ဝမ်းနည်းရမှာလား ဝမ်းသာရမှာလား .. တိုးနီ ၁၆။ ( ဇာတ်သိမ်းပိုင်း )

ဆောင်းပါးရှင် - ကိုညီညီ ( တောင်ကြီး )

.

.

အဲဒီနေ့က ကံဆိုးသူ သားအဖ ( ၂ ) ယောက်အတွက် လုံးလုံးစိတ်မကောင်းဖြစ်ရုံကလွဲပြီး ကျွန်တော်ဘာများတတ်နိုင်ဦးပါမည်နည်း? ကျွန်တော့်အတွက်ရော မှောင်မိုက်တဲ့ညတွေ လာမလား? လပေါင်းများစွာ အောင့်အီးသည်းခံလာရင်း မြင်ချင်လွန်းလှတဲ့ အမေရီကန် မိုးကောင်းကင်ပြာကို မြင်ခွင့်ရမှာလား? ကျွန်တော့်အတွေးတွေ စာလိုလို ကဗျာလိုလိုနဲ့ မငြိမ်ဘူးဗျာ..။

.

တိုင်းရင်းသားလေးတစ်ယောက် အမှုကျသွားတုန်းက မှတ်မိသေးတယ် .. ( ၁ ) လကျော်လောက် စာရွက်စာတမ်း - Document ထိုင်စောင့်ရတာလေ။ ရလည်းရရော လေဆိပ်ကို လက်ထိပ်ခတ် ခေါ်သွားတယ်။ လိုက်ပို့်သူတစ်ယောက် အပိုလိုက်သွားတယ်။ ရန်ကုန်လေဆိပ်ရောက်တော့ ရန်ကုန် လဝက ကို အပ်တဲ့အချိန် လူတွေဝိုင်းကြည့်ကြမှာပေါ့ .. ဘယ်လောက်ရှက်ဖို့ကောင်းလဲ။ မြန်မာအစိုးရက ဘယ်လိုကိုင်တွယ်မလဲဆိုတာက တစ်မှောင့်။ စိုးရိမ်စိတ်က များလိုက်တာ..။

.

.

အဲဒီညက ဟိုလှိမ့်ဒီလှိမ့်နဲ့ မရရအောင်အိပ်လိုက်တာ မနက်ထရဦးမယ်လေ .. ရုံးချိန်းရှိတယ်။ ရေချိုးပြီး လန်းဆန်းအောင် နွေးနွေးထွေးထွေးနေပေမယ့် ကယောင်ခြောက်ချားစိတ်ကို ဖြတ်ထုတ်လို့မရ ဖြစ်နေသေးတယ်။ ပြီးခဲ့တဲ့ ( ၂ ) နှစ် ကတည်းက ကြိုးစားခဲ့တဲ့ အမေရိကားမှာ နေရမယ် မနေရဘူးဆိုတဲ့ ကံကြမ္မာ ဒီနေ့ သိရတော့မယ်။ အရင်က ဒါဟာ အိပ်မက်တစ်ခုဖြစ်ခဲ့ပေမယ့် ဒီနေ့တော့ လက်တွေ့ ဘွင်းဘွင်းကြီး ရင်ဆိုင်ရတော့မှာ။

.

.

“ မစ္စတာ တိုးနီ .. နေရတာ အဆင်ပြေလား? ” လို့ပြောလိုက်သူက ကျွန်တော့အရင် TV ဖန်သားပြင်ပေါ်မှာ ကြိုရောက်နေတဲ့ တရားသူကြီးက နှုတ်ဆက်တာပါ။ ကျွန်တော် ပြုံးပဲ ပြုံးနေလိုက်တယ်။

.

“ လူတိုင်း ဒီလိုပါပဲ။ ကျွန်တော်တို့လည်း အတတ်နိုင်ဆုံး အလုပ်လုပ်ပေးထားပါတယ်။ ကျွန်တော်ကိုယ်တိုင် မစ္စတာ တိုးနီ လို ထပ်တူခံစားရပါတယ်။ အခုလည်း လက်ဗွေကျွမ်းကျင်သူရဲ့ စစ်ချက်အဖြေကို Law အရ ခင်များရှေ့မှာ ဖောက်ပြမှာပါ ” လို့ ပြောရင်း A4 ဆိုဒ် စာအိပ်အဝါကို ကိုင်လိုက်ပါတယ်။

.

ဘုရား .. ဘုရား .. အဖြေက ဘယ်လိုပါလိမ့် လို့တွေးရင်း စိတ်ထဲမှာ ရန်ကုန်လေဆိပ်ကို မြင်ယောင်လာတယ်။ ဖွဟဲ့ ဒီမျက်လုံး .. ရန်ကုန်လေဆိပ်ကို မြင်နေရမှာမဟုတ်ဘူး။ နယူးယောက်လေဆိပ်တို့ ချီကာဂိုလေဆိပ်တို့ကို မြင်နေရမှာ။ တရားသူကြီးက စိမ်ပြေနပြေ လုပ်နေလေလေ ကျွန်တော့စိတ်တွေ မယိုးမယွ ဖြစ်လေလေဆိုတော့ အနေရခက်လိုက်တာ။ ကျွန်တော်သာ ပြေးပြီးဖောက်လိုက်ချင်ပါတော့တယ်၊ ဒီစာအိတ်အဝါလေးကို အမြန်သာ ကြည့်လိုက်ချင်မိပါတော့တယ်။

.

ဆုံးမထားတဲ့ ကျွန်တော့်မျက်လုံးတွေကို တရားသူကြီးမျက်နှာပေါ်ကို ပို့လိုက်တယ်။ သူ့ဒီဇိုင်းက ပြုံးလည်းမပြုံးဘူး မဲ့လည်း မမဲ့ဘူး။ ထွက်လာတဲ့ စာရွက် ( ၂ ) ရွက်ကို ကြည့်ရင်းတန်းလန်း အကြာကြီးအချိန်ဆွဲပြီးတော့မှ စကားစ,ပြောပါတယ်။ “ ကဲ မစ္စတာ တိုးနီ အမိန့် - Decision ချမယ်။ စိတ်ကိုခိုင်ခိုင်ထားပါ။ တစ်ခါတစ်လေကျရင် တစ်ချို့အပိုင်းတွေမှာ Shock ဖြစ်တတ်တယ်။ နောက်ပြီးတော့ ကျွန်တော်ပြောတာကို သေချာနားထောင်ပါ။ ခင်များရဲ့ နေထိုင်ခွင့် - Residency က ကျွန်တော့်အခုပြောမယ့် စကားတစ်ခွန်း နဲ့ အဆုံးအဖြတ် ပေးသွားလိမ့်မယ်။ အခု မပြောခင် ခင်များရှေ့နေကို ကျွန်တော် ပြောစရာရှိသေးတယ် ” ဆိုပြီး ရိုက်နေလိုက်တဲ့ရုပ်ရှင်ဗျာ .. လေးတိလေးပင်နဲ့ အကြာကြီး..။

.

.

ဒီတစ်ခေါက်က ဆုံးဖြတ်ချက်ချမှာဖြစ်လို့ ရှေ့နေက တရားသူကြီးနားရောက်နေပါတယ်။ သူတို့ ( ၂ ) ယောက် တီးတိုးတီးတိုးနဲ့ ဒီအမှုသည်တစ်ယောက်ကို လွှဲရမယ့်အကြောင်း ပြောနေကြဟန် တူတယ်။ ကြေးစား ဥပဒေဘက်တော်သားတွေလို့ မပြောရဘူး မျက်နှာပေါ်မှာ အကဲခတ်လို့ရမယ့် အရေးအစင်း တစ်ခုမှ မတွေ့ရဘူး .. မှင်သေလိုက်တာ။ ပြီးတော့ ရှေ့နေကလည်း အလိုတူ အလိုပါ စိတ်အေးအေးထားဖို့ ထပ်ပြောပြန်တယ်။ ခဏလေးကြာတော့ အားလုံးတိတ်ဆိတ်သွားတဲ့နောက်မှာ တရားသူကြီးက တရားခွင်တူလေးကို ပေပေါ်ရိုက်ချလိုက်ပါတယ် .. “ ဒုံး  .. .. .. ”

.

“ Congratulation တိုးနီ .. ” တရားသူကြီးက ပြောလိုက်တာပါ။ ဘာဆိုလိုတယ်ဆိုတာ ကျွန်တော် ချက်ချင်းသဘောမပေါက်ဘူး။ ဒီနိုင်ငံရောက်တာ မကြာသေး အပြင်ကိုလည်း မရောက်ဖူးသေးတော့ ကွန်ဂရက်ကျူလေးရှင်း ဆိုတဲ့စကားလုံးကို ကျွန်တော် မရင်းနှီးပါဘူး။ ဝမ်းသာရမှာလား ဝမ်းနည်းရမှာလား မိသိန်းကြည် ဆိုသလို ဖြစ်နေပြီ။ ဒီအချိန်မှာ တရားသူကြီးက နောက်ထပ်စကားတစ်ခွန်းထပ်ပြောတယ် ..

.

“ ခင်များ အသက်ရှူနေသေးလား တိုးနီ ? ” တဲ့။ ကျွန်တော် မကြားလိုက်ဘူး။ သူက တပ်ထားတဲ့ မျက်မှန်ကို ကျော်ကြည့်ပြီး ထပ်ပြောတယ် “ ခင်များ ဒီမှာ နေထိုင်ခွင့်ရသွားပြီ လို့ ပြောတာ ကြားလား? အမှုကို အအောင်ပေးလိုက်ပြီလို့ ပြောတာ ” လို့ ပြောအပြီးမှာ ရှေ့နေက ပျာပျာသလဲဝင်ပြီး “ မောင်လေး .. တရားသူကြီးကို ကျေးဇူးတင်တယ်လို့ အမြန်ပြောလိုက်လေ ” လို့ဝင်ထောက်တော့မှ ကျွန်တော်လည်း အသိဝင်လာပြီး တရားသူကြီးမင်း .. Thank You ပါ။ ခုနက ကျွန်တော် Shock ဖြစ်သွားတာ ခွင့်လွှတ်ပါလို့ ပြောနိုင်လိုက်ပါတယ်။

.

သူက ထပ်ပြီး “ ခင်များစာရွက်ကို တွေ့ကတည်းက ဝမ်းသာနေတာ..။ အမိန့်ချမှ ဝမ်းသာအောင် ကျွန်တော် လုပ်ပေးတာ။ အခုလို အကြာကြီးစောင့်ရတာ စိတ်မကောင်းပါဘူး။ ခင်များကို လွှတ်ပေး - Release ဖို့ ကျွန်တော် လက်မှတ်ထိုးပေးလိုက်ပြီ။ အပြင်ကိုထွက်ဖို့ကိစ္စက ကျွန်တော်နဲ့မဆိုင်တော့ဘူး။ စင်တာက အရာရှိတွေ ဆက်လုပ်လိမ့်မယ်။ ကျွန်တော်သိသလောက် ( ၁ ) ပတ်အတွင်း အပြင်ထုတ်လိမ့်မယ်။ ဘာမေးစရာရှိသေးလဲ -  Any Questions? ” လို့မေးတော့ ကျွန်တော်က မေးစရာမရှိတော့ပါဘူးလို့ ရိုရိုသေသေ ပြန်ဖြေလိုက်တယ်ဆိုရင်ပဲ ရှေ့နေက “ အခု ပျော်နိုင်ပြီ မဟုတ်လား? ” လို့ ပြုံးရယ်ပြီး စကား ဝင်ထောက်ပေးပါတယ်။

.

.

ရုံးတော်က ဒီတစ်ခေါက်ပြန်အလာ ခြေလှမ်းတွေ သွက်လက်စွာနဲ့ လမ်းမှာ မြန်မာတွေတွေ့အောင် ရှာကြည့်ပါတယ်။ အခန့်သင့်စွာ ထမင်းပို့နေတဲ့ မြန်မာတစ်ယောက်ကို ကျွန်တော်အမှုအောင်သွားတဲ့အကြောင်း ပြောပြတော့ “ စိတ်ချ .. သူ သံချောင်းခေါက် ကြေငြာပေးမယ် ” လို့ ပြောသွားတယ်။ အတူတူလာတဲ့ သူငယ်ချင်း ( ၄ ) ယောက်ထဲက ( ၂ ) ယောက်ဟာ အမှုအောင်လို့ အပြင်တောင်ထွက်သွားပါပြီ။ ဒါပေမယ့် ကျွန်တော်တို့ဆက်သွယ်လို့မရတဲ့အခါ မတွေ့တော့မှသာ သူတို့အောင်သွားမှန်း သိရတာပါ။ မျက်နှာငယ်လေးတွေနဲ့ တရုတ်တွေ ကျွန်တော့ကို သတင်းလာမေးတယ်။ သူတို့က အပြင်ကနေ အမှုရင်ဆိုင်နေကြတာဆိုတော့ ဒီလိုအတွင်းကနေ ဘာတွေလုပ်တယ်ဆိုတာ မသိကြဘူး။

.

.

မိတ်ဆွေဆီဖုန်းဆက်တယ်။ အပြင်ထွက်ဖို့စီစဉ်မယ်။ အမြန်ဆုံးအပြင်ထွက်ချင်တယ်လို့ ပြောလိုက်တယ်။ အဆင်သင့်စွာပဲ ညနေ ရှေ့နေလာရင် ဒေါ်လာ ( ၂ဝဝ ) ပေးခိုင်းလိုက်မယ် စောင့်စရာမလိုဘူး ဆိုတော့ ကျွန်တော် ပျော်သွားတယ်။ ငွေရောက်မှထွက်ရရင် ( ၃ ) ရက် လောက် ထပ်စောင့်ရဦးမှာ။

.

Office ကို ပြန်ခေါ်သွားတဲ့အချိန် မှတ်ပုံတင် - ID အကြီးစားတစ်ခု ထုတ်ပေးတယ်။ သက်တမ်း ( ၁ ) နှစ် ပါတယ်။ ( ၁ ) နှစ်အတွင်း Green Card လျှောက်ရမယ်လို့ မှာလိုက်တယ်။ ဒီကဒ်ပြားနဲ့ အမေရိကန်တစ်နိုင်ငံလုံး ကြိုက်သလိုသွားလို့ရပြီလို့ပါ ပြောလိုက်သေးတယ်။ ကိုယ်နဲ့မကွာဆောင်ထားဖို့လိုတယ်။ နယ်ခြားကူးတဲ့အခါ စစ်ရင် ပြဖို့လိုတယ်ဆိုပြီး တစ်သီကြီး မှာလိုက်ပါတယ်။

.

.

စခန်းကနေထွက်ခွာလုဆဲဆဲလူတွေကို အခန်းတစ်ခုထဲမှာ စုထည့်ထားတယ်။ လေယာဉ်စီးမယ့်သူတွေက ပိုစောင့်ရလိမ့်မယ်။ ကျွန်တော့်ကိုလာကြိုမယ့်သူလည်း မရှိဘူး။ မိတ်ဆွေရှိရာကို ကားနဲ့သွားမယ်လို့ ဆုံးဖြတ်ထားတယ်။ အခန်းထဲမှာ ကိုယ်လိုလူတွေ အများကြီး။ လာခါစ,တုန်းနဲ့ လားလားမျှ မတူတော့ဘူး။ ပြန်ကြမယ့်ထဲမှာ တရုတ်တွေလည်းပါတယ်။ အတူတူနေလာတာကြာတော့ ဖုန်းနံပါတ်မရှိလို့ ကျွန်တော့ Gmail ပေးတော့ သူတို့က QQ အကောင့်ပြန်ပေးကြတယ်။ ကျွန်တော်တို့အားလုံး အတူတူပျော်နေကြတာ ရင်ခုန်နေလိုက်ကြတာ..။

.

အခုကျွန်တော်နဲ့အတူ သူငယ်ချင်းတစ်ယောက် ထွက်ရပြီးရင် လာခဲ့တဲ့ ( ၅ ) ယောက်မှာ တစ်ယောက် ကျန်ခဲ့တယ်။ အခု အတူတူပြန်ရမယ့် သူငယ်ချင်းက “ တိုးနီ .. မင်းကို လာတုန်းက မပြောခဲ့ရသေးတာ တစ်ခု ရှိသေးတယ်။ ငါတို့ ဒီစခန်းကို လာတုန်းက မင်းရော တွေ့ခဲ့တယ် မဟုတ်လား? ကားတင်တဲ့ ကားပေါ်မှာ ကားအသစ်တွေ၊ ကားပြခန်းတွေမှာ ကားအသစ်တွေ၊ ငါ ကားအသစ် ဝယ်စီးဦးမယ်ကွာ ” လို့ အားပါးတရ ပြောရှာတယ်။ ကျွန်တော်တို့ခံစားချက်တွေအတွက် နေရာရှိပြီ။ ကျွန်တော်တို့အတွေးတွေအတွက် အခန်းလေးရှိပြီ။ ကျွန်တော်တို့အိပ်မက်တွေအတွက် ညနက်ကောင်းကင်ပြာ ရှိပြီ။

.

.

ဒီနေရာလေးကို ကျွန်တော် မှတ်မိနေတယ်။ အရင်တစ်ခေါက်က ကျွန်တော်တို့က အဝင် ..  တစ်ခြားသူတွေက အထွက် .. ပြုံးလို့ရွှင်လို့။ အခု ကျွန်တော်တို့အလှည့် ပျော်နေတဲ့အချိန်မှာ ဟိုဘက်ခြမ်းက ဝင်မယ့်သူတွေမျက်နှာက ဆီးရွက်လောက်ရှိတော့တာ ..။ စိတ်မကောင်းစွာနဲ့ သက်ပြင်းချမိတယ်။ ကျွန်တော်ဖြတ်ကျော်ခဲ့ရတဲ့ အချိန်နေ့ရက်၊ နာရီ၊ မိနစ်၊ စက္ကန့်များစွာကို ရေတွက်နေမိတယ်။

.

တံခါးလေး ပွင့်သွားတယ်။ အရာရှိက ကျွန်တော်တို့ကိုလိုက်ပို့ပေးမယ်။ ကျွန်တော် လူရေကြည့်လိုက်တော့ စုစုပေါင်း ( ၇ ) ယောက်ရှိတယ်။ စိတ်ထဲမှာ ပေါ့သွားလိုက်တာ အတိုင်းမသိပါပဲ။ ပေါင်မုန့်ကားလေး ကျွန်တေ်ာတို့ရှေ့ ထိုးလာတယ်။ အလယ်မှာ သံဇကာ ကာထားတယ်။ အားလုံးကို လက်ထိပ်ပြန်ခတ်တယ်။ Officer က ခြေကျင်းကို တွဲခတ်ရင်း ပါးစပ်က ဥပဒေအရလုပ်ရတာပါလို့ ရှင်းပြနေပါသေးတယ်။ ကြိုက်သလောက်ခတ်ပါဗျို့ .. ဒီတစ်ခေါက်တော့ လွတ်ပြီမို့လို့ အပြန်လမ်းမှာ လက်ထိပ်ခတ်ခံရတာ ပျော်တောင်ပျော်ပါသေးတယ်။

.

.

ကားဒရိုင်ဘာက အလိုလိုနေရင်းသဘောကောင်းသွားလိုက်တာ လာတုန်းကနဲ့ လုံးဝမတူတော့ဘူး။ ကြည့်ဦးလေ .. မေးပုံက “ သီချင်းကြိုက်လား ?” တဲ့။ ကောင်းကောင်းဆက်ဆံတာ ခံရတယ်။ ပြီးတော့ ကားမထွက်ခင် ပြောလိုက်တဲ့ အင်္ဂလိပ်စကားကို အကြိုက်ဆုံးပဲ .. ဘာတဲ့ “ Welcome to the United States ” တဲ့။ ကျွန်တော်တို့ ကနဦးက ဝင်လာတဲ့ တံခါးဝကို ပြန်ရောက်တယ်။ အရင်တစ်ခေါက်က ချုပ်နှောင်ခံရတာ၊ အခုတစ်ခေါက်က လွတ်လပ်တာ။ ဒီတံခါးဝကနေ ပြန်ထွက်ရဖို့ ( ၂ ) နှစ်နီးပါး စောင့်ရတယ် .. အခုမှ တစ်ကယ်ရင်ခုန်ရတာ။ သီချင်းသံလေးနဲ့ ငြိမ့်လို့..။

.

မြို့ငယ်လေးတွေ အနည်းငယ် ဖြတ်ကျော်လာပြီးတဲ့နောက် ရန်ကုန် လို အဝေးပြေးကားကြီးဝင်းရှိတဲ့ San Antonio မြို့ကိုရောက်တယ်။ ကားဂိတ်နဲ့ မလှမ်းမကမ်း မြင်သာတဲ့နေရာ လမ်းထိပ်မှာ ကားရပ်ပြီး လက်ထိပ်တွေ၊ ခြေကျင်းတွေ ဖြုတ်ပေးတယ်။ လာခါစ,ကအတိုင်း ( ၂ ) ယောက်တွဲဆို ( ၂ ) ယောက်၊ ( ၃ ) ယောက်တွဲဆို ( ၃ ) ယောက် တစ်တွဲ ဆင်းရတယ်။ “ မင်းတို့ Free ဖြစ်ပြီ။ ကောင်းကောင်းနေကြတော့။ ဒီနေရာမှာ နောက်တစ်ခေါက် ပြန်မတွေ့ချင်ဘူး ” လို့ မှာနေတဲ့ Officer ကို သူငယ်ချင်း နဲ့ ကျွန်တော်တို့ နှုတ်ဆက်လိုက်ကြပါတယ်။

.

.

ပထမဦးဆုံးရောက်ဖူးတဲ့ ပထမနိုင်ငံကို အပြင်ပထမဦးဆုံးထွက်ဖူးတဲ့ ကျွန်တော်တို့ ဘာစကားမှ မပြောတတ်သလို ဘယ်ကနေ ဘယ်လို လက်မှတ်ဝယ်ရမယ်ဆိုတာ မသိပါဘူး။ အင်္ဂလိပ်စကားနည်းနည်းတတ်တဲ့ သူငယ်ချင်းက အနီးအနားက ယူနီဖောင်းဝတ်ဝန်ထမ်းတစ်ယောက်ကို နှုတ်ဆက်ပြီး သူက ဖလော်ရီဒါ၊ ကျွန်တော်က နဗားဒါ၊ သွားမယ့်လိပ်စာတွေ ပြလိုက်တော့ လက်မှတ်တွေ ရောင်းပေးကြတယ်။

.

စခန်းရဲ့အမွေ အနေနဲ့ ချွေးနဲ့သွေးနဲ့ရင်းပြီး ရှာခဲ့ရတဲ့ ကျွန်တော့ရဲ့ အမေရိကန်မြေပေါ်က ဝင်ငွေ ဒေါ်လာ ( ၁ဝဝ ) ကျော် ပါလာတယ်။ ဘယ်လိုပဲပြောပြော ဒီငွေကို ကျွန်တော် တန်ဖိုးထားတယ်။ မိတ်ဆွေပို့လာတာ ( ၂ဝဝ ) နဲ့ အကုန်ပေါင်းလိုက်ရင် လက်ထဲမှာ ( ၃၅၅ ) ဒေါ်လာ ဒါ .. ကျွန်တော်ပိုင်တာ အကုန်ပဲ။ ကားလက်မှတ်၊ ရေသန့် ( ၁ ) ဗူး နဲ့ ယိုကပ်ဘီစကစ်လေးတစ်ထုပ် ဝယ်လိုက်တာ ကျွန်တော့အိပ်ထဲမှာ ဒေါ်လာ ( ၂ဝ ) က ဒုံရင်း ဒုံရင်း နဲ့ အထီးကျန်လို့..။ သူငယ်ချင်း နဲ့ လမ်းခွဲလိုက်ရတဲ့ ကျွန်တော့နှလုံးသားကလည်း ပိုလို့ အကျည်းတန်လို့..။

.

.

ခရီးတစ်လျှောက် ဖြတ်သန်းရတဲ့ မိုင် ( ၁၄ဝဝ ) ကျော်အတွင်း ပြည်နယ်တွေကို ဖြတ်သန်းသွားတုန်း အရီဇုိုးနားရောက်တော့ ID စစ်တယ်။ ဒီမှာက အစိမ်းရောင်ဝတ်လုံခြုံရေးတွေက ချက်စေ့လက်စေ့စစ်တယ်။ စစ်ဆေးရေးတင်းကြပ်တယ်။ ID ကိုင်ထားတဲ့ လုံခြုံရေးက ကျွန်တော့်မျက်နှာကို တင်းတင်းကြည့်ပြီး ကားအောက်ဆင်းသွားတယ်။ တော်တော်နဲ့ ပြန်မတက်လာဘူး။ ခက်တော့တာပဲ ဆင်ပြောင်ကြီး အမြီးကျမှတစ်ပြီ ထင်တယ်။ စိတ်ပျက်လက်ပျက်နဲ့ ကျွန်တော့မျက်နှာကို ပွတ်သတ်မိတယ်။ 

.

အဲဒီအချိန်ကျမှ သတိထားမိတာ ကျွန်တော့မေးစေ့မှာ မုတ်ဆိတ်မွှေးတွေတောင် ထွက်နေပါရော့လား။ ဒါကြောင့် ဒီအရာရှိတွေ လူ နဲ့ ID တိုက်မရဘူး ဖြစ်နေပုံပဲ။ ဒါပေမယ့် အဆင်ပြေသွားပါတယ်။ ပြန်ပေးတယ်။ လိုရာခရီး ဆက်ထွက်ခဲ့တယ်။ လမ်းဆုံးတော့ မိတ်ဆွေတို့လင်မယား လာကြိုတယ်။

.

.

 ဟုတ်ကဲ့ .. ( ၂ဝဝ၇ ) ခုနှစ်က ထွက်လာတဲ့ ကျွန်တော် မောင်တိုးနီ .. ( ၂ဝဝ၈ ) ခုနှစ်မှာ အမေရိကား ရောက်ပါပြီ။  စိတ်ရှည်လက်ရှည် နားထောင် ဖတ်ရှုပေးတဲ့ စာဖတ်သူ မြန်မာမိတ်ဆွေများ အားလုံးကိုရော အခုလို ပြန်လည်ပြောပြ၊ ရေးပြပေးတဲ့ ဆောင်းပါးရှင် အစ်ကို့ကိုရော အထူးကျေးဇူးတင်ပါတယ်။

.

ခင်တဲ့

တိုးနီ

.

koko2yeye@gmail.com