အေမရိကားက လွည္႔စားတယ္

ေဆာင္းပါးရွင္ - ကိုညီညီ (ေတာင္ၾကီး)

          အမွန္ပါပဲ . . အေမရိကားက လွည္႕စားတယ္။ အေမရိကားကိုေရာက္လာတဲ႕သူမွန္သမွ်အလွည္႕စားခံရတယ္။ လာေရာက္သူတို႕မူလႏုိင္ငံရဲ႕ပညာေရးကုိ သူတို႕ႏုိင္ငံသင္ေနက်အတိုင္းသင္မေပးဘူး . . သူတို႕သင္ခ်င္သလိုသင္တယ္။ ဘယ္စာကုိမွအလြတ္မက်က္ခုိင္းတာ အဲဒါ လွည္႕စားတာ။

          လာေရာက္သူတုိ႕မူလႏုိင္ငံရဲ႕စီးပြားေရးကို သူတုိ႕ႏုိင္ငံအတိုင္းေပးမလုပ္ဘူး။ သူတုိ႕ထင္ရင္ထင္သလို (၁) နာရီဘယ္ႏွစ္ေဒၚလာဆိုျပီး ေစ်းႏႈန္းပိုေပးပစ္လုိက္တယ္။ တစ္ျခားႏိုင္ငံေတြနဲ႕စာရင္ သူ႕ဆီကိုလာၾကျပီေပါ႕ . . အစုလိုက္အျပံဳလုိက္ၾကီးေရာက္လာၾကေတာ႕ အလွည္႕စားခံရသူေတြမ်ားသထက္မ်ားျပီေပါ႕။

          ေနာက္ရွိေသးတယ္။ အေမရိကားဟာ လာေရာက္သူတို႕ရဲ႕ကုိးကြယ္ရာဘာသာအတုိင္း မကိုးကြယ္ခိုင္းဘူး။ သူ႕ေျမေပၚလည္းေရာက္ေရာ ကိုးကြယ္ခ်င္တာကိုးကြယ္၊ ဘာယံုၾကည္သလဲ ကိုးကြယ္၊ ဘာမွမကုိးကြယ္လဲရတယ္လို႕ေျပာျပမထားဘူး။ ျပီးေတာ႕ အေမရိကားေရာက္လာတဲ႕သူတိုင္း ဘယ္ဘာသာတရားကိုကုိးကြယ္ရမယ္လို႕မသတ္မွတ္ေပးထားဘူး . . ဒါလွည္႕စားတာမဟုတ္ရင္ ဘာလဲ . .။

          ေျပာရဦးမယ္။ လာေရာက္သူတို႕ႏုိင္ငံက ဘာသတင္းမွေရးမရတာကို အေမရိကားက ေပးေရးတယ္။ ဘာမွေျပာလို႕မရတာကို ေပးေျပာတယ္။ ဘယ္လိုမွလူသိေအာင္လုပ္ခြင္႕မရွိတာကို ပံုႏွိပ္ေဖာ္ျပလို႕ရတယ္ဆုိတာကို ၾကိဳေျပာမထားဘူး။ ဒီေျမေပၚေရာက္မွ လုပ္ခ်င္ရာလုပ္ခြင္႕ေပးလိုက္တာ ဒါ လွည္႕စားတာပဲေပါ႕။

          ေနာက္ဆံုးတစ္္ခု . .။ မ်က္စိလည္လာတဲ႕ႏိုင္ငံတစ္ခုကအလည္လာသူေတြဟာ ဒီေျမေပၚေရာက္ရင္ ျပန္ခ်င္ရင္ျပန္ မျပန္ခ်င္ရင္ေနခဲ႕လုိ႕ရတယ္၊ လူသာ ဒီေျမေပၚေရာက္ေနပါေစ လူနဲ႕တူတဲ႕ဥပေဒအတုိင္း လူနဲ႕တူတဲ႕အုပ္ခ်ဳပ္မႈေတြေအာက္ ခိုလံႈခြင္႕ရတယ္ဆုိတာၾကိဳေျပာျပမထားဘူး။

          ဘာမဆို ရွင္းရွင္းလင္းလင္းတုိတိုတုတ္တုတ္သိေအာင္လုပ္မေပးထားဘူး။ နားလည္လြယ္ေအာင္ ျမန္မာလိုလည္း ေရးျပမထားဘူး။ ဒါလွည္႕စားတာ . . ဒါ ဒီေျမေပၚေရာက္မွျမန္မာေတြကို အေမရိကားက သက္သက္လွည္႕စားတာ။ အေမရိကားကိုေရာက္လာတဲ႕သူမွန္သမွ် သက္သက္အလွည္႕စားခံရတာ . .။

ခင္လ်က္
ကိုညီညီ (ေတာင္ၾကီး)
03-22-2018

Unicode:

"အမေရိကားက လှည့်စားတယ်"

          အမှန်ပါပဲ . . အမေရိကားက လှည့်စားတယ်။ အမေရိကားကိုရောက်လာတဲ့သူမှန်သမျှအလှည့်စားခံရတယ်။ လာရောက်သူတို့မူလနိုင်ငံရဲ့ပညာရေးကို သူတို့နိုင်ငံသင်နေကျအတိုင်းသင်မပေးဘူး . . သူတို့သင်ချင်သလိုသင်တယ်။ ဘယ်စာကိုမှအလွတ်မကျက်ခိုင်းတာ အဲဒါ လှည့်စားတာ။

          လာရောက်သူတို့မူလနိုင်ငံရဲ့စီးပွားရေးကို သူတို့နိုင်ငံအတိုင်းပေးမလုပ်ဘူး။ သူတို့ထင်ရင်ထင်သလို (၁) နာရီဘယ်နှစ်ဒေါ်လာဆိုပြီး စျေးနှုန်းပိုပေးပစ်လိုက်တယ်။ တစ်ခြားနိုင်ငံတွေနဲ့စာရင် သူ့ဆီကိုလာကြပြီပေါ့ . . အစုလိုက်အပြုံလိုက်ကြီးရောက်လာကြတော့ အလှည့်စားခံရသူတွေများသထက်များပြီပေါ့။

          နောက်ရှိသေးတယ်။ အမေရိကားဟာ လာရောက်သူတို့ရဲ့ကိုးကွယ်ရာဘာသာအတိုင်း မကိုးကွယ်ခိုင်းဘူး။ သူ့မြေပေါ်လည်းရောက်ရော ကိုးကွယ်ချင်တာကိုးကွယ်၊ ဘာယုံကြည်သလဲ ကိုးကွယ်၊ ဘာမှမကိုးကွယ်လဲရတယ်လို့ပြောပြမထားဘူး။ ပြီးတော့ အမေရိကားရောက်လာတဲ့သူတိုင်း ဘယ်ဘာသာတရားကိုကိုးကွယ်ရမယ်လို့မသတ်မှတ်ပေးထားဘူး . . ဒါလှည့်စားတာမဟုတ်ရင် ဘာလဲ . .။

          ပြောရဦးမယ်။ လာရောက်သူတို့နိုင်ငံက ဘာသတင်းမှရေးမရတာကို အမေရိကားက ပေးရေးတယ်။ ဘာမှပြောလို့မရတာကို ပေးပြောတယ်။ ဘယ်လိုမှလူသိအောင်လုပ်ခွင့်မရှိတာကို ပုံနှိပ်ဖော်ပြလို့ရတယ်ဆိုတာကို ကြိုပြောမထားဘူး။ ဒီမြေပေါ်ရောက်မှ လုပ်ချင်ရာလုပ်ခွင့်ပေးလိုက်တာ ဒါ လှည့်စားတာပဲပေါ့။

          နောက်ဆုံးတစ််ခု . .။ မျက်စိလည်လာတဲ့နိုင်ငံတစ်ခုကအလည်လာသူတွေဟာ ဒီမြေပေါ်ရောက်ရင် ပြန်ချင်ရင်ပြန် မပြန်ချင်ရင်နေခဲ့လို့ရတယ်၊ လူသာ ဒီမြေပေါ်ရောက်နေပါစေ လူနဲ့တူတဲ့ဥပဒေအတိုင်း လူနဲ့တူတဲ့အုပ်ချုပ်မှုတွေအောက် ခိုလှုံခွင့်ရတယ်ဆိုတာကြိုပြောပြမထားဘူး။

          ဘာမဆို ရှင်းရှင်းလင်းလင်းတိုတိုတုတ်တုတ်သိအောင်လုပ်မပေးထားဘူး။ နားလည်လွယ်အောင် မြန်မာလိုလည်း ရေးပြမထားဘူး။ ဒါလှည့်စားတာ . . ဒါ ဒီမြေပေါ်ရောက်မှမြန်မာတွေကို အမေရိကားက သက်သက်လှည့်စားတာ။ အမေရိကားကိုရောက်လာတဲ့သူမှန်သမျှ သက်သက်အလှည့်စားခံရတာ . .။

ခင်လျက်

ကိုညီညီ (တောင်ကြီး)

03-22-2018