သူ နဲ့ ( ၂၄ ) နှစ် ခရီးရှည်

ဆောင်းပါးရှင် - ကိုညီညီ ( တောင်ကြီး )

.

သိပ်ကောင်းနေတဲ့လောကကို လူတိုင်းမက်မောကြတယ်။ အစားအသောက်၊ အသုံးအဆောင်၊ သွားရေးလာရေး၊ ငွေကြေးအတိုင်းအတာ စတဲ့ လိုလေသေးသည်မရှိပြည့်စုံတဲ့ လူတန်းစေ့အခြေအနေတွေကို ကျွန်တော့ငယ်ဘဝမှာ မပိုင်ဆိုင်ခဲ့ပါဘူး။ ဒီစံနန်းကို စံမြန်းဖို့ ကိုယ်ရိုး ကိုယ်စ နဲ့ လူလတ်ပိုင်းမှာ ကြိုးစားပေမယ့် အတော်ခက်ခဲခဲ့တယ်။ ဒါကို လိုက်ပါဒုက္ခခံသလို နေပူပူမှာ ဖက်ရွက်ပေါက်နဲ့လိုက်ကာပေးသူ၊ မိုးရွာစဉ် ကိုင်းပြုတ်နေတဲ့ထီးအပျက်တစ်ချောင်းနဲ့ မိုးကာပေးသူကို ကျေးဇူးတင်လို့ ကျွန်တော်ဒီစာကို လေးလေးစားစားရေးဖြစ်ပါတယ်။

.

ကိုယ့်အကြောင်းကိုယ်ပြန်ပြောရရင် ဆေးပေါ့လိပ်မီးစာမိထားတဲ့ပုဆိုးပေါက်ကို လူရှေ့သူရှေ့ဖြန့်ဝတ်ရသလို မလုံမလဲ ရှိလှပါတယ်။ ဒါပေမယ့် ရှေ့မျက်နှာနောက်ထားလို့ အားလုံးသင်ခန်းစာယူနိုင်အောင် ပြောပြဖို့အချိန်ရောက်ပြီထင်လို့ပါ။ ပြီးတော့ လူဆိုတာ အောင်မြင်တာကို ပိုသိကြတယ်။ မသိရင်တောင် ဖွင့်ပွဲတွေ၊ အခမ်းအနားတွေ၊ အဆင်အယင်တွေ၊ အစားအသောက်တွေနဲ့ဆွဲဆောင်ပြီး လူပိုသိလို့ ပိုထိထိမိမိရှိအောင် လုပ်ကြတယ်။ ကျွန်တော်က အဲဒီအုပ်စုထဲမှာမပါပဲ နွံနစ်ခဲ့တဲ့အပိုင်းတွေကို ပြောပြချင်မိတယ်။

.

.

ငယ်ငယ်က ဆယ်တန်းကို ကျောင်းနှစ်ကျောင်းဆက် တက်ခဲ့တယ်။ ဆယ်တန်းအောင်တဲ့အခါ လိုချင်တဲ့လိုင်းမရလို့ အသစ်ဖွင့်တဲ့လိုင်းယူလိုက်ရတယ်။ မပျော်တဲ့ကျောင်းကိုတက်ရင်း ကျွန်တော်မကောင်းတာမှန်သမျှကို စုံစုံလင်လင်လုပ်ဖူးပါတယ်။ အစိုးရဆောင်ဆိုတာလည်း လွတ်လပ်လှတော့ အတိုင်းအဆတစ်ခုကျော်သွားရင်တောင် တားမယ့်သူမရှိပါဘူး။ အဲဒီအချိန် သီချင်းရူး၊ ဂစ်တာရူးတစ်ယောက် ကဗျာစာအုပ်ထုတ်ပြီး သူငယ်ချင်းတွေကို အနိုင်ကျင့် အတင်းလိုက်ရောင်းတာ အခု ( ၂၄ ) နှစ်ရှိပြီ “ သူ ”  အခုထိ မှတ်မိတယ်။

.

ညီအစ်ကိုတွေနဲ့စုပေါင်းအလုပ်လုပ်တဲ့အခါ ကျွန်ေ်တ်ာက အသက်အငယ်ဆုံးနဲ့ လုပ်ငန်းထဲကိုနောက်ဆုံးမှ ဝင်ဖြစ်တယ်။ သင်ယူဖို့အကောင်းဆုံးလို့ဆိုပေမယ့် အရာရာမှာ နောက်ရောက်ခဲ့တယ်။ ထိုနည်းတူစွာ အရွယ်နဲ့မမျှအောင် ကြီးမားတဲ့ဘဏ္ဍာရေးတာဝန်တွေ ထမ်းဆောင်ရတယ်။ ပင်ပန်းတယ် … စိတ်ပျက်တယ် အားငယ်တယ် … စိတ်ကုန်တယ် … ဘေးလှည့်ကြည့်လိုက်တော့ “ သူ ” ကျွန်တော့ဘေးမှာ မားမားမတ်မတ်ရပ်ပေးနေတယ်။

DV စစ်ဖို့အဆင်သင့်ဖြစ်ပြီလား?

ဆောင်းပါးရှင် - ကိုညီညီ ( တောင်ကြီး )

.

နှစ်စဉ် မေလဆန်းရောက်လာရင် ရင်ခုန်ရတဲ့အထဲမှာ အမေရိကန်နိုင်ငံကို တရားဝင်ပြောင်းရွှေ့နေထိုင်ခွင့်ရတဲ့ ကံစမ်းမဲကို www.dvlottery.state.gov စာမျက်နှာအမှန်မှာ ဝင်စစ်ရတာတစ်ခုအပါအဝင်ပါ။ DV-2017 Entrants သမားတွေရဲ့အတည်ပြုပြန်ကြားတဲ့ Confirmation အချက်အလက်တွေကို ( ၂ဝ၁၆ ) ခုနှစ် မေလ ( ၃ ) ရက်နေ့ နေ့လည်မှာ စစ်နိုင်ဖို့ ရှိနေပါတယ်။ ဒါကြောင့်ပဲ ကမ္ဘာတစ်လွှားက မြန်မာလူငယ်တွေနဲ့ အသားအရောင်၊ ဘာသာတရား၊ ကိုးကွယ်ယုံကြည်မှုမတူကြပေမယ့် ရင်ခုန်သံစည်းချက်လှိုင်းညီတူထကြွတဲ့ DV-ည ကို စောင့်မျော်နေကြတာ အသေအချာပါပဲ။

.

.

ခေတ်အဆက်ဆက်ရဲ့ လူငယ်တွေကြားမှာ DV ဇာတ်လမ်းမျိုးစုံကြားဖူးတယ်။ အမျိုးထဲက တူမလေးတစ်ယောက်ဆို သူတို့သိပ်ချစ်တဲ့သူငယ်ချင်း ( ၃ ) ယောက်ဟာ ဆယ်တန်းဖြေပြီးတဲ့နောက်  မြန်မာ၊ ဂျပန် နဲ့ အမေရိကန် ဆိုပြီး ( ၃ ) နိုင်ငံကွဲသွားကြရော တဲ့..။ ဒါနဲ့ ဂျပန်ရောက်နေသူက ကျန်တဲ့မြန်မာနိုင်ငံကသူငယ်ချင်း နဲ့ သူ့ကိုယ်တိုင်အတွက် ဂျပန်ကနေ DV တင်ပါတယ်။ နောက်တစ်နှစ်လောက်လည်းနေရော ထိုးသူကမပေါက်ပဲ သူထိုးပေးတဲ့မြန်မာသူငယ်ချင်းက ပေါက်ပါတယ်။ ဒီလို မတူတဲ့အကျိုးပေးတွေကြောင့် အတတ်ပြောလို့မရလို့ ကံကိုပုံချတဲ့လူသားရယ်လို့ ဖြစ်လာတာပေါ့ဗျာ..။

.

DV ရဲ့ အခြေခံက ကွန်ပျူတာပဟေဠိ - Encryption လုပ်ထားတာမို့လို့ တစ်ချို့တွေပြောသလို အမေရိကားကတင်ရင်၊ နိုင်ငံရပ်ခြားတစ်နေရာကနေတင်ရင် ပေါက်နိုင်ခြေပိုများတယ်ဆိုတာ မမှန်ပါဘူး။ ပေးထားတဲ့ဖောင်ဖြည့်ချိန်အတွင်း ပြီးစီးအောင်ဖြည့်ရင် ကိစ္စအားလုံးအောင်မြင်တယ်လို့ သတ်မှတ်ပါတယ်။ အနီးမှာရှိတဲ့ ပရင်တာကနေ Confirmation Letter ကို ထုတ်ထားဖို့ နဲ့ ကွန်ပျူတာစကင်ဖမ်းထားနိုင်ရင်တော့ နောင်တစ်ချိန် လက်ကိုင်ဖုန်းပေါ်ကနေလည်း ပြန်ရှာရ လွယ်ကူစေနိုင်ပါတယ်။

.

.

နောက်တစ်မျိုးကျတော့ စင်္ကာပူကနေ ပေါက်တဲ့စုံတွဲပါ။ အမျိုးသမီးကပေါက်ပြီး တစ်ကယ်စစ်တဲ့အခါ ပေါက်စဉ်က 15500 ကျော်နေတယ်။ ဒါနဲ့ စိတ်ရှည်လက်ရှည်စောင့်ရင်း နောက်ဆုံး ပယ်တဲ့ထဲ ပါသွားတာ ခံလေသမျှ သဲရေကျ ဖြစ်သွားရတာ သိရပြန်တယ်။ သူတို့ဆို လင်ရော၊ မယားရော အင်ဂျင်နီယာလည်း ဖြစ်၊ နိုင်ငံတကာအတွေ့အကြုံလည်း ရှိ၊ ကလေးငယ်အတွက်လည်း ပူစရာမလို၊ အခြေအနေအားလုံးက အမေရိကားနဲ့လုံးဝအံကိုက်ပဲ။ ဒါပေမယ့် မလာရဘူးလေ .. ဘယ်လိုပြောရမလဲ..။

.

အမျိုးထဲကတစ်ယောက်ကျတော့ ပထမတိုက်တဲ့အခါ မပေါက်လို့ စစ်ပေးသူက လွှင့်ပစ်လိုက်မိတယ်။ နောက်တစ်ခေါက်စစ်ရတဲ့အခါ သူက တိုက်ဖို့မေ့နေပြန်တယ်။ ( အမှန်က DV ဟာ မေလ နဲ့ စက်တင်ဘာလတို့မှာ ၂ ကြိမ် စစ်ခွင့်ရှိတယ်လေ ) အဲဒါနဲ့ လအနည်းငယ်လည်းကြာရော ရန်ကုန်သံရုံးကနေဖုန်းဆက်တော့ အင်လာထုတယ်ထင်တာ .. တစ်ကယ်ပေါက်နေတယ်။ ဒါနဲ့ဖောင်တွေ၊ ဘာတွေ၊ ဆက်လုပ်ရန်တွေ .. အားလုံးပြီးသွားတော့ အင်တာဗျူးမှာ မအောင်ဘူးလေ။ ကာယကံရှင်က ဆယ်တန်းမအောင်ထားတော့ အလုပ်နဲ့တင်တာ အင်တာဗျူးထိုင်တဲ့ ယာယီသံအမတ်ယုံကြည်လောက်အောင်မပြနိုင်ဘူးဖြစ်သွားတယ်လေ။ ဒါကလည်း ခံစားရခက်တဲ့ အမေရိကားထီဇာတ်လမ်းတစ်ပုဒ်ပါပဲ..။

.

.

နောက်တစ်ယောက်ကျပြန်တော့ အမေရိကားကို ညီအစ်ကိုဝမ်းကွဲနှစ်ယောက် ရှေ့ဆင့်နောက်ဆင့်ရောက်လာတော့ လူတွေကမေးတယ်။ သူတို့ကလည်း ထီပေါက်လို့ရောက်တယ်လို့ပဲ ဖြေတယ်။ ဒီထဲက တစ်ယောက်ကပဲ အမှန်တစ်ကယ်ပေါက်ပြီး နောက်တစ်ယောက်က ကျွန်တော်ဖြစ်ရပ်မှန်စာရေးဖူးတဲ့ “ တိုးနီ ” ပါပဲ။ သူက ထီပေါက်တယ်လို့ အရပ်တစ်ကာကိုယုံအောင်ပြောထားရတာ အကြောင်းရှိတယ်။ အခု သူလုပ်ချင်တာလည်း လုပ်ပြီးပြီ။ အမေရိကားအရသာလည်း သိပြီ။ ဖြစ်ခြင်းရယ်ကုန်စင် အကုန်ရင်ဆိုင်ပြီးပြီ။

.

နောက်ဆုံး ကြင်ယာလည်းရ၊ ဝေဒနာလည်းပွ၊ ခြေရာလည်းလှပြီမို့ အခုမြန်မာနိုင်ငံက ကျေးဇူးရှင်မိဘနှစ်ပါးကို အလုပ်အကြွေးပြုဖို့ ပြန်သွားတာဖြစ်ပါတယ်။ တိုးနီဟာ အဲဒီတုန်းက အမေရိကားကိုမလာခဲ့ရင် အဲဒီခေတ် အဲဒီအခါက လူငယ်တွေထက် သာလွန်ကောင်းမွန်ပြီးထူးခြားလာမှာမဟုတ်သလို အသိပညာကြွယ်တဲ့ အတွေ့အကြုံရင့်ကျက်သူဖြစ်လာပါ့မလားဆိုတာကို တွေးမိရင်း သူ့ရဲ့ကြိုးစားချင်တဲ့စိတ်ကို ကြိတ်ပြီးချီးကျူးနေမိပါတယ်။

ဖေ့စ်ဘွတ်ခ်အသက် နှစ်ရက်နဲ့တစ်မနက်

ဆောင်းပါးရှင် - ကိုညီညီ ( တောင်ကြီး )

.

ဒီဆောင်းပါးကိုရေးဖို့ အားသွင်းထားတာကြာပြီ  တော်တော်နဲ့ မရေးဖြစ်ခဲ့ဘူး။ ရေးပြီးတိုင်းလည်း အသက် ငွေ့ငွေ့သာရှိတဲ့ ဖေ့စ်ဘွတ်ခ်ပေါ်က အများသူငါရေးတဲ့ Status တွေရဲ့သက်တမ်းကိုသိနေတော့ တစ်ခြား အကျိုးပြုစာတွေဘက်ကိုသာ ရောက်ရောက်သွားခဲ့တယ်။ အခုလည်းကြည့်လေ .. စာဖတ်သူက “ ဒီဆောင်းပါးအရှည်ကြီးလား ? ” ဆိုပြီး ဖုန်းအောက်ပိုင်းကို လက်မလေးနဲ့ဖိပြီး ကြည့်နေတယ်မဟုတ်လား? သိနေပါတယ်လေ..။

.

တစ်လောက ကုန်သည်ဘဝတုန်းက ကျေးဇူးရှိတဲ့ အစ်ကိုတစ်ယောက်ကို အလည်ရောက်လာတော့ နှင်းတောင်လိုက်ပို့ဖြစ်တယ်။ ကားမောင်းနေတုန်း သူကမေးတယ် “ မင်း ဘယ်လို စာရေးဖြစ်သွားတာလဲ ” တဲ့?

.

( ၂ဝ၁၂ ) ခုနှစ်မှာ မြန်မာနိုင်ငံတစ်ခေါက် ပြန်တယ်၊ ကိုယ်သိတဲ့ပညာရှာရာနည်းလမ်းတွေ၊ ကျောင်းတွေ ကောလိပ်အကြောင်းတွေ၊ သားသမီးပျိုးထောင်ပုံ ပျိုးထောင်နည်းတွေ နဲ့ နေ့စဉ်ပြောစကားမတူတဲ့နယ်မြေရပ်ဝေးမှာ ငွေထုတ်ထမ်းပြီးသွာတာတောင် ဘယ်လိုရုန်းကန်ပြီး ဘဝရပ်တည်ရတယ်ဆိုတာကို ( သိသလောက် တတ်သလောက် မတောက်တစ်ခေါက် ) ပြောပြဖို့ကို ဘယ်သူမှ နားမထောင်ချင်ဘူး။ ဘယ်မေးခွန်းမှမေးမယ့်သူမရှိဘူး။ သူတို့ရဲ့သား က နယူးယောက်က တက္ကသိုလ်မှာ ဆရာဝန်လိုင်းတက်နေတာ ဆိုတာ နဲ့ ငါ့သမီးလည်း နောက်လ အမေရိကားသွားတော့မှာဆိုတာတွေပဲ နားထောင်ပြီး ပြန်လာခဲ့ရတယ်။ ဒါနဲ့ ဒီဘက်မြေပြန်ရောက်ပြီး နောက်တစ်နှစ်လောက်နေတော့ ကိုယ်သိထားတာတွေကို အသိပညာဖြန့်ဝေဖို့ စာရေးပြီးပြောရတာပါပဲ .. လို့ ရှည်ရှည်ဝေးဝေးရှင်းပြတော့ သူက အော် .. သိပြီ .. “ ပြောချင်တာကို နားထောင်မယ့်သူမရှိလို့ စာရေးဆရာဖြစ်လာတာကိုး ” လို့ သုံးသပ်သွားပါတယ်။ အမှန်က ကျွန်တော်က စာရေးဆရာမဖြစ်သေးပါဘူး။ စာတိုမုတ်စရေးတဲ့ စာရေးသားသူတစ်ယောက်သာသာပါလို့ ပြန်ရှင်းပြမိတယ်။

.

.

မှန်ပါတယ်။ ကျွန်တော်ဟာ အဟောအပြောကောင်းဖို့ဝေးစွ .. စကားတစ်ခွန်းတောင် လေသံချောအောင်ပြောတတ်သူတစ်ယောက် မဟုတ်ပါဘူး။ ပြောတဲ့စကားတစ်ခွန်းတစ်ခွန်းကလည်း “ ကုလား ( ၅ ) ယောက်ထမ်းလာတာကမှ သူ့ထက်ပေါ့ဦးမယ် ” လို့ သုံးသပ်သူလည်း ရှိခဲ့ပါတယ်။ ဒါ့အပြင် ကုန်သည်ဘဝက ငွေရှင်ကြေးရှင်ဆိုတော့ ဆက်ဆံရေးက ပိုဆိုးတယ်။ အပေါက်ကလည်း ကြမ်းတယ်။ ငွေလည်းပေးဝယ်ရသေးတယ် .. ဟောက်လည်း ဟောက်ငမ်းသေးတယ်လို့ ပြောသူလည်း ရှိသပ..။ ဒါပေမယ့် အရောင်းအဝယ်သမားပေမို့ ဝယ်သူရဲ့အလိုလာဘ နဲ့ ဈေးကွက်ရဲ့ရနိုင်ခြေကို ဘယ်တုန်းကမှ ကျွန်တော်မျက်ခြေအပြတ်မခံခဲ့ပါဘူး။ ကဲပါလေ .. စာရေးဖြစ်လာရခြင်းဘက်ကို ပြန်သွားရအောင်..။

မအေးအေးနှင်း မေးသဖြင့် ဖြေပါသည်

ဆောင်းပါးရှင် - ကိုညီညီ ( တောင်ကြီး )

.

မအေးအေးနှင်း မေးသည် ။။။။။။။။။။ သားကို စာစိတ်ဝင်စားအောင် ဘယ်လို သင်ပြပေးခဲ့တယ်ဆိုတဲ့ စွမ်းရဲ့ ငယ်ဘဝ အကြောင်းရော ပြောပြပါလား ကိုညီညီ ရှင့်။ ဘာဖြစ်လို့လည်းဆိုတော့ ကျွန်မတို့ သားက ( ၆ ) နှစ်အရွယ် မို့လို့ပါ။ ကလေးတွေကို ထိန်းကျောင်းပေးတဲ့ ဥပမာတွေကို အများကြီးလေ့လာချင်ပါတယ်။ တော်တယ်နော်။ နာမည်နဲ့ လူနဲ့ တကယ်လိုက်တဲ့ " စွမ်း " ပါလား..။

.

.

ကိုညီညီ ဖြေသည် ။။။။။။။။။။ ပထမဦးစွာ “ စွမ်း ” ကို ချီးကျူးတဲ့အတွက် မိဘတစ်ယောက်နေရာကနေ ကြည်နူးဝမ်းသာဖြစ်ရပါတယ်။ အထူးသဖြင့် မအေးအေးနှင်းတို့လို ဒီနိုင်ငံရောက်ပြီး ကလေးငယ်တစ်ယောက်နဲ့ အလုပ်တစ်ဖက်လုပ်ကိုင်ရင်း အမေရိကန်အိပ်မက်ကို ကြိုးစားအကောင်အထည်ဖော်နေသူအချင်းချင်း အသိအမှတ်ပြုတော့ ပိုခံစားရပါတယ်။

.

“ စွမ်း ”  က ဒီနိုင်ငံရောက်တော့ ( ၉ ) နှစ် ရှိနေပါပြီ။ မြန်မာနိုင်ငံကနေ ( ၃ ) တန်း အောင်လာပါတယ်။ ကိုယ့်အရင်းကြီးလိုပြောရမယ်ဆိုရင် ကျေးဇူးရှိတဲ့ အစ်မအိမ်မှာ တစ်နှစ်လောက်နေခဲ့တဲ့ကာလအတွင်း မျက်စိရှေ့ကအရာအားလုံးဟာ ယောင်ချာချာပါပဲ။ ဘာလုပ်လို့ ဘာကိုင်ရမှန်းမသိချိန်တစ်လျှောက်မှာ ဒစ္စနေချန်နယ် ကလာတဲ့ အင်္ဂလိပ်ဇာတ်လမ်းတွဲတွေကို တောက်လျှောက်ထိုင်ကြည့်နေတာကတော့ “ စွမ်း ” ရဲ့ သေချာတဲ့တိုးတက်မှုတစ်ခု ဖြစ်မှန်းမသိဖြစ်ခဲ့တယ်။

.

ဒါ့အပြင် ကလေးငယ်တွေကြည့်တဲ့ ကာတွန်းကား၊ အင်နီမေးရှင်းဇာတ်လမ်းတွဲတွေကို မရှိဘူးဆိုရင် တစ်ရက်ကို ( ၄ ) နာရီလောက် ဆက်တိုက်ကြည့်တယ်။ တစ်ခါတစ်ခါများဆို မျက်စိပျက်မှာစိုးလို့ လျှော့ကြည့်လို့ ပြောရတဲ့အထိပါပဲ။ သူက လူကြီးတွေကြည့်သလို အပေါ်ကအရုပ်ပြ အောက်က စာတန်းကိုလိုက်ဖတ်သူမဟုတ်တော့ သူရတဲ့ အင်္ဂလိပ်စကားက ဒီမြေမှာပေါက်တဲ့ “ ဘို ” တွေလို အတိုင်းသား - Pure ဖြစ်သွားတာ ကံကောင်းတယ်လို့ ကျွန်တော်ကတော့ ယူဆမိပါတယ်။