ကောလိပ်တက်မလို့လား .. လိုက်ပို့ပေးမယ်လေ

ဆောင်းပါးရှင် - ကိုညီညီ ( တောင်ကြီး )

.

.

ရဲမင်း ။         ။ မင်း ငါ့ကိုအကူအညီတောင်းစရာရှိတယ်ဆို ဘာများလဲ ရဲသွေး ရ..။

.

ရဲသွေး ။          ။ အေး .. ဟုတ်တယ်။ ငါက ဒီရောက်တာမကြာသေးတော့ မသွားတတ် မလာတတ်ဖြစ်နေလို့ မင်းကိုကျောင်းအပ်ခိုင်းမလို့ပါ။

.

.

ရဲမင်း ။         ။ ကောလိပ်ကျောင်းလား? တက္ကသိုလ်တစ်ခါတည်းတက်မှာလား?

.

ရဲသွေး ။          ။ ငါ့မိဘတွေကတော့ အကုန်အကျသက်သာအောင် နဲ့ ကျောင်းမြန်မြန်ပြီးအောင် တက္ကသိုလ်တက်ခိုင်းတယ်။ ငါ့အထင် တက္ကသိုလ်တက်ရင် စာနိုင်မယ်မထင်ဘူးကွ။

.

.

ရဲမင်း ။         ။ ဟင် .. ဟုတ်ပါ့မလား။ မင်းက ဒီ အမေရိကားမလာခင်လေးကပဲ ( ၁ဝ ) တန်းမှာ ဂုဏ်ထူး ( ၅ ) ခု ထွက်ခဲ့တာဆို။ မင်းလုပ်နိုင်မှာပါ။

.

ရဲသွေး ။          ။ ဒါက မင်းထင်တာကိုးကွ။ ငါ့အတွက်က ဒီနေရာမှာ ယဉ်ကျေးမှုအသစ်၊ အမြင်အသစ်၊ ဘာသာစကားအသစ်၊ စာသင်စံနစ်အသစ်နဲ့ အားလုံးအသစ်ချည်းပဲ။ အခုမှ စသင်နေတုန်းဆိုတော့ မင်းကိုမေးချင်တာလဲပါတယ်။ ဒါကြောင့် မင်းကို စကားပြောဖို့ ခဏခေါ်လိုက်တာ။ မေးချင်တယ်ဆိုရင်တော့ ပိုမှန်ပါတယ်ကွာ။

.

.

ရဲမင်း ။         ။ မြန်မာနိုင်ငံကနေ ဒီနိုင်ငံကိုလိုက်လာတဲ့ ကျောင်းသားတွေကို အကြမ်းအားဖြင့် ( ၄ ) မျိုးခွဲနိုင်တယ်။

.

( ၁ ) ကလေးငယ် - မူလတန်း ကနေ အလယ်တန်းအထိ

.

( ၂ ) အတန်းကြီးပေမယ့် ( ၁ဝ ) တန်း မအောင်သေးသူ

.

( ၃ ) ( ၁ဝ ) တန်းအောင်ပြီး ဇဝေဇဝါဖြစ်နေသူ

.

( ၄ ) မေဂျာတစ်ခုခုနဲ့ကျောင်းပြီးထားပြီး ကျောင်းဘယ်လိုစတက်ရမှန်းမသိသူ -

.

ဒီ ( ၄ ) မျိုးထဲမှာမပါတဲ့ကျောင်းသားတွေကတော့ အမေရိကားကျောင်းတွေကို မြန်မာနိုင်ငံကနေ တိုက်ရိုက်လျှောက်ပြီး ကောလိပ် နဲ့ တက္ကသိုလ်လာတက်ဖို့ တစ်ယောက်တည်းကြိုးစားရသူတွေပေါ့ကွာ။

.

ရဲသွေး ။          ။ အဲဒီထဲမှာ ငါက ဘယ်နေရာကနေပါတာလဲကွ။

.

.

ရဲမင်း ။         ။ မင်းက ရှင်းရှင်းလေး ( ၁ဝ ) တန်းအောင်ပြီး အမေရိကားမှာ ဘယ်ကစတက်ရမှန်းမသိတဲ့ အုပ်စု ( ၃ ) ထဲမှာပါတာပေါ့ကွ။

.

ရဲသွေး ။          ။ အေးပါ မင်းပဲပြောတော့ .. ဆက်ရှင်းစမ်းပါဦး။

.

.

ရဲမင်း ။         ။ ကလေးငယ်တွေရောက်လာရင် မူလတန်း (1-5)၊ အလယ်တန်း (6-8) နဲ့ အထက်တန်း (9-12) တစ်ဆင့်ပြီးတစ်ဆင့်တက်သွားရုံပဲလေ .. ဒါက နံပါတ် ( ၁ ) အုပ်စုထဲကပေါ့။

.

( ၂ ) သမားတွေကလည်းရှင်းတယ် .. တစ်ခြားရွေးချယ်စရာမရှိဘူး အထက်တန်းကျောင်းတက်ရုံပဲ။ သူတို့မှာ အခက်အခဲမရှိဘူး။ မိဘတွေအတွက်ပဲ ခက်ခဲတာ။

.

ရဲသွေး ။          ။ မင်းပြောတာနားမလည်ဘူး။ ကျောင်းတက်ရမှာ ကျောင်းသားတွေမဟုတ်လား။ မိဘတွေက ဘာလို့ခက်ရမှာလဲ။

.

.

ရဲမင်း ။         ။ အဲဒါကို ငါပြောတာပေါ့ကွ။ နည်းနည်းပါးပါးလေ့လာပါ။ သင်ယူပါ။ မှတ်သားပါလို့ ..။ မင်း ရဲ့ ညီလေး၊ ညီမလေးတို့ ကျောင်းတက်တော့ အစ်ကိုဖြစ်တဲ့မင်းက ကားမောင်းလိုင်စင်မရသေး။ ကားလည်းမမောင်းနိုင်သေး။ ဝင်ငွေလည်းမရှိသေးနဲ့ဆို ကျောင်းကို ဘယ်သူက လိုက်ပို့မှာတုန်း။ မိဘတွေပို့မှ ကျောင်းဆိုတာ ရောက်တော့မပေါ့။ ဒါကြောင့် မိဘတွေပဲ ခက်ခဲတယ်လို့ပြောတာ။ မင်း စဉ်းစားကြည့်..။

.

မိဘ ( ၂ ) ယောက်မှာ တစ်ယောက်က ကျောင်းကိစ္စဆောင်ရွက်ရမယ်။ မနက်ပို့ရမယ်၊ နေ့လည် ပြန်ကြိုရမယ်၊ ဒါဆို အလုပ်ဘယ်အချိန် သွားလုပ်မလဲ။ ဒီလိုနဲ့ မိဘတစ်ယောက်ပဲအလုပ်လုပ်တဲ့အခါ ဝင်ငွေက မလောက်မငနဲ့ ကူမယ့်သူမရှိရင် မလွယ်ဘူး။ အေး .. မြန်မာနိုင်ငံကနေ မင်းတို့ ငွေတော်တော်ပါလာရင်တော့ မပြောတတ်ဘူး။

.

ရဲသွေး ။          ။ ဒါဆို ဘယ်လိုလုပ်ရမှာလဲ။

.

.

ရဲမင်း ။         ။ သိပ်တော့စိတ်မပူပါနဲ့။ စတင်ရွှေ့ပြောင်းလာသူ - New Immigrant ဆိုရင် အခမဲ့ကျန်းမာရေးစောင့်ရှောက်မှုရတယ်။ ဒီမှာတော့ Medical Care လို့ခေါ်တယ်။ အစိုးရကပေးတာမဟုတ်ပဲ နေထိုင်တဲ့ ပြည်နယ်၊ ဖယ်ဒရယ်က ပေးတာပေါ့။

.

ဒါက ကျောင်းသားနဲ့တော့မဆိုင်ပေမယ့် ကျန်းမာရေးအာမခံတစ်ခုခုမရှိပဲ ဆေးမစစ်၊ ကာကွယ်ဆေးမထိုးရင် ကျောင်းက ပေးမဝင်ပြန်ဘူး။ အဲဒါကိုအရင် ဖြစ်အောင်လုပ်ထားရမယ်။ ဒါမှ အမေရိကားတိုက်ပွဲကို တစ်ဝက်နိုင်ပြီးသားဖြစ်မှာ။ နောက်သတင်းကောင်းတစ်ခုက အမေရိကားမှာ အခြေခံပညာကျောင်းအားလုံးက အခမဲ့ - Free လေ။ ဒီအားသာချက်က အရမ်းအဆင်ပြေတယ်။

.

ရဲသွေး ။          ။ ဒါဆိုရင် ငါ့အတွက်ရော ကျောင်းစားရိတ်မကုန်တော့ဘူးပေါ့။

.

.

ရဲမင်း ။         ။ ဒါက မင်း ဘယ်ကျောင်းတက်မလဲပေါ်မှာမူတည်တယ် နံပါတ် ( ၃ ) သမားကြီးရေ။

.

ရဲသွေး ။          ။ အော် .. မင်းက ငါ့ကို ဇဝေဇဝါဖြစ်နေသူလို့ပြောတာပေါ့။

.

.

ရဲမင်း ။         ။ ဟုတ်တယ်လေကွာ။ ဇဝေဇဝါဖြစ်လို့ မင်းက ငါ့ကိုအခုခေါ်မေးပြီ မဟုတ်လားကွာ..။

.

ရဲသွေး ။          ။ လုပ်ထားပေါ့ကွာ။ သူ့ အားကိုးပါတယ်ဆိုမှ ဖြဲခြောက်ပြီး စိတ်အားငယ်အောင် လာလုပ်နေတယ်။

.

.

ရဲမင်း ။         ။ စတာပါကွာ။ ဒီလိုရှိတယ်ကွ။ မင်းရဲ့ပညာရေးအခြေအနေကိုဆက်ပြောရရင် မြင့်မယ်ဆိုရင် ကောလိပ်တင်မကဘူး တက္ကသိုလ်တောင် တန်းတက်လို့ရတယ်။ အေး .. အောက်သက်ကျေချင်ရင်တော့ ဒီက အထက်တန်းတစ်နေရာရာကနေ ပြန်ကြိုးစားလို့ရတယ်လေ။ ဘာအားငယ်စရာရှိသလဲ။ အားလုံးမင်းလက်ထဲမှာ ရွေးချယ်စရာချည်းပဲ။

.

ရဲသွေး ။          ။ အေး .. ဒီလို အားပေးစမ်းပါ။ နည်းလမ်းတွေပေးပါကွာ။ ပြောပြမှသိမှာပေါ့ .. အားကိုးပါတယ်ကွာ။

.

.

ရဲမင်း ။         ။ ရပါတယ်။ တစ်ချို့ကျတော့ အတန်းအဓိကမကျဘူး။ အင်္ဂလိပ်စာကို အထက်တန်း အထူးသဖြင့် Grade 11 – Junior တန်း နဲ့ Grade 12 – Senior တန်းတို့ကို ပြန်တက်ချင်တဲ့လူငယ်တွေပါလာတယ်။ အသက်နဲ့ချိန်ကြည့်ရင်လည်း ( ၁၄ ) နှစ်တို့ ( ၁၅ ) နှစ်တို့ဆိုတော့ ပြသနာမရှိဘူးလေ .. အတော်ပဲ။

.

တစ်ချို့ကျတော့ မြန်မာနိုင်ငံ ( ၁ဝ ) တန်းအောင်ပြီးတဲ့အခါ အသက်က ( ၁၇ ) နဲ့ ( ၁၈ ) နှစ်လောက်ဖြစ်နေပြီ။ အင်္ဂလိပ်စာကလည်းမတော် အရွယ်ကလည်းကြီးဆိုတော့ အထက်တန်းကျောင်းစကေးနဲ့မဝင်တော့ ကောလိပ်မှာ ကလေးစာသွားသင်နေရသူလည်းရှိတယ်။

.

ရဲသွေး ။          ။ ဘာလဲကွ .. ကောလိပ်က ကလေးစာ ဆိုတာ။

.

.

ရဲမင်း ။         ။ အင်္ဂလိပ်စကားကိုမွေးကတည်းကမပြောတတ်လာသူတွေကိုသင်တဲ့ ESL – English as a Second Language ကိုပြောတာ။ စကားသင်-ယဉ်ကျေး-အလုပ်ခွင်ဝင်-အရေပြင် အားလုံးပါတယ်လေ။ သချာင်္ဆိုလည်း ကြိုက်တာယူလို့ရတယ်။ မတတ်သေးရင် အယ်ဂျီဘရာ - Algebra နဲ့ ဂျီသြမေတြီ - Geometry တို့ဆို မင်းတို့ ( ၆ ) တန်းတုန်းကသင်ခဲ့တာတွေတောင် ပါလိုက်သေး။ အခေါ်အဝေါ်၊ အရေးအသားတော့မတူတော့ဘူးပေါ့။ ဆရာရှင်းပြတာကိုလိုက်နားထောင်တတ်ဖို့လည်း လိုသေးတယ်လေ။

.

ရဲသွေး ။          ။ ငါက ဒီလောက်တော့မလိုဘူး ထင်တယ်။ မြန်မာနိုင်ငံက D ( ၅ ) လုံးထွက်ခဲ့သူပါကွ။ စကားကိုကြည့်လည်းပြောပါဦး။

.

.

ရဲမင်း ။         ။ ဟားဟားဟား .. အဲဒါပြောတာပေါ့ မင်းကို ဇဝေဇဝါဖြစ်နေတယ်လို့ပြောတော့လည်း မကြိုက်ပြန်ဘူး။ မင်းတို့ရခဲ့တဲ့ ဂုဏ်ထူးက ဒီမြေက စံနှုန်းနဲ့ချိန်ရင် အသုံးဝင်သော်ငြားလည်း ချက်ချင်းကြီး အတန်းတစ်ခုကိုချိတ်မိဖို့ လုပ်ယူရဦးမယ်လေ။ ဒါဆိုလည်း မင်းကောလိပ်တစ်ခါတည်းတက်ပေါ့။

.

ရဲသွေး ။          ။ အေး ငါလည်း ဒါကိုစဉ်းစားနေတာ။ အဲဒါ ဘယ်ကနေစရမလဲ ပြောပြဦးလေကွာ။

.

.

ရဲမင်း ။         ။ မင်းက အခုလတ်တလောမှရောက်လို့အားပေမယ့် ငါက မင်းလောက်မအားဘူးကွ။ တစ်ပတ်လုံးအချိန်ဇယား - Schedule တွေက အပြည့်ပဲ။ စနေ၊ တနင်္ဂနွေဆို မီးဖိုချောင်ဈေးဝယ်ပေးရတယ်။ အဝတ်လျှော်ပေးရတယ်။ အိမ်သန့်ရှင်းလုပ်ရတယ်။ မိဘတွေသွားချင်တာ၊ လာချင်တာ လိုက်ပို့ပေးရတယ်။ ဟင်းလည်း ချက်ရဦးမယ်။ နောက်တစ်ပါတ်ပေါ့။

.

ရဲသွေး ။          ။ ကြည့် .. ပြောရင်းဆိုရင်း ပြန်ချင်နေပြီမလား။ ငါက နောက်တစ်ပါတ်ထပ်စောင့်ရဦးမှာပေါ့ မောင်မင်းကြီးသားရယ်..။ အေးလေ မင်းအားမှ၊ ရှင်းပြမှ သိရမယ့်ငါ့ဘဝဆိုတော့ စိတ်ရှည်ရှည်နဲ့စောင့်ရဦးမှာပေါ့။ နောက်တစ်ခါလာရင်တော့ ဒီလောက်မလောနဲ့ကွာ။ အေးအေးဆေးဆေးစကားထိုင်ပြောရအောင်။

.

.

ရဲမင်း ။         ။ ဟုတ်ပြီ သူငယ်ချင်း။ နောက်တစ်ပါတ်တွေ့မယ်နော်။ ငါအခုပြန်လိုက်ဦးမယ်။

.

.

ခင်မင်ခြင်းများစွာဖြင့်

.

06-28-2015
.
.

“ ကောလိပ်တက်မလို့လား .. လိုက်ပို့ပေးမယ်လေ။ ၂ ”

ဆောင်းပါးရှင် - ကိုညီညီ ( တောင်ကြီး )
.
( ရဲမင်း နှင့် ရဲသွေး တို့ စနေနေ့အားလပ်ရက်မှာ ထပ်မံဆုံဖြစ်ကြသောအခါ )

.

ရဲမင်း ။         ။ ရဲသွေး ရေ .. စဉ်းစားပြီးပြီလား။ ကောလိပ်တက်မှာလား တက္ကသိုလ်တက်မှာလား?

.

ရဲသွေး ။          ။ ကောလိပ်ကနေ စတက်မယ်ကွာ။ အဲဒါ မင်းလိုက်အပ်ပေးမယ်မဟုတ်လား။

.

.

ရဲမင်း ။         ။ ရပါတယ်။ ဒါနဲ့ မင်းတို့မိသားစု Green Card ရောက်လာပြီလား?

.

ရဲသွေး ။          ။ ရောက်ပြီ။ မနေ့ကပဲ ရတယ်။ ဘယ်လိုဖြစ်တာလဲ ( ၁ ) လတောင်ကြာတယ်။ တစ်ချို့အမျိုးတွေဆို ( ၁ ) ပတ်နဲ့တင် ရောက်လာတယ်။

.

.

ရဲမင်း ။         ။ ရောက်လာရင်ပြီးတာပါပဲကွာ။ သူတို့ကွန်ပျူတာစံနစ်မှာ တစ်ခုခုမှားလို့ဖြစ်မှာပါ။ ကဲ ငါစပြောမယ်။ မင်းကဒီရောက်တာ ( ၁ ) လ ပဲရှိသေးတော့ ကျောင်းအပ်ရင် ကျူရှင်ခပေးရမယ်နော်။ အဲဒါ သိလား။

.

ရဲသွေး ။          ။ အာ .. မင်းကလဲ။ မြန်မာနိုင်ငံမှာကျူရှင်တက်ခိုင်းတာအားမရသေးလို့  အမေရိကားမှာ ငါ့ကို ကျူရှင်ထပ်တက်ခိုင်းမလို့လား? အချိန်ကုန်တယ်ကွာ။ ငါက အမေရိကန်ကျောင်းပဲတက်ချင်တာကွ။ ကျူရှင်တော့ အသံကြားတာနဲ့တင် စိတ်ညစ်နေပါပြီ။ မလုပ်ပါနဲ့တော့ .. တောင်းပန်ပါတယ်။

.

.

ရဲမင်း ။         ။ အမေရိကားမှာ ကောလိပ် နဲ့ တက္ကသိုလ်ကျောင်းတွေမှာ ပုံမှန်သင်တဲ့ကျောင်းလခကို ကျူရှင်ကြေး - Tuition Fees လို့ခေါ်တယ်။ ဘာအပိုမှသင်တာမဟုတ်ဘူး။ မြန်မာနိုင်ငံက ယူသုံးထားတဲ့ အခေါ်အဝေါ်မှာ အဓိပ္ပာယ်တွေလွဲနေတာပါ။ ကျောင်းအပ်တာက ငွေသိပ်မကုန်ဘူး။ ကျူရှင်ခက ကိုယ့်အိပ်ကပ်ထဲကငွေစပေးရပြီ။

.

တစ်ခုရှင်းပြရဦးမယ်။ ကယ်လီဖိုးနီးယားဖက်မှာ ကျောင်းအပ်ရင် မင်းသူတို့ပြည်နယ်မှာ ( ၁ ) နှစ်နေဖူးထားတဲ့  1 Year Permanent Residency ရှိမှ ကျောင်းလခလျှော့ပေးတာ။ အဲဒီကြေးတွေပေးတက်ရင်တော့ တစ်နှစ်မပြည့်လဲတက်လို့ရတယ်။ အခု သွားတက်လဲရတယ်။ ကျောင်းသားရေးရာဋ္ဌာနကိုငွေသွင်းပြီးရင် အတန်းဖွင့်တဲ့အချိန် သွားထိုင်လိုက်ရုံပဲ။

.

ရဲသွေး ။          ။ အဲဒါဆို ငွေဘယ်လောက်သွင်းရမှာလဲ .. ဈေးကြီးလား?

.

.

ရဲမင်း ။         ။ နေထိုင်တဲ့ပြည်နယ် နဲ့ ကျောင်းအမျိုးအစားပေါ်မူတည်တယ်။ အနည်းဆုံး ( ၃၅ ) ဒေါ်လာကနေ ( ၅ဝ ) လောက်အထိရှိတယ်။ အဲဒါ တစ်ယူနစ်အပေါ်မှာပေးရတာနော်။ ကျောင်းသင်ခန်းစာတစ်ခုလုံးပေါ်မှာပေးရတာမဟုတ်ဘူး။

.

ဥပမာ - မင်းက ကွန်ပျူတာသိပ္ပံ - Computer Science အတွက် ဒီ စာသင်လအပိုင်း - Semester မှာ ( ၁၂ ) ယူနစ်ယူတယ်ဆိုပါတော့။ ကျောင်းလခ က ( ၄၆ ) ဒေါ်လာဈေးဆိုရင် ( ၅၅၂ ) ဒေါ်လာသွင်းရမယ်။ တစ်ခြားကုန်ကျစားရိတ်တွေက စာပို့ခ ရှိမယ်။ ကားပါကင်ခ ရှိမယ် ဒါလောက်ပဲ။

.

ရဲသွေး ။          ။ စာအုပ်ဖိုး နဲ့ ဗလာစာအုပ်ဖိုးတွေရော?

.

.

ရဲမင်း ။         ။ ဗလာစာအုပ်ကိစ္စက မင်းကိုယ်မင်း အကုန်ခံရမယ်။ ဖတ်စာအုပ်က ကြိုဝယ်ထားလဲရတယ်။ ကျောင်းစဖွင့်တဲ့ရက်မှာ ဆရာပြောတဲ့ ဖတ်စာအုပ်ကို ကျောင်းစာအုပ်ဆိုင် - Book Store မှာ ဝယ်ရင်ရတယ်။ အသစ် အဟောင်း ( ၂ ) မျိုးလုံးဝယ်လို့ရသလို မဝယ်ပဲ ငှား - Rent လို့လည်းရတယ်။

.

အဟောင်းဝယ်တာနဲ့ ငှားတာက ကုန်ကျတာခြင်းအတူတူလောက်ပဲ။ နှစ်ကုန်ရင် ဖတ်စာအုပ်ပြန်ဝယ်တဲ့နေ့ - Text Book Buy Back Day ဆိုတဲ့ ( ၃၊ ၄ ) ရက်အတွင်းမှာ ပြန်သွားရောင်းရင် (  ၅ဝ% ) နဲ့ ပြန်ဝယ်ပေးတယ်။ သိပ်တော့မထူးပါဘူး ကုန်ကျတာချင်းကတော့။

.

ငါကတော့ တကယ်လိုတဲ့စာအုပ်ဆိုမှ အသစ်စက်စက် အကောင်းဝယ်တယ်။ တစ်ခါလောက်ပဲသုံးမှာဆိုရင် စာအုပ်နမူနာကြည့်ပြီး အွန်လိုင်းမှာ သက်သာတာလိုက်ရှာတယ်။ eBay ၊ Amazon နဲ့ Half.com တို့မှာ အခွန် - Tax နဲ့ ပို့ခ - Shipping မပေးရတာတွေ့ရင် ဝယ်လိုက်တာပဲ။ ပြီးသွားလို့မလိုတော့ရင် လျှော့ဈေးနဲ့ အဲဒီပေါ်မှာ ပြန်ရောင်းလို့ရတယ်လေ။

.

ရဲသွေး ။          ။ ဒါနဲ့ နေပါဦး။ ငါက ကျောင်းကိုဘယ်လိုသွားရမှာလဲ?

.

.

ရဲမင်း ။         ။ နေတဲ့မြို့နဲ့ ကျောင်းတည်နေရာပေါ် မူတည်တယ်။ ဥပမာ - ဆန်ဖရန်မှာနေတဲ့ကျောင်းသားက ကားမောင်းပြီးကျောင်းတက်ဖို့မလွယ်ဘူး။ ရထားစီးမလား၊ ဘတ်စ်ကားစီးမလား၊ လမ်းလည်းလျှောက်ရမှာပေါ့နော်။ နယူးယောက်၊ ဘော့စတွန်လဲ ဒီလိုခပ်ဆင်ဆင်ပဲ။ အဲ .. L.A လိုမျိုးကျတော့ ကားလိုပြန်ရော။ ဒါကလည်း တက္ကသိုလ်တက်ပြီဆိုရင် နှစ်အနည်းငယ်လည်းနေသားကျလာတော့ ပြသနာရှိတော့မှာမဟုတ်ပါဘူး။ အခု ငါလိုက်အပ်ပေးမယ့်ကျောင်းဆိုရင် ဘတ်စ်ကားနဲ့တက်လို့ရတယ်။

.

ကားပိုင်ရင်တော့ ကားရပ်ခကိစ္စ စီစဉ်ရမယ်။ ကျောင်းတွေမှာ ကား တစ်ရက်သွားရပ်ရင် ( ၂ ) ဒေါ်လာလောက်ပေးရတာများတယ်။ ဒါက ကောလိပ်တွေကိုပြောတာနော် .. တက္ကသိုလ်တွေက ဈေးပိုများသလို မြို့နဲ့လှမ်းတယ်။ လပေးကဒ် - Parking Permit လုပ်ထားပြီး ကားတွင်းနောက်ကြည့်မှန်မှာချိတ်ထားလိုက်ရင် ဘယ်လောက်ရပ်ရပ် မပေးရတော့ဘူး။ အဲဒီအတွက် တစ်လကို ( ၁၅ ) ဒေါ်လာ နဲ့ ( ၂ဝ ) ဒေါ်လာလောက်ပေးရလိမ့်မယ်ထင်တယ်။ တက္ကသိုလ်တွေကတော့ ဒီလောက်ဈေးနဲ့မရလောက်ဘူး .. ရာကျော်တယ်။

.

ရဲသွေး ။          ။ အဲဒါဆို ငါက ဘာမှကြိုလုပ်စရာမလိုပဲ အပ်ထားတဲ့အတန်းကို အခန့်သားလေးသွားထိုင်နေရုံပဲလား?

.

.

ရဲမင်း ။         ။ အစကတော့ ဒီလိုပေါ့။ ဒါပေမယ့် မင်းအိမ်မှာ အင်တာနက်လိုင်း မဖြစ်မနေရှိသင့်တယ်။ ပြီးတော့ ကွန်ပျူတာနဲ့ ပရင်တာတစ်လုံးစီတော့ ရှိထားသင့်တယ်။ ဆရာပေးတဲ့အိမ်စာက စာရွက်ပေါ်မှာဖြည့်ပြီးပြန်တင်ပေးရတာရှိသလို ကျောင်းသား နဲ့ ဆရာချိတ်ဆက်ပေးထားတဲ့ ကျောင်းဝဘ်ဆိုဒ်ကနေ တင်ရတာလည်းရှိတယ်။ တစ်ချို့အိမ်စာတွေက ကိုယ်တိုင်ရေးရရုံမက အတန်းသွားတဲ့အချိန် အမှီတင်ရတာတွေပါရှိတယ်လေ။

.

ရဲသွေး ။          ။ ဒါဆို ငါ့ကိုကျောင်းလိုက်အပ်ပေးတော့လေ။ လာ .. ထ .. သွားမယ်။

.

.

ရဲမင်း ။          ။ မင်းက အမေရိကားကျောင်းကို မြန်မာနိုင်ငံကလို ကျောင်းဆရာရှေ့ ကိုယ်တိုင်ကိုယ်ကျသွားအပ်ရတယ်ထင်နေတာကိုး။ အွန်လိုင်းမှာ ကျောင်းသားမှတ်ပုံတင် အရင်လုပ်ရတယ်။ အဲဒီနံပါတ် နဲ့ မင်းရဲ့ကိုယ်ရေးအချက်အလက်တွေရပြီဆိုတော့မှ ဝင်ခွင့်ကြေး - Admission Fees သွင်းရတယ်။ လက်ခံတဲ့အခါ ကျောင်းသားမိတ်ဆက်ပွဲ - Orientation ကို သွားတက်ရင်တက် မဟုတ်ရင် ပေးထားတဲ့ရက်ချိန်းအတိုင်း အတန်းဝင်စာမေးပွဲ - Assessment Test သွားဖြေရင်ဖြေ။ အဲဒီအချိန်တွေကျမှ ကျောင်းသွားဖို့လိုတာ။

.

ကဲ .. ဒီလိုလုပ် .. မနက်ဖြန် တနင်္ဂနွေနေ့ ဘယ်မှသွားစရာမရှိဘူးမဟုတ်လား? ငါထပ်လာခဲ့မယ်။ မင်းအိမ်မှာပဲစောင့်နေ။ အင်တာနက် နဲ့ ကွန်ပျူတာတစ်လုံးတော့ အဆင်သင့်လုပ်ထား။

.

ရဲသွေး ။          ။ တနင်္ဂနွေနေ့ကြီး ကောလိပ်ကျောင်းက ဖွင့်တာပဲလား?

.

ရဲမင်း ။          ။ အွန်လိုင်းဝဘ်ဆိုဒ်က ပိတ်ရက်မရှိဘူးလေကွာ .. မင်းကလဲ။ ကဲ ကဲ မနက်ဖြန်မှတွေ့မယ်။

.
.

ခင်မင်ခြင်းများစွာဖြင့်

.

07-02-2015
.
.

“ ကောလိပ်တက်မလို့လား .. လိုက်ပို့ပေးမယ်လေ။ ၃ ”

ဆောင်းပါးရှင် - ကိုညီညီ ( တောင်ကြီး )

.

ရဲမင်း ။         ။ ဟဲလို ရဲသွေးလား .. မင်းအိမ်မှာရှိရင် ငါလာမလို့။

.

ရဲသွေး ။          ။ ရှိတယ် .. ငါဘယ်မှမသွားဘူး။ ငါ့ကိုကျောင်းအပ်ပေးတော့မယ်ပေါ့ .. ဝမ်းသာလိုက်တာ။ စောင့်နေမယ်နော်။

.

ခဏကြာသောအခါ ရဲသွေးအိမ်သို့ ရဲမင်းရောက်လာချေပြီ။

.

.

ရဲမင်း ။         ။ ကွန်ပျူတာမှာ မင်းတက်မယ့်ကောလိပ်ဝဘ်ဆိုဒ်ကို ဝင်ကွာ။

.

ရဲသွေး ။          ။ ငါကိုယ်တိုင်လုပ်ရမှာလား? မင်းလုပ်ပေးလေကွာ။

.

.

ရဲမင်း ။         ။ ဟုတ်တယ် .. မင်းကိုယ်တိုင်လုပ်ရမှာ။ ငါက မင်းကိုလမ်းပြပေးမယ်။ မသိရင်ပြောပြပေးမယ်။ အမေရိကားမှာ လူတန်းစားမရွေး ကိုယ်တိုင်လုပ်ရတာချည်းပဲ။ ကိုယ့်အားကိုယ်ကိုးစမ်းပါ။

.

ရဲသွေး ။          ။ အေးပါကွာ။ လုပ်ဆိုတော့လည်းလုပ်တာပေါ့။ မင်းကလည်း စိတ်ချည်းပဲ။

.

.

ရဲမင်း ။         ။ မင်းမှာ အီးမေးလိပ်စာတစ်ခုရှိရမယ်။ ဒါမှ ကျောင်းကဆက်သွယ်လို့ရမှာ။ ကျောင်းစာမျက်နှာကိုရောက်ပြီဆိုရင် Students ကိုသွား။ မင်းက ကျောင်းသားသစ်ဆိုတော့ ကျောင်းသားအသစ် - New Student အနေနဲ့ စလျှောက်ရမှာပေါ့။

.

ဒါကြောင့် Apply for Admission ကို ဆက်ဝင်ရမယ်။ မင်းဝင်တဲ့ကျောင်းစာမျက်နှာက ကျောင်းကိုယ်ပိုင်ဖြစ်နိုင်သလို ဒေသတွင်းဆိုင်ရာကောလိပ်ကျောင်းတွေ စုပေါင်းသုံးတဲ့ စာမျက်နှာလည်း ဖြစ်နိုင်တယ်။ ကဲပါ .. ဟိုမှာတွေ့တယ်မလား .. အကောင့်အသစ်ဖွင့်ဖို့ Create New Account ကို ဝင်လိုက်။

.

ရဲသွေး ။          ။ ဟုတ်ပြီ .. ဝင်လိုက်ပြီ။ ဘယ်ဆက်သွားရမှာလဲ?

.

.

ရဲမင်း ။         ။ တောင်းတဲ့အချက်အလက်တွေထည့်လိုက်လေကွာ။ လွယ်လွယ်လေးဥစ္စာကို။

.

ရဲသွေး ။          ။ နာမည်၊ အိမ်လိပ်စာ၊ ဖုန်းနံပါတ်၊ အီးမေးလ်လိပ်စာ နဲ့ လုံခြုံရေးမေးခွန်း - Security Question တွေက ဖြည့်တတ်တယ်။ SSN ဆိုတာ ဘာကိုဖြည့်ရမှာလဲ။

.

.

ရဲမင်း ။         ။ မင်းအိမ်ကို Green Card ရောက်တုန်းက မြန်မာနိုင်ငံက ဝါဇီငွေစက္ကူလိုစာရွက်အထူလေးနဲ့ ဂဏန်း ( ၉ ) လုံး ပါတဲ့ ကဒ်ပြားလေး ရောက်တယ်မလား။ နံပါတ်က xxx-xx-xxxx ( 123-45-6789 ) ဒီလိုပုံစံမျိုးလေးနဲ့လေ။

.

ရဲသွေး ။          ။ သြော် ဟုတ်ပြီ .. ရောက်တယ် .. ငါက ဘာမှန်းမသိလို့သိမ်းထားတာ။ အဲဒီကဒ်က ဘာအတွက်လဲ?

.

.

ရဲမင်း ။         ။ SSN ဆိုတာ လူမှုလုံခြုံရေးကဒ်ကိုပြောတာ။ မြန်မာလိုဆိုရင်တော့ မှတ်ပုံတင်နံပါတ် နဲ့ ခပ်ဆင်ဆင်တူတယ်။ နံပါတ်ကိုအဓိကထားသုံးတယ်။ လူတစ်ယောက်မှာ ကိုယ်ပိုင်နံပါတ်တစ်ခုရှိတယ်ဆိုတဲ့ သဘောလည်းပါတယ်။ ဒါပေမယ့် SSN ပေါ်မှာ ဓါတ်ပုံမကဒ်ဘူး။ Green Card မှ လိုင်စင်ဓါတ်ပုံပါတာလေ။

.

အခုလို ကျောင်းအပ်မယ်၊ အလုပ်သစ်ဝင်မယ်၊ အခွန်ထမ်းဆောင်မယ်၊ ကျန်းမာရေးဆေးကုသခွင့်လျှောက်မယ် စတဲ့ အခြေခံလူမှုဖူလုံရေးလုပ်ငန်းတွေမှာ လုံခြုံမှုရှိစေဖို့ Social Security Number ကို လူတစ်ယောက်ကို နံပါတ်တစ်ခုစီ မထပ်အောင်ပေးထားပြီး ဆိုရှယ်ရုံးမှာ ကွန်ပျူတာနဲ့ထိန်းထားတဲ့စံနစ်ရှိတယ်။ အထူးသဖြင့် အစိုးရရုံး နဲ့ ကုမ္ပဏီတွေက လူတွေရဲ့ မည်သူမည်ဝါဖြစ်တယ်ဆိုတဲ့ Identity ကို ခွဲခြားတဲ့နေရာမှာ သုံးတယ်။

.

တစ်ချို့မြန်မာတွေကြားမှာတော့ အလုပ်သမားကဒ်လို့ခေါ်တယ်။ ဟုတ်တယ်လေ .. ဒီကဒ်မရှိရင် အလုပ်လုပ်လို့မရဘူး။ အခု မင်း ကျောင်းတက်တော့လည်း SSN တောင်းနေပြီမဟုတ်လား?

.

.

ရဲသွေး ။          ။ ငါက မသိလို့ မထည့်လိုက်ဘူး ဆိုရင်ကော?

.

.

ရဲမင်း ။         ။ SSN မထည့်ရင်လည်းရတယ်။ ရှိတာကို မရှိဘူးလုပ်ထားတာပဲဖြစ်ဖြစ်၊ သူများနံပါတ်ကို ကိုယ့်နံပါတ်လုပ်ပြီးထည့်ထားတာပဲဖြစ်ဖြစ်၊ အချက်အလက်လိမ်ထားတာပဲဖြစ်ဖြစ် ပေါ်ပေါက်ခဲ့ရင် တစ်လကို ဒေါ်လာ ( ၁ဝဝ ) ဒဏ်ရိုက်မယ်။ အမှန်ကို မင်းမပြင်မချင်းပေးရမယ် ဆက်တိုက် မပြတ်တမ်းပေးနေရမယ်လို့ ဒီမှာ ရေးထားတယ်လေ။ စာကို သေချာဖတ် ရဲသွေး ..ရဲ့။

.

ရဲသွေး ။          ။ အေးပါ။ မင်းကလည်း ငါ့ကို ဟောက်ဖို့ပဲ ချောင်းနေတော့တာပဲ။ အခုမှ အမေရိကားရောက်လို့ သူ့ကို အားကိုးပါတယ်ဆိုမှ .. တစ်ရက်ထက်တစ်ရက် ပိုဆိုးလာတယ် .. တစ်ကတည်းမှပဲ။

.

.

ရဲမင်း ။         ။ မဟုတ်ပါဘူးကွာ။ ငါက မင်းကို တတ်စေချင်လွန်းလို့ စေတနာနဲ့ပြောတာ။ အစဆိုတော့ ငါက အားမလို အားမရဖြစ်နေတာပါ။ ဒါပေမယ့် အမေရိကားမှာ မင်း ဒီထက်အများကြီးလေ့လာရဦးမယ်။ ငါ ကြမ်းတယ်ဆိုတာ စကားပဲဆိုးတာ။ ရုန်းကန်ရတဲ့ဘဝက တစ်ကယ်မချောခဲ့ပါဘူးကွာ။ စေတနာကို တည့်တည့်မြင်စမ်းပါ။

.

ရဲသွေး ။          ။ အေးပါ .. ငါကလည်း သဘောပြောတာပါ။ ကဲ .. အကောင့်ဖွင့်ပြီးသွားပြီ။ သုံးစွဲသူနံမည် - Username နဲ့ လျို့ဝှက်နံပါတ် - Password တောင်းတယ်။ နောက်ပြီး ပင်နံပါတ် - Pin Number ( ၄ ) လုံး တောင်းတယ်။ အဲဒါက ဘာလုပ်ဖို့လဲ?

.

.

ရဲမင်း ။         ။ အဲဒါက သူတို့လိုအပ်တဲ့အခါမှာ Password မသုံးချင်လို့ တစ်ခြား သော့နံပါတ်တစ်ခုတောင်းတဲ့ ပုံစံပါ။ အခု မင်းရေးသွင်းထားတာတွေအားလုံး စာရွက်တစ်ရွက်မှာ မှတ်ထားနော်။ နောက်ဆိုရင် မင်းမေ့သွားမှာစိုးလို့။

.

ရဲသွေး ။          ။ ဟာကွာ .. မင်းကလည်း ကျောင်းတက်ချင်လို့ မိဘနဲ့ အမေရိကားလိုက်လာပါတယ်ဆိုမှ ကျောင်းဝင်နံပါတ်တွေက မေ့စရာလားကွ။ ကဲကဲ .. ဒီမှာ Start Application တဲ့ ဘာဆက်လုပ်ရမလဲ?

.

.

ရဲမင်း ။         ။ ဒီလိုလွယ်လွယ်နဲ့တော့မရဘူးလေ။ ငါ့ကို လိမ္မော်ရည်လေး ဘာလေး တိုက်ဦးမှာပေါ့ကွ..။

.

ရဲသွေး ။          ။ အေး အေး ဟုတ်သားပဲ။ မင်းကို ဧည့်ခံနေဖို့မေ့နေလိုက်တာ။ ဆောရီးကွာ သူငယ်ချင်း။ ဒါဆို ငါတို့ ခဏနားရအောင်။

.

.

( ၄ ) ဆက်ပါမည်။ မပျင်းမရိဖတ်ကြပါကုန်။

.

.

ခင်မင်ခြင်းများစွာဖြင့်

.

07-09-2015
.
.

“ ကောလိပ်တက်မလို့လား .. လိုက်ပို့ပေးမယ်လေ။ ၄ ”

ဆောင်းပါးရှင် - ကိုညီညီ ( တောင်ကြီး )

.

ရဲမင်း ။         ။ ဒီတစ်ခါတော့မင်းကျောင်းတကယ်တက်ရပါပြီကွာ။

.

ရဲသွေး ။          ။ မင်းပဲအပြောကောင်း..။ အချိန်ဆွဲနေတာဘယ်သူလည်း .. အခုပဲ တစ်လပြည့်နေပြီ .. ကျောင်းက ဘယ်ဆီနေမှန်းမသိသေးဘူး။

.

.

ရဲမင်း ။         ။ စိတ်ရှည်မှပေါ့ကွ။ ကဲ ပြန်စမယ်။ Start Application ကိုဝင်လိုက်ကွာ .. ဘာတွေ့ရလဲ?

.

ရဲသွေး ။          ။ Enrollment Information တဲ့ .. အဲဒါဘာကိုပြောတာလဲ?

.

.

ရဲမင်း ။         ။ လျှောက်ထားသူရဲ့အချက်အလက်ဆိုတော့ မင်းအကြောင်းရိုက်ထည့်ရမှာပေါ့။ အပေါ်ဆုံးက Term Apply For ကိုဝင်။ အဲဒီမှာ စာသင်ကာလ - Semester ဘယ်နှစ်ခုတွေ့သလဲ?

.

ရဲသွေး ။          ။ Fall တဲ့ ၊ Summer တဲ့ ၊ အဲဒါတွေကဘာလဲ?

.

.

ရဲမင်း ။         ။ Summer ဆိုတာတော့ မင်းသိပြီးသားဖြစ်တဲ့နွေရာသီပေါ့။ ကျောင်းဖွင့်ရက်က ( ၆ ) လပိုင်းကနေ ( ၈ ) လပိုင်း Fall မဖွင့်ခင်အထိ။ Fall ဆိုတာ အမေရိကားမှာ သစ်ရွက်ကြွေတဲ့ရာသီကိုပြောတာ။ မြန်မာနိုင်ငံက မိုးရာသီနဲ့ဆင်တူတယ်။ သူကျတော့ ( ၈ ) လပိုင်းကနေ ခရစ်စမတ်မတိုင်ခင်အထိ။

.

Spring ဆိုတာလည်းရှိသေးတယ် .. ဆောင်းဦးရာသီလို့ပြောလို့ရသလို ဆောင်းရာသီလို့လွယ်လွယ်မှတ်ထားလို့ရတယ်။ သူ့စာသင်လက ( ၄ ) လပဲ ရှိတယ်။ နှစ်ဆန်း ပထမပတ်လောက်ကနေစပြီး မြန်မာနိုင်ငံကျောင်းတွေစဖွင့်တဲ့အချိန် ( ၅ ) လပိုင်းအကုန်မှာကျောင်းပြန်ပိတ်တယ်လေ။

.

တစ်ချို့အတန်းတွေက တက်သူနည်းတဲ့အခါကျတော့ Summer မှာ မဖွင့်နိုင်ဘူး။ စာသင်ရက်ကလည်း ( ၂ ) လတည်းဆိုတော့ နည်းနေတယ်။ ဒါကြောင့် အရေးကြီးတဲ့မေဂျာဆိုရင် Summer မှာတက်ရင် သူက ( ၂ ) ဆ အမြန်သင်တယ်။ အခု မင်းယူရမှာက Fall လေ။ အဲဒါကိုရွေးလိုက်။ အောက်ကအကွက်မှာတော့ မေဂျာရွေးရတော့မယ်။ မင်းက ဘာမေဂျာယူမှာလဲ?

.

ရဲသွေး ။          ။ ကွန်ပျူတာသိပ္ပံ - Computer Science ယူရင်ကောင်းမလားလို့။ ငါက မြန်မာနိုင်ငံကတည်းက ကွန်ပျူတာကို စိတ်ဝင်စားတာ။ အောက်ကအကွက်မှာ Educational Goal ကျတော့ ဘာကိုမေးတာလဲ?

.

.

ရဲမင်း ။         ။ Educational Goal က မင်းရဲ့ပညာရေးရည်မှန်းချက်ပေါ့ကွာ။ အဲဒါ ကျောင်းကို မင်းဘယ်လောက်ကြာကြာတက်မလဲဆိုတဲ့အပေါ်မူတည်ပြီး ကျောင်းသားအတွက်လိုအပ်တဲ့ဘာသာတွေ အနည်းအများကွာသွားလိမ့်မယ်။

.

ဆိုလိုတာက မင်းက ( ၂ ) နှစ်ပဲတက်ပြီး AA – Associate in Art ယူမလား၊ AS – Associate in Science ပဲ ယူမလား၊ ဒါဆိုရင် ကျောင်းက မင်းကို ( ၂ ) နှစ်စာသင်ရိုးညွှန်းတမ်း - Curriculum နဲ့ပဲ တက်ခိုင်းမှာကိုပြောတာ။

.

ဒါပေမယ့် ( ၄ ) နှစ်တက်ပြီး AS မယူဘူးဆိုတာမျိုးလည်းရှိတယ်။ စာတွေက ဘယ်တူတော့မလဲ။ တက္ကသိုလ်ဆက်တက်ဖို့ ရွှေ့ပြောင်းသယ်ယူသွားနိုင်တဲ့မေဂျာတွေရွေးသင်ပေးလိမ့်မယ်။

.

ဒီနေရာမှာကျတော့ ကောလိပ်ဆိုတာ တက္ကသိုလ်တက်ဖို့ စာမနိုင်သေးသူတွေ တစ်ထောက်ကွန်းခိုပြီး ခုန်ဖို့အားပြုတဲ့နေရာလို့ပြောလို့ရတယ်။ ဒါကြောင့် မင်းကိုငါ အစကတည်းကမေးတာပေါ့ .. ကောလိပ်တက်မှာလား .. တက္ကသိုလ်တက်မှာလားဆိုတာ ဆုံးဖြတ်ခိုင်းခဲ့တယ်လေ။

.

ရဲသွေး ။          ။ ဒါကြောင့် ကောလိပ်ကနေ တစ်ဆင့်ချင်းတက်မယ်လို့ မင်းကိုငါ ပြောခဲ့သားပဲ။ ငါက အခုမှရောက်တာ အင်္ဂလိပ်စာအကျွမ်းဝင်ဖို့အချိန်လည်းပေးချင်သေးတာကြောင့် တက္ကသိုလ်တော့ တစ်ခါတည်းမတက်ချင်သေးဘူးကွာ။ ပြီးတော့ ဝင်ဝင်ချင်းဆောက်နဲ့ထွင်းဆိုသလို အတင်းကြီးမလုပ်ချင်ဘူး။

.

.

ရဲမင်း ။         ။ အေး .. ငါလည်း ဒီလိုပဲသဘောရပါတယ်။ ကဲ .. ဆက်ဖြည့်ဦး။ မပြီးပဲနေဦးမယ်။ အောက်မှာတွေ့လား .. မင်းမိဘရဲ့ပညာအရည်အချင်း၊ အခုပြည်နယ်မှာအမှန်အကန်နေထိုင်ကြောင်း Residency အထောက်အထား ၊ တစ်ခြားပြည်နယ်တွေမှာမနေဖူးကြောင်းဝန်ခံချက် နဲ့ ပညာသင်စားရိတ်လက်ခံလိုခြင်းရှိမရှိ စတာတွေဖြေပြီးရင် မင်းက အဲဒီကောလိပ်ရဲ့ကျောင်းသားတစ်ယောက်ဖြစ်ပြီပေါ့ကွာ။

.

ရဲသွေး ။          ။ ဖြစ်ပြီပဲဆိုပါတော့။ ဘယ်နေ့ကျောင်းသွားတက်ရမှာတုန်းကွ။

.

.

ရဲမင်း ။         ။ မင်းကိုပြောပြီးပြီလေ။ ကျောင်းကပေးမယ့် အရည်အချင်းစစ်စာမေးပွဲ - Assessment Test နောက်တစ်ပတ်သွားဖြေမယ်။ စာလေး ဘာလေးတော့ နွှေးထားဦး။

.

ရဲသွေး ။          ။ ဘာစာနွှေးရမှာတုန်း? အခုမှရောက်တဲ့လူကို စာလာကျက်ခိုင်းနေတယ်။ ဘယ်မှာစာရှိရမှာလဲ မင်းကလဲ..။

.

.

ရဲမင်း ။         ။ ဟုတ်ပါတယ်။ မင်းမှာ ဘာစာမှမရှိဘူး .. ငါသိတယ်။ ဒါပေမယ့် ရန်ကုန်မှာတုန်းက မင်းကြည့်နေတဲ့ အမေရိကန် TV Series စာတန်းထိုး DVD တွေရှိတယ်မလား? အဲဒါတွေကို မပြတ်ကြည့်ထား။

.

Grammar စာအုပ်လေးဘာလေး ရှာဖတ်ထား။ ကျောင်းက မင်းကို Grammar ပြန်ဖြေခိုင်းမှာ။ ပြီးတော့ Local TV ကလာတဲ့သတင်းတွေနားထောင်။ ကာတွန်းကားကြည့် .. အဲဒါတွေလုပ်ထားဖို့ပြောတာ။

.

ရဲသွေး ။          ။ မင်းက ငါ့ကို မကြီးမငယ်နဲ့ ကားတွန်းကားကြည့်ခိုင်းနေတယ်။ အထင်သေးတာလား .. မောင်။

.

.

ရဲမင်း ။         ။ မဟုတ်ရပါဘူး။ ဘယ်သူမဆို အမေရိကားရောက်စမှာ ငါက ဒီလိုပဲအကြံပေးတယ်။ တွေ့တဲ့အင်္ဂလိပ်စာအကုန်ဖတ်၊ အကုန်နားထောင်၊ အကုန်နားလည်အောင်လုပ်။ မင်းမှာရှူံးစရာ ဘာမှမရှိဘူး။

.

ရဲသွေး ။          ။ ကောင်းပါပြီ ဆရာကြီးရယ်။ နောက်တစ်ပတ်တော့ ငါ့ကိုစောစောသာလာခေါ်၊ နောက်မကျစေနဲ့။

.

.

အပိုင်း ( ၅ ) မှာ ရဲမင်း နဲ့ ရဲသွေးတို့ ကောလိပ်ကျောင်းမှာ စာမေးပွဲဘယ်လိုသွားဖြေတယ်ဆိုတာ ပြောပြပါဦးမယ်။

.

ခင်မင်ခြင်းများစွာဖြင့်

.

07-25-2015