ေနာက္မွဆက္ေရးဖို႕ျဖစ္လာေစတဲ႕အေၾကာင္းရင္း

ေဆာင္းပါးရွင္ - ကိုညီညီ (ေတာင္ၾကီး)

.

အခုတေလာ ကြ်န္ေတာ႕ရဲ႕ Google Keep မွာ "ေနာက္မွဆက္ေရးမယ္" လို႕နာမည္ေပးထားတဲ႕ Label မွာ အြန္လိုင္းေပၚမတင္တဲ႕စာေတြမ်ားလာေနပါတယ္။ တစ္ခ်ိဳ႕က်ေတာ႕ Facebook ေပၚမွာေရးျပီး Only Me နဲ႕ တင္ထားတာၾကားဖူးတယ္။ ကြ်န္ေတာ္က ဒီလိုမလုပ္ဘူး။ ေရးျပီးတာနဲ႕တင္ျပီ . . တင္ျပီဆုိတာနဲ႕ Public ပဲ။
.
.
လက္ရွိအေျခအေနဟာ ကိုယ္႕စာကို ဘယ္သူက ဖတ္လို႕ ဘယ္သူေတြက ေခ်ာင္းၾကည္႕ေနသလဲဆိုတာမသိရတဲ႕ေလာကၾကီးမွာ အလင္းထဲထုိင္ေနေပမယ္႕ ေနေရာင္ျခည္ကုိမျမင္ရတဲ႕ဘဝနဲ႕ခံစားခ်က္ခ်င္း ဆင္တူလွတယ္။
.
.
.
စာဖတ္သူေတြလိုခ်င္ရင္ Messenger ကေန ေမးတယ္ . . ဒါက ရွင္းတယ္။ လိုတာရွိလို႕လာတာ၊ တစ္ခ်ိဳ႕က အၾကံေပးခ်င္လို႕လာတာ၊ အက်ိဳးျပဳခ်င္လို႕လာတာ . . ဒါေတြက ေက်နပ္စရာအင္မတန္ေကာင္းလွတယ္။
.
.
ေဝဖန္သူရွိလို႕ ေထာက္ျပျပင္ဆင္စရာရွိရင္လည္း ကြ်န္ေတာ္ကလက္မေႏွးပါဘူး။ သတိၱရွိလို႕ အြန္လိုင္းေပၚ လူအမ်ားဖတ္ႏုိင္ေအာင္စာတက္ေရးေနမွေတာ႕ ျဖဴျဖဴမည္းနည္း သည္းသည္းကြဲကြဲ ဘာကုိမွေၾကာက္ေနစရာကိုမရွိပါဘူး . . တန္းျပင္တာပါပဲ။

.
.
.
ေနာက္ပိုင္းသတိထားမိတာကေတာ႕ မိသားစုအေရးနဲ႕ကိုယ္ေရးကိုယ္တာေတြ အရင္ေလာက္ မေဖာ္ျပမိေတာ႕ဘူး။ စာတစ္ပုဒ္ေရးျပီးတုိင္း Like မေတာင္းမိေတာ႕ဘူး။ လူဦးေရဘယ္ေလာက္ျပန္မွ်ေဝ - Share သြားသလဲဆုိတာ လုိက္ျပီးေရတြက္မေနမိေတာ႕ဘူး။
.
.
ဒီလုိေနရတာ "ကိန္းဂဏန္းေတြရဲ႕စိတ္ေခ်ာက္ခ်ားစရာအႏၱရာယ္" ကုိ ေရွာင္က်ဥ္ႏိုင္လာတယ္။ သူနဲ႕ကိုယ္နဲ႕၊ ကိုယ္နဲ႕သူနဲ႕ ႏိႈင္းယွဥ္စရာမရွိ ႏိႈင္းယွဥ္ေနမိတဲ႕ မစၥရိယစိတ္ကုိ ထင္းထင္းရွင္းရွင္းျမင္လာမိတယ္။ ဒါဆုိရင္ ေမးပါရေစဦး . . ကိုညီညီ . . အခုဘာလုပ္ေနသလဲ?
.
.
.
စာမဖတ္သူေတြ အသံနဲ႕နားေထာင္ႏုိင္ေအာင္လို႕ ထင္ရွားေက်ာ္ၾကားသူေတြ၊ တစ္ေနရာ နယ္ပယ္တစ္ခုက အသိပညာအရာ၊ အတတ္ပညာအရာမွာ သူ႕နည္းနဲ႕သူ ထူးခြ်န္သူေတြကိုဖိတ္ေခၚျပီး အြန္လိုင္းအင္တာဗ်ဴးေတြလုပ္ေနမိတယ္။ ကြ်န္ေတာ္တစ္ေယာက္တည္းေလ႕လာရတာအားမရလို႕ Public ကို ထပ္ျပီး မွ်ေဝေနတယ္။
.
.
LIVE က ရွည္လြန္းတယ္ဆုိလို႕ YouTube မွာ (KNN-Tgi LIVE Channel) ခ်န္နယ္တစ္ခုထပ္ဖြင္႕ျပီး အသံအရည္အေသြးေကာင္းတဲ႕ မိနစ္နည္းနည္းစီၾကည္႕လို႕ရမယ္႕အပိုင္းေတြကုိ ခြဲျခမ္းစိတ္ျဖာျပီးတင္ေပးေနပါတယ္။
.
.
ဒီေနရာမွာ အျမဲျခိမ္းေျခာက္ေနတဲ႕ "ကိန္းဂဏန္းအရိပ္မည္းၾကီး" က သိသိသာသာၾကီးကပ္လ်က္လိုက္လာျပန္တယ္။ လူမႈကြန္ယက္မွာနာမည္ၾကီးသူေတြက Like ေသာင္းခ်ီရ၊ Share ေထာင္နဲ႕ခ်ီရ၊ တုံျပန္စကား - Comment ရာေပါင္းမ်ားစြာရေနခ်ိန္မွာ ၾကည္႕ရႈသူ - Viewers ေသာင္းဂဏန္းသမားက ေျခကုတ္ျပီးေနာက္ဆုတ္ေနရသလို ျငိမ္ျငိမ္ေလး လူမသိေအာင္အားငယ္ေနရတယ္။
.
.
.
ဒါေတြဟာ လူေတြမွာရွိၾကတဲ႕ေလာဘစိတ္ နဲ႕ မနာလိုဝန္တုိစိတ္ေတြဆုိတာ ျမင္သာတယ္။ ကိန္းဂဏန္းၾကီးမွ လူေတြက အထင္ၾကီးတယ္။ ၾကည္႕ရႈသူမ်ားမွ လူေတြက စပြန္ဆာေပးခ်င္ၾကတယ္။ ရည္ရြယ္ခ်က္မွန္ျပီး ပလက္ေဖာင္းတည္ေဆာက္ေနသူေတြကို ကမ္းလက္ကူလို႕ လွမ္းမထူခ်င္ၾကဘူး။
.
.
ဒါေတြခပ္ေဝးေဝးကေငးၾကည္႕ေနရင္း ကြ်န္ေတာ္တုိ႕အသက္ၾကီးလာတဲ႕အခါ ဘယ္လုိအိုမင္းၾကမလဲလို႕ ဆက္ေတြး ဆက္ေရးေနမိတယ္။ "အသက္ကုိေသေစမယ္႕ကိန္းဂဏန္းက်ေတာ႕ လူေတြက မၾကီးခ်င္ၾကဘူး" . . ကိန္းဂဏန္းေသးေလ ေကာင္းေလေလ . . ရပ္တန္႕ေနေလ ေကာင္းေလေလလို႕ မရႏုိင္တာကုိတမ္းတရင္း ႏြမ္းလ်တဲ႕လူ႕ဘဝေရာင္ျခည္ကုိ ေနဝင္ရာအရပ္ဆီသို႕ ဦးတည္သြားေနၾကတယ္။ ဒါ တကယ္႕ သံေဝဂပါပဲ။
.
.
.
က်န္တာေတြေတာ႕ ကြ်န္ေတာ္သိပ္အေလးမထားဘူး။ "အသက္ရွင္သန္ျခင္း - Vitality" ဆုိတဲ႕ကိန္းဂဏန္း တစ္ဆင္႕ထက္တစ္ဆင္႕ၾကီးလာရင္း ၾကီးလာရင္း ရင္႕ေၾကြ လြင္႕ေျမမွာ ေၾကြက် ေျမမခသြားေသးခင္ သယ္ႏုိင္သမွ်သယ္သြားခ်င္တာကေတာ႕ "အမွန္ကိုအမွန္အတိုင္းျမင္တတ္ျခင္း" ဆုိတဲ႕ "အသိပညာ" တစ္ခုသာပါပဲ။
.
.
ခင္လ်က္
.
ကိုညီညီ (ေတာင္ၾကီး)
10-29-2018
.
ဘေလာ႕ဂ္စာမ်က္ႏွာ- http://konyinyitaunggyi.blogspot.com/.
.
YouTube စာမ်က္ႏွာ- https://www.youtube.com/channel/UCghtbECLEDI0CzomICZixiQ/videos
.
ထုတ္ေဝျပီးစာအုပ္- (အားနာပါသည္) မရွိေသးပါ
.
.
Unicode Version:
.
. "နောက်မှဆက်ရေးဖို့ဖြစ်လာစေတဲ့အကြောင်းရင်း"
.
အခုတလော ကျွန်တော့ရဲ့ Google Keep မှာ "နောက်မှဆက်ရေးမယ်" လို့နာမည်ပေးထားတဲ့ Label မှာ အွန်လိုင်းပေါ်မတင်တဲ့စာတွေများလာနေပါတယ်။ တစ်ချို့ကျတော့ Facebook ပေါ်မှာရေးပြီး Only Me နဲ့ တင်ထားတာကြားဖူးတယ်။ ကျွန်တော်က ဒီလိုမလုပ်ဘူး။ ရေးပြီးတာနဲ့တင်ပြီ . . တင်ပြီဆိုတာနဲ့ Public ပဲ။
.
.
လက်ရှိအခြေအနေဟာ ကိုယ့်စာကို ဘယ်သူက ဖတ်လို့ ဘယ်သူတွေက ချောင်းကြည့်နေသလဲဆိုတာမသိရတဲ့လောကကြီးမှာ အလင်းထဲထိုင်နေပေမယ့် နေရောင်ခြည်ကိုမမြင်ရတဲ့ဘဝနဲ့ခံစားချက်ချင်း ဆင်တူလှတယ်။
.
.
.
စာဖတ်သူတွေလိုချင်ရင် Messenger ကနေ မေးတယ် . . ဒါက ရှင်းတယ်။ လိုတာရှိလို့လာတာ၊ တစ်ချို့က အကြံပေးချင်လို့လာတာ၊ အကျိုးပြုချင်လို့လာတာ . . ဒါတွေက ကျေနပ်စရာအင်မတန်ကောင်းလှတယ်။
.
.
ဝေဖန်သူရှိလို့ ထောက်ပြပြင်ဆင်စရာရှိရင်လည်း ကျွန်တော်ကလက်မနှေးပါဘူး။ သတ္တိရှိလို့ အွန်လိုင်းပေါ် လူအများဖတ်နိုင်အောင်စာတက်ရေးနေမှတော့ ဖြူဖြူမည်းနည်း သည်းသည်းကွဲကွဲ ဘာကိုမှကြောက်နေစရာကိုမရှိပါဘူး . . တန်းပြင်တာပါပဲ။
.
.
.
နောက်ပိုင်းသတိထားမိတာကတော့ မိသားစုအရေးနဲ့ကိုယ်ရေးကိုယ်တာတွေ အရင်လောက် မဖော်ပြမိတော့ဘူး။ စာတစ်ပုဒ်ရေးပြီးတိုင်း Like မတောင်းမိတော့ဘူး။ လူဦးရေဘယ်လောက်ပြန်မျှဝေ - Share သွားသလဲဆိုတာ လိုက်ပြီးရေတွက်မနေမိတော့ဘူး။
.
.
ဒီလိုနေရတာ "ကိန်းဂဏန်းတွေရဲ့စိတ်ချောက်ချားစရာအန္တရာယ်" ကို ရှောင်ကျဉ်နိုင်လာတယ်။ သူနဲ့ကိုယ်နဲ့၊ ကိုယ်နဲ့သူနဲ့ နှိုင်းယှဉ်စရာမရှိ နှိုင်းယှဉ်နေမိတဲ့ မစ္စရိယစိတ်ကို ထင်းထင်းရှင်းရှင်းမြင်လာမိတယ်။ ဒါဆိုရင် မေးပါရစေဦး . . ကိုညီညီ . . အခုဘာလုပ်နေသလဲ?
.
.
.
စာမဖတ်သူတွေ အသံနဲ့နားထောင်နိုင်အောင်လို့ ထင်ရှားကျော်ကြားသူတွေ၊ တစ်နေရာ နယ်ပယ်တစ်ခုက အသိပညာအရာ၊ အတတ်ပညာအရာမှာ သူ့နည်းနဲ့သူ ထူးချွန်သူတွေကိုဖိတ်ခေါ်ပြီး အွန်လိုင်းအင်တာဗျူးတွေလုပ်နေမိတယ်။ ကျွန်တော်တစ်ယောက်တည်းလေ့လာရတာအားမရလို့ Public ကို ထပ်ပြီး မျှဝေနေတယ်။
.
.
LIVE က ရှည်လွန်းတယ်ဆိုလို့ YouTube မှာ (KNN-Tgi LIVE Channel) ချန်နယ်တစ်ခုထပ်ဖွင့်ပြီး အသံအရည်အသွေးကောင်းတဲ့ မိနစ်နည်းနည်းစီကြည့်လို့ရမယ့်အပိုင်းတွေကို ခွဲခြမ်းစိတ်ဖြာပြီးတင်ပေးနေပါတယ်။
.
.
ဒီနေရာမှာ အမြဲခြိမ်းခြောက်နေတဲ့ "ကိန်းဂဏန်းအရိပ်မည်းကြီး" က သိသိသာသာကြီးကပ်လျက်လိုက်လာပြန်တယ်။ လူမှုကွန်ယက်မှာနာမည်ကြီးသူတွေက Like သောင်းချီရ၊ Share ထောင်နဲ့ချီရ၊ တုံပြန်စကား - Comment ရာပေါင်းများစွာရနေချိန်မှာ ကြည့်ရှုသူ - Viewers သောင်းဂဏန်းသမားက ခြေကုတ်ပြီးနောက်ဆုတ်နေရသလို ငြိမ်ငြိမ်လေး လူမသိအောင်အားငယ်နေရတယ်။
.
.
.
ဒါတွေဟာ လူတွေမှာရှိကြတဲ့လောဘစိတ် နဲ့ မနာလိုဝန်တိုစိတ်တွေဆိုတာ မြင်သာတယ်။ ကိန်းဂဏန်းကြီးမှ လူတွေက အထင်ကြီးတယ်။ ကြည့်ရှုသူများမှ လူတွေက စပွန်ဆာပေးချင်ကြတယ်။ ရည်ရွယ်ချက်မှန်ပြီး ပလက်ဖောင်းတည်ဆောက်နေသူတွေကို ကမ်းလက်ကူလို့ လှမ်းမထူချင်ကြဘူး။
.
.
ဒါတွေခပ်ဝေးဝေးကငေးကြည့်နေရင်း ကျွန်တော်တို့အသက်ကြီးလာတဲ့အခါ ဘယ်လိုအိုမင်းကြမလဲလို့ ဆက်တွေး ဆက်ရေးနေမိတယ်။ "အသက်ကိုသေစေမယ့်ကိန်းဂဏန်းကျတော့ လူတွေက မကြီးချင်ကြဘူး" . . ကိန်းဂဏန်းသေးလေ ကောင်းလေလေ . . ရပ်တန့်နေလေ ကောင်းလေလေလို့ မရနိုင်တာကိုတမ်းတရင်း နွမ်းလျတဲ့လူ့ဘဝရောင်ခြည်ကို နေဝင်ရာအရပ်ဆီသို့ ဦးတည်သွားနေကြတယ်။ ဒါ တကယ့် သံဝေဂပါပဲ။
.
.
.
ကျန်တာတွေတော့ ကျွန်တော်သိပ်အလေးမထားဘူး။ "အသက်ရှင်သန်ခြင်း - Vitality" ဆိုတဲ့ကိန်းဂဏန်း တစ်ဆင့်ထက်တစ်ဆင့်ကြီးလာရင်း ကြီးလာရင်း ရင့်ကြွေ လွင့်မြေမှာ ကြွေကျ မြေမခသွားသေးခင် သယ်နိုင်သမျှသယ်သွားချင်တာကတော့ "အမှန်ကိုအမှန်အတိုင်းမြင်တတ်ခြင်း" ဆိုတဲ့ "အသိပညာ" တစ်ခုသာပါပဲ။
.
.
ခင်လျက်
.
ကိုညီညီ (တောင်ကြီး)
10-29-2018
.
ဘလော့ဂ်စာမျက်နှာ- http://konyinyitaunggyi.blogspot.com/.
.
YouTube စာမျက်နှာ- https://www.youtube.com/channel/UCghtbECLEDI0CzomICZixiQ/videos
.
ထုတ်ဝေပြီးစာအုပ်- (အားနာပါသည်) မရှိသေးပါ