နေရာသစ်မှသင်ယူခြင်း ၅

 အမေရိကားကိုပြောင်းရွှေ့နေထိုင်သူတစ်ယောက်ရဲ့ရုန်းကန်ရပ်တည်မှုနဲ့ကုန်ကျစားရိတ်တွေကို ခံစားမျှဝေချင်ပါတယ်

ဆောင်းပါးရှင် - ကိုညီညီ (တောင်ကြီး)

                    
           နေရာသစ်တစ်ခုကိုရောက်ပြီဆိုတာနဲ့ထိပ်ဆုံးရင်ဆိုင်ရမယ့်စိမ်ခေါ်မှုတွေကတော့ မတူညီတဲ့ဘာသာစကားအခက်အခဲ နဲ့ စားဝတ်နေရေးရပ်တည်မှုတွေပါပဲ။ 

            ကိုယ်နေ့စဉ်ပြောနေကျစကားကိုသူများနားမလည်တာ၊ တစ်ပါးသူပြောတာကိုကိုယ်ကနားလည်ပေမယ့်ချက်ချင်းမတုံ့ပြန်နိုင်တာတွေဟာကြည့်တော့လွယ်မလိုနဲ့တော်တော်ခံစားရခက်ပါတယ်။ အမေရိကားကိုမလာခင်အင်္ဂလိပ်စကားပြောသင်တန်းတွေတက်ခဲ့တုန်းက ဆရာအများစုက  “အင်္ဂလိပ်စာကိုမြန်မာလိုမတွေးနဲ့၊ အင်္ဂလိပ်လိုတွေး” လို့ သင်ပေးတာကိုသတိရမိပါတယ်။ တကယ်ရင်ဆိုင်ရတဲ့အခါ ဘယ်စိတ်ကူးကို မြန်မာလိုတွေး၊ ဘယ်အကြောင်းအရာကိုတော့ အင်္ဂလိပ်လိုစဉ်းစားဖို့အချိန်ဆိုတာက မရနိုင်ခဲ့ဘူး။ ကိုယ်ပြောချင်တာကိုသာ စိတ်ထဲကမြန်မာလိုကြိတ်ပြီးဘာသာပြန်နေမိတာလည်းအကြိမ်ကြိမ်ပါ။ 

          ဒီလိုဘာသာစကားအခက်အခဲတွေကို ဖြေရှင်းဖို့လူမျိုးအထွေထွေပေါင်းစည်းနေထိုင်တဲ့အမေရိကားမှာ ဒုတိယဘာသာစကားပြောသူ (Second Language Speaker) တွေအတွက် လူကြီးကျောင်း (Adult School) ဖွင့်လှစ်သင်ကြားပေးတဲ့အစီအစဉ်တွေရှိပါတယ်။ ကျောင်းချိန်က မနက်ရော၊ ညပိုင်းရော ရှိကြတယ်။ ကျောင်းဝင်ကြေးက ဆန်ဖရန်စစ္စကိုပင်လယ်အော်ဒေသဘက်မှာ (၂၅) ဒေါ်လာပါ။

နေရာသစ်မှသင်ယူခြင်း ၄

အမေရိကားမှာ ကားအာမခံထားရှိရပုံကိုပြောပြချင်ပါတယ်

ဆောင်းပါးရှင် - ကိုညီညီ (တောင်ကြီး)

     

          အမေရိကားမှာကားတစ်စီးပိုင်ဆိုင်ဖို့လွယ်ကူသလောက် ကားအာမခံဝယ်ရတာကလည်းမခက်လှပါဘူး။ အမေရိကန် က.ည.န (DMV) မှာ နာမည်ပြောင်းပြီးရင် အဲဒီကဝန်ထမ်းက  “သင့်ကားမှာ အာမခံရှိပြီးသားလား? မရှိသေးရင် သူတစ်ပါးထိခိုက်မှုအာမခံ (Liablity) အရင်ဝယ်ပြီးမှကားစမောင်းပါလို့” မှာနေကျပါ။ ဒါကလည်း ရောင်းသူ နဲ့ ဝယ်သူ ထိပ်တိုက်နာမည်ပြောင်းတဲ့အခါမျိုးမှာ မဖြစ်မနေလုပ်လေ့ရှိကြပါတယ်။

          ကားအရောင်းကိုယ်စားလှယ် (Auto Dealership) သို့မဟုတ် ဝယ်/ရောင်း နားမှာ ဝယ်ရင် DMV ကို သွားစရာမလိုပါဘူး။ လိုအပ်တဲ့စာရွက်စာတမ်းပြည့်စုံအောင်ဖြည့်၊ ငွေပေးချေ၊ စာချုပ်ချုပ်ပြီးရင်ယာယီမောင်းခွင့်သက်သေခံစာရွက်ကိုထုတ်ပေးပါတယ်။ (၂) ပါတ် ကနေ (၂) လ အတွင်း အိမ်ကို ကိုယ့်နာမယ်ပေါက်ပြီးသား ကားအုံနာဘုတ်လို့ပဲခေါ်ခေါ် Pink Slip လို့ပဲခေါ်ခေါ် Certificate of Title ရောက်လာပါလိမ့်မယ်။ ကားကို Pink Slip မရောက်မချင်း ယာယီစာရွက်ကပ်ပြီးမောင်းလို့ရပါတယ်။ ဒီလိုမောင်းနိုင်ဖို့ ကိုယ့်မှာ မော်တော်ယာဉ်ထိခိုက်မှုအာမခံ (Auto Insurance) ရှိရပါမယ်။ 

နေရာသစ်မှသင်ယူခြင်း ၃

ကားအသစ်ဝယ်တဲ့အကြောင်းအနည်းငယ်ပြောပြလိုပါတယ်။

 ကားအဟောင်းဝယ်မှာလား? အသစ်ဝယ်မှာလား ?

ဆောင်းပါးရှင် - ကိုညီညီ (တောင်ကြီး)

          သုံးပြီးသား Used ကားတွေပြန်ရောင်းတာအမေရိကားမှာအများကြီးပါ။ ကားကိုယ်စားလှယ်ရုံး (Dealership) တွေက ကားအသစ်တွေတိုက်ရိုက်ရောင်းသလိုကားအဟောင်းတွေကိုလည်းဝယ်ရောင်းလုပ်ပါတယ်။ ကိုယ်စီးနေတဲ့ကားကိုလဲပြီးကားအသစ်ဝယ်ချင်ရင် ဒီလာ ဆီမှာကိုယ်လိုချင်တဲ့ကားလက်ညှိုးထိုးပြီးကားအဟောင်းကိုလက်ငင်းချငွေသား (Down Payment) အဖြစ်ထားခဲ့လိုက်ရုံပါ။ တစ်ခုရှိတာက အဲဒီလိုမျိုးကိုယ့်ကားအဟောင်းကို ဒီလာ မှာရောင်းခဲ့ရတာဈေးနည်းနေတတ်ပါတယ်။ 

          ဒါပေမယ့် အဆင်ပြေတာကတစ်ကြောင်း၊ ကားအဟောင်းရောင်းထွက်ဖို့အခက်အခဲရှိမှာကတစ်ကြောင်း ဝယ်သူကထိုးအပ်ခဲ့တာများပါတယ်။ စာရွက်စာတမ်းစစ်ဆေး - စာချုပ်မှာလက်မှတ်ထိုး - ငွေပေးချေပြီး ကားအသစ်ကလေးမောင်းပြန်လာရုံဆိုတော့ အချိန်ကုန်သက်သာ လူပင်ပန်းမှုမရှိတာကြောင့် လူတော်တော်များများဒီလိုပဲလုပ်ကြပါတယ်။ အဓိကစစ်ဆေးရမှာက အာမခံ (Warranty) မှာဘာတွေအကျုံးဝင်သလဲဆိုတာကိုပါ။ 

နေရာသစ်မှသင်ယူခြင်း ၂

မြန်မာနိုင်ငံနဲ့မတူတဲ့အမေရိကားလမ်းစည်းကမ်းတွေထဲကတစ်ခုကိုပြောပြချင်ပါတယ် ။

  ကားပူးလမ်း (Carpool Lane)

        အဝေးပြေးလမ်းမကြီး (Freeway) တွေဟာများသောအားဖြင့်အနည်းဆုံး တစ်နာရီ (၆၅) မိုင်နှုန်းမောင်းရမှာပါ။ (Highway) ဆိုတာတစ်မြို့နဲ့တစ်မြို့ကြားအမြန်မောင်းလို့ရတဲ့လမ်းတွေကိုခေါ်ပါတယ်။ ဖရီးဝေးလမ်းတွေမှာငွေကောက်ခံတဲ့ (Toll Gate) တွေမရှိပါ။ သတ်မှတ်ထားတဲ့ (၆၅) မိုင်ထက် (၅) မိုင်လောက်ပိုမောင်းရင် ရဲကမဖမ်းလိုပါဘူး။

          အနှေးမောင်းချင်ရင် ဒါမှမဟုတ် ဖရီးဝေးကနေ ထွက် (Exit) ချင်ရင်ညာဘက်ကပ်လျက်လမ်းကို  (Lane Change) ပြောင်းသွားရပါမယ်။ ယျေဘုယျအားဖြင့် ညာဘက်ကပ်လေလေနှေးလေလေပါ။ ကားတွေကို ဘယ်ဘက်ကနေကျော်တက်ကြရတယ်ဆိုတာတော့ အားလုံးသိပြီးသားအတိုင်းပါပဲ။

        ကားမကြပ်ဖို့၊ လမ်းပေါ်ရှိကားအရေအတွက်လျှော့ချဖို့၊ ဓါတ်ဆီသက်သာဖို့တင်မကလေထုထဲကိုကာဗွန်ထုတ်လွှတ်မှုသက်သာဖို့ရည်ရွယ်ပြီးတော့ လူ (၂) ယောက်၊ လူ (၂) ယောက်ထက်ပိုတဲ့ကားတွေသီးသန့်အမြန်မောင်းနိုင်ဖို့ ဖရီးဝေး နဲ့ ဟိုင်းဝေးလမ်းတွေရဲ့ဘယ်ဘက်အစွန်ဆုံးလမ်းကို (HOV-High Occupancy Vehicle) လမ်းဆိုပြီးသတ်မှတ်ထားပါတယ်။ ဆိုင်းဘုတ်သင်္ကေတပေါ်မှာ ဒိုင်းမွန်း (စနွင်းမကင်း အတည့်ပုံ) နဲ့ ပြပါတယ်။ လူသိပိုများတဲ့အခေါ်ကတော့ ကားပူးလမ်း (Carpool Lane) ပါ။ မော်တော်ဆိုင်ကယ်၊ ဘတ်စ်ကား၊ ခရီးသည်တင်လေအိတ်ကားတွေကတော့ ကားပူးလမ်းပေါ်အချိန်မရွေးတက်မောင်းလို့ရပါတယ်။

          အင်မတန်အဆင်ပြေတာတစ်ခုကကားလမ်းပိတ်နေတဲ့ အချိန်၊ ကိုယ့်ကားပေါ်မှာလည်းဘေးမှာအဖေါ်တစ်ယောက်ပါတယ်ဆိုရင် ကားတွေအားလုံးကိုကားပူးလမ်းကကျော်တက်သွားရတာအရသာအရှိဆုံးပါပဲ။ ဒီနိုင်ငံရောက်မြန်မာတွေအများစုလုပ်ငန်းခွင်တူရင်ကားပူးစီးကြပါတယ်။ အသွား အပြန် (၅) ဒေါ်လာ နဲ့ (၁ဝ) ဒေါ်လာကြားပေးပြီးစီးသူတွေရှိသလို သူ့ကားတစ်လှည့် ကိုယ်ကားတစ်လှည့်မောင်းတာတွေလဲရှိပါတယ်။

          ရဲကားရှိမရှိချောင်းကြည့်ပြီးကားပူးလမ်းတက်မောင်း - ပိတ်နေတဲ့ကားတွေကိုကျော် - ပြီးရင်ညာဘက်လမ်းထဲပြန်ဝင်တဲ့ကားတွေကိုလည်းတွေ့ဖူးပါတယ်။ လူတော်တော်များများကအရေးကြီးနေကြတာမို့လို့ ကားပူးလမ်းကိုခိုးမောင်းတဲ့သူကမောင်း၊ ရဲကားက ခဏခဏဖမ်း နဲ့ လျင်သလိုလုပ်နေကြတာပါပဲ။ မနက် (၆) နာရီ ကနေ (၁ဝ) နာရီ - ညနေ (၃) နာရီ ကနေ (၇) နာရီကြားကာလတွေမှာမောင်းသူတစ်ယောက်တည်းပါတဲ့ကားက ကားပူးလမ်းကို တက်မောင်းလို့ရဲဖမ်းမိသွားရင် အနည်းဆုံးဒဏ်ငွေ (၄၉၁) ဒေါ်လာဆောင်ရပါလိမ့်မယ် (၂ဝ၁၃ အခြေအနေ)။

       

        ဒါကြောင့် ကားကြပ်တဲ့ဒဏ်ကိုရှောင်နိုင်ဖို့ နဲ့ မတော်တဆထိခိုက်မှုမရှိစေဖို့ အလုပ်သွားတဲ့အချိန်ကို အိမ်ကစောစောထွက်တာကတော့အကောင်းဆုံးပါခင်ဗျား။

      

ခင်လျက်

ကိုညီညီ (တောင်ကြီး)

06-26-2013

နေရာသစ်မှသင်ယူခြင်း ၁

    

ဆောင်းပါးရှင် - ကိုညီညီ (တောင်ကြီး)

       အမေရိကားကိုဘယ်လိုသွားရသလဲဆိုတာကိုမပြောပြခင် အိမ်ကိုလွမ်းနေတာမို့ ဒီကနေအမိမြန်မာပြည်ကိုဘယ်လိုပြန်ရသလဲဆိုတာကိုအရင်ပြောပြချင်ပါတယ်။ ဆန်ဖရန်စစ္စကိုမြို့ကနေ ရန်ကုန်ကိုပျံသန်းတာအဓိကလေကြောင်းလိုင်း (၂) လိုင်း ရှိပါတယ်။ China Airline နဲ့ Singapore Airline တို့ပါ။ Korean Air က  မြန်မာပြည်ကို (၂ဝ၁၂) အောက်တိုဘာလမှ စဆွဲတာ ။ (၂ဝ၁၂) မတ်လ မှာ ကျွန်တော်ပြန်ဖြစ်ဖို့ အကြောင်းပေါ်လာလို့ အလုပ်ကိုခွင့်တင်တာကြိုမတင်လို့ဆိုပြီးရက်အနည်းငယ်စောင့်ရပါတယ်။ ရလည်းရရော ချက်ချင်းကြီးပြန်မယ်ဆိုပြီး ဒီနိုင်ငံကခေါ်တဲ့အစ်မအလုပ်လုပ်ရာ သူမရဲ့ရုံးခန်းထဲကကွန်ပျူတာရှေ့မှာလက်မှတ်ဝယ်ဖို့  နှစ်ယောက်သား (Shop Around) စ လုပ်ပါတယ်။

         ကြည့်လိုက်တော့ China Airline က (၁၄၃၂) ဒေါ်လာ ဖြစ်နေပြီး Singapore Airline က (၁၁၇၂) ဒေါ်လာပါ။ တစ်ခုခက်တာက China Airline က ထိုင်ဝမ်မှာ လေယာဉ်ချိန်း (Transit) တစ်ခါပဲလုပ်ရမှာဖြစ်ပြီးတော့ စောင့်စားချိန် (၁) နာရီပဲကြာမှာလေ။ Singapore Airline က ဆန်ဖရန်စစ္စကိုကနေ ဆိုးလ် မှာ ရပ် - (၂) နာရီစောင့် - စင်ကာပူကိုသွား . . စင်ကာပူလေဆိပ်မှာ ရန်ကုန်လေယာဉ်ကို (၇) နာရီထပ်စောင့်ရမယ်။ မထူးဘူး စောင့်ရလဲစောင့်မယ် . .  ဈေးသက်သာရင်ပြီးရောဆိုပြီးဝယ်လိုက်တယ်။ အသွား နာရီ (၃ဝ) - အပြန် (၂၄) နာရီ နဲ့ပေါ့။ အခမဲ့သယ်ခွင့်ကယ်ရီက ပေါင် (၅ဝ) ပါကင် (၂) ထုတ် နဲ့ လက်ဆွဲက (၁၅) ပေါင်။