 |
| ဆောင်းပါးရှင် - ကိုညီညီ ( တောင်ကြီး ) |
.
ပြည်သူတွေရဲ့ဆင်းရဲမှု၊
ကြပ်တည်းမှု နဲ့ ခွင့်လွှတ်သည်းခံနိုင်မှုတွေကို တစ်ဆင့်ကျော်လွှားနိုင်ဖို့ ရွေးကောက်ပွဲ
နဲ့ ဇကာစစ်ရတယ်။ ဒီ့နောက်မှာ လူပြောင်းမလား? မူပြောင်းမလား?
လူရောမူပါ ပြောင်းမလား? ဆိုတဲ့အဖြေကို မကြာခင်သိရတော့မယ်။ ပျော်မဆုံးသူ
အပျော်မကြူးဖို့နဲ့ ဦးခေါင်းငိုက်စိုက်ကျသူ မာန်မမည်းဖို့
ရွေးကောက်ပွဲအမတ်လောင်းတွေဆီမှာ ဒီမိုကရေစီတစ်ဆင့်မြင့်မှု - Democracy Promotion
စိတ်ဓါတ်ရှိရပါမယ်။ ဒီအထဲမှာ ဒီမိုကရေစီစံနစ်ကိုထောက်ခံတဲ့ Democracy
Assistance အုပ်စုအုပ်ဖွဲ့တွေရှိဖို့လိုသလို ဝိုင်းဝန်းတည်ဆောက်မယ့်
Democracy Building အတိုက်အခံတွေရှိဖို့လိုအပ်ပါတယ်။
.
ရပ်ထဲရွာထဲအထာနဲ့ နားလည်အောင်စကားပါးရရင် ဒေါက်တိုင်
( ၃ ) ချောင်းနဲ့ အစိုးရယန္တရားကို မောင်းနှင်ရာမယ် တစ်ဖွဲ့ကိုတစ်ဖွဲ့က
မလွတ်တမ်း စစ်ဆေး - Check ရုံမက မျှခြေ - Balance ဖြစ်အောင်
တည့်မတ်ပေးနေဖို့က Democracy Promotion စိတ်ဓါတ်ကို ပုံပေါ်စေပါတယ်။
.
ဒီကနေတစ်ဆင့်
အမျိုးသားအကျိုးစီးပွားကိုဖော်ဆောင်တယ်လို့ပြောပြီး မိမိကိုယ်ကျိုးကို
တိုးတိုးတိတ်တိတ် လက်သိပ်ထိုးလုပ်ဆောင်မယ့် " ပြည်သူ့အတွက်မဟုတ်တဲ့ဘက်တော်သား
" တွေအတွက် လွှတ်တော်မှာ နေရာမရှိပါဘူး။ ရှိနေရင်လည်း
ဆက်လုပ်လို့မရသလို လုပ်နေမယ်ဆိုရင်လည်း အများကလက်မခံတော့ပါဘူး။ တစ်ဆက်တည်း
အရှိန်မထိမ်းနိုင်၊ မဖုံးနိုင်မဖိနိုင်ဖြစ်လာတဲ့ကာယကံရှင်များမှာတော့ သူ့ဇာတ်နဲ့သူ
အိုးနင်းခွက်နင်း လျှောက်လှမ်းရင်းသာ နိဂုံးချုပ်ရစမြဲပါ။
