ကျောင်းအပ်နေ့

ဆောင်းပါးရှင် - ကိုညီညီ ( တောင်ကြီး )

.

.

ဒီနေ့လို နေ့ရက်မျိုး ( ၆ ) နှစ် ဖြတ်သန်းခဲ့ပြီးပြီ။ မြန်မာနိုင်ငံက ထွက်လာခဲ့ကတည်းက ဒီလိုနေ့ရက်တွေကို အိပ်မက် မက်ခဲ့တာ အကြိမ်ပေါင်း မရေနိုင်တော့ပါ။ မိဘတွေရဲ့လုပ်ပိုင်ခွင့်တွေ နဲ့ ကုန်သည်တစ်ယောက်ရဲ့ စီးပွားရှာခွင့်တွေကို ဒါနဲ့လဲရတာ တန်ပါတယ်။ အကိုင်းအခက်တွေ ဝေဝေဆာဆာ စွင့်ကားလို့ နောက်တစ်နေ့ နေမင်းကြီးကိုစောင့်နေရင်း ပွင့်ဖို့အဆင်သင့်ဖြစ်နေတဲ့ သစ်ပန်းမာလာတွေကို ကြည့်ပြီး ဘယ်ဥယျာဉ်မှူးမျိုးက ပီတိမဖြစ်ပဲနေပါ့မလဲ။ တစ်ခါတစ်ခါ တက်လာတဲ့ပေါင်းပင်တွေ ရှင်းရတိုင်း၊ ကျရောက်လတဲ့သော လမ်းလွဲပိုးမွှားများရန်က ကာကွယ်ရတိုင်း၊ ရံဖန်ရံခါ နေပူလွန်း မိုးရွာလွန်း အေးခဲလွန်း ရာသီဥတု အပြောင်းအလဲတွေကြား မထိခိုက်ရလေအောင် ပျိုးထောင်ရတိုင်း ပန်းပျိုးသူတို့ရဲ့လက်တစ်စုံဟာ ကမ္ဘာကြီးကို လွှမ်းခြုံနိုင်တယ်ဆိုတာ ယုံကြည်လာတယ်။

.

.

ပညာရေးဟာ ဒီကလေး လူငယ်ဘဝကနေ ဘယ်လောက်သင်ယူပြီး ဘယ်နည်းဘယ်ပုံ အများအကျိုးသယ်ပိုးနိုင်သလဲအပေါ်မှာ တန်ဖိုးသတ်မှတ်တဲ့ နိုင်ငံတွေ ဒီကမ္ဘာမြေပေါ်မှာရှိပါတယ်။ သို့သော်လည်း ကျွန်တော်တို့ ကြီးပြင်းခဲ့ရတဲ့ ကူးရေး-ကျက်-အလွတ်ဖြေ အဆင့်က ပေးလိုက်တဲ့ စာတွေ ကျွန်တော်တို့ ဘာမှ မမှတ်မိတော့ပါဘူး။ ဘဝမှာကြုံလာတဲ့အခက်အခဲကို ကိုယ့်နည်းကိုယ့်ဟန်နဲ့ပဲ အားလုံးဖြေရှင်းခဲ့ရတာချည်းပါပဲ။ ငယ်ငယ်က ကိုယ့်ကိုအုပ်ထိန်းသူတွေရဲ့ “ ကျောင်းပြီးတော့ မင်းဘာလုပ်မှာလဲ? နောက်ဆုံးတော့ ကုန်သည်ပဲ လုပ်ရမှာပဲ။ စာဆိုတာ ရေးတတ် ဖတ်တတ်ရင် တော်ပြီ အချိန်မဖြုန်းနဲ့ .. ကျောင်းထွက် ” မူ ကြောင့်ပဲ ဘဝမှာ မိုးခါးရေ သောက်ခဲ့ရတဲ့အချိန်တွေများခဲ့သလို အတိုက်အခံလုပ်ပြီး တက္ကသိုလ်တက်ရင်း လမ်းလွှဲရောက်ခဲ့ရတဲ့အထိပါပဲ။ တစ်ခုတော့ကောင်းသွားပါတယ်။ ကျွန်တော့သားသမီးအလှည့်ကျရင် မဖြစ်မနေ နိုင်ငံတကာ ပညာရေးကို ရအောင်သင်ပေးမယ်ဆိုတာ ကျွန်တော် ဆုံးဖြတ်နိုင်ခဲ့တယ်။

.

.

နောက်တစ်ပတ် တနင်္လာဆို “ စွမ်း ”  က ( ၁ဝ ) တန်းတက်မယ်။ အမေရိကန်အထက်တန်းကျောင်းရဲ့ ကျောင်းအပ်လိုအပ်ချက်တွေကို အားလုံးလေ့လာနိုင်အောင် အသေးစိတ်တင်ပြပေးလိုက်ပါတယ်။

.

.

.

.

( ၉ ) တန်းစာမေးပွဲကြီး မဖြေခင်မှာ ကျောင်းက ကျောင်းသားကို ၂ဝ၁၄-၂ဝ၁၅ ကျောင်းအပ်စာရွက် ပေးလိုက်တယ်။ စာရွက်ဝါပေါ်မှာ “ ဒီနှစ်ကျောင်းအပ်ဖို့အကြောင်းကြာစာကို စာတိုက်ကနေ အိမ်ကို စာပို့ပေးမှာမဟုတ်ပါဘူး။ ကျောင်းဝက်ဆိုဒ်မှာကြည့်ပြီး အိမ်တွေမှာပဲ ပရင့်ထုတ်ရယူပါ။ ပရင်တာမရှိသူများ စာကြည့်တိုက်တွေမှာ သွားထုတ်ယူပါ။ ကျောင်းသားများဟာ ကျောင်းမဖွင့်ခင်မှာ ကျောင်းအပ်ပြီးသားဖြစ်နေရမယ်။ မအပ်ရသေးရင်တော့ ကျောင်းအုပ်ချုပ်ရေးရုံးဆီကို ပြန်သွားခိုင်းရပါလိမ့်မယ်။ ဒီကျောင်းအပ်လျှောက်လွှာဟာ ကျောင်းသားအတွက် အတန်းနေရာရဖို့ အာမခံတာမဟုတ်ပဲ ပြီးပြည့်စုံအောင်ဖြည့်ထားတဲ့ စာရွက်စာတမ်းအရသာ နေရာပေးသွားမှာဖြစ်ပါတယ် ” လို့ ရေးထားပါတယ်။ ဒါ့အပြင် ( ၁ဝ ) တန်း - Sophomores သမားများ နဲ့ ( ၁၂ ) တန်း - Seniors တွေကို ကျောင်းအပ်ရက်အတူတူ သတ်မှတ်ပြီး ( ၉ ) တန်း နဲ့ ( ၁၁ ) တန်း ကို နောက်တစ်ရက်မှာ အပ်ခိုင်းတယ်။ အောက်ဆုံးမှာတော့ ကျောင်းဖွင့်မယ့်ရက်ကို ရေးထားပါတယ်။

.

.

ကျောင်းအပ်လုပ်ငန်းစဉ်စာရွက် - Registration Process စာရွက်မှာ စတစ်ကာ - Sticker ကပ်ဖို့ အကွက် ( ၈ ) ကွက် ပါတယ်။

.

.

.

.

Station 1 အကွက်မှာ စာရင်းပေးထားတဲ့ ကိုယ်ရေးအချက်အလက်တွေဖြည့်ပြီးသားဖြစ်ရပါမယ်။ ဒါကို စစ်ပြီးတဲ့အခါ ( ထိုင်မစစ်ပါဘူး၊ ကြည့်ရုံကြည့်လိုက်တာပါ ) ခုံတန်း နဲ့ ထိုင်နေတဲ့ လုပ်အားပေးကျောင်းသားတွေက သူတို့ခုံကို လာရောက်ဖြတ်ကျော်ပြီးတဲ့အထောက်အထား ကပ်ခွာ စတစ်ကာ ကပ်ပေးလိုက်တယ်။ နောက်တစ်နေရာအတွက် တန်းစီတဲ့အခါ မိုးလုံလေလုံခန်းမထဲ ဝင်လာရတယ်။

.

Station 2 အကွက်အတွက် ( ၉ ) တန်း ကျောင်းသားကို ဒီပြည်နယ်မှာ နေထိုင်ကြောင်းသက်သေ တောင်းပါတယ်။ ဒါကို ရပ်ကွက်တို့ဘာတို့ ထောက်ခံစာမလိုပါဘူး။ ကိုယ့်အိမ်ကိုလာတဲ့ မီတာခ၊ ဖုန်းဘေ၊ အင်တာနက်စာရွက် စသဖြင့် တစ်ခုခုပြနိုင်ရင် ရတယ်။ လိပ်စာပြောင်းရင် အကြောင်းကြားဖို့လိုတာ သတိပေးထားတယ်။ နောက်ထပ်တောင်းတဲ့ အချက်တွေက အရေးပေါ်ဆက်သွယ်ရန်ဖောင် - Emergency Card Form ၊ ( ၁၁ ) တန်း နဲ့ ( ၁၂ ) တန်းတို့အတွက် စစ်မှုထမ်းဖောင် - Military Form ၊ ကျောင်းသား၏တာဝန်ဝတ္တရားများခံဝန်သဘောတူညီချက် - Student Responsible Use Agreement ၊ အခမဲ့ နှင့် တန်ဖိုးသက်သာနေ့လည်စာဖောင်များ - Free and Reduced Lunch Forms ၊ မိဘလုပ်အားပေးဖောင် - Parent Volunteer Form  နဲ့ ဖတ်စာအုပ်တာဝန်ယူမှုဖောင် - Textbook Responsibility Form တွေ ဖြစ်ကြပါတယ်။ ဒါတွေစုံပြီဆိုရင်တော့ ထိုင်ခုံမှာစောင့်နေတဲ့ ဆရာမ က ကပ်ခွာတစ်ခု ထပ်ကပ်ပေးလိုက်ပါတယ်။

.

Station 3 မှာ ကိုယ်ဝယ်ထားတဲ့ ကျောင်းဝန်ဆောင်မှုရဲ့ရှေ့မှာ အမှန်ခြစ်ပေးရုံပါ

.

Station 4 မှာတော့ ( 3 ) မှာ ရွေးထားတဲ့ ငွေကိုပေးရန်။ ငွေသား၊ ခရက်ဒစ်ကဒ်၊ မန်းနီးအော်ဒါ လက်ခံပေမယ့် ကိုယ်တိုင်ရေး ချက်လက်မှတ် လက်မခံပါ။ ဒီနေရာမှာ သားသမီးက မပြောပြထားလို့ ပင်ပင်ပန်းပန်း ကောင်တာရှေ့ရောက်မှ ငွေမလောက်တဲ့ မိဘတစ်ဦး ဆုံခဲ့ရပါသေးတယ်။ ဆရာမ က နောက်မှပြန်လာဆိုလို့ စိတ်တိုပြီး အိမ်ကို ဖုန်းဆက်ပြီး ငွေလာပို့ခိုင်းနေသံကြားရပါတယ်။

.

Station 5 မှာ ကာယလေ့ကျင့်ခန်း - P.E – Physical Education ဝတ်စုံထုတ်ရန်။ စွမ်းက ပြီးခဲ့တဲ့နှစ်က အင်္ကျီရှိပြီးသားမို့ ထုတ်စရာမလိုပါ

.

Station 6 ကျတော့ စာသင် ( ၁ ) နှစ်စာ အစီအစဉ်စာအုပ် - Planner စာအုပ်ထုတ်ရန်ဖြစ်တယ်

.

Station 7 မှာ အားကစားရုံ Gym ထဲသွားပြီး ကျောင်းသားကဒ်အတွက် ဓါတ်ပုံရိုက်ရတယ်။ လက်ခံတဲ့လုပ်အားပေးကျောင်းသားများက စာရင်းလက်ခံပေးပြီး  ဓါတ်ပုံသမား ( ၄ ) ဦးထဲက ကြိုက်တဲ့သူနဲ့ရိုက်နိုင်ပါတယ်။ ရိုက်ပြီးပြီးချင်း ဘဏ်ကဒ်ဆိုဒ် မှတ်ပုံတင် - ID Card ထုတ်တဲ့စက်ကနေ စွမ်းရဲ့ ကျောင်းသားကဒ် တစ်ပါတည်း ပေးလိုက်ပါတယ်။ .

.

နောက်ဆုံးခုံ Station 8 မှာ ID ကဒ် အသစ်ပြပြီး အချိန်ဇယား - Schedule ထုတ်ရတယ်။ ဒီကဒ်ပြားပေါ်မှာ စွမ်း ရဲ့ ဒုတိယအချိန် - Second Period မပါလာလို့ တာဝန်ကျအုပ်ချုပ်ရေးဆရာမ - Student Service Staff ကို မေးတော့ ဒီ Schedule ကို ကိုင်တဲ့ ဆရာမ ဖုန်းနံပါတ်ပေးတယ်။ ဆက်ကြည့်တော့ မတွေ့ပဲ စွမ်း က Voice mail မှာ သူ့နာမည်၊ Student ID နံပါတ် နဲ့ ဖုန်းနံပါတ်ချန်ထားခဲ့လိုက်တယ်။ မကြာခင် ဆရာမ ပြန်ဆက်လာပြီး ဒုတိယအချိန် စာရင်းသွင်းဖို့ လိုသွားကြောင်း နဲ့ အဆင်မပြေမှုအတွက် တောင်းပန်ကြောင်းပြောတယ်။ အချိန်နည်းနည်းညှိပြီး အဆင်ပြေသွားတယ်။ အားလုံးလည်းပြီးသွားရော အကွက် ( ၈ ) ကွက်မှာ စတစ်ကာလေးတွေ ပြည့်သွားပါတော့တယ်။

.

.

.

.

အွန်လိုင်းက ပရင့်ထုတ်ရတဲ့ စာရွက်တွေထဲမှာ ကျောင်းတက်ပြက္ခဒိန် ပါပါတယ်။ အဲဒီထဲမှာ အတန်းလိုက် ကျောင်းဖွင့်ရက်၊ ကျောင်းပိတ်ရက်၊ ဆရာ ဆရာမတွေ အစည်းအဝေးရှိလို့ ကျောင်းနောက်ကျတက်ရရက် နဲ့ အစိုးရကျောင်းပိတ်ရက်တွေကို တစ်နှစ်လုံးစာ ရေးပေးထားတယ်။ ပြီးတော့ကျောင်း - Semester ( ၃ ) ပိုင်းခွဲပြီးသင်ကြားတာလည်း ရေးပြထားတယ်။ တစ်နှစ်လုံးမှာ နွေရာသီမပါ ကျောင်းပိတ်ရက်ရှည် ( ၂ ) ကြိမ်ပေးပါတယ်။ ရွက်ကြွေရာသီအတွက် Spring Break ကို ဧပရယ်လ ( ၆ ) ရက်နေ့ကနေ ( ၁၂ ) ရက်အထိ တစ်ပတ် ပိတ်ပေးသလို ဆောင်းရာသီ Winter Break ကို ဒီဇင်ဘာ ( ၂၂ ) ရက်နေ့ စပိတ်ပြီး နောက်တစ်နှစ် ဇန္နဝါရီလ ( ၅ ) ရက် ကျမှ ပြန်ဖွင့်ပြီး ( ၂ ) ပတ် အားလပ်ရက် ရမှာပါ။

.

.

ကျောင်းဝန်ဆောင်မှုစာရွက်မှာ ကျောင်းသားလှုပ်ရှားမှုအသင်းဝင်ကဒ်တွေ ဝယ်နိုင်သလို အလှူငွေများ ထည့်လိုက ထည့်နိုင်ပါတယ်။ မထည့်မနေရ မဟုတ်ပါ။ နှစ်ကုန်လို့ တစ်ကျောင်းလုံးရဲ့ အတန်းတွေအလိုက် ဓါတ်ပုံတွေရိုက်၊ စုပေါင်းလှုပ်ရှားမှုပုံတွေ၊ ဆရာ ဆရာမပုံတွေပါတဲ့ Yearbook ဆိုတာကိုဝယ်ချင်ရင် ဒေါ်လာ ( ၁ဝဝ ) ပေးရပြီး ကိုယ်မဝယ်ရင် သွင်းစရာမလိုပါဘူး။ နောက်ဆုံးနှစ် ( ၁၂ ) တန်းရောက်မှ အမှတ်တရ ဝယ်ပေးမယ် ငွေချွေတာရအောင်လို့ စွမ်း ကိုတော့ ပြောထားတယ်။ ( ၁၂ ) တန်းနာမည်ထိုး သီးသန့်တီရှပ် ဝယ်ချင်ရင် စာရင်းပေးထားရပြီး နောက်မှဈေးသိမယ်ဆိုတဲ့ TBD – To Be Determined လို့ ရေးထားတယ်။ ဦးထုပ်ပါတဲ့ အနွေးထည် - Hoodie ဝယ်ချင်ရင်လည်း စာရင်းပေးထားလို့ရတယ်။ အပြေးအားကစား ပါဖို့ နွေရာသီတစ်လျှောက်လုံး လေ့ကျင့်ထားတဲ့ စွမ်းအတွက် အားကစားကြေး ဒေါ်လာ ( ၄ဝ ) ပေးလိုက်ပါတယ်။ ဒီငွေပေးလိုက်ရင် ကျောင်းအစီအစဉ်နဲ့ တစ်နိုင်ငံလုံးသွားရတဲ့ ဘတ်စ်ကားခ - Athletics Bus Fees – Cross Country အတွက် အကျုံးဝင်ပြီး နောက်ထပ်ငွေသွင်းစရာမလိုတော့သလို မိဘတွေ ပို့ပေး ကြိုပေးဖို့ မလိုတော့ပါဘူး။

.

.

ကျောင်းသားက စာလိုက်နိုင်လွန်လို့ မိမိဖာသာ အတန်းတက်ချင်ရင် တစ်ဦးတည်းဖြေဖို့ မေးခွန်းထုတ်ခိုင်းလို့ရပါတယ်။ စာမေးပွဲကြေးက ( ၈၉ ) ဒေါ်လာပါ။ ဆရာက ကိုယ်တိုင်က ကျောင်းသားတော်တာသိလို့ အတန်းတက်ပေးတာကျတော့ ဘာမှမပေးရသလို မေးခွန်းကြေးလည်း မဆောင်ရပါဘူး။ အဲဒီလို စာမေးပွဲကို AP Exams – Advanced Placement Exams လို့ခေါ်တယ်။ ဒီအစီအစဉ်အရ တောင်းဆိုဖြေကြားအထူးအတန်းတက်နိုင်တဲ့ဘာသာရပ်တွေက Calculus, English 11, English 12, Government, Computer Programming, Physics, Spanish, U.S History ဖြစ်ကြပြီး သားသမီးအတွက် နေရာသေချာစေချင်ရင် မေးခွန်းအတွက် ဒေါ်လာ ( ၄ဝ ) ကြိုသွင်းထားလို့ရမှာပါ။

.

.

.

.

ငွေရှင်းတဲ့အခါ လက်ခံပြေစာမပေးပဲ ပရင့်ထုတ်ထားတဲ့စာရွက်မှာပါတဲ့ ကွန်ပျူတာ ဘားကုဒ်ကို စကင် - Scan ဖတ်လိုက်ပြီး ငွေရှင်းလိုက်ရုံပါပဲ။ ရှင်းပြီးသွားလို့ အရှေ့အကွက်မှာ စတစ်ကာ ကပ်ပေးလိုက်မှ နောက်တစ်နေရာဆက်သွားလိုက်ရုံသာ။ နောက်စာရွက်တစ်ခုက ကျောင်းကပေးတဲ့အင်တာနက် နဲ့ ကွန်ပျူတာအသုံးပြုခွင့်ကို မိဘက ခွင့်ပြုကြောင်းလက်မှတ်ထိုးပေးရပါတယ်။ တစ်ချို့က မိဘတွေလာအပ်သလို မအားတဲ့မိဘတွေကြောင့် ကိုယ်တိုင်ကျောင်းအပ်ရတဲ့ အထီးကျန်ကျောင်းသားတွေ တွေ့ရတယ်။

.

.

အားလုံးပြီးသွားတဲ့အခါ မိဘများ သို့မဟုတ် အုပ်ထိန်းသူတွေဖတ်ဖို့ စာရွက်ကြီးတစ်ထပ်ပေးလိုက်ပါတယ်။ အဲဒီမှာ ကလေးအတွက် မတော်တဆထိခိုက်မှုအာမခံဝယ်နိုင်သလို မတရားအနိုင်ကျင့်မှုမှကာကွယ်ရေး - Anti-Bullying Statement အရ မိမိကလေး အနိုင်ကျင့်ခံရရင်တိုင်ကြားဖို့ ဖောင်ထည့်ပေးထားပါတယ်။

.

.

မိမိကလေးကို အသံဖိုင်ဖွင့်ပြတိုင်း၊ ရုပ်ရှင် ဗွီဒီယိုပြတိုင်း သို့တည်းမဟုတ် “ G ” အဆင့် ရုပ်ရှင်ပြတိုင်း မိဘကို အကြောင်းကြားစေချင်ရင် ဖောင်အောက်မှာလက်မှတ်ထိုးပြီး ပို့ရပါမယ်။ ကျောင်းသားဟာ အမေရိကန်နိုင်ငံရဲ့ မူလတည်ထောင်သူ အင်ဒီးယန်းလူမျိုးနွယ်စုဝင်ဖြစ်ရင် ဥပဒေအရ အထူးအခွင့်အရေးပေးပါသေးတယ်။ ဒီအတွက် ဘောင်ဝင်အောင် ကိုယ့်ရဲ့အချက်အလက်တွေဖြည့်ပြီး ပြန်ပို့ပေးရမယ်။ မိဘများဟာ ကျောင်းအတွက် လုပ်အားပေးပဲဖြစ်ဖြစ် မိဘဆရာအသင်း - PTA - Parent Teacher Association မှာ စာရင်းပေးသွင်းလို့ရပြီး ကိုယ်အားတဲ့အချိန် နဲ့ ပါဝင်နိုင်တဲ့ကဏ္ဍတွေကို ပြောပြထားလို့ရပါတယ်။ နောက်ပိုင်းလှုပ်ရှားမှုအတွက် ကားအသုံးပြုခွင့် ပေးလိုပါက တစ်ပါတည်းပြောထားနိုင်ပါသေးတယ်။ ကျောင်းလုံခြုံရေးထိန်းသိမ်းခြင်းကို ရှင်းပြတဲ့ စာရွက်တစ်ရွက်ပါပါတယ်။ 

.

.

.

.

နောက်ဆုံးအရေးကြီးဆုံးက စီးကရက်ကင်းစင် ကျောင်းပတ်ဝန်းကျင် အစီအစဉ် ဖြစ်ပြီး ( ၁၉၉၃ ) မှာ အမေရိကန်အစိုးရ က ဥပဒေပြဋ္ဌာန်း တားမြစ်ခဲ့ပါတယ်။ ဒီဥပဒေအရ ကျောင်းစာသင်ခန်း၊ ကျောင်းပုရဝဏ်၊ ကျောင်းကား၊ ကျောင်းလာဧည့်သည်များ နဲ့ ကားများမှာ ဆေးလိပ်မသောက်ရပါဘူး။ တစ်ဦးတစ်ယောက်က သောက်နေတာတွေ့ရင် မည်သူမဆို ကျောင်းအုပ်ကြီးကို ဖုန်းဆက်ပြီး အရေးယူခိုင်းနိုင်တယ်။ မိဘ၊ အုပ်ထိန်းသူက ဆေးလိပ်သောက်သုံးမှုအဆုံးသတ်ရေးသင်တန်းတက်ချင်ရင် ကျောင်းကတော့ ငွေပေး၊ သင်တန်းပေးမလုပ်ပေးပါဘူး။ ခိုင်ဇာဆေးရုံ မှာ Kaiser Permanente Smoke Cessation အစီအစဉ်ကို အခမဲ့တက်လို့ရမယ့် ဖုန်းနံပါတ်ကို ဆက်သွယ်နိုင်ကြောင်း စာရွက်တွေ လေ့လာနိုင်ပါတယ်။ စာသင်စံနစ်က “ ကျောင်းသားအားလုံး အခန်းထဲစုထိုင် ဆရာကိုစောင့်စံနစ်မဟုတ်ပဲ ဆရာကစောင့် ကျောင်းသားက ( ၅ ) မိနစ်အတွင်း အခန်းပြောင်းတဲ့ပုံစံ ” ဖြစ်ပါတယ်။  ဒီစာစုလေးကိုဖတ်ပြီး အမေရိကားမှာ အထက်တန်းအတွက် ကလေးကျောင်းအပ်မယ့် မိဘများ ဗဟုသုတများရရှိပြီး ဆောင်ရန် ရှောင်ရန်များ သတိထားပြီး အားလုံး အဆင်ပြေနိုင်ကြပါစေ။

.

koko2yeye@gmail.com

" ကျောင်းအပ်သည့်နေ့ " စာမူသည် ၂ဝ၁၄ စက်တင်ဘာလ ( ၆ ) ရက်နေ့၊ စနေနေ့ထုတ် NetGuide နည်းပညာဂျာနယ် အတွဲ ( ၃ ) ၊ အမှတ် ( ၅ဝ ) ၊ စာမျက်နှာ ( ၄၇ ) နှင့် ( ၄၈ ) တို့တွင် ဖော်ပြပါရှိသည်။ 

Download Link : http://www.mediafire.com/download/ee95l09kl99i2qa/Vol._3,_No._50.pdf