာတဲ့အခါ လူသားတို့ရဲ့လွတ်လပ်ခွင့်အချိန်တွေဟာ နာရီ နဲ့ မိနစ်ဆိုပြီး အချိန်ခေါင်းကွဲသွားပါတော့တယ်။ ပြီးခဲ့တဲ့ဆယ်စုနှစ် ( ၂ ) ခုလောက်မှာ အလုပ်တွင်ပြီး ခိုင်းသမျှပြီးတယ်ဆိုတာ သံသယရှိစရာပါ။ နာရီလက်တံက လူတွေရဲ့လုပ်နိုင်စွမ်းရည်ကို အဆုံးအဖြတ်ပေးလာတဲ့အခါ စမတ်ဖုန်း နဲ့ တက်ဘလက်ပြားတွေက အလုပ်အားလပ်ချိန်တွေမှာ တိုးဝင်နေရာယူလာကြတယ်။
.
မည်သို့ပင်ဖြစ်စေကာမူ အလုပ်နှောင့်နှေးမှု နဲ့ နာရီစက်ဝန်းအချိန်ကိုက်အလုပ်ပြီးစေမှုတို့ဟာ အသွေးအသားနဲ့တည်ဆောက်ထားတဲ့လူသားတွေအတွက် ဖိစီးလွန်းလှတယ်။ ဒါ့အပြင် အစီအစဉ်မကျတဲ့ လမ်းညွှန်မှုကြောင့်လည်း လူတွေနားရမယ့်အချိန်မှာ မနားရသလို ဖြစ်စေတယ်။ နားပြန်တော့လည်း လက်ကိုင်ဖုန်း နဲ့ ကွန်ပျူတာတွေပေါ်မှာ လမ်းသလားပြန်တော့ ဆင်ခြင်စဉ်းစားတဲ့အသိဥာဏ် - Creative Thinking ကိုလည်း ပျောက်ဆုံးစေပါတော့တယ်။
.
.
မီးနီမှာ ကားခဏရပ်တုန်း လက်ကိုင်ဖုန်းပေါ်မှာ အီးမေးလ် နဲ့ မက်ဆေ့စစ်ရုံမက ဖေ့စ်ဘွတ်ခ်ပေါ်မှာ ဘယ်သူတွေဘာတင်သေးသလဲလို့စစ်နေကြသူတွေကို တွေ့ဖူးကြမှာပါ။ ဒီလူတွေရဲ့ အနားရချိန် - Break တွေကို ကိရိယာ - Devices တွေက လွှမ်းမိုးနေပါတယ်။ တစ်ကယ်အလုပ်ဖြစ်ချင်တယ်၊ ပစ္စည်းများများထွက်ချင်တယ်ဆိုရင် အလုပ်သမားကိုဖြစ်ဖြစ်၊ မိမိကိုယ်တိုင်ဖြစ်ဖြစ် ဇွတ်ရော အတင်းကာရော “ ခိုင်း ” လို့မဖြစ်နိုင်ပါဘူး။ မကြာခဏ “ နား ” ပေးမှ မှန်ကန်တဲ့အဖြေကို ရမှာဖြစ်ပါတယ်။
.
စာရေးဆရာတစ်ယောက်က “ ကျွန်တော်တို့ဘဝမှာ လုပ်စရာတွေဆိုတာ ဘူးဖေးအစားစားပွဲကြီးလို ပုံထားတာမှ အများကြီးပါ။ အဝစားဆိုတဲ့အတိုင်း လူတွေက ရသမျှကို ဝမ်းဗိုက်ကြီးထဲ ကြိတ်သွင်းပစ်ချင်ကြတယ်။ ဒီလိုနဲ့ လောဘတကြီးကြိုးစားရင်း နောက်ဆုံးမှာ လျှပ်တိုက်မောပန်းပြီး မကုန်နိုင် မခမ်းနိုင်ဖြစ်ရပြန်တယ် ” လို့ ထောက်ပြတယ်။ နောက်ထပ်သူက ..
.
“ ဖြည်းဖြည်းလုပ်ဆိုတာ ပျင်းရိဖို့၊ အသုံးမကျဖို့၊ နှောင့်နှေးစေဖို့ နဲ့ လေးလေးလံလံဖြစ်စေဖို့ မဟုတ်ပါဘူး။ ဒီလိုလည်း ဘယ်သူမှဖြစ်စေချင်မှာ မဟုတ်ဘူးလေ။ မလုပ်ချင်လုပ်ချင်နဲ့လုပ်ရတဲ့အလုပ်တွေကြောင့်  သူတို့ရဲ့ကျောရိုးထဲမှာ ခန္ဓာကိုယ်ကိုအနားယူဖို့ ပိုးတွေက တိုက်တွန်းနေကြတယ် ။ ဒါကြောင့် သူတို့အိပ်ငိုက်မယ်၊ အရှိန်ကျလာမယ်။ ဒါပေမယ့် သူတို့မအိပ်ကြဘူး၊ မနားကြဘူး။ အကြောင်းကတော့ အလုပ်ရှင်ကိုကြောက်ရတယ်။ အဲဒီလိုလုပ်ရင် အပြစ်ရှိတယ်လို့ခံစားနေရတယ်။ သူတို့ရှက်ကြတယ် ” လို့ ဆက်ပြောပြန်တယ်။
.
.
နောက်ထပ်စာရေးဆရာတစ်ယောက်ကတော့ “ စိတ်ဖိစီးမှုစွဲလမ်းနေတဲ့လုပ်သားတွေရဲ့ ပဋိဥာဉ်စိတ်ကြောင့် အလုပ်အမြန်လုပ်တဲ့ လူနေမှုစံနစ်ဆိုတာ မူးယစ်ဆေးဝါးလိုပဲ စွဲရင်း သုံးရင်း နစ်စေတယ်။ ဒါကြောင့်လူတွေဟာ တုံးကိုက်ကိုက် ကျားကိုက်ကိုက်လုပ်နေကြတာပဲ။ အချိန်တိုင်းမှာ လျှပ်ပျာလျှပ်ပျာလုပ်တာကြောင့် ဒီအပြုအမူ နဲ့ အရှိန်နှုန်းကပဲ ခန္ဓာကိုယ်ရဲ့ ဓါတုဖြစ်စဉ် နဲ့ ဦးနှောက်ရဲ့အစီအစဉ်တကျလှည့်ပတ်ထိန်းသိမ်းမှုကို အမြန်ဆုံးထိခိုက်စေတယ် ” လို့ သတိပေးထားပါတယ်။
.
.
( ၄ ) အရှိန်လျှော့မှုကိုရှာတွေ့ခြင်း
.
အလုပ်များတဲ့လန်ဒန်မြို့မှာနေသူတစ်ယောက်ရဲ့ သုတေသနလုပ်ပုံက ထူးခြားပါတယ်။ သူဟာ အလုပ်ကနေပြေးထွက်ဖို့ ကယ်ပေါက်အနေနဲ့ သား နဲ့ အချိန်ပေးပြီးနေကြည့်တယ်။ ( ၉ ) မိနစ်စာအိပ်ယာဝင်ပုံပြင်များဆိုတဲ့စာအုပ်ကိုလက်တွေ့ဖတ်ရှုအသုံးချပြီးသကာလ တော်တော်စိတ်သက်သာရာရခဲ့တယ်လို့ပြောပြတယ်။
.
“ အစတုန်းက အလုပ်အားလုံးကိုမပြီးရင် ချောက်ထဲကျတော့မယ့် ဘဝကို နားနားနေနေအလုပ်လုပ်တဲ့အချိန်ကျမှ ကျွန်တော်ပြန်လည်ရှာဖွေတွေ့ရှိလိုက်တယ်။ အဲဒါ ငါ ဆိုတာ သိလိုက်ရတယ်။ အခုတော့ ဒီဖီလင်တွေ ကျွန်တော့မှာ မကျန်တော့ဘူး။ သက်သာသွားပြီ ” လို့ သူ သုံးသပ်မိလာတယ်။
.
.
သူပြောတဲ့ အရှိန်လျှော့ချခြင်းဆိုတာ ပက်ကျိလိုကျင့်ကြံဖို့မဟုတ်ပါဘူး။ သူ့နေရာနဲ့ သူ့အရှိန်နဲ့ သင့်တင့်လျောက်ပတ်အောင်လုပ်ခြင်းကသာ အောင်မြင်ရာအကြောင်းရင်း ဖြစ်စေမှာပါ။ “ ကျွန်မခေါ်တဲ့ Slow ဆိုတာ တစ်ခြားသူတွေအတွက်ကတော့ အလိုက်သင့်ရေစီးကြောင်း - Flow အနေနဲ့မြင်ရမှာပါ။ ကိုယ်နဲ့အဆင်ပြေတဲ့နှုန်းနဲ့မောင်းနှင်တဲ့အခါ အားထုတ်သမျှအသက်ဝင်ပြီး အလုပ်တစ်ခုလုံးကို တစ်ကြိမ်တည်းအပြီးလုပ်နိုင်တဲ့စွမ်းရည်တွေ အလိုလိုရောက်လာပါလိမ့်မယ် ” လို့ ရှင်းပြပါတယ်။
.
သူထပ်ပြောပြတဲ့ Flow ဆိုတာ စိတ်ပါဝင်စားမှုအထွဋ်အထိပ်အရောက်ဆုံးဖြစ်စေတဲ့ ကိုယ့်အတွက်အကြိုက်ဆုံး၊ အချိုမြိန်ဆုံးကာလ - Sweet Spot ကို ပြောတာဖြစ်ပါသတဲ့။ ကိုယ့်လုပ်အား နဲ့ သက်တောင့်သက်သာဖြစ်ခြင်း - Ease တို့ဆုံမှတ်ဖြစ်တယ်လို့ ဆက်ပြောပါတယ်။ ဆိုလိုတာက ကိုယ်တစ်ကယ်အလုပ်လုပ်ရင်း သက်တောင့်သက်သာအနေအထားတစ်ခုကို ရွေးချယ်ပြီး အဆင်အပြေဆုံးကိုယ်နေဟန်ထားအတိုင်း အလုပ်ကိုလုပ်သင့်ပါတယ်။ တစ်ပြိုင်နက်တည်း အလုပ်တစ်မျိုးထက်ပိုတဲ့ ကိစ္စရပ်တွေကို တစ်ပြိုင်နက်တည်းလုပ်ဆောင်ခြင်းမှ ရှောင်ကျဉ်သင့်တယ်လို့ ပြောလိုတာဖြစ်ပါတယ်။ ဒီလိုနည်းမျိုးနဲ့ မိမိရဲ့ Sweet Spot ကို ရှာဖွေရင်း ချောမွှတ်လျောက်ပတ်စွာ လုပ်ဆောင်သင့်တဲ့အကြောင်းကိုလည်း သတင်းစကားပါးလိုက်ပါတယ်။
.
.
သူ့အနေနဲ့ လုပ်နေရတဲ့အလုပ်ဟာ ဝန်ထုပ်ဝန်ပိုးဖြစ်လာပြီး ပိပြားလာရုံမက မနိုင်တော့ဘူးဆိုရင် အဲဒီနေရာကနေ ထွက်ခွာသွားတယ်လို့ ထပ်ပြောပြတယ်။ ( ၁ဝ ) မိနစ်၊ ( ၁၅ ) မိနစ်လောက် အပြင်ကိုခဏထွက်သွားပြီး မဂ္ဂဇင်းတစ်အုပ်ကောက်ကိုင်လိုက်တာမျိုးရှိသလို ဘယ်ဟာကိုမှအဓိကမထားပဲ ကောင်းကင်ပြာကြီးကို ငေးနေလိုက်တယ်လို့ သူ့လုပ်ပုံကိုင်ပုံကို လေ့လာမိပါတယ်။
.
“ သူများတွေအမြင်မှာတော့ ကျွန်မကို ကြိုးစားပမ်းစားအလုပ်မလုပ်ဘူးလို့ထင်မှာပေါ့။ ကျွန်မအတွက်တော့ ဒါဟာ အလုပ်အားလုံးပြီးမြှောက်ဖို့ မဟာဗျူဟာတစ်ခုပါပဲ။ သိတဲ့အတိုင်းပဲ လူတစ်ချို့က နား .. နားပြန်ပြီ ဆိုပြီး မေးငေါ့တတ်ကြတယ်မဟုတ်လား ” လို့ ပြောပြန်တယ်။ သူ့ရဲ့မှတ်သားစရာစကားတစ်ခုကိုလက်ဆောင်ပေးခဲ့ပြီး စကားဝိုင်းကို အဆုံးသတ်သွားပုံက ဒီလိုပါ..။
.
“ ဂိမ်းတစ်ခုအပေါ်မှာထားရမယ့် သံမဏိစိတ်ဓါတ်ကတော့ အဆင့်တွေအားလုံးကိုကျော်ဖြတ်ပြီး အဲဒီဂိမ်းကနေ အောင်အောင်မြင်မြင်ဘယ်လိုဖောက်ထွက်သွားရမလဲဆိုတာက အရေးအပါဆုံးပါပဲ ” တဲ့လေ။
.
.


( ၅ ) ဖြည်းဖြည်းချင်းစတင်ပါ
.
မနိုင်မနင်းမဖြစ်ချင်ရင် သေးသေးလေးကနေ စတင်စေချင်တယ်။ မနက်စာ ပဲပြုပ်နဲ့နံပြားလေးစားဖို့အတွက် ပဲပြုပ် နဲ့ နံပြားလှမ်းဝယ်ပါ။ ပစ္စည်းစုံရင် မီးဖိုချောင်စားပွဲခုံမှာ ထိုင်ချလိုက်ပါ။ လိုအပ်တဲ့ ပန်းကန်ခွက်ယောက်တွေထုတ်ပြီး ကြက်သွန်နီခွာပါ၊ ပါးပါးလှီးပါ၊ ရေစစ်ပါ။ ပဲပြုပ်အနေအထားလေးပေါ်မူတည်ပြီး ဆီလေး ဆားလေး နည်းနည်းဆီထည့်ပြီး သမအောင်မွှေပါ။ ကြိုက်တတ်ရင် လက်ဖက်ရည်ပါဆယ်လေးကို မတ်ခွက်ထဲငဲ့ပြီး အေးအေးဆေးဆေးသုံးဆောင်ပါ။ ဒါဟာ ရိုးရှင်းပြီး ဖြည်းဖြည်းချင်းစတင်တဲ့ပုံစံဖြစ်ပါတယ်။
.
ဘာအနှောင့်အယှက်မှမရှိအောင် လက်ကိုင်ဖုန်း၊ တက်ဘလက်ပြား စတဲ့ Gadget တွေကို တစ်နာရီကြာအောင် ပိတ်ထားလိုက်ပါ။ ဒီလိုလုပ်ဆောင်မှုရဲ့ အဆင့်တိုင်းဟာ မိမိရဲ့မှန်ကန်တဲ့ နေ့စဉ်ဘဝကို လမ်းညွှန်ပေးပါလိမ့်မယ်။
.
.
“ ဒါဟာ တိတ်ဆိတ်အေးချမ်းတဲ့ အချိန်သမယလေးပဲ။ ဒီတဒင်္ဂလေးဟာ ငါ့ဘဝရဲ့ တံခါးမျိုးစုံကို ဖွင့်ပေးလိမ့်မယ်။ ငါနဲ့ထိုက်တန်တဲ့ပျော်ရွှင်ကျေနပ်မှုကို ရရှိတော့မယ်။ ငါ့ခန္ဓာကိုယ်ကို အားအပြည့်သွင်းထားပြီးပြီ။ ဓါတ်ခဲအားမကုန်အောင် အားအင်တွေကို ဖြည်းဖြည်းချင်းသုံးရမယ် ” လို့ နှလုံးသွင်းလေ့ကျင့်သင့်ပါတယ်။
.
ဒီနည်းလမ်းနဲ့ဆန့်ကျင်စွာ လူအများစုဟာ အိပ်ယာထကတည်းက ရတာအကုန်ယူမယ်ဆိုတဲ့စိတ်ထားကြတယ်။ ဘဝမှာ အကုန်လုံး အကောင်အထည်ပေါ်ပေါက်ပ်ြီး အားလုံးထမြောက်ဖြစ်ထွန်းချင်ရင် လူကြီးမင်းတို့မှာ အချိန်လိုပါတယ်။ အထူးအာရုံစိုက်မှုလိုပါတယ်။ အခုဘယ်ရောက်နေသလဲ? အခုလက်ရှိဘာလုပ်နေသလဲဆိုတာကို ဆန်းစစ်နိုင်ဖို့ စွမ်းအားတွေ ရင်းနှီးမြှုပ်နှံထားတတ်ဖို့လိုပါတယ်။
.
အားအင်တွေကုန်ခမ်းနေသူအဖို့တော့ ဒီလိုအမြင့်တက်အောင်မြင်မှုရမယ့်အစား လာရာလမ်းအတိုင်း ကျွမ်းပစ်ဆင်းဖို့သာ အကြောင်းရှိနေပါတယ်။ တစ်နည်းအားဖြင့် စက်သေလူပမ်းဖြစ်နေရင်တော့ လုပ်သင့်တာရော၊ မလုပ်သင့်တာရော ခွဲဝေမပိုင်းခြားနိုင်ပဲ အားလုံးကို သိမ်းကျူံးဝန်ပိ လုပ်ဆောင်နေမှာ အမှန်ပါပဲ။
.
.
( ၆ ) အရသာရှိခြင်းအနုပညာ
.
ပျော်ရွှင်ချမ်းမြေ့တဲ့အချိန်တွေကို တည်ဆောက်ယူရာမှာ အရာရာကိုအဆုံးရှူံးခံလို့ မရပါဘူး။ ကြည်နူးစရာအမှတ်တရများဟာ နေ့စဉ်အတွေ့အကြုံတွေကနေ ကိုယ့်ဘဝထဲကို ဘယ်လိုဘာသာပြန်ယူမလဲဆိုတာ နဲ့ ဘယ်လိုအသွင်ပြောင်းယူမလဲဆိုတဲ့အပေါ် လုံးလုံးလျားလျားအဓိပ္ပာယ်သက်ရောက်ပါတယ်။
.
စားချင်တဲ့အရသာအရှိဆုံးအရာကို လူတွေဟာ နောက်ဆုံးမှာချန်ထားတတ်ကြတယ်။ ဥပမာ - အစားကောင်းအသောက်ကောင်းတွေအများကြီးကို ကြိုက်သလောက်သာကုန်အောင်စားကြပါလို့ ခွင့်ပေးလိုက်တဲ့အခါ လူတွေထိပ်ဆုံးလုပ်ကြတာက “ ဖြည်းဖြည်းချင်း အကြာကြီးစားတာပါပဲ ”
.
သူတို့ဟာ စားနေဝါးနေတဲ့အတွေ့အကြုံကို အကြာကြီးခံစားလိုကြတယ်။ လျှာပေါ်အရသာခံတဲ့သုခစည်းစိမ်မျိုးကို တတ်နိုင်သမျှ ဆွဲဆန့်ထားလိုကြတယ်။ ဒီပုံပမာ မှန်မမှန်ဆိုတာကို စာဖတ်သူရဲ့ ငယ်စဉ်ဘဝကို ပြန်သတိရလိုက်ရင် အဖြေပေါ်သွားမှာ သေချာပါတယ်။
.
.
“ နှင်းဆီပန်းရဲ့မွှေးရနံ့ကိုခံစားချင်ရင် သင် ရပ်ရမယ် - If you want to smell the roses, you have to stop ” ဆိုတဲ့ စကားပုံလေးဟာ ကျွန်တော်တို့ရဲ့ ရင်ဘတ်ကို လာထိပါတယ်။ ကားမောင်းနေရင်းလှမ်းမြင်နေရတဲ့ နှင်းဆီပန်းတွေကို မွှေးစမ်းကြည့်ချင်ရင် ကားကိုလမ်းဘေးချရပ်၊ ဘေးမှန်ကိုချ၊ ကားပေါ်ကဆင်းပြီး ကိုယ်ခန္ဓာကိုကိုင်းလိုက်ကာ “ အားပါးပါး .. နှင်းဆီလေးက မွှေးလိုက်တာ ” လို့ ခံစားနိုင်မှာဖြစ်ပါတယ်။ ဒါကြောင့် ခဏနားပြီး Break အချိန်ကို ပေးဖြစ်အောင် ပေးဖို့လိုအပ်တယ်။ ဒါပေမယ့်  ဒီနေ့ခေတ်လူတွေဟာ အရသာအားလုံးကို တစ်ပြိုင်တည်းခံစားလိုပြီး တက်သုတ်ရိုက် ခုန်ပျံကျော်လွှားဖို့သာ အာရုံရောက်နေတာက စိတ်မကောင်းစရာပါ။
.
အလုပ်များမှု - Busyness ဟာ လူသားတွေဆီက လုပ်ချင်ကိုင်ချင်စိတ် - Desire ကို အဓ္ဓမသိမ်းယူပြီး လုပ်ငန်းကို ရှည်ကြာဖင့်နွဲ့ အချိန်ဆွဲဖို့ ဖြစ်လာစေတယ်။ တစ်ခုခုကို လုပ်မနေရင်ကိုပဲ အချိန်ဖြုန်းနေသလို ခံစားရစေတယ်။ မိမိကိုယ်ကိုအသုံးမကျသလို ခံစားမှုအပြင်းစားကို သွင်းပေးတယ်။ တကယ်တော့ အချိန်ကအချိန်ပါပဲ။ သုံးပုံသုံးနည်းကသာ ကွာခြားလာတာပါ။ အများသိကြတဲ့အတိုင်း အချိန်ကိုသိမ်းထားလို့မရသလို မကျရောက်မကြုံချင်လို့ ငြင်းလည်းမရပါဘူး။ အကျိုးရှိရှိအသုံးချဖို့သာ အရေးကြီးတာပါ။
.
.
အရသာရှိမှုရဲ့အနှစ်သာရကိုခံစားချင်ရင် “ မိမိစိတ်ရဲ့ပုံရိပ် ” ကိုတည်ဆောက်ဖို့ အချိန်ကို အသုံးချရမယ်။ မိမိအမှတ်ရချင်တဲ့ပုံရိပ်တွေကို ကိုယ်ပိုင်မှတ်သားထားရမယ်။ ဒီအထဲမှာ ပျော်ရွှင်ချမ်းမြေ့မှုပါမယ်၊ လှပတဲ့ရှုခင်းတောတောင်သဘာဝတွေပါသင့်ပါတယ်။ ဒီအဖြစ်သညှာတွေဟာ ကိုယ့်ဘဝရဲ့ ရွှေရောင်တောက်ပခဲ့သောနေ့ရက်များကို ဆွဲရေးဖို့ အခုလက်ရှိရော နောင်အနာဂါတ်အတွက်ကိုပါ အားအင်တွေပြည့်ဖြိုးစေမှာ အသေအချာဖြစ်ပါတယ်။
.
.
( ၇ ) အထူးကြပ်မတ်ထားတဲ့သတိ
.
မိမိကိုယ်ကို အတွေ့အကြုံကောင်းတွေပေးဖို့ဆိုတာ လွယ်ပါတယ်။ ဒီ့အတွက် ခန္ဓာကိုယ်ပေါ်က ဝင်လေထွက်လေပေါ်မှာ မိမိစိတ်ကို ဇောင်းတင်ထားပေးလိုက်ရုံပါပဲ။ ဒါမှမဟုတ် ခန္ဓာကပေးတဲ့ ရောဂါဝေဒနာတစ်ခုခုကို အာရုံစိုက်ပြီး လိုက်သိနေရုံနဲ့တင် အသိစိတ်ကို ချက်ချင်းရရှိနိုင်ပါလိမ့်မယ်။
.
ကမ္မဋ္ဌာန်းထိုင်ကျွမ်းကျင်ပညာရှင်အမျိုးသမီးတစ်ယောက်က လုပ်အားပေးကုသိုလ်ရှင်တစ်ချို့ကို အခန်းတစ်ခုထဲမှာ ဘာအလုပ်မှမလုပ်စေပဲ ( ၆ ) မိနစ် နဲ့ ( ၁၅ ) မိနစ်ကြား ထည့်ထားတယ်။ ဒါပေမယ့် သူတို့ကို စဉ်းစားနေစေတယ်။ ပြီးတော့ အန္တရာယ်မရှိတဲ့အီလက်ထရောနစ်လျှပ်စစ်ဓါတ်အနည်းငယ်ကို သူတို့ရဲ့ခန္ဓာကိုယ်ပေါ် ဖြတ်သန်းသွားစေတယ်။
.
.
ဒီစမ်းသပ်ချက်အရ အစပိုင်းမှာတော့ သူတို့ကို မသက်မသာဖြစ်စေတယ်လို့ သိရတယ်။ သူတို့ဟာ သတိပဋ္ဌာန်ရဲ့ မူရင်းသဘောသဘာဝအရ ဘာမှမလုပ်နေတဲ့အချိန်မှာ ကြုံနေရတဲ့ခံစားချက်ကို ဝေဖန်မှုမပြုခြင်းဖြင့်ရယူနိုင်မှန်း နောက်ပိုင်းမှာသိလာကြတယ်။ ကမ္မဋ္ဌာန်းထိုင်ခြင်း ( တရားထိုင်ခြင်း ) ကနေ သူတို့ဟာ အကျိုးကျေးဇူးအတွဲလိုက်ခံစားလာရတယ်။
.
အဲဒီပညာရှင်က “ တရားထိုင်ခြင်း၊ ကမ္မဋ္ဌာန်းထိုင်ခြင်း၊ ဘာမှမလုပ်ပဲစိတ်စုစည်းထားခြင်း၊ နားနေခြင်း၊ သက်တောင့်သက်သာနေခြင်း၊ သတိရှိနေခြင်း ဆိုပြီး အမည်နာမတွေဘယ်လိုပဲကွဲကွဲ လူတွေကိုကူညီမယ့် အကျိုးရလဒ်အပြည့်ရဖို့ အခွင့်အလမ်းရှိတယ်ဆိုတဲ့ တူညီနဲ့အကျိုးကျေးဇူးကို ရရှိနိုင်မှာဖြစ်ပါတယ် ”
.
“ တစ်ကယ်လို့သာ အလုပ်မှာအဆင်မပြေလို့ စိတ်ရှုတ်နေမယ်၊ စိတ်တိုနေမယ်၊ ဒေါပွနေမယ်ဆိုရင် မိမိကိုယ်ကို အုပ်စုပြန်ဖွဲ့ရမယ်။ လုပ်ရမှာတစ်ခုက စိတ်စုစည်းမှုကိုအခြေချလိုက်ပါ။ စိတ်ခံစားမှုကို အသက်ရှူမှုလမ်းကြောင်းပေါ်ပို့လိုက်ပါ။ ဒီအတွက်နဲ့တော့ ထိုင်ခုံမှာခြေချိတ်၊ မျက်စိကိုစုံမှိတ်၊ ကြည့်မကောင်း မြင်မကောင်း ထိုင်နေဖို့မလိုပါဘူး ” လို့ သူ သိထားသမျှကို ပြောပြတယ်။
.
.
ခေါင်းလောင်းသုံးကြိမ်မြည်ပြီးမှ တယ်လီဖုန်းကိုကောက်ကိုင်လိုက်တဲ့အခါ မိမိစိတ်ထဲမှာ အစည်းအဝေးအတွက်ပြောမယ့်စကားလုံးတွေကို အဆင်သင့်ဖြစ်စေတယ်။ ဒါဆို အားလုံးကိုတစ်ပြိုင်တည်း တစ်ချိန်တည်းပြီးဖို့ အချိန်တွေမလိုအပ်တော့တာ တွေ့ရမယ်။
.
သတိရှိနေတဲ့စိတ်ဟာ တစ်နေ့လုံးကြုံနေရတဲ့ ရူးသွပ်ဖွယ်အချိန်တွေကို အုပ်စုပြန်ခွဲပေးတယ်။ အကန့်လိုက် သပ်သပ်စီလုပ်နိုင်ဖို့လမ်းညွှန်ပေးတယ်။ မိမိပတ်ဝန်းကျင်မှာဖြစ်ပေါ်နေတဲ့ ကိစ္စ ဝိစ္စမှန်သမျှကို အမှန်ကိုအမှန်အတိုင်းမြင်နိုင်အောင် ခင်းကျင်းပေးပါလိမ့်မယ်။ အဲဒီ သတိစိတ်ဟာ သူတစ်ပါးပိုင်တာမဟုတ်ပါဘူး .. မိမိရဲ့အတွင်းသဏ္ဍန်မှာ ရှိနေပြီးသားပါ။ မတွေ့ပဲ ကျော်သွားဖန်များလွန်းလို့သာ မရှိဘူးလို့ထင်နေတာဖြစ်ပါတယ်။
.
.
သတိစိတ်ရှိနေတဲ့လူတစ်ယောက်ကို သာမန်ကြည့်ရင် မြန်မြန်လုပ်ဖို့ပျင်းနေတဲ့လူတစ်ယောက်လို့ ထင်ရကောင်းထင်ရနိုင်တယ်။ ဒါပေမယ့် သူ့ရဲ့သုတေသနအရ ဒီလိုလေ့ကျင့်ပြီးသူတွေဟာ အလုပ်ခွင်ပြန်ဝင်တဲ့အခါ စွမ်းဆောင်ရည်တွေတက်လာတာ တွေ့ရတယ်။ လုပ်နေတဲ့အလုပ်ကို မနားခင်ကထက် ပိုမိုအာရုံစိုက်လာနိုင်တာကိုလည်း ဝမ်းမြောက်ဖွယ်ရာ သိရတယ်။ တစ်ဆက်တည်းမှာ “ အိုမင်းညည်းတွားနေတဲ့အချိန်တွေကို အစိတ်စိတ်အမွှာမွှာပိုင်းလိုက်တဲ့အခါ လန်းဆန်းတဲ့အကြိမ်သေးလေးများစွာ တန်းဆက်နေတာကို ” ထူးကဲစွာတွေ့ရမှာဖြစ်ပါတယ်။
.
ဒီလိုသာ လွင့်ပျံ့နေတဲ့စိတ်ကိုသန့်ရှင်းစင်ကြယ်မှုပြုလုပ်ပြီး မိမိကိုယ်ခန္ဓာကိုယ်ထဲကို အချိန်ကိုက်ပြန်လည်ခေါ်ယူနိုင်မယ်ဆိုရင် အလုပ်ကြမ်းပြင်မှာဖြစ်သင့်ဖြစ်ထိုက်တဲ့ အဓိက နဲ့ သာမညကို လွယ်ကူမြင်သာစွာခွဲခြားနိုင်ပါလိမ့်မယ်။ ဒီကနေတစ်ဆင့် ကျွန်တော်တို့ဘာလုပ်သင့်သလဲ၊ ဦးစားပေးကဘာလဲ၊ ရည်ရွယ်ချက်ကဘာလဲဆိုတာကို မူရင်းစီမံကိန်းမပျက် ဆောင်ရွက်နိုင်တာကို တွေ့မြင်ရဦးမှာပါ။
.
.
( ၈ ) သတိတရားကိုအလုပ်ခန့်ခြင်း
.
သတိတရားကိုလက်ကိုင်ထားပြီး အားလပ်ချိန်နဲ့ညှိယူသူနောက်တစ်ယောက်ကတော့ ကုမ္ပဏီပိုင်ရှင်တစ်ယောက်ဖြစ်ပါတယ်။ သေလုနီးပါးမတော်တဆထိခိုက်မှုခံရပြီးနောက်မှာ သူ့ကုမ္ပဏီမှာ ယောဂကျင့်စဉ်ကိုခွင့်ပြုပေးလိုက်သူလို့ လူသိများပါတယ်။ သူ့ကုမ္ပဏီက ဝန်ထမ်းပေါင်း ( ၁၃ဝဝဝ ) လုံး တက်ရောက်ကြတယ်။ သင်တန်းကပေးတဲ့ရလဒ်အဖြေကတော့ သူ့ဝန်ထမ်းတွေမှာ စိတ်ဖိစီးမှုသိသိသာသာလျော့နည်းလာတယ်၊ နှလုံးခုန်နှုန်းလျှော့ကျလာတယ်၊ သွေးပျစ်ပြီးစိတ်ကျဉ်းကြပ်စေတဲ့ဟော်မုန်းတွေလျော့နည်းလာတာကို တွေ့ရှိလာရတယ်။
.
နောက်ဆက်တွဲအကျိုးဆက်အနေနဲ့ ကျန်းမာရေးကောင်းလာတဲ့အတွက် ကုမ္ပဏီက ထည့်ဝင်ဝယ်ယူပေးရတဲ့ ကျန်းမာရေးအာမခံဟာ ငွေဖြုန်းသလိုတောင် ဖြစ်လာပါတော့တယ်။ ဒါကြောင့်ပဲ ကုမ္ပဏီသူဋ္ဌေးရဲ့ ဒေါ်လာငွေ ( ၉ဝဝဝဝ ) ကို သက်သာသွားစေတယ်။
.
နောက်တစ်ဦးက သတိတရား နဲ့ တရားထိုင်ခြင်းဟာ သူ့အလုပ်တွေရဲ့မျှခြေကိုရှာပေးရုံမက အိမ်မှုဘဝကိုပါ ပြည့်စုံစေတယ်လို့ဆိုလာသူ စာရေးဆရာတစ်ယောက်ဖြစ်ပါတယ်။ သူပြောတာက “ ကျွန်တော်တို့ဟာ တစ်စုံတစ်ခုအတွက် ဒါမှမဟုတ် နောက်ထပ်တစ်ခုအတွက် အမြဲတမ်းစိတ်ပူနေတယ်။ သတိတရား နဲ့ တရားထိုင်ခြင်းဟာ စိတ်ဖိစီးမှုတွေကနေလွတ်တဲ့အခန်းငယ်လေးတွေကို ဖန်တီးပေးတယ်။ ဒီအလေ့အကျင့်ကောင်းတွေကနေ လက်ရှိဘာဖြစ်နေသလဲဆိုတာကိုလက်ခံဖို့ လူတွေကို ညည်းခံနိုင်စွမ်းတွေပေးတယ်။ သို့သော်လည်း ဒါဟာ လုံးဝကြီးထုံထိုင်းစေတာမဟုတ်သလို တွန်းအားအနေနဲ့လည်း မဖြစ်စေပါ ” ဟူ၍ပဲ ဖြစ်ပါတယ်။
.
.
ဖိစီးတဲ့စိတ်ကို လျှော့ချလိုက်တယ်ဆိုရင်ပဲ လုပ်ငန်းဆောင်တာအပေါ်အာရုံစိုက်မှုတိုးလာတာက လက်ငင်းအကျိုးရရှိမှုပါ။ ဒါ့အပြင် စိတ်ဖိစီးမှုနည်းလာတာနဲ့အမျှ အလုပ်လုပ်ချင်စိတ်က တစ်မျိုးတစ်မည် မျိုးပွားလာပါတယ်။
.
အခြားတစ်ဖက်ကိုကြည့်လိုက်ပြန်ရင်လည်း အလုပ်ကိုဂရုစိုက်လာတာနဲ့တစ်ပြေးညီ လစ်ဟာနေတဲ့ပျော့ကွက်တွေကို တမင်သက်သက်ကြည့်စရာမလိုပဲ အလိုလိုမြင်သာလာတာ သတိထားမိပါလိမ့်မယ်။ ပြန့်ကျဲပြီး လိုရာမသိဖြစ်နေတဲ့စိတ်အစဉ်တွေကို ရပ်တန့်လိုက်ပြီး လက်ရှိဖြစ်နေတဲ့ ဘဝအခြေအနေကို အမှတ်ရလိုက်မယ်ဆိုရင် သတိလက်လွတ်ဖြစ်နေမှန်းမသိဖြစ်နေတဲ့ ပျက်ကပ်အချိန်တွေကို ထိန်းချုပ်နိုင်ပါလိမ့်မယ်။
.
.
( ၉ ) စိတ်ကြည်တဲ့ကမ္ဘာမှာတည်ငြိမ်မှုကိုရှာဖွေခြင်း
.
Costco Member တစ်ယောက်ပြောတဲ့ WhiteSpace ဆိုတာကို “ စိတ်ကြည်တဲ့ကမ္ဘာ ” လို့ အနီးစပ်ဆုံး မြန်မာမှုပြုကြည့်လိုက်ပါတယ်။ သူပြောတဲ့ နေရာအသေးလေး - The Little Space ကို ရှာဖွေဖို့ အချိန် ( ၃ဝ ) စက္ကန့်သာ လိုပါတယ်။ ဓါတ်လှေခါးထဲမှာရပ်နေစဉ်၊ အလုပ်ရုံးခန်းမှာထိုင်နေစဉ် အသက်ဝဝရှူဖို့ပဲ လိုပါတယ်။ သူ့ရည်ရွယ်ချက်က ကြပ်တည်းနေတဲ့အစီအစဉ် - Schedule တွေကြားမှာ ဦးနှောက်ကိုပွင့်အောင် ဖွင့်ပေးရမှာပါ။ မရပ်မနားတဲ့လှုပ်ရှားမှုတွေကြားမှာ စက္ကန့် ( ၃ဝ ) စာ အနားပေးပြီး WhiteSpace ကို ရှာခိုင်းတာဖြစ်ပါတယ်။
.
အဓိကပြသနာက အစည်းအဝေးတွေဖြစ်တယ်လို့ သူက ထပ်ပြောတယ်။ ဘာဖြစ်လို့လည်းဆိုတော့ နောက်ပိုင်းအစည်းအဝေးတွေဟာ တစ်ဖက်ကဆွေးနွှေးသူကို အင်တာနက်ကနေ တိုက်ရိုက်မြင်နေရတဲ့ Conference Call ဖြစ်နေတာကြောင့်ပါ။ စကားပြောရင်း ဆွေးနွှေးရင်းနဲ့ ထမင်းစားချိန်အထိ ဆက်ဆက်သွားတာက ပိုဆိုးတယ်။ သူ့ရည်ရွယ်ချက်က တစ်ဆက်တည်းဖြစ်စေတဲ့ လှုပ်ရှားမှုများကို အပိုင်းလိုက်ခွဲခြမ်းပြီး အချိန်အကန့်လေးတွေ လုပ်ဆောင်စေတာဖြစ်တယ်။
.
.
ဒီနည်းလမ်းကိုအသုံးပြုခဲ့တဲ့ ဟောပြောပွဲဆရာမတစ်ဦးက “ ငွေပေးဝယ်လို့မရတဲ့ဈေးကွက်ထဲမှာ ဒီနည်းဟာ အကြည်လင်ဆုံး၊ အကြီးကျယ်ဆုံး၊ အမြင်သာဆုံးလမ်းညွှန်ပေးတဲ့ မြှားခေါင်းတစ်ခုလိုပါပဲ။ တစ်ချက်တည်းနဲ့ ကျွန်မတို့ရဲ့ပြသနာက ဘာဆိုတာကို ပစ်မှတ်ထိအောင်ပစ်ပြသွားတယ် ” လို့ အသိအမှတ်ပြုခဲ့တယ်။
.
သူပြောသလို လူတွေက ကျန်းမာရေးမကောင်းတဲ့အခါကျမှ အနားယူဖို့ သတိရကြတယ်။ ဒါမှမဟုတ် တီထွင်ဆန်းသစ်တတ်တဲ့ဝန်ထမ်းတစ်ယောက်က စွမ်းဆောင်ရည်တွေကျလာတာကိုမြင်တဲ့အခါကျမှ WhiteSpace ကို သတိထားမိလာတတ်ကြတယ်။
.
.
WhiteSpace ကို သတိထားမိစေတဲ့နောက်ထပ်အခြေအနေတစ်ခုကတော့ ကုမ္ပဏီက ကုန်ကျစားရိတ်အင်မတန်ကြီးမားတဲ့အမှားမျိုးကျူးလွန်တဲ့အခါမျိုးမှာ ပိုသိသာတယ်။ ဒီကနေ လူတွေရဲ့စိတ်ဓါတ်တွေ စောက်ထိုးကျဆင်းကုန်တယ်။ ဝန်ထမ်းကောင်းတွေစိတ်ပျက်ပြီး တစ်ခြားကုမ္ပဏီကို ခုန်ကူးပြီးကာမှ သတိရတယ် .. ငါတို့ မှားနေကြပြီ … လို့ပေါ့။
.
.
မိမိလုပ်ငန်းကို အစီအစဉ်တကျစီမံဖို့ လူတွေကိုခိုင်းစေရတာ မဖြစ်နိုင်တဲ့ကိစ္စတစ်ခုမဟုတ်ပါ .. လုပ်ရင်ရပါတယ်။ ဒီ့အတွက် လုပ်ငန်းသဘာဝကို ကျွမ်းကျင်နေဖို့လိုတယ်။ “  ရှင်တို့ မှားခဲ့တယ်၊ နာကျင်ကြတယ်။ မေးခွန်းလည်း မမေးကြဘူး။ ဒီ့အပြင် ကျရှူံးခန်းမှာ သိပ်ပြီးနစ်မြှုပ်နေကြတယ်။ ပိုဆိုးတာက ဘယ်ကိစ္စကြောင့် ဒီလိုမှားသွားတယ်ဆိုတာ သိတောင်မသိလိုက်ကြဘူး ” ဆိုတဲ့ ဟောပြောချက်မျိုးလည်း အပါအဝင်ပေါ့။
.
“ တစ်ကယ်တော့ ဒါဟာ နယ်စပ်မျဉ်းကြောင်းလိုပဲ၊ ပါးပါးလေး ကာထားရုံသာ။ တီထွင်ကြံဆမှု၊ သွက်လက်ကစားမှု၊ လွတ်လပ်စွာတွေ့ကြုံမှု .. လူတွေမှာ ဒါတွေလိုအပ်နေတယ်။ ဒီအကြောင်းအရာတွေ နဲ့ အလေ့အကျင့်တွေကိုမွေးမြူသင့်လှပါတယ် ” လို့ သူက ထပ်ဆွေးနွှေးတယ်။
.
ထပ်ဆင့်အာရုံစိုက်မှုကနေ မိလာတဲ့အချိတ်အဆက်တွေ အင်အားတောင့်တင်းလာမယ်။ သူနောက်ဆုံးတင်ပြသွားတာက “ WhiteSpace ဆိုတဲ့အချိန်မှာ အပြင်းအထန်ကြီးအသက်ရှူသွင်း ရှူထုတ်လုပ်နေဖို့မလိုပါဘူး။ အဲဒီအချိန်မှာ တစ်ခြားရှုတ်ပွနေတဲ့အရေးကိစ္စများကို တစ်ပြိုင်နက်တည်းလုပ်မနေဖို့သာ အရေးကြီးပါတယ် ” လို့ ဖြည့်စွက်ပြောသွားပါတယ်။
.
.
စာဖတ်သူများလည်း မိမိတို့ရဲ့ တည်ငြိမ်မှုကိုရှာဖွေနိုင်ရုံမက သတိတရားလက်ကိုင်ထားပြီး WhiteSpace လေးထဲမှ ခေတ္တကွန်းခိုနိုင်ပါစေ။
.
ခင်မင်ခြင်းများစွာဖြင့်
.
07-05-2015
.
Ref: Costco Connection : A Call for Calm : June 2015, Volume 30