ကျွန်တော်ပြောပြမယ့် Pop Danthology

ဆောင်းပါးရှင် - ကိုညီညီ ( တောင်ကြီး )

.

.

ကျွန်တော်က ပေါင်းစပ်ရေးသမားခင်ဗျ။ ပေါင်းစပ်ရေးဆိုလို့ အလုပ်မဖြစ်တဲ့နိုင်ငံရေးဆွေးနွေးမှုကြီးလို၊ မဟုတ်ကိုအဟုတ်လုပ်တဲ့ဟောလီဝုဒ်လို ဟိုပေါင်းဒီပေါင်းမလုပ်ပါဘူး။ ကျွန်တော်ပေါင်းလိုက်တာကို လူကြိုက်ရမယ်  .. နားဝင်ချိုရမယ် .. မျက်စိပသာဒကျ လှပရမယ်။ ပြီးသွားရင် နှလုံးသားထဲမှာ စွဲငြိသွားရမယ် .. ကောင်မလေးတွေရော ကောင်လေးတွေရော အားလုံးပေါ့..။ ပြီးတော့ တစ်နှစ်ကုန်လို့ နှစ်သစ်ကူးပြီဆိုတာနဲ့ ကျွန်တော့ရဲ့ပြန်ပေါင်းထုတ်ဆိုလို ကို စောင့်နေသူတွေ စောင့်ရကြိုးနှပ်စေရမယ်။ ဖြစ်ရမယ်လေ .. ဒါတွေက ကျွန်တော့နှလုံးသားထဲကလာတာပဲ။ Heart ထိတဲ့သီချင်းလေးတွေတော့ဖြစ်ရမှာပေါ့။

.

Pop Danthology တစ်ခုဖြစ်လာဖို့ ကျွန်တော် နာရီ ( ၁၈ဝ ) ကျော် အလုပ်လုပ်ရပါတယ်။ သီချင်းစစုဖို့ဆို ဇန္နဝါရီလမှာ လုပ်ရပြီ။ တစ်နှစ်ပတ်လုံး ကျွန်တော်ဘယ်ရောက်ရောက် သီချင်းတစ်ပုဒ်ကောင်းတာကြားပြီဆို စာအုပ်ထုတ်ပြီးမှတ်ရပြီ .. လိုက်နားထောင်ရပြီ။ ပန်းကန်ဆေးနေရင်း၊ ကားမောင်းနေရင်း၊ တစ်ခုခုလုပ်နေရင်း လက်ကိုင်ဖုန်းထုတ်ပြီး အသံသွင်းထားရပြီ။ တစ်ခါများကဆို ကျွန်တော့ချစ်သူကိုနမ်းနေတုန်း ဘေ့စ်ကောင်းကောင်းလေးသီချင်းလေးကြားတော့ “ အချစ်ရေ .. ဒီနားမှာခဏစောင့် ” ဆိုပြီး သီချင်းသံကို ဖုန်းနဲ့အသံသွားသွင်းလိုက်တာ ကောင်မလေးက မိုးရွာထဲမှာ ကျန်ခဲ့လို့ဗျာ .. ဒုက္ခရောက်တော့မလို့။ ဒါအဆင့်ကတော့ သီချင်းရှာတယ်ပေါ့ဗျာ။

.

.

ဒုတိယအဆင့်မှာတော့ သီချင်းစု - Gathering လုပ်တဲ့အလုပ်ကိုလုပ်ရတယ်။ စက်တင်ဘာလရောက်ပြီဆိုရင် ရှာထားတဲ့သီချင်းအားလုံးကို စာရင်းလုပ်ပြီး ဒေါင်းလော့ဒ်လုပ်ဖို့ရှာရတယ်။ အဲဒီမှာ ခြေဆင်းသီဆိုမှု ( တီးလုံးမပါဆိုသံချည်း ) – Acapella နဲ့ တူရိယာသံ - Instrumentals တွေဆိုပြီး ခွဲရှာရတယ်။ ဒီကိစ္စတွေပြီးမြောက်ဖို့ နာရီ ( ၃ဝ ) ထိုင်လုပ်ရတယ်။ ဒီအဆင့်ကို ကျွန်တော်မကြိုက်ဆုံးပဲ။ ဘာဖြစ်လို့လဲသိလား .. ပြောပြီးပြီလေ .. ကျွန်တော်ကျွမ်းကျင်တာက ပေါင်းစပ်တာလို့ .. အခုဟာက သီချင်းသံ၊ အဆိုသံ၊ Chorus အပိုဒ်ဆိုသံတွေ အရည်အသွေးမကောင်းမချင်း ကျွန်တော့ရဲ့ ဝါသနာက ဆွဲယူခွင့်မပြုဘူးလေ။

.

အဲ .. ကျွန်တော်လိုချင်တဲ့ Quality ရပြီဆိုရင်တော့ အစိတ်အပိုင်းတွေကို ပြန်စုစည်း - Organizing လုပ်ဖို့အချိန်ကျပြီ။ Tempo ၊ PPM နဲ့ခွဲပြီး မတူညီတဲ့သီချင်းတွေကို စည်းသံဝါးချက်မပျက်ပေါင်းစပ်လို့ရမယ့်သီချင်းတွေကို စာရင်းလုပ်ပါတယ်။ Pop Danthology တစ်ခုဖြစ်လာဖို့ စည်း-ဝါး သာမက အသံနေအသံထားဟာမိုနီ - Harmony ပါ ကိုက်အောင် ရှာရပြန်တယ်။ တစ်ကယ်လို့ဗျာ .. သီချင်း ( ၂ ) ပုဒ်က ကီး - Key မတူပဲရောလိုက်ရင် တော်တော်နားကလောမယ့်ကိစ္စပဲလေ။

အီးမေးလ်ဖတ်ပြီး အင်္ဂလိပ်စာသင်ကြရအောင်

ဆောင်းပါးရှင် - ကိုညီညီ ( တောင်ကြီး )

.

.

ခေတ်သစ်လူမှုဆက်ဆံရေးမှာ လူချင်းတွေ့ပြီးစကားပြောတဲ့အခါပြော၊ တယ်လီဖုန်းဆက်ပြီးဆိုတဲ့အခါကဆို စကားမပြောတဲ့အချိန်တွေကျရင် ဘယ်လိုဆက်ဆံကြပါသလဲ တွေးမိကြဖူးပါသလား? လုပ်ငန်းခွင်တွေမှာ၊ ရုံးကန္နားတွေမှာ၊ ကုမ္ပဏီအဖွဲ့အစည်းတွေမှာ လုပ်ငန်းအဆင့်ဆင့်ကိုတော့ တယ်လီဖုန်းအပြင် အီးမေးလ်နဲ့ပြောကြပါတယ်။ လိုအပ်ရင် စာတစ်တန် ပေတစ်တန်ပို့ပြီး ခိုင်းစေဆောင်ရွက်စေခြင်းတွေ ပြုလုပ်ရပါတယ်။ မြန်မာလိုပို့တဲ့အီးမေးလ်ကို အထင်မသေးစေချင်ပါဘူး။ သုံးတဲ့ကွန်ပျူတာ၊ တက်ဘလက်၊ လက်ကိုင်ဖုန်းတွေမှာ မြန်မာဖောင့်ရှိရသလို ဇော်ဂျီလက်ကွက် နဲ့ ယူနီကုဒ် ဘာသာစုံရဖို့လည်းလိုပါသေးတယ်။

.

အဲဒီအခက်အခဲတွေကနေကျော်လွှားနိုင်ဖို့ကတော့ အင်္ဂလိပ်လိုဖတ်နိုင်ပြီး အင်္ဂလိပ်လိုပြန်ရေးနိုင်ရင် ဘာလက်ကွက်၊ ဘာဖောင့်မှာ အထူးသွင်းနေစရာမလိုသလို သုံးစွဲသမျှ ကိရိယာ - Device အားလုံးနဲ့လည်း နေ့နံသင့်အဆင်ပြေပါတယ်။ ဆက်ပြောမယ့်အကြောင်းအရာထဲမှာတော့ မြန်မာမကျဘိုမကျဘာသာစကား - Myanglish မပါတာတော့ ကြိုတင်သတိပေးထားရပါလိမ့်မယ်။ လိုအပ်ချက်တွေကို ပြင်းအားအစဉ်လိုက်ပြောကြစတမ်းဆို မြန်မာကို ကမ္ဘာသို့ဝင်ဆန့်ဖို့ဆိုရင် အင်္ဂလိပ်လို ပြောတတ်၊ ဖတ်တတ်၊ နားထောင်တတ်၊ ရေးတတ်ဖို့လိုပါတယ်။

.

အမေရိကားမှာ အင်္ဂလိပ်စကားတတ်ပြီး အင်္ဂလိပ်စာမရေးတတ်သူတွေရှိတယ်ဆိုလို့ မအံ့သြသွားကြပါနဲ့။ တစ်ချို့ဆို ရုံးသုံးရေးစာ မကျွမ်းကျင်တာနဲ့ ကြီးကြပ်ရေးမှူးရာထူးမရသူနိူင်သူတွေရှိတယ်။ အီးမေးလ်ပို့ မကျွမ်းကျင်တာနဲ့ ခေါင်းဆောင်ရာထူးကအချခံရသူတွေရှိတယ်။ ကိုယ်တိုင်ကိုယ်ကျဖတ်တတ်ပြီး အများရှေ့မှာ အင်္ဂလိပ်စကားပြောမရတာကြောင့် လက်ရှိခေါင်းဆောင်ရာထူးကနေ ဆင်ပေးရသူတွေဆိုတာ ရှိကြတယ်။ ဒါကြောင့် အင်္ဂလိပ်စကားဆိုရင် ဘယ်လိုနေရာကနေနေ ကျဘမ်းလမ်းညွှန်လုပ်နိုင်မှ အမေရိကန်မှာ ရပ်တည်နေနိုင်ဖို့ အဆင်ပြေပါလိမ့်မယ်။

မစ်ရှင်တောင်တက်ဒသန

ဆောင်းပါးရှင် - ကိုညီညီ ( တောင်ကြီး )

( ၁ )

အဖြစ်က မနှစ်ကနဲ့မတူတာအမှန်ပါပဲ။ တောင်ပေါ်ကဆင်းလာပြီလို့ ရိုက်လာတဲ့ “ စွမ်း ” ရဲ့ မက်ဆေ့ရတာနဲ့ ဖုန်းက Navigator မှာ Mission Peak လို့ရိုက်ထည့်လိုက်တော့ သွားနေကျ I-880 ကသွားရင် ( ၂ ) မိနစ်ပိုမြန်မယ်၊ ( ၁၅ ) မိုင်ပိုမောင်းရမယ်။ ဒါပေမယ့် I-238 နဲ့ I-680 က သွားရင်တော့ မိုင်နည်းမယ်။ လမ်းမကျွမ်းဘူး။ အချိန်ပိုကြာမယ်။ ဒါနဲ့ စိတ်က ဇဝေဇဝါဖြစ်သွားတယ်။ တစ်ခုခုတော့ ဆုံးဖြတ်ရမယ်။ ကလေးတွေက အဆင်းဆိုပြေးဆင်းကြတော့ မြန်မှာ။ အချိန် နဲ့ ဓါတ်ဆီ ဘယ်ဟာပိုအရေးကြီးသလဲ တွက်လိုက်တယ်။ ဆီကုန်ပလေ့စေ မြန်ဖို့လိုတယ်။ လမ်းသိဖို့လိုတယ်။

.

အမြန်လမ်းတွေရဲ့အချိတ်အဆက်တွေကြားမှာ ကျွန်တော့ကင်မရီလေးဟာ မိုင်နည်းသွားလိုက် မိုင်ပိုသွားလိုက်နဲ့ တရိပ်ရိပ်ပြေးနေတယ်။ တစ်ချက်တစ်ချက် နေကာမျက်မှန်ကြားက အလစ်ဝင်လာတဲ့ နေရောင်ခြည်ရဲ့ အညှိုးအစူးကိုခံရတဲ့ မျက်စိတစ်ဖက်မှာ မျက်ဝတ်တွေနဲ့ မျက်နှာမှမသစ်ခဲ့ရသေးတာကို သတိရလိုက်မိတယ်။ မီးပွိုင့်မှာရပ်လိုက်တဲ့အခါမျိုးကျမှ ရှေ့နေကာမှာပါတဲ့ မှန်သေးသေးလေးကနေ မျက်နှာကိုစစ်ကြည့်လိုက်တယ်။ ရှုတ်ပွနေတဲ့ဆံပင်အဖွေးလိုက်ကြီးကိုဖုံးထားပေးတဲ့ ဦးထုပ်တစ်လုံးကလွဲရင် အားလုံးကပုံမှန်ပဲ။ သြော် .. ငါ့မျက်ဝန်းတွေတောင် ညိုကွက်ပြီး တွဲခိုအိကျနေပါရော့လား။

.

( ၂ )

မောင်းမထုတ်လိုက်ရပဲ အတွေးစတွေပြေးထွက်သွားချိန်မှာ ကားစီယာတိုင်ကို မကိုင်ချင်ပဲပြန်ကိုင်ရင်း စိတ်မပါတပါမောင်းရပြန်တယ်။ ဒီတစ်ကွေ့ချိုးလိုက်တာနဲ့ ဖုန်းရဲ့လမ်းပြမြေပုံက တောင်တက်လမ်းကို စခေါ်သွားပါတယ်။ စိတ်ထဲကချိန်းနေတဲ့ တောင်တက်ဂီယာကို ( ၂ဝ၁၁ ) ကားအင်ဂျင်က မာန်ပါပါနဲ့ ဟီးထနေအောင်ဆွဲတင်လိုက်တာနဲ့ ရှမ်းရိုးမနဲ့ဆင်တူတဲ့တောင်ကုန်းတစ်ခုကို ညာဖက်ပန်းကွေ့ပြီး ရုန်းထလိုက်သွားတယ်။

.

ခုံးမတ်မတ်တစ်ခုကိုစတက်မယ်အလုပ်မှာ ဝိတ်အပြည့်နဲ့ပြေးဆင်းလာတဲ့ ( ၁၂ ) ဘီးကားကို မဖြစ်မနေရှောင်ရတော့ မရှုရတာကြာတဲ့ ဓါတ်ဆီမီးခိုးနံ့ပြင်းပြင်းလေး ကားတံခါးကြားထဲ တိုးဝင်အလာမှာ မစ်ရှင်တောင်တက်ရတာ တောင်ကြီးအသွား ယင်းမာပင်လမ်းက ပစောက်ကွေ့ကို ပြန်ခေါ်သွားသလို ရင်ခုန်လိုက်ရတာ အရမ်းပါပဲ။