လူငယ်တွေကိုဦးဆောင်စေချင်တဲ့ မျိုးဆက်သစ်ချစ်ထွန်း - Joshua Chit Tun

ဆောင်းပါးရှင် - ကိုညီညီ ( တောင်ကြီး )

.

သူ့နာမည်ကိုရှာရတာ လွယ်ပါတယ်။ အမေရိကန်နိုင်ငံသားဖြစ်နေပေမယ့် မြန်မာနိုင်ငံမှာမွေးပြီး ငယ်ဘဝက မိဘများနဲ့ လိုက်လာခဲ့သူပါ။ နာမည်ရဲ့နောက်ဆုံးစာလုံးကို မမေ့စေဖို့ မြန်မာမျိုးရိုးနာမည်ဖြစ်တဲ့ “ ချစ်ထွန်း ” ကို ထိန်းသိမ်းဖို့ အုပ်ထိန်းသူအဒေါ်က မှာကြားထားတယ်လို့သိရတယ်။

.

တစ်ခွန်းဆိုတစ်ခွန်း ထိန်းသိမ်းတတ်တဲ့စကားတွေကြောင့် အနောက်နိုင်ငံရောက်မြန်မာတွေထားလေ့ရှိတဲ့အတိုင်း ခေါ်ရလွယ်တဲ့ ဘိုနာမည်တစ်လုံးနောက်မှာ မြန်မာနာမယ် ချစ်ထွန်းကိုထည့်မှည့်ဆိုတာကိုက မေ့ဖို့မလွယ်တဲ့  ဂျော့ရွှာချစ်ထွန်း - Joshua Chit Tun ကို ဖတ်ကြည့်ရုံနဲ့ မြန်မာငွေ့သန်းတဲ့နာမည်မျိုးဆိုတာ သိသာပါတယ်။

.

.

လော့စ်အိဂျလိစ်မြို့မှာကြီးပြင်းလာတဲ့ ဂျော့ရွှာချစ်ထွန်း ဟာ အရွယ်ရောက်လာတဲ့အခါ လူငယ်တွေအတွက် ပြန်လည်အကျိုးပြုလုပ်ဆောင်ချက်တွေ အများကြီးရှိပါတယ်။ www.younginc.la ဆိုတဲ့သူထောင်ထားတဲ့အဖွဲ့မှာ L.A က အိမ်ခြေမဲ့များကိုကူညီပေးတဲ့သတင်းမျိုး ဖတ်နိုင်ပါတယ်။

.

ဦးဆောင်မှုကင်းမဲ့တဲ့လူငယ်တွေမှာ ပညာသင်ကြားရေးအားနည်းချက်တွေရှိနိုင်တယ် .. ဒါကြောင့် “ One person is not the solution. It will take an entire generation, not only in the U.S. but every nation where students feel the need to make true change. This is a global movement ”  ဆိုတဲ့ ဂျော့ရွှာချစ်ထွန်း ရဲ့ ပြောစကားကို အလျဉ်းသင့်သလို ဖတ်ရှုလေ့လာနိုင်ပါတယ်။

မြန်မာဘာသာသင်ပေးတဲ့ ဘားကလေတက္ကသိုလ်က ဆရာကဲနက်ဝေါင်း

ဆောင်းပါးရှင် - ကိုညီညီ ( တောင်ကြီး )

.

ကျွန်တော်ဟာ မြန်မာတစ်ယောက်ပါ။ မြန်မာလိုရေးရတာနှစ်သက်သလို မြန်မာလိုဖတ်ရတာကို အားရတယ်။ နိုင်ငံရပ်ခြားရောက်တဲ့အခါ တစ်ခြားဟာတွေထက်မက်မောတာကတော့ စာပေဟောပြောပွဲတွေ နားထောင်ရတာပါပဲ။ အဲဒါနဲ့ အင်တာနက်မှာလိုက်ရှာရင်း သူတကာတွေ ပြည်ပရောက်နေပြီး ငါ့လိုပဲအထီးကျန်နေမှာပဲလို့တွေးရင်း နားထောင်ပြီးသားစာပေဟောပြောပွဲတွေကို ပြန်တင်ဖို့ စာမျက်နှာတစ်ခု တည်ဆောက်မိတယ်။

.

အဲဒီမှာ အသံထွက်ဝတ္ထုတွေနဲ့ဒါနကုသိုလ်ပြုနေတဲ့ ကိုအေကေမိုး နဲ့ လိုင်းပေါ်မှာစဆုံရင်း “ ဆွံ့သူကြား၍ ကြားသူလမ်းမြင်၊ မြင်သူရှေ့တိုး အားလုံးနိုးဖို့၊ ထိုးလိုက်ပါတဲ့ ခေါင်းလောင်းသံ ” ဆိုတဲ့ ဂန္တဝင်ကဗျာဆရာကြီးတင်မိုးရဲ့ကဗျာကိုဂုဏ်ပြုပြီးတည်ထောင်ထားတဲ့ “ ခေါင်းလောင်းသံစာပေအဖွဲ့ ” မှာ သူ နဲ့ ဆုံခဲ့တယ်။

.

.

နာမည်စကြားဖူးပြီးတဲ့နောက်မှာ ခေါင်းလောင်းသံအက်မင် ကိုအေကေမိုးရဲ့ပြောပြချက်အရ အင်္ဂလိပ်ဝတ္ထုရေးတဲ့ “ ဆုတောင်းပါသည်မြန်မာပြည် ” လို့အမည်ရတဲ့ “ A Prayer for Burma ” စာအုပ်ကို တစ်အုပ်လုံးအင်္ဂလိပ်လိုရေးပြီး နာမည်ကြီးအွန်လိုင်းစာအုပ်တိုက်ကြီး အမ်မဇွန်မှာတင်ထားတော့ ကျွန်တော်မျက်လုံးပြူးသွားတယ်။ မြန်မာတွေကြားထဲမှာ ဒီလိုတော်တဲ့လူတွေ ဟိုးအရင်ခေတ်ကပဲရှိတယ်ထင်တာ အခုဒီခေတ်လူငယ်ကြားထဲမှာလည်း ရှိနေသေးပါလားဆိုတာ ကျွန်တော့ခေါင်းသေးသေးလေးက သိလိုက်ရတယ်။

.

သူ့နာမည်ကို ကဲနက်ဝေါင်း - Kenneth Wong လို့ ခေါ်ပါတယ်။ ဆန်ဖရန်စစ္စကိုပင်လယ်အော်ဒေသ - Bay Area မှာ နေထိုင်တယ်။ ငယ်ငယ်ကတည်းက အင်္ဂလိပ်စာကိုခုံမင်တယ်။ ဆယ်တန်းပြီးတော့ အင်္ဂလိပ်မေဂျာဆက်တက်တယ်။ ဘွဲ့ဆိုတာ တစ်သက်မှာတစ်ခါတော့ယူရချည်သေးရဲ့လို့မှန်းနေတုန်းမှာ ( ၈၈ ) အရေးတော်ပုံဖြစ်လာတယ်။ တစ်ဆက်တည်းမှာ မိဘတွေရဲ့ အမေရိကန်ကအမျိုးတွေခေါ်လို့သွားဖို့ အသစ်ပြောင်းရွှေ့ခြင်း - New Immigrant ခေါ်စာနဲ့အတူ ပင်လယ်ကြီးကို လေဟုန်စီးပြီးဖြတ်သန်းခဲ့တယ်။ ရောက်တော့ အလုပ်လုပ်တယ်။ ကျောင်းဆက်တက်တယ် … စသဖြင့် သူ့ရဲ့အနှစ် ( ၂ဝ ) ကျော် အကြပ်အတည်းအခက်အခဲဖြတ်သန်းမှုကို ကျွန်တော်က စာလေး ( ၂ ) ကြောင်းလောက်နဲ့ပါစင်အောင်ရေးရရင် ဘယ်တရားပါ့မလဲ?