 |
| ဆောင်းပါးရှင် - ကိုညီညီ (တောင်ကြီး) |
. အင်္ဂလိပ်စာတိုးတက်အောင်ဘယ်လိုလုပ်ရမလဲ? ဆိုပြီး ကျွန်တော့ကိုမေးလာသူတွေရှိတယ်။ ဒီလိုမေးခွန်းမျိုးဖြေရတာ အင်မတန်ဝမ်းသာရသလို ကျွန်တော့်အတွက် မနိုင်ဝန်ထမ်းရသလို တာဝန်ကြီးလှပါတယ်။ ဘာကြောင့်လဲဆိုတော့ ကျွန်တော်ဟာ အင်္ဂလိပ်စာကိုကျွမ်းကျင်လို့ပြန်လည်ပို့ချပေးနေတဲ့ဆရာတစ်ယောက်မဟုတ်လို့ပါ။
.
. ဒါပေမယ့် သူငယ်ချင်းတွေ ဂေါ်လီပစ်နေတဲ့အချိန် ကျွန်တော်က အင်္ဂလိပ်စာလုံးပေါင်းတွေကျက်နေမိတယ်။ သူငယ်ချင်းတွေ ကာတွန်းစာအုပ်ဖတ်နေတဲ့အချိန် အဲဒီခေတ်က နံရံကပ်ပိုစတာတွေပေါ်က အဆိုအမိန့် - Quote တွေကို အဓိပ္ပာယ်ဖွင့်နေမိတယ်။ အတန်းဖော်တွေ အချစ်ဝတ္တုကိုတန်းတန်းစွဲဖတ်နေတဲ့အချိန် လွယ်ကူတဲ့အင်္ဂလိပ်စာသဒ္ဒါအသုံးပြုရုပ်ပုံတွေပါတဲ့စာအုပ်တွေ ကျွန်တော်လိုက်ဝယ်ခဲ့တယ်။
.
.
. အဲဒီတုန်းက ကျွန်တော့ရဲ့စပ်စပ်စုစုမေးခွန်းတွေကို ချက်ကျလက်ကျဖြေပေးခဲ့တဲ့အင်္ဂလိပ်စာသင်ဆရာတွေကို ကျွန်တော်အခုထိကျေးဇူးတင်နေမိတယ်။ (ဒီနေရာကနေ လက်စုံမိုးဖြာရှိခိုးလိုက်ပါတယ်) ဒါပေမယ့် ကျွန်တော်က မှတ်ဥာဏ်ကောင်းသူတစ်ယောက်တော့မဟုတ်ပါဘူး။ ဒါကြောင့် တစ်ချို့ English Grammar တွေကို ကျွန်တော်အလွတ်ကျက်ခဲ့တယ်၊ ပုံသေနည်းသွင်းပြီး အသေမှတ်ခဲ့တယ်။ ဒါတွေကို အခုလို နယ်ခြားမြေဝေးရောက်နေတဲ့အထိ တမ်းတလိုက်တိုင်းစိတ်ထဲကနေ တစ်ပိုဒ်ချင်းထွက်လာနေတာကတော့ ကုသိုလ်ကံလို့ပြောရမလားဘဲ . .။
.
. တိုက်အိမ်တစ်လုံးကို အောက်ခြေကနေအုတ်မြစ်ချပြီးမှတစ်ဆင့်ချင်းအထက်တက်ရသလို အင်္ဂလိပ်စာကိုအခြေခံသဒ္ဒါကနေ တက်လှမ်းသင့်တယ်လို့ ကျွန်တော့အတွေ့အကြုံအရ ပြောပြချင်တယ်။ ဒီကမှတစ်ဆင့် တိုင်ထောင်တာ၊ နံရံကာတာ၊ ပြူတင်းပေါက်၊ တံခါးပေါက်တွေထည့်တာ . . အဲဒီနောက်ကမှ သိပ်ကျွမ်းလာတဲ့အခါ မီးဖိုချောင်၊ ရေချိုးခန်းထည့်သွင်းတာမျိုးက ဗိသုကာဆန်ပေမယ့် စာပေတစ်ခုကိုလေ့လာတဲ့အခါ အနုပညာဆန်လှသလို စံနစ်တစ်ခုရဲ့မဏ္ဍိုင်ကျမှုကို အမြဲဦးတည်ပါတယ်။
.
.
. နားထောင်၊ စာဖတ်၊ စကားပြော နဲ့ အရေးအသား အားလုံးကိုခြုံပြီး ဘာသာစကားတစ်ခုရဲ့စွမ်းရည် (၄) မျိုး - Language Learning 4 Skills လို့ ပြောစမှတ်ပြုကြတယ်။ အဲဒီထဲက နားထောင်တတ်ခြင်း နဲ့ စာဖတ်စွမ်းရည်တို့ကို ကောင်းမွန်စွာလက်ခံတတ်မှုစွမ်းရည် - Receptive Skill လို့ ခေါ်ပါတယ်။ အကျယ်ပြန်ဖွင့်ရရင် အကြံကောင်း ဥာဏ်ကောင်းတွေ နဲ့ အကြံပေးချက်တွေကို စာသင်သားကဘယ်လိုလက်ခံနိုင်သလဲဆိုတာ အကဲဖြတ်ပေးတာမျိုးကိုဆိုလိုတာပါ။
