ဘဝအတွက် အချိန်မှီအမှန်တရား

ဆောင်းပါးရှင် - ကိုညီညီ ( တောင်ကြီး )

           ပြေးလမ်းပေါ်ထွက်ခါနီး ဆီဖြည့်လူတင်နေတုန်း လေယာဉ်ကပ္ပတိန်ဟာ တစ်ဦးတစ်ယောက်ကို အလွန်အမင်း ကျေးဇူးတင်နေပါတယ်။ ပြီးတော့ "မင်းပြောလို့ပေါ့ကွာ .. လေထဲရောက်မှဆိုရင် မလွယ်ဘူး" လို့လည်းပါးစပ်က တဖွဖွပြောနေပါသေးတယ်။

          ဒီအခါမှာ အဆိုပါတစ်ဦးတစ်ယောက်က "မဟုတ်ဘူးဆရာ .. ကျွန်တော်က အမှားလုပ်တာပါ၊ တောင်းပန်ပါတယ်။ ဆရာက ကျေးဇူးတင်စရာမလိုပါဘူး။ ကျွန်တော်ကသာ ကျေးဇူးတင်ရမှာပါ" လို့ မျက်နှာသူငယ်လေးနဲ့ လေယာဉ်ထိန်းခန်းမှာ မတ်တပ်ရပ်ပြီး ပြန်ပြောနေတယ်။

          "မင်းအမှားလုပ်ထားတယ်ဆိုတာ ငါလက်ခံတယ်၊ ဒါပေမယ့် ဒီအမှားကို အမှန်အတိုင်းပြောတယ်။ ပြီးတော့ အချိန်မှီတယ်။ ဘာမှားခဲ့တယ်ဆိုတာ ငါသိလိုက်တဲ့အတွက် ပြင်ဆင်ဖို့အချိန်ရတယ်။ ဒီအတွက်ကျေးဇူးတင်တာ။ နို့မို့ဆို ခရီသည်တွေနဲ့ ငါတို့လေယာဉ်ဝန်ထမ်းတွေရဲ့ အသက်ကို စတေးလိုက်ရမှာ" လို့ လေယာဉ်ပိုင်းလော့က ပြုံးရွှင်စွာ ပြန်ပြောရှာတယ်။

          သူတို့စကားပြောအပြီး တစ်ဦးတစ်ယောက်ဆိုသူဟာ ခရီးသည်တွေ Boarding တက်ဆဲ လေယာဉ်ပေါ်ကပြန်ဆင်းအပြီး မိနစ် (၂ဝ) လောက်အကြာမှာ လေယာဉ်ဟာ ဖြူဝင့်ဝင့် ပြာတာတာ ကောင်းကင်ကြီးဆီသို့ပျံတက်ပြီး လိုရာခရီးဆက်နိုင်ခဲ့ပါပြီ။

          သူ့ကို မာရီယို လို့ အများကခေါ်ကြတယ်။ ကျွန်တော်အလုပ်ရောက်ခါစက သင်ပေးတဲ့ ဆရာဆိုရင်လည်း မမှားပါဘူး။ ဖိလစ်ပီးနိုးလူမျိုးဖြစ်ပြီး အသက်က (၆ဝ) ကျော်နေပါပြီ။ လက်ရှိအလုပ်မရောက်ခင် ဆန်ဖရန်စစ္စကိုလေဆိပ်မှာ ပင်တိုင်လေယာဉ်ဆီဖြည့်သမား-Aircraft Fueler  အဖြစ် (၈) နှစ်ကျော်အလုပ်လုပ်ခဲ့ပြီး အချိန်ပိုခေါ်လို့ အလုပ်ဆင်းတဲ့အခါ လေယာဉ်တံခါးဝနဲ့ချိတ်ပေးတဲ့ လှေကားထောင်ကား မောင်းရပါတယ်။ ဆီပန့်ကားရှေ့ထိုးလာတဲ့လေယာဉ်တိုင်းကို ဆီဖြည့်ပေးရတာ မာရီယို ရဲ့ အဓိကတာဝန်ပါ။

           တစ်နေ့မှာ သူ့ပန့်ရှေ့ကို ခရီးသည်လေယာဉ်-Commercial Airliner တစ်စီး ထိုးလာတယ်။ ဒါနဲ့ သူ ဆီဖြည့်ရင်း ဟိုလုပ်လိုက် ဒီလုပ်လိုက်နဲ့ အမှားတစ်ခု ကျူးလွန်မိတယ်။ လေယာဉ်ဆီဆိုတာက တောင်ပံတစ်ဖက်ထဲကနေဖြည့်ရင်း နောက်တစ်ဖက်ကို မောင်းသွင်းရတာမျိုးပါ။ တစ်ဖက်မှာ ဆီပြည့်ပြီဆို ဘားထိန်းခလုပ်တွေနဲ့အဖွင့်အပိတ်လုပ်ရင်း နောက်တစ်ဖက်ကို ပို့လွှတ်ပေးတဲ့အချိန်မှာ သူ့စိတ်က တောင်တွေး မြောက်တွေးနဲ့ နောက်တစ်ဖက် ဆီကန်ထဲကို လေယာဉ်ဆီတွေ အဆမတန်ထည့်မိသွားတယ်။

          ဒီအချိန်မှာ သူဆုံးဖြတ်ချက်တစ်ခုချရမယ်။ “ငြိမ်နေလိုက်မလား?” ။ “အမှန်အတိုင်းဖွင့်ပြောလိုက်ရမလား?” တစ်ခုခုတော့ အမြန်လုပ်ရတော့မယ်။ တစ်ခုကောင်းသွားတာက မာရီယိုအထက်မှာ အုပ်ချုပ်တဲ့ Supervisor ဆိုတာမရှိဘူး။ သူတစ်ယောက်တည်းလုပ်ရတယ်၊ လိုအပ်ရင် တာဝန်ရှိသူ လေဆိပ်ထဲကမည်သူကိုမဆို သူ ပြောပိုင်ခွင့်ရှိတယ်။ မာရီယိုဟာ မဆိုင်းမတွပဲ ဆီပန့်ကားပေါ်ကနေဆင်းပြီး လေယာဉ်လှေခါးကနေ ပြေးတက်သွားပြီး ထိပ်ပိုင်းထိန်းချုပ်ခန်းထဲကို ဝင်သွားတယ်။ ရုတ်တရက် ဘွားကနဲပေါ်လာတဲ့ လူရိပ်ကြောင့် ဘယ်ဘက်မှာထိုင်နေတဲ့ကပ္ပတိန် နဲ့ ညာဘက်က ဒုတိယပိုင်းလော့-First Officer တို့ အနည်းငယ်ကြောင်တောင်တောင်ဖြစ်သွားတယ်။

          မာရီယိုက ရိုသေစွာပဲ “ကပ္ပတိန်ကြီးခင်များ .. ခုနက လေယာဉ်ဆီဖြည့်တုန်း တစ်ဖက်ကို ဆီအများကြီးထည့်မိသွားတယ် .. အဲဒါ ဘယ်လိုလုပ်ကြမလဲ။ ကျွန်တော်မှားသွားလို့ပါ” လို့ ပြောလိုက်တယ်။ ဒီနေရာမှာ ပညာတတ်တဲ့လူနဲ့ မတတ်တဲ့လူ ကွာတယ်ဆိုတာ သူတို့မျက်နှာတွေကြည့်ပြီး မာရီယို သိလိုက်တယ်။

          ကပ္ပတိန်က ဘယ်တောင်ပံလား ညာဘက်ဆီကန်လားမေးပြီး  သူ့ခေါင်းပေါ်က ခလုပ်တွေကို တစ်ထောက်ထောက် ဖွင့်လိုက် ပိတ်လိုက်တွေလုပ်ရင်း စကားပြောစက်နဲ့ လူတွေ လေယာဉ်ပေါ်တင်ဖို့ တာဝါတိုင်ကို ညွှန်ကြားတယ်။ ပြီးတော့ မာရီယိုကို အထက်ပါအတိုင်း ရှင်းပြပြောဆိုပြီး ကျေးဇူးတင်စကား ပြောပြီးတဲ့အခါ မာရီယိုလည်း အတန်တန်တောင်းပန်ပြီး လေယာဉ်ပေါ်က ဆင်းလာခဲ့ပါတယ်။

          လေယာဉ်ကို အသင့်အနေအထား GPU–Ground Power Unit ကနေ စက်နှိုးပြီး ကပ္ပတိန်ဟာ လေယာဉ်တစ်ခြမ်းမစောင်းရအောင် ဆီကန် (၂) ကန်ထဲက ဆီတွေကို မျှနေပါတယ်။ ပြေးလမ်းပေါ်တစ်ဖြည်းဖြည်းလှိမ့်-Taxiing လုပ်ရင်း တာထွက်ပြေးတက်မည့်စည်းအရောက်မှာ လေယာဉ်ဟာ တောင်ပံနှစ်ဖက်လုံး မျှတ Balance ညီသွားပြီဖြစ်ပါတယ်။

          “ငါသာ အဲဒီတုန်းက ကြောက်ပြီး အမှန်မပြောလိုက်ရင် လာဆက်ဖြစ်မယ် မတွေးရဲဘူး။ အမှားလုပ်မိတဲ့ အကြောင်းရင်းအမှန်ကို သိခဲ့လို့ လေယာဉ်မှူးဟာ လုပ်သင့်လုပ်ထိုက်တာလုပ်ပြီး လိုရာခရီးဆက်နိုင်တယ်။ ဒါကြောင့် ငါ အမှားလုပ်ခဲ့ပေမယ့်လည်း မှန်အောင်ပြင်နိုင်ခဲ့တယ်” လို့ အားရကျေနပ်စွာ ပြောပြနေတယ်။

           “ဆီပိုဖြည့်မိတယ်” လို့ ငါပြောပြီးတဲ့အချိန်မှာ .. ကပ္ပတိန်ဆိုတာလေ .. စိတ်ဆိုးရမယ့်အစား ဝမ်းသာလွန်းလို့ ကျေးဇူးတွေ တင်နေလိုက်တာ။ သူသာ အချိန်မှီမသိပဲ ပျံတက်သွားရင် လေယာဉ်တစ်ခြမ်းစောင်း-Tilt ဖြစ်ပြီး ဒီကိစ္စဟာ ပျက်ကျဖို့အကြောင်းရင်း-Cause of Crash ဖြစ်တယ်လို့ ကပ္ပတိန်က ငါ့ကို ရှင်းပြတယ်” လို့ လွမ်းမောတမ်းတစွာ ပြောပြခဲ့ပြန်တယ်။

          နောက်ဆုံး သူက “အမှားဆိုတာ လူတိုင်းမကင်းပါဘူး။ မှားတာကို မှားမှန်းသိဖို့လိုတယ်။ မှားတာကို မှားသွားတယ်  လို့ အမှန်အတိုင်းပြောပြဖို့လိုတယ်။ ဘယ်သူ့ကိုမှဝန်ခံဖို့မလိုဘူး .. ကိုယ့်ကိုကိုယ်ပဲ ဝန်ခံဖို့လိုတယ်။ ဒါကြောင့် ဘယ်အလုပ်ခွင်မှာမဆို အမှားလုပ်မိတဲ့အခါ အမှန်အတိုင်း ပြောပြလိုက်ပါ” လို့ သူပြောပြီးတဲ့အချိန်မှာ ကျွန်တော့ဘဝအတွက် မှတ်သားဖို့ သတိပေးစကား-Quote လေးကို  သူ့လက်ရေးနဲ့ ကျွန်တော် တောင်းပြီး အလုပ်ဆင်း အိမ်ပြန်လာပါတော့တယ်။

.

koko2yeye@gmail.com
.
" ဘဝအတွက် အချိန်မီအမှန်တရား " စာမူသည် ၂ဝ၁၅ ဖေဖော်ဝါရီလ ( ၁၄ ) ရက်နေ့၊ စနေနေ့ထုတ် NetGuide နည်းပညာဂျာနယ် အတွဲ ( ၃ ) ၊ အမှတ် ( ၇၃
) ၊ စာမျက်နှာ ( ၄၇ ) တွင် ဖော်ပြပါရှိသည်။ Download Link:http://www.mediafire.com/download/l73o9w8335e3uhd/NG+Vol.+3%2C+No.+73+%28150%29.pdf