ေတာက္ပတဲ႕ Tesla ကားစက္ရံု ရဲ႕ သရုပ္မွန္

ေဆာင္းပါးရွင္ - ကိုညီညီ ( ေတာင္ၾကီး )

. 
ဆန္ဖရန္စစၥကိုပင္လယ္ေအာ္ေဒသမွာ လ်ွပ္စစ္ကားထုတ္လုပ္တဲ႕ နာမယ္ၾကီး တက္စ္လာ - Tesla ကားကုမၸဏီ ရွိပါတယ္။ ပုိင္ရွင္က အီလြန္မတ္စ္ - Elon Musk ျဖစ္ျပီး ေဒၚလာဘီလွ်ံမ်ားစြာခ်မ္းသာတဲ႕ လူလတ္ပိုင္းသူေ႒းတစ္ေယာက္ပါ။
.
တစ္ကယ္လို႕ မိတ္ေဆြဟာ ဆန္ဖရန္ ဒါမွမဟုတ္ နည္းပညာျမိဳ႕ေတာ္ ဆန္ဟုိေဆး - San Jose ျမိဳ႕တစ္ဝိုက္မွာေနတယ္၊ အဂၤလိပ္စကားကို ေျပာဆုိဆက္္ဆံရာမွာအခက္အခဲမရွိဘူး၊ အလုပ္ခ်ိန္ - Shift က ေန႕၊ ညေန မေရြးဘူး၊ အခ်ိန္ပို လုပ္ႏိုင္မယ္၊ အလုပ္လည္းၾကိဳးစားမယ္ဆိုရင္ Tesla မွာ အလုပ္ရႏိုင္ပါတယ္။
.
.
ေျပာစရာတစ္ခုရွိတာက Tesla အခု စက္ရံုတည္ထားတဲ႕ေနရာဟာ အရင္ ဂ်ပန္တိုယုိတာကားေတြထုတ္ခဲ႕တဲ႕ NUMMI - New United Motor Manufacturing, Inc. စက္ရံု ပိတ္သိမ္းခဲ႕တဲ႕ ( ၂ဝ၁ဝ ) ခုႏွစ္ေနာက္ပိုင္း အေဆာက္အဦေဟာင္း - Facility ကို လက္ေျပာင္းလႊဲယူခဲ႕တာကိုပါ။
.
အရင္တုန္းက တုိယုိတာ နဲ႕ ဂ်ီအမ္ - General Motors တို႕ဖက္စပ္လုပ္ခဲ႕တဲ႕စက္ရံုမွာ အခုေတာ႕ ပလပ္ထိုး Tesla လွ်ပ္စစ္ကားလွလွေလးေတြ အားသြင္းငုတ္တုိင္ - Charging Station ေတြမွာ ပါကင္ထိုးထားတာေတြ႕ႏုိင္ပါတယ္။
.
.
လုပ္သားအမ်ားၾကီးေခၚေနတဲ႕ Tesla ရဲ႕ အလုပ္ေခၚေၾကာ္ျငာေတြ မၾကာခဏေတြ႕ရတယ္။ ေခၚတာမွ ေအးဂ်င္႕မ်ိဳးစံု၊ ေနရာေဒသ ျမိဳ႕မေရြး၊ ေယာက္်ား မိန္းမ မခ်န္ အျမဲလိုလိုလူလိုေနတာကို ဒီတစ္ဝိုက္ကလူေတြ သိထားၾကပါတယ္။ တစ္ဆက္တည္း လူေတြ႕ေမးတဲ႕အင္တာဗ်ဴးမွာ သတ္မွတ္ထားတဲ႕အခ်ိန္ပို - Overtime ကို လုပ္ႏုိင္မွ အလုပ္ခန္႕တယ္ဆုိတာသိရေတာ႕ ပုိျပီး ထဲထဲဝင္ဝင္ ေလ႕လာၾကည္႕မိတယ္။ 

.
Tesla မွာ အလုပ္ဝင္ေနသူေတြကိုေမးၾကည္႕တဲ႕အခါ ( စစ္တမ္းမ်ားႏွင္႕တရားဝင္ေၾကျငာေသာအခ်က္အလက္မ်ားကိုဆက္ေလ႕လာပါ ) စက္ရံုမွာ တစ္ေန႕ကို လွ်ပ္စစ္ကားအစီးေရ ( ၂၅ဝ ) နဲ႕ ( ၃ဝဝ ) ၾကား လမ္းမေတြေပၚ ပို႕ႏုိင္တယ္။ အဓိက ကားဆင္တဲ႕စက္ရံုလက္ေမာင္းတံေတြထဲမွာ 'Iceman' နဲ႕ 'Wolverine' တို႕လုိ သိပၸြံရုပ္ရွင္ေတြထဲကလို နာမယ္ေတြေပးထားၾကတယ္လို႕ သိရတယ္။
.
.
ကားဆင္တဲ႕ Assembler Line မ်ားစြာမွာ ကြန္ပ်ဴတာနဲ႕ထိန္းတဲ႕ Tesla Robotic Arm ( ၁ဝဝ ) ေက်ာ္ရွိပါတယ္။ သံျပားျဖတ္တာကေနစလို႕ စက္ရံုတံခါးဝကေနကားေမာင္းထြက္သြားႏိုင္တဲ႕အဆင္႕အထိစက္ေတြနဲ႕လုပ္တယ္ဆုိေပမယ္႕ စက္မလုပ္ႏိုင္တဲ႕ေနရာေတြမွာ လူလိုပါတယ္။
.
ဒီေလာက္အထိထုတ္လုပ္ေနရသလို စက္ေတြကိုထိန္းဖို႕လူအမ်ားၾကီးလိုအပ္ေနတဲ႕ Tesla ရဲ႕ လုပ္ခေပးေငြက ( အလုပ္လုိသည္႕အခ်ိန္တြင္ကုမၸဏီဝဘ္ဆုိဒ္တြင္ဝင္ၾကည္႕ရန္လိုပါသည္ ) တစ္နာရီ ( ၁၇ ) ေဒၚလာ ေအာက္ထစ္ဆိုတာ သိရတယ္။
.
.
တစ္ဆက္တည္း တစ္ရက္ကုိ အခ်ိန္ပို ( ၂ ) နာရီ နဲ႕ ပံုမွန္ ( ၈ ) နာရီ . . ေပါင္း ( ၁ဝ ) နာရီ ကို တစ္ပတ္ ( ၅ ) ရက္ ပ်က္္ရက္မရွိလုပ္ရမယ္လို႕ ဆိုပါတယ္။ ဒါ႕အျပင္ စေနေန႕ ( ၈ ) နာရီပါထည္႕ေပါင္းရင္ တစ္ပတ္ကုိ ( ၅၈ ) နာရီမလုပ္ႏုိင္ရင္ မခန္႕ဘူးဆုိတာကိုလည္း လက္ရွိလုပ္ေနသူ ( ၃ ) ဦးကို ကြ်န္ေတာ္ကိုယ္တုိင္ေမးျပီး အတည္ျပဳႏုိင္ခဲ႕တယ္။
.
ဒီေလာက္အထိ ေရာင္းေကာင္းေနတဲ႕ Tesla ကုမၸဏီဟာ သတင္းေမႊးရမယ္႕အစား ဘာေၾကာင္႕ အျငင္းပြားဖြယ္ရာ ကြန္ပလိန္းေတြနဲ႕ ရင္ဆုိင္ေနရပါသလဲ? ဆုိတာ ဆက္ေလ႕လာၾကည္႕လုိက္ေတာ႕ . . . .
.
.
Tesla ဟာ လုပ္သားတစ္ေယာက္ကိုအျမဲခန္႕ - Permanent ျဖစ္ေအာင္မငွားလိုတာက အဓိကအေၾကာင္းရင္းဆုိတာ အတြင္းလူူေတြရဲ႕ရင္ဖြင္႕စကားေတြအရ သိရတယ္။ ဒါေၾကာင္႕ လူတစ္ေယာက္ဟာ သူ႕ဆီမွာလုပ္ျပီးလုိ႕ ( ၆ ) လေလာက္ဆုိရင္ ေနာက္အလုပ္တစ္ခုကိုရွာထားဖို႕ ဒုတိယေရြးခ်ယ္မႈကိုျပဳထားရမယ္ဆုိတဲ႕သေဘာ ျဖစ္ေနပါတယ္။
.
အရင္းစစ္ေတာ႕ ကုမၸဏီက Permanent ေပးလုိက္သူတစ္ေယာက္ကုိ အက်ိဳးခံစားခြင္႕ - Benefit ေတြမေပးခ်င္လို႕ ဒီလို ကန္ထရိုက္နဲ႕ပဲငွားတာလို႕ သိရတယ္ ( ေသခ်ာေအာင္သူတုိ႕ကိုေတြ႕ရင္ထပ္ေမးၾကပါ ) ။ တစ္ကယ္ေကာင္းတဲ႕ ေတာ္တဲ႕သူေတြကုိ က်န္းမာေရးအေထာက္အပံ႕၊ ခြင္႕ရပ်က္ရက္ေတြ နဲ႕ ဖ်ားနာခြင္႕ေတြပါတဲ႕ Benefit ေပးရင္း ဆက္ေခၚထားတာလည္း မရွိမဟုတ္ . . ရွိၾကပါတယ္။
.
.
ဒါေပမယ္႕ အေမရိကန္တုိင္း အထင္ၾကီးလို႕မရပါဘူး။ တစ္ခ်ိဳ႕ဆုိ ၾကည္႕လုိက္ရင္ အလုပ္ကြ်မ္းသလိုထင္ရေပမယ္႕ လုပ္တတ္ရံုသာလုပ္တတ္ျပီး ကုန္မ်ားမ်ားမထြက္တဲ႕ - Unproductive Worker ေတြ အမ်ားၾကီးပါ။ ဒါေၾကာင္႕လည္း Tesla က ကာကြယ္ထားပံုရပါတယ္။
.
တစ္ေယာက္ရဲ႕အေျပာအရ ကယ္လီဖိုးနီးယားအလုပ္သမားဥပေဒအရ ( ၂ ) နာရီတစ္ၾကိမ္တိုင္း နားခ်ိန္ ( ၁ဝ ) မိနစ္ေပးရာမွာ Tesla အလုပ္သမားတစ္ေယာက္ကို လည္ပတ္ေနတဲ႕စက္ေစာင္႕ဖို႕အစားထုိးရန္လူစားရွိမွ ေပးနားတယ္လို႕ ညည္းညဴပါတယ္။ ဒီၾကားထဲမွာ အေရးေပၚ အိမ္သာသြားလုိတဲ႕အခါမ်ိဳးမွာလည္း ျငိဳျငင္တယ္လို႕ၾကားရေတာ႕ အႏၱရာယ္ကိုမလြယ္ႏုိင္ရင္ ခက္ရခ်ည္ရဲ႕လို႕ ေတြးမိပါတယ္။
.
.
သူေ႒း အီလြန္မတ္စ္ ကုိယ္တိုင္ ဖရီးေမာင္႕ - Fremont Facility စက္ရံုအတြင္းမွာ ကိုယ္ပိုင္အိပ္ခန္းေလးလုပ္ျပီးေနထုိင္ၾကီးၾကပ္တယ္လို႕ နာမယ္ၾကီးမီဒီယာေတြမွာဖတ္ရျပန္တယ္။ အတည္မျပဳႏုိင္တဲ႕သတင္းတစ္ခုအရ အလုပ္လုပ္တာမၾကိဳက္ဘူးဆိုရင္ အီလြန္မတ္စ္ ကိုယ္တုိင္ကိုယ္က် အားမနာတမ္းအလုပ္ျဖဳတ္တယ္လို႕ ေျပာျပသူမ်ိဳးလည္း ရွိတယ္။
.
အခုေနာက္ပို္္င္းဖတ္ရတာက အေမရိကားအေရွ႕ပိုင္းကမ္းေျခ- East Coast သတင္းမီဒီယာေတြအထိေရာက္သြားတဲ႕ တုိင္တန္းမႈေတြပါပဲ။ အလုပ္ခ်ိန္ ရွည္တယ္၊
ဖ်ားလို႕ နာလို႕ အလုပ္ပ်က္ရင္ အလုပ္ျဖဳတ္တဲ႕ဖုန္း ဆက္ခံရတယ္၊
က်န္းမာေရးအာမခံ မေပးလို႕ သတ္သတ္ဝယ္ရတာ ေစ်းၾကီးတယ္၊
တစ္ပတ္လံုး အလုပ္ခ်ည္းလုပ္ေနရေတာ႕ မိသားစုဘဝ ေပ်ာက္ဆံုးကုန္တယ္၊
အျမဲခန္႕လုပ္သားအျဖစ္ မေပးဘူး စတာေတြေၾကာင္႕ အလုပ္လုိခ်င္သူေတြနဲ႕ နည္းပညာတတ္ကြ်မ္းတဲ႕လုပ္သားေတြအတြက္ ေမွ်ာ္လင္႕ခ်က္နည္းတဲ႕ အလုပ္႒ာနအျဖစ္ရႈျမင္ၾကတယ္။
.
ဒါကို အီလြန္မတ္စ္ က ကုန္က်စားရိတ္ေစ်းၾကီးလို႕ကယ္လီဖိုးနီးယားကေနထြက္ေျပးသြားတဲ႕ကားကုမၸဏီေတြၾကားမွာ Tesla ကို သူမနည္းၾကီးဆက္လက္ေမာင္းႏွင္ေနရတယ္လုိ႕ ေျဖရွင္းပါတယ္။
.
.
လူလတ္ပုိင္းစြန္႕ဦးလုပ္ငန္းရွင္ေတြထဲမွာ အီလြန္မတ္စ္ ကို ကြ်န္ေတာ္ အေတာ္ေလးသေဘာက်တယ္။ သူ႕မွာတီထြင္တတ္တဲ႕စိတ္ကူး - Innovation Mindset ရွိတယ္။ ေရွ႕ေရးကိုျမင္တတ္တဲ႕ - Foreseeable Leader ျဖစ္တယ္။ လူသားအမ်ိဳးႏြယ္ေတြကိုျခိမ္းေျခာက္ေနတဲ႕ ကာဗြန္သံုးစြဲမႈကုိေလွ်ာ႕ခ်ဖို႕ Carbon Consumption Reduction ကုိ အေလးေပးလုပ္ေဆာင္ေနတဲ႕ ကုိယ္ပိုင္ၾကိဳးစားထုိးေဖာက္ျပီးပိုက္ဆံရွိလာသူတစ္ေယာက္ ျဖစ္တယ္။
.
ဒါ႕အျပင္ ေနာက္ဆံုးမွာေၾကျငာထားတဲ႕ Tesla Model 3 ရဲ႕ အစီးေရ ( ၄ ) သိန္း ေက်ာ္ ၾကိဳတင္အမွာစာရထားမႈဟာလည္း အီလြန္မတ္စ္ ကုိ ကားအသစ္အျမန္ထုတ္ႏုိင္ေရးအတြက္ ေဇာေခြ်းျပန္ေနေစပါလိမ္႕မယ္။ ဒီအတြက္ အီလြန္မတ္စ္ က နဗားဒါျပည္နယ္မွာ ကမၻာမွာအၾကီးဆံုးျဖစ္လာမယ္႕ လီသီယမ္အိုင္းယြန္းဘက္ထရီစက္ရံု - Tesla Gigafactory ကုိ ( ၂ဝ၁၆ ) မွာ စတင္တည္ေဆာက္ျပီး က်ားကန္ထားပါတယ္။
.
.
Tesla Model ကားတစ္စီးမွာ အျပားလုိက္ထည္႕သြင္းထားတဲ႕ ဘက္ထရီျပားဟာ ကားတစ္စီးလံုးအေလးခ်ိန္ရဲ႕တစ္ဝက္ေက်ာ္ေလာက္ အေလးခိ်န္စီးပါတယ္။ ဒီလုိပဲ Tesla Model လုပ္ငန္းတစ္ခုလံုးရဲ႕ ေအာင္ျမင္မႈ၊ က်ရွံဴးမႈအားလံုးဟာ တည္ေထာင္သူ အီလြန္မတ္စ္ ရဲ႕ စြမ္းေဆာင္ရည္တစ္ဝက္မကပါတယ္ဆုိတာကိုေတာ႕ ယံုမွားသံသယမရွိပါဘူး။
.
အနည္းဆံုးလုပ္ခ တစ္နာရီ ( ၁ဝ ) ေဒၚလာေက်ာ္ရေနတဲ႕အေမရိကားမွာလည္း သူ႕အခက္အခဲနဲ႕သူပါ။
.
ေနရာေဒသအလုိက္ လုပ္ခနည္းျပိီး အလုပ္ရွားပါးတဲ႕ေနရာေတြရွိသလို ေငြရမ်ားျပီး စည္းကမ္းတင္းၾကပ္ရံုမက အားလပ္ခ်ိန္နည္းတဲ႕ အေျခခံလုပ္သားလူတန္းစားဘဝ နဲ႕ အေမရိကန္လူေနမႈစရုိက္တုိ႕ကိုေလ႕လာႏုိင္ေအာင္ ေမးျမန္းေရးသားလုိက္ပါတယ္။
.
ခင္လ်က္
.
ကိုညီညီ ( ေတာင္ၾကီး )
02-10-2017
.
.
.
Unicode Version:
.
.
. " တောက်ပတဲ့ Tesla ကားစက်ရုံ ရဲ့ သရုပ်မှန် "
ဆန်ဖရန်စစ္စကိုပင်လယ်အော်ဒေသမှာ လျှပ်စစ်ကားထုတ်လုပ်တဲ့ နာမယ်ကြီး တက်စ်လာ - Tesla ကားကုမ္ပဏီ ရှိပါတယ်။ ပိုင်ရှင်က အီလွန်မတ်စ် - Elon Musk ဖြစ်ပြီး ဒေါ်လာဘီလျှံများစွာချမ်းသာတဲ့ လူလတ်ပိုင်းသူဋ္ဌေးတစ်ယောက်ပါ။
.
တစ်ကယ်လို့ မိတ်ဆွေဟာ ဆန်ဖရန် ဒါမှမဟုတ် နည်းပညာမြို့တော် ဆန်ဟိုဆေး - San Jose မြို့တစ်ဝိုက်မှာနေတယ်၊ အင်္ဂလိပ်စကားကို ပြောဆိုဆက််ဆံရာမှာအခက်အခဲမရှိဘူး၊ အလုပ်ချိန် - Shift က နေ့၊ ညနေ မရွေးဘူး၊ အချိန်ပို လုပ်နိုင်မယ်၊ အလုပ်လည်းကြိုးစားမယ်ဆိုရင် Tesla မှာ အလုပ်ရနိုင်ပါတယ်။
.
.
ပြောစရာတစ်ခုရှိတာက Tesla အခု စက်ရုံတည်ထားတဲ့နေရာဟာ အရင် ဂျပန်တိုယိုတာကားတွေထုတ်ခဲ့တဲ့ NUMMI - New United Motor Manufacturing, Inc. စက်ရုံ ပိတ်သိမ်းခဲ့တဲ့ ( ၂ဝ၁ဝ ) ခုနှစ်နောက်ပိုင်း အဆောက်အဦဟောင်း - Facility ကို လက်ပြောင်းလွှဲယူခဲ့တာကိုပါ။
.
အရင်တုန်းက တိုယိုတာ နဲ့ ဂျီအမ် - General Motors တို့ဖက်စပ်လုပ်ခဲ့တဲ့စက်ရုံမှာ အခုတော့ ပလပ်ထိုး Tesla လျှပ်စစ်ကားလှလှလေးတွေ အားသွင်းငုတ်တိုင် - Charging Station တွေမှာ ပါကင်ထိုးထားတာတွေ့နိုင်ပါတယ်။
.
.
လုပ်သားအများကြီးခေါ်နေတဲ့ Tesla ရဲ့ အလုပ်ခေါ်ကြော်ငြာတွေ မကြာခဏတွေ့ရတယ်။ ခေါ်တာမှ အေးဂျင့်မျိုးစုံ၊ နေရာဒေသ မြို့မရွေး၊ ယောက်ျား မိန်းမ မချန် အမြဲလိုလိုလူလိုနေတာကို ဒီတစ်ဝိုက်ကလူတွေ သိထားကြပါတယ်။ တစ်ဆက်တည်း လူတွေ့မေးတဲ့အင်တာဗျူးမှာ သတ်မှတ်ထားတဲ့အချိန်ပို - Overtime ကို လုပ်နိုင်မှ အလုပ်ခန့်တယ်ဆိုတာသိရတော့ ပိုပြီး ထဲထဲဝင်ဝင် လေ့လာကြည့်မိတယ်။
.
Tesla မှာ အလုပ်ဝင်နေသူတွေကိုမေးကြည့်တဲ့အခါ ( စစ်တမ်းများနှင့်တရားဝင်ကြေငြာသောအချက်အလက်များကိုဆက်လေ့လာပါ ) စက်ရုံမှာ တစ်နေ့ကို လျှပ်စစ်ကားအစီးရေ ( ၂၅ဝ ) နဲ့ ( ၃ဝဝ ) ကြား လမ်းမတွေပေါ် ပို့နိုင်တယ်။ အဓိက ကားဆင်တဲ့စက်ရုံလက်မောင်းတံတွေထဲမှာ 'Iceman' နဲ့ 'Wolverine' တို့လို သိပ္ပွံရုပ်ရှင်တွေထဲကလို နာမယ်တွေပေးထားကြတယ်လို့ သိရတယ်။
.
.
ကားဆင်တဲ့ Assembler Line များစွာမှာ ကွန်ပျူတာနဲ့ထိန်းတဲ့ Tesla Robotic Arm ( ၁ဝဝ ) ကျော်ရှိပါတယ်။ သံပြားဖြတ်တာကနေစလို့ စက်ရုံတံခါးဝကနေကားမောင်းထွက်သွားနိုင်တဲ့အဆင့်အထိစက်တွေနဲ့လုပ်တယ်ဆိုပေမယ့် စက်မလုပ်နိုင်တဲ့နေရာတွေမှာ လူလိုပါတယ်။
.
ဒီလောက်အထိထုတ်လုပ်နေရသလို စက်တွေကိုထိန်းဖို့လူအများကြီးလိုအပ်နေတဲ့ Tesla ရဲ့ လုပ်ခပေးငွေက ( အလုပ်လိုသည့်အချိန်တွင်ကုမ္ပဏီဝဘ်ဆိုဒ်တွင်ဝင်ကြည့်ရန်လိုပါသည် ) တစ်နာရီ ( ၁၇ ) ဒေါ်လာ အောက်ထစ်ဆိုတာ သိရတယ်။
.
.
တစ်ဆက်တည်း တစ်ရက်ကို အချိန်ပို ( ၂ ) နာရီ နဲ့ ပုံမှန် ( ၈ ) နာရီ . . ပေါင်း ( ၁ဝ ) နာရီ ကို တစ်ပတ် ( ၅ ) ရက် ပျက််ရက်မရှိလုပ်ရမယ်လို့ ဆိုပါတယ်။ ဒါ့အပြင် စနေနေ့ ( ၈ ) နာရီပါထည့်ပေါင်းရင် တစ်ပတ်ကို ( ၅၈ ) နာရီမလုပ်နိုင်ရင် မခန့်ဘူးဆိုတာကိုလည်း လက်ရှိလုပ်နေသူ ( ၃ ) ဦးကို ကျွန်တော်ကိုယ်တိုင်မေးပြီး အတည်ပြုနိုင်ခဲ့တယ်။
.
ဒီလောက်အထိ ရောင်းကောင်းနေတဲ့ Tesla ကုမ္ပဏီဟာ သတင်းမွှေးရမယ့်အစား ဘာကြောင့် အငြင်းပွားဖွယ်ရာ ကွန်ပလိန်းတွေနဲ့ ရင်ဆိုင်နေရပါသလဲ? ဆိုတာ ဆက်လေ့လာကြည့်လိုက်တော့ . . . .
.
.
Tesla ဟာ လုပ်သားတစ်ယောက်ကိုအမြဲခန့် - Permanent ဖြစ်အောင်မငှားလိုတာက အဓိကအကြောင်းရင်းဆိုတာ အတွင်းလူူတွေရဲ့ရင်ဖွင့်စကားတွေအရ သိရတယ်။ ဒါကြောင့် လူတစ်ယောက်ဟာ သူ့ဆီမှာလုပ်ပြီးလို့ ( ၆ ) လလောက်ဆိုရင် နောက်အလုပ်တစ်ခုကိုရှာထားဖို့ ဒုတိယရွေးချယ်မှုကိုပြုထားရမယ်ဆိုတဲ့သဘော ဖြစ်နေပါတယ်။
.
အရင်းစစ်တော့ ကုမ္ပဏီက Permanent ပေးလိုက်သူတစ်ယောက်ကို အကျိုးခံစားခွင့် - Benefit တွေမပေးချင်လို့ ဒီလို ကန်ထရိုက်နဲ့ပဲငှားတာလို့ သိရတယ် ( သေချာအောင်သူတို့ကိုတွေ့ရင်ထပ်မေးကြပါ ) ။ တစ်ကယ်ကောင်းတဲ့ တော်တဲ့သူတွေကို ကျန်းမာရေးအထောက်အပံ့၊ ခွင့်ရပျက်ရက်တွေ နဲ့ ဖျားနာခွင့်တွေပါတဲ့ Benefit ပေးရင်း ဆက်ခေါ်ထားတာလည်း မရှိမဟုတ် . . ရှိကြပါတယ်။
.
.
ဒါပေမယ့် အမေရိကန်တိုင်း အထင်ကြီးလို့မရပါဘူး။ တစ်ချို့ဆို ကြည့်လိုက်ရင် အလုပ်ကျွမ်းသလိုထင်ရပေမယ့် လုပ်တတ်ရုံသာလုပ်တတ်ပြီး ကုန်များများမထွက်တဲ့ - Unproductive Worker တွေ အများကြီးပါ။ ဒါကြောင့်လည်း Tesla က ကာကွယ်ထားပုံရပါတယ်။
.
တစ်ယောက်ရဲ့အပြောအရ ကယ်လီဖိုးနီးယားအလုပ်သမားဥပဒေအရ ( ၂ ) နာရီတစ်ကြိမ်တိုင်း နားချိန် ( ၁ဝ ) မိနစ်ပေးရာမှာ Tesla အလုပ်သမားတစ်ယောက်ကို လည်ပတ်နေတဲ့စက်စောင့်ဖို့အစားထိုးရန်လူစားရှိမှ ပေးနားတယ်လို့ ညည်းညူပါတယ်။ ဒီကြားထဲမှာ အရေးပေါ် အိမ်သာသွားလိုတဲ့အခါမျိုးမှာလည်း ငြိုငြင်တယ်လို့ကြားရတော့ အန္တရာယ်ကိုမလွယ်နိုင်ရင် ခက်ရချည်ရဲ့လို့ တွေးမိပါတယ်။
.
.
သူဋ္ဌေး အီလွန်မတ်စ် ကိုယ်တိုင် ဖရီးမောင့် - Fremont Facility စက်ရုံအတွင်းမှာ ကိုယ်ပိုင်အိပ်ခန်းလေးလုပ်ပြီးနေထိုင်ကြီးကြပ်တယ်လို့ နာမယ်ကြီးမီဒီယာတွေမှာဖတ်ရပြန်တယ်။ အတည်မပြုနိုင်တဲ့သတင်းတစ်ခုအရ အလုပ်လုပ်တာမကြိုက်ဘူးဆိုရင် အီလွန်မတ်စ် ကိုယ်တိုင်ကိုယ်ကျ အားမနာတမ်းအလုပ်ဖြုတ်တယ်လို့ ပြောပြသူမျိုးလည်း ရှိတယ်။
.
အခုနောက်ပို််င်းဖတ်ရတာက အမေရိကားအရှေ့ပိုင်းကမ်းခြေ - East Coast သတင်းမီဒီယာတွေအထိရောက်သွားတဲ့ တိုင်တန်းမှုတွေပါပဲ။ အလုပ်ချိန် ရှည်တယ်၊
ဖျားလို့ နာလို့ အလုပ်ပျက်ရင် အလုပ်ဖြုတ်တဲ့ဖုန်း ဆက်ခံရတယ်၊
ကျန်းမာရေးအာမခံ မပေးလို့ သတ်သတ်ဝယ်ရတာ စျေးကြီးတယ်၊
တစ်ပတ်လုံး အလုပ်ချည်းလုပ်နေရတော့ မိသားစုဘဝ ပျောက်ဆုံးကုန်တယ်၊
အမြဲခန့်လုပ်သားအဖြစ် မပေးဘူး စတာတွေကြောင့် အလုပ်လိုချင်သူတွေနဲ့ နည်းပညာတတ်ကျွမ်းတဲ့လုပ်သားတွေအတွက် မျှော်လင့်ချက်နည်းတဲ့ အလုပ်ဋ္ဌာနအဖြစ်ရှုမြင်ကြတယ်။
.
ဒါကို အီလွန်မတ်စ် က ကုန်ကျစားရိတ်စျေးကြီးလို့ကယ်လီဖိုးနီးယားကနေထွက်ပြေးသွားတဲ့ကားကုမ္ပဏီတွေကြားမှာTesla ကို သူမနည်းကြီးဆက်လက်မောင်းနှင်နေရတယ်လို့ ဖြေရှင်းပါတယ်။
.
.
လူလတ်ပိုင်းစွန့်ဦးလုပ်ငန်းရှင်တွေထဲမှာ အီလွန်မတ်စ် ကို ကျွန်တော် အတော်လေးသဘောကျတယ်။ သူ့မှာတီထွင်တတ်တဲ့စိတ်ကူး - Innovation Mindset ရှိတယ်။ ရှေ့ရေးကိုမြင်တတ်တဲ့ - Foreseeable Leader ဖြစ်တယ်။ လူသားအမျိုးနွယ်တွေကိုခြိမ်းခြောက်နေတဲ့ ကာဗွန်သုံးစွဲမှုကိုလျှော့ချဖို့ Carbon Consumption Reduction ကို အလေးပေးလုပ်ဆောင်နေတဲ့ ကိုယ်ပိုင်ကြိုးစားထိုးဖောက်ပြီးပိုက်ဆံရှိလာသူတစ်ယောက် ဖြစ်တယ်။
.
ဒါ့အပြင် နောက်ဆုံးမှာကြေငြာထားတဲ့ Tesla Model 3 ရဲ့ အစီးရေ ( ၄ ) သိန်း ကျော် ကြိုတင်အမှာစာရထားမှုဟာလည်းအီလွန်မတ်စ် ကို ကားအသစ်အမြန်ထုတ်နိုင်ရေးအတွက် ဇောချွေးပြန်နေစေပါလိမ့်မယ်။ ဒီအတွက် အီလွန်မတ်စ် က နဗားဒါပြည်နယ်မှာ ကမ္ဘာမှာအကြီးဆုံးဖြစ်လာမယ့် လီသီယမ်အိုင်းယွန်းဘက်ထရီစက်ရုံ - Tesla Gigafactory ကို ( ၂ဝ၁၆ ) မှာ စတင်တည်ဆောက်ပြီး ကျားကန်ထားပါတယ်။
.
.
Tesla Model ကားတစ်စီးမှာ အပြားလိုက်ထည့်သွင်းထားတဲ့ ဘက်ထရီပြားဟာ ကားတစ်စီးလုံးအလေးချိန်ရဲ့တစ်ဝက်ကျော်လောက် အလေးချိန်စီးပါတယ်။ ဒီလိုပဲ Tesla Model လုပ်ငန်းတစ်ခုလုံးရဲ့ အောင်မြင်မှု၊ ကျရှံူးမှုအားလုံးဟာ တည်ထောင်သူ အီလွန်မတ်စ် ရဲ့ စွမ်းဆောင်ရည်တစ်ဝက်မကပါတယ်ဆိုတာကိုတော့ ယုံမှားသံသယမရှိပါဘူး။
.
အနည်းဆုံးလုပ်ခ တစ်နာရီ ( ၁ဝ ) ဒေါ်လာကျော်ရနေတဲ့အမေရိကားမှာလည်း သူ့အခက်အခဲနဲ့သူပါ။
.
နေရာဒေသအလိုက် လုပ်ခနည်းပြိီး အလုပ်ရှားပါးတဲ့နေရာတွေရှိသလို ငွေရများပြီး စည်းကမ်းတင်းကြပ်ရုံမက အားလပ်ချိန်နည်းတဲ့ အခြေခံလုပ်သားလူတန်းစားဘဝ နဲ့ အမေရိကန်လူနေမှုစရိုက်တို့ကိုလေ့လာနိုင်အောင် မေးမြန်းရေးသားလိုက်ပါတယ်။
.
ခင်လျက်
.
ကိုညီညီ ( တောင်ကြီး )
02-10-2017