နေရာသစ်မှသင်ယူခြင်း ၃

ကားအသစ်ဝယ်တဲ့အကြောင်းအနည်းငယ်ပြောပြလိုပါတယ်။

 ကားအဟောင်းဝယ်မှာလား? အသစ်ဝယ်မှာလား ?

ဆောင်းပါးရှင် - ကိုညီညီ (တောင်ကြီး)

          သုံးပြီးသား Used ကားတွေပြန်ရောင်းတာအမေရိကားမှာအများကြီးပါ။ ကားကိုယ်စားလှယ်ရုံး (Dealership) တွေက ကားအသစ်တွေတိုက်ရိုက်ရောင်းသလိုကားအဟောင်းတွေကိုလည်းဝယ်ရောင်းလုပ်ပါတယ်။ ကိုယ်စီးနေတဲ့ကားကိုလဲပြီးကားအသစ်ဝယ်ချင်ရင် ဒီလာ ဆီမှာကိုယ်လိုချင်တဲ့ကားလက်ညှိုးထိုးပြီးကားအဟောင်းကိုလက်ငင်းချငွေသား (Down Payment) အဖြစ်ထားခဲ့လိုက်ရုံပါ။ တစ်ခုရှိတာက အဲဒီလိုမျိုးကိုယ့်ကားအဟောင်းကို ဒီလာ မှာရောင်းခဲ့ရတာဈေးနည်းနေတတ်ပါတယ်။ 

          ဒါပေမယ့် အဆင်ပြေတာကတစ်ကြောင်း၊ ကားအဟောင်းရောင်းထွက်ဖို့အခက်အခဲရှိမှာကတစ်ကြောင်း ဝယ်သူကထိုးအပ်ခဲ့တာများပါတယ်။ စာရွက်စာတမ်းစစ်ဆေး - စာချုပ်မှာလက်မှတ်ထိုး - ငွေပေးချေပြီး ကားအသစ်ကလေးမောင်းပြန်လာရုံဆိုတော့ အချိန်ကုန်သက်သာ လူပင်ပန်းမှုမရှိတာကြောင့် လူတော်တော်များများဒီလိုပဲလုပ်ကြပါတယ်။ အဓိကစစ်ဆေးရမှာက အာမခံ (Warranty) မှာဘာတွေအကျုံးဝင်သလဲဆိုတာကိုပါ။ 

            ထူးခြားချက်နောက်တစ်ခုက မိုင်ကြိုက်သလောက်မောင်းပါစေ (၅) နှစ်အတွင်း သံချေးမတက်ဘူးလို့အာမခံထားတာပါပဲ။ ဒီမှာက ကားပျက်ရင် ပြင်လိုက်တာနည်းပါတယ်။ အသစ်လဲတပ်ပေးလိုက်တာက ခပ်များများပါ။ ကားကိုယ်စားလှယ်ရုံး (Dealership) က ကားပြင်ခကိုဘောက်ချာဖွင့်ပြီး ကားထုတ်လုပ်တဲ့ကုမ္ပဏီကိုပြန်တောင်းရတဲ့စံနစ်မျိုးနဲ့လုပ်ကြတာပါ။

           ကားကြံ့ခိုင်မှုစစ်ဆေးဖို့ မိုင်းလစ် (၅ဝဝဝ) တိုင်း အီးမေးလ် (သို့မဟုတ်) စာပို့ပါတယ်။ ကားအသစ်ကို မိုင်းလစ် (၁ဝဝဝဝ) မှ အင်ဂျင်ဝိုင်လဲခိုင်းပါတယ်။ တာယာ က မိုင်းလစ် (၂ဝဝဝဝ) မှ လဲဖို့မှာထားပါတယ်။ ကျွန်တော့ကား မိုင်းလစ် (၂၄ဝဝဝ) ရှိပြီ တာယာကအကောင်းကြီးရှိပါသေးတယ် (၂ဝ၁၄ အခြေအနေ)။ 

           ကားဒီလာကြီးတွေကချမ်းသာကြတော့ဆားဗစ်တွေက ရှယ်ပါပဲ။ ကားပြင်ချင်ရင်အွန်လိုင်းပေါ်မှာရက်ချိန်း (Appointment) ယူနိုင်ပါတယ်။ ဒါမှမဟုတ်ဖုံးဆက်ရက်ချိန်းတောင်းလိုက်ရုံပါ။ ဒီလာရုံးမှာကားထိုးလိုက်တယ်ဆိုရင်ပဲ အေးဂျင့်တစ်ယောက်ရောက်လာပြီးကားယူသွားပါလိမ့်မယ်။ ကိုယ်ကကော်ဖီသောက်-မုန့်စားရင်း-ဖရီးအင်တာနက်သုံးပြီးစောင့်ရင်စောင့် (ဒါမှမဟုတ်) ကိုယ်သွားချင်တဲ့နေရာကိုပြောပြရင်နောက်ဆုံးပေါ်ပေါင်မုန့်ကား (Shuttle Van)  နဲ့ လိုက်ပို့ပေးပါတယ်။ 

          

          ကားပြင်ပြီးတဲ့အချိန်ကျရင်လည်းကိုယ်ရှိမယ့်နေရာကိုပြန်လာကြိုပေးနေကျပါ။ ကျွန်တော်ကတော့ စနေနေ့ (၁၁) နာရီလောက်ချိန်းလိုက်ပြီး ရှော့ပင်းမောတစ်ခုခုကိုပို့ခိုင်းပြီးပြန်လာကြိုခိုင်းရတာကို တော်တော်သဘောကျပါတယ်။

ကားပိုင်ဆိုင်မှုစာရွက် -Owner Book - Pink Slip

                

    ကားဝယ်ပြီးလို့ပြီးခါနီးမှာ ကားပိုင်ဆိုင်မှုအုံနာဘုတ် (Owner Book – Pink Slip) က အမေရိကန် က.ည.န (DMV-Department of Motor Vehicles) က စာတိုက်ကနေပို့လာမယ့်အကြောင်းနဲ့သူတစ်တပါးထိခိုက်မှုအာမခံ (Liability) ရှိထားဖို့သတိပေးပါတယ်။ ကားအသစ်လမ်းပေါ်မတက်ခင်အိမ်ကိုမောင်းပြန်ဖို့ တစ်ရက်စာအာမခံကို (၁၉) ဒေါ်လာ နဲ့ရောင်းပေးပါတယ်။

     ကျွန်တော့်တုန်းကကားမဝယ်ခင်တစ်ရက် ဒီလာကိုဝယ်မယ့်ကားရဲ့ VIN (Vehicle Identification Number) နံပါတ် ဖုံးဆက်တောင်းလိုက်ပြီးအာမခံကြိုဝယ်ထားလိုက်ပါတယ်။ ကားမှတ်ပုံတင်စာရွက် (ဝှီးတက်) ကိုကားထဲထည့်ထားရမယ်လို့စာရွက်မှာညွှန်ကြားထားပါတယ်။

 ကားမှတ်ပုံတင်စာရွက် ( ဝှီးတက် ) 

                 အမေရိကားရောက်မြန်မာတွေက အစပိုင်းကားမောင်းခါစ ကားအဟောင်းတွေသာစီးကြပြီး ဒုတိယ နဲ့ တတိယအစီးကျမှသာ ကားအသစ်ဝယ်စီးကြတာများပါတယ်။ မြန်မာပြည်မှာမစီးခဲ့ရလို့အသစ်စီးချင်တာထက်စာရင်  ကားအသစ်ရဲ့အားသာချက်က “ကားမပျက်တာပါ”။ ဒီနိုင်ငံမှာကားပျက်တာ အလုပ်ပျက်တာနဲ့အတူတူပါပဲ။ ကားဖိုးအကုန်ပေးစရာမလိုတဲ့အကြွေးဝယ်အစီအစဉ်တွေကစီးနင်းသူတွေကိုကားသစ်ဝယ်ဖို့အမြဲဆွဲဆောင်နေပါတယ်။

           ဥပမာ - (2019) Camry LE Basic Edition ကားသစ်တစ်စီးအတွက် (၂၃၈၄၅) ဒေါ်လာ ဈေးဖွင့်ထားတာကို အကျေပေးချေနိုင်သလိုဒေါ်လာ (၅ဝဝဝ) ကို လက်ငင်းပေးပြီး ကျန်ငွေကို (၃၆) လ (သို့မဟုတ်) လ (၆ဝ) အရစ်ကျပေးချေနိုင်တဲ့အကြွေးဝယ်စံနစ်ကိုရွေးချယ်နိုင်ပါတယ်။ ကျန်ငွေ (၁၈၈၄၅) ဒေါ်လာကို အစိုးရအခွန် (ခန့်မှန်ခြေ ၁ဝ%) နဲ့ ကညန (DMV) ကြေး ဒေါ်လာ (၁ဝဝဝ)  ခန့် ပေါင်းပြီး လ (၆ဝ) ငွေတိုးမဲ့ အရစ်ကျပေးလို့ရပါတဲ့အစီအစဉ်တွေရှိပြန်ပါတယ်။ (ပြည်နယ်နှင့်ကားအရောင်းကိုယ်စားလှယ်များပေါ်မူတည်၍ အခွန်နှင့်လက်ငင်းချငွေပမာဏများကွာခြားနိုင်ပါသည်)

         ကားဝယ်တဲ့သူက လစဉ် (၃၂၈) ဒေါ်လာလောက်မှန်မှန်သွင်းပေးသွားရင်ဘာပြသနာမှမရှိပါဘူး။ ကားဝယ်မယ့်သူရဲ့ အကြွေးပြန်ဆပ်နိုင်တဲ့အဆင့်အတန်း (Credit Score) ကတော့ အနည်းဆုံး (၆၅ဝ) ရှိရပါမယ်။ တစ်နည်းအားဖြင့် ကားဝယ်မယ့်သူရဲ့ အလုပ်တစ်ခုထဲမှာ (၂) နှစ် မပြတ်တမ်းလုပ်ထားတဲ့သက်သေပါလိုပါတယ်။

         ကောင်းလွန်းတဲ့အပြင် မြန်မာနိုင်ငံရဲ့စံနစ်နဲ့မတူတာတစ်ခုပြောဖို့ကျန်ပါသေးတယ်။ ကားသက်တမ်းတိုးဖို့ က.ည.န (DMV) မှာ ကားသွားတန်းစီစရာမလိုပါဘူး။ ကားမောင်းသွားပြဖို့ လိုကို မလိုတာပါ။ သက်တမ်းမကုန်ခင် (၃) လ အလို အိမ်ကိုစာရောက်လာပါလိမ့်မယ်။ အဲဒီမှာပါတဲ့ အမှုတွဲနံပါတ်နဲ့ အွန်လိုင်းပေါ်ကငွေသွင်းသွင်း၊ အပြန်စာအိတ်ထဲ ချက်လက်မှတ်ထည့်ထည့် ပေးချေရတာလွယ်ကူပါတယ်။ ငွေသားထည့်ပေးလို့မရပါဘူး။ (၁ဝ) ရက်လောက်ကြာတော့ လက်ခံစာရွက်နဲ့နောက်တစ်နှစ်အတွက် ကပ်ခွာ (Label Sticker) ပို့လာပေးရင်ကားနောက်နံပါတ်ပြားပေါ်မှာကပ်ထားလိုက်ရင် သက်တမ်းတိုးတာအကုန်ပြီးသွားပါပြီ။

          ကားအသစ်ဝယ်စီးတဲ့မြန်မာတွေဆိုရိုးစကားထားရှိကြတာက “ကားသစ်ဝယ်စီးရင်ပြန်ရောင်းတဲ့အခါ နည်းနည်းရှူံးချင်ရှူံးမယ် - ဒါပေမယ့် (၅) နှစ်အတွင်းဘာမှလှည့်ကြည့်စရာမလိုဘူး” ဆိုတာပါပဲခင်ဗျား။

          မြန်မာနိုင်ငံသူနိုင်ငံသားအပေါင်း ကားအသစ်များများဝယ်စီးနိုင်ကြပါစေ။

ခင်လျက်

ကိုညီညီ-တောင်ကြီး

06-26-2013