တိုးနီ နဲ့ လူပေါ်လူဇော်လုပ်တဲ့သူ ( ပဉ္ဇမပိုင်း )

ဆောင်းပါးရှင် - ကိုညီညီ ( တောင်ကြီး )

.

.

အမှန်အတိုင်းဝန်ခံရရင် ဒီနေရာ ဒီဋ္ဌာနကိုရောက်ပြီးကတည်းက ကျွန်တော်ဟာ လေယာဉ်တစ်ခါမှမစီးဖူးသေးပါဘူး။ လိုအပ်တဲ့ခရီးကို ကားနဲ့သွားတာများပါတယ်။ လေဆိပ်မှာ အခုနောက်ပိုင်း ဧည့်သည်လိုက်ပို့တာ၊ ကြိုတာလောက်ပဲ လုပ်ဖူးပေမယ့် လြုံခုံရေးဝန်ထမ်းတွေ စစ်ဆေးတဲ့ ခပ်ကြမ်းကြမ်းပုံစံကို ကျွန်တော်ကြုံဖူးတယ်ဆိုရင် ယုံနိုင်ပါ့မလား?

.

.

ကျွန်တော်တို့အထုပ်တွေကို Medical Check Up ဋ္ဌာနက အကုန်သွန်ချ စစ်ပါတယ်။ လက်ဝတ်လက်စားတွေကအစ အရှက်လုံရုံကလွဲပြီး ခန္ဓာကိုယ်ပေါ်မှာ ဘာဆိုဘာမှမကျန်အောင် အစအဆုံး ချွတ်ခိုင်းတယ်။ အကျီင်္အိပ်ကပ် နဲ့ ဘောင်းဘီအိပ်ကပ်တွေထဲက ပစ္စည်းတွေကို ဗန်းတစ်ခုထဲကို ထည့်ခိုင်းပြန်ပါတယ်။ ဒီမှာတင် သူငယ်ချင်းတစ်ယောက်ရဲ့ လည်ပင်းမှာဆွဲထားတဲ့ ဆွဲကြိုးလေးကိုတွေ့ရာက ပြသနာတစ်ခု စတင်ရင်ဆိုင်ရပါတော့တယ်။

.

ကျည်ဆံပုံ ထုထားတဲ့ အဆောင်လည်ဆွဲ “ ကြုပ် ” ကလေးကို တွေ့တယ်ဆိုရင်ပဲ စစ်ဆေးတဲ့ရဲဟာ သူငယ်ချင်းကို ရုပ်ရှင်တွေထဲကလို ခြေထောက် ( ၂ ) ဖက်နောက်ပစ်နဲ့ နံရံမှာ ကားကားကြီး ရပ်ခိုင်းပါတော့တယ်။ သူ့အနောက်ကနေ လည်ပင်းကအဆောင်ကိုဖြုတ်၊ ပလပ်စတစ်အိတ်တစ်ခုထဲထည့်ကာ အခန်းထဲကိုယူသွားပါတယ်။ အမှန်က အဲဒီသူငယ်ချင်းကို သူ့မိသားစုကိုးကွယ်တဲ့ဘုန်းကြီးတစ်ပါးက နိုင်ငံခြားသွားတဲ့အခါ ယူသွားဖို့ အဆောင်လေးကို ကြုပ်ကလေးထဲမှထည့်ပြီး သင်္ကန်းရောင်ကြိုးလေးနဲ့ လည်ပင်းမှာ မန်းပေးလိုက်တာပါ။ ဒါကို ရဲကဖွင့်ကြည့်လိုက်တာမှာ ကြုပ်ထဲကိုထည့်ပေးလိုက်တဲ့ ဘုန်းကြီးရဲ့အဆောင်ဟာ ဆေးရွက်ကြီးပုံစံ ပေါက်နေပါတယ်။ အဲဒီကိစ္စရှင်းမရဖြစ်နေချိန်မှာပဲ ..

.

အင်္ဂလိပ်စကားကောင်းတဲ့ သူငယ်ချင်းခေါင်းဆောင်က “ အဆောင် ” ကို ဘို လိုနားလည်အောင် ရှင်းမပြတတ်တော့ အင်တာနေရှင်နယ်ဘာသာစကား လက်ဟန်ခြေဟန်နဲ့ ပြောရင်းခေါင်းကုတ်၊ အဲ .. အင်း စဉ်းစားရင်းထပ်ပြော နဲ့ ခက်ခဲတဲ့ အကြပ်အတည်းထဲကို ရောက်နေကြပါတယ်။ ဒါတွေအားလုံးကို တစ်ချက်တည်းနဲ့ကယ်တင်လိုက်နိုင်သူကတော့ မယုံမရှိပါနဲ့ .. မြန်မာနိုင်ငံက ဘိုးတော်တစ်ပါးပါ။

.

.

ရာသီဥတုအေးအေးထဲမှာ ဘောင်းဘီတိုလေးတွေနဲ့ ကျွန်တော်တို့အလုပ်ရှုတ်နေချိန်မှာ နောက်ထပ်သူငယ်ချင်းတစ်ယောက်က ဘောင်းဘီနောက်အိတ်ကပ်ထဲက ပိုက်ဆံအိတ်ကိုထုတ်လိုက်တဲ့အချိန် “ အဘ ဘိုးမင်းခေါင် ” ဓါတ်ပုံထွက်ကျလာတယ်။ လှမ်းကောက်လိုက်တဲ့ ရဲက ဘာလဲလို့မေးတဲ့အခါ သူငယ်ချင်းခေါင်းဆောင်က “ ငါတို့ကိုးကွယ်တဲ့ အဘ ” ကို “ This is our God ” လို့ပြောလိုက်မိတယ်။ အဲဒီရဲက ဓါတ်ပုံကိုသေချာစိုက်ကြည့်ပြီး “ Your God has long hair, the same like ours ” .. မင်းတို့ရဲ့ God က ငါတို့ God လိုပဲ ဆံပင်ရှည်ထားတာပဲ .. လို့ ပြောလိုက်တဲ့အခါ အားလုံးက “ Yes, Yes, Yes ” လို့ ဝိုင်းအော်ကြပါတယ်။

.

ဒီအခွင့်ကောင်းကို အသုံးချလိုက်နိုင်တဲ့ ခေါင်းဆောင်က “ ဟုတ်ပါတယ်။ ခင်များတို့ God လိုပဲ ကျွန်တော်တို့ God ကလည်း မေတ္တာတရားအမြဲနှလုံးသွင်းခိုင်းပါတယ်။ သူ့ကြုပ်ထဲကအဆောင်ဆိုတာကလည်း Monk ကနေ လက်ဖွဲ့လုပ်ပေးလိုက်တာပါ ” လို့ အတည်ပေါက်နဲ့ပြောလိုက်တာမှာ ရဲကြီး တွေဝေသွားတယ်။ သူနားလည်လား မလည်ဘူးလားတော့ မသိဘူး .. ကျွန်တော်တို့အားလုံးရဲ့ မျှော်လင့်ချက်မျက်လုံးပေါင်းများစွာဟာ အဲဒီရဲကြီးရဲ့ မျက်နှာပေါ်ကို စုပုံရောက်ရှိသွားပါတယ်။ စိုးတထိတ်ထိတ်စောင့်စားနေရင်း ရဲကြီးက အဘဘိုးမင်းခေါင်ပုံကို ပြန်ပေးတဲ့အချိန်မှာ ကျွန်တော်တို့ရင်ထဲက အပူလုံးကြီးလည်း အတန်ငယ် အေးသွားရပါတော့တယ်။

.

ကျွန်တော့်မှာလည်း ကိုစေတန် တစ်လမ်းလုံးတောင်းသမျှပေးလိုက်ရတဲ့ဒဏ်ကိုကောင်းကောင်းကြီးခံလိုက်ရတဲ့ ခေါက်ပိုက်ဆံအိတ်အနွမ်းလေးကို ထုတ်ကြည့်လိုက်တော့ ကျန်ငွေက ဒေါ်လာ ( ၂ဝ ) နဲ့ အကြွေတစ်ချို့။ ကျွန်တော် ရန်ကုန်ကနေဘယ်လောက်ယူလာတယ်ဆိုတာ အရေးမကြီးဘူး။ ဟိုဟာပေး ဒီဟာပေးနဲ့ ကုန်ခဲ့သမျှတွေကိုလည်း စာရင်းမလုပ်နိုင်ဘူး။ အခုဒီငွေကမှ တိုးနီ အမေရိကန်ကို အမှန်တကယ်သယ်ဆောင်လာတဲ့ငွေအစစ်ပါ။

.

.

ဒုက္ခရောက်ရတဲ့ကြားထဲ စကားက မတတ်။ ပိုဆိုးတာက လူပေါ်လူဇော် လုပ်ချင်တဲ့လူနဲ့လာတိုးတဲ့ပုံက ဒီလို ..။ ကျွန်တော့တစ်ယောက်တည်းကို ခွဲထုတ်ပြီး အခန်းတစ်ခုထဲကို အရင်ထည့်ထားလိုက်တယ်။ ဝင်စ,ကတည်းက သယ်လာတဲ့ သူတို့စစ်ပြီးသားအိတ်ကလေးကိုဆွဲပြီး ပိုးသတ်ဆေးအနံ့ထောင်းနေတဲ့ အခန်းထဲကိုဝင်လိုက်တယ်တဲ့အခါ မက္ကစီကန် ( ၂ ) ယောက် ရှိနေတာကို တွေ့လိုက်တယ်။ တစ်ယောက်က ကာရုံကာထားတဲ့ ဘိုထိုင်မှာ အိမ်သာတက်နေတယ်။ နောက်တစ်ယောက်က စုတ်ပြတ်သတ်နေတဲ့ ကင်းပတ်ဘိနပ်အစုတ်ကြီးကို ခေါင်းအုံးပြီး ကြမ်းပြင်မှာ လှဲလျောင်းနေလေရဲ့။

.

ဒီလူပုံစံကိုပြောရရင် လူကြမ်းလို မုတ်ဆိတ်မွှေးထူလဗျစ်နဲ့ အမေရိကန်နယ်စပ်ကို တရစပ်ဖြတ်လာရင်း ( ၁ ) လ လောက် ရေမချိုးထားတဲ့ မျက်နှာမျိုး။ ကျွန်တော့်အထုတ်လေးကို အောက်ချလိုက်တော့ သူက .. စပိန်စကားလို့ထင်ရတဲ့ ဘာသာနဲ့ စကားလှမ်းပြောတယ်။ တစ်ကယ်တော့ ဘယ်ဟာက စပိန်စကားလည်းဆိုတာ ကျွန်တော်မသိသေးပါဘူး။ ကျွန်တော်ကပြောလိုက်တယ် “ No English ” လို့ဆိုတော့ သူကလည်း  “ No English ” လို့ပြန်ပြောတယ်။ အဓိပ္ပာယ်က ကျွန်တော်တို့ ( ၂ ) ယောက်လုံး အင်္ဂလိပ်လို မပြောတတ်ဘူး ဆိုတဲ့သဘော။

.

ခဏကြာတော့ လှဲအိပ်နေတဲ့ ကိုယ်တော်ချောက လက်ယပ်လှမ်းခေါ်တယ်။ အခန်းထဲမှာ လူအပိုဘယ်သူမှမရှိဘူး။ ဟိုတစ်ယောက်က အိမ်သာထဲမှာ သူ့ကိစ္စမပြီးသေးဘူး။ ဒါဆို ကျွန်တော့ကိုခေါ်တယ်ဆိုတာသေချာသလိုရှိလို့ သူ့နားရောက်သွားတဲ့အခါ အဲဒီပဲစားက သူ့ခြေသလုံးကို လူညှိုးထိုးပြပြီး လက်ကလေး ( ၂ ) နှစ်ဖက် ချိုမှိုင်မှိုင်ပုံစံ လုပ်ပြပါတယ်။ အစချက်ချင်း နားမလည်ပေမယ့် စဉ်းစားလိုက်တော့ .. အမယ် .. ဒီလူက ကျွန်တော့ကို သူ့ခြေသလုံးကို လာနှိပ်ပေးဖို့ခိုင်းနေတာခင်မျ ..။ ဒီလိုကောင်ကများ ငါ့ကို ခိုင်းရအောင်ဆိုပြီး ကျွန်တော် စိတ်လည်းဆိုး လန့်လည်းလန့်နေတာပေါ့။

.

.

ကျွန်တော်က အတင်းပဲ “ No, No, No ” ဆိုပြီး လက်ခါပြလိုက်တယ်။ သူက အိပ်နေရာက ချက်ချင်းခေါင်းထောင်လာပြီး တစ်လှမ်းချင်း ကျွန်တော့ဆီကို လျှောက်လာနေတယ်။ ကျွန်တော်ဖြင့် ကြောက်လိုက်တာ။ နယ်စပ်ထုံးစံ အသစ်ဝင်လာသူကို ဦးချိုးချင်တယ်ဆိုတာ ခပ်ရေးရေးလေး သဘောပေါက်လိုက်တယ်။ သူက မရပ်ဘူး တစ်ဖြည်းဖြည်း ကျွန်တော့်နား တိုးလာနေတယ်။ ဆက်လျှောက်လာနေတယ်။ ကျွန်တော်နဲ့ထိတော့မယ်။ အဲဒီအချိန်မှာ ..

.

“ ဂျိန်း ” ဆို တံခါးပွင့်လာပြီး သူငယ်ချင်း ( ၂ ) ယောက်ဝင်လာတယ်။ အခုဆိုတော့ ကျွန်တော်တို့ ( ၃ ) ယောက်ဖြစ်သွားပြီး သူတို့က ( ၂ ) ယောက်ထဲ။ ၃:၂ စစ်မြေပြင်အနေအထားကို အကဲခတ်သလိုကြည့်လိုက်ရင်း အင်အားချင်းမမျတာကို သိလိုက်တဲ့ အဲဒီပဲစားရဲ့ခြေလှမ်းဟာ ရပ်တန့်သွားတယ်။ ဝင်လာတဲ့ သူငယ်ချင်းကို ကျွန်တော်က ဖြစ်စဉ်ကို အမြန်ရှင်းပြလိုက်တဲ့အခါ အရပ်ထောင်ထောင်မောင်းမောင်း ခေါင်းဆောင်သူငယ်ချင်းက အဲဒီလူကို “ Back Up ” လို့ တစ်ခွန်းထဲ ပြောချလိုက်တယ်။ တိုက်ဆိုင်စွာ တံခါးကထပ်ပွင့်လာပြီး ကျန်တဲ့သူငယ်ချင်း ( ၂ ) ယောက်ပါ ထပ်ဝင်လာတော့ လူမိုက်ယောင်ဆောင် ပဲစားဟာ သူ့နေရာမှာသူ ပြန်သွားအိပ်နေပါတယ်။ ၅:၂ အခုလိုအနေအထားကျတော့ သူမဟုတ်သလိုနေတတ်တာကိုတော့ ချီးကျူးမိပါတယ်။

.

.

ခဏလေးနေကျတော့ ကျွန်တော်တို့ထဲက ( ၂ ) ယောက်ကိုခေါ်ဖို့ Officer တစ်ယောက် ရောက်လာတယ်။ မွေးနေ့သက္ကရာဇ်မေး၊ သွေးစစ်၊ မတည့်တဲ့ဆေးတွေမေး၊ အနာရောဂါရှိမရှိစစ်ဆေးပြီး ပြန်လွှတ်လိုက်တယ်။ ကျွန်တော့အလှည့်မှာ စကားပြန်တောင်းဆိုတော့ Robert ဆိုတဲ့ တိုင်းရင်းသားတစ်ယောက်ကို ဖုန်းခေါ်ပြီး ကြားကနေ ဘာသာပြန်ပေးခိုင်းတယ်။ ပြီးသွားတာနဲ့ ခင်းချင်ခင်း ခြုံချင်လဲခြုံဆိုပြီ  ဂွမ်းစောင်တစ်ထည်စီပေးလာတဲ့အခါ ညအိပ်ချိန်တောင်ရောက်နေပါပြီ။ နောက်တစ်ရက် မနက် ( ၄ ) နာရီလာခေါ်မယ်လို့ပြောထားပေမယ့် ကျွန်တော်တို့တစ်တွေဟာ တော်တော်နဲ့မအိပ်နိုင်ကြပါဘူး။ အခန်းထဲက တစ်ခုတည်းသော အင်္ဂဒေခုံလေးမှာ အားလုံးစုထိုင်ပြီး ကြီး ( ၅ ) ကြီး အစည်းအဝေးစတင်ပါတယ်။

.

.

“ တိုးနီ ” တို့ရဲ့ တစ်လမ်းလုံးတွေးနေကျ .. ငါတို့လာတာ မှားသွားပြီလား? ရုပ်ရှင်ထဲကအတိုင်း ခပ်မိုက်မိုက်တွေချည်းပဲ။ တစ်သက်လုံး ဒီလိုမျိုး တစ်ခါမှမကြုံဖူးဘူး။ ငါတို့ကို ဘယ်ဆက်ခေါ်သွားမှာလဲ? ဘာဆက်လုပ်ရမလဲ စတဲ့ မေးခွန်းတွေနဲ့ အဖြေမရတဲ့အစည်းအဝေးကြီးရဲ့ ရလဒ်အဖြေ ဘယ်လိုထွက်ပေါ်လာတယ်ဆိုတာ တိုးနီ တို့ကိုပဲ ဆက်မေးရပါလိမ့်မယ်။

.

koko2yeye@gmail.com