စိမ်းစိမ်းရွှင်ရွင် ပြုံးပြုံးလွင်လွင်

ဆောင်းပါးရှင် - ကိုညီညီ (တောင်ကြီး)

. ကမ္ဘာပေါ်မှာခရီးသွားလုပ်ငန်းနဲ့နယ်မြေဒေသရဲ့ဖွံ့ဖြိုးမှုတော်တော်များများကိုထောက်ပံ့ပေးထားနိုင်တဲ့ နာမယ်ကြီး ဆန်ဖရန်စစ္စကိုမြို့မှာ တရားဝင်ဆေးခြောက်နွယ် - Cannabis ရောင်းချခွင့်ရထားတဲ့ Licensed Retail Dispensaries (၂၈) ဆိုင် ရှိတယ်ဆိုတာ ဆန်ဖရန်မီဒီယာအင်တာနက်ပေါ်မှာ ဖတ်ရပါတယ်။
.
. အရပ်အခေါ် Smoke Shop လို့သုံးနှုန်းကြတဲ့ ရှူရှိုက်ရန်အဆင်သင့်ပစ္စည်းအစုံရောင်းတဲ့ဆိုင်တွေ တရားဝင်ခွင့်ပြုပေးထားတာမဆန်းပေမယ့် ဆန်ဖရန်ရဲ့မြို့ထဲမှာ၊ ဆန်ဖရန်ရဲ့စက်မှုဇုံမှာ ဆေးခြောက်စိုက်ခင်း (၁၈) ခု ကို တရားဝင်ခွင့်ပြုပေးထားတယ်ဆိုတဲ့ထုတ်ပြန်ချက်ဟာ မှင်သက်စရာဖြစ်ခဲ့တယ်။
.
.
. Proposition 64 လို့ လူသိများတဲ့ ကယ်လီဖိုးနီးယားပြည်နယ်အပါအဝင် ပြည်နယ်အချို့အတွင်း ဆေးခြောက်ကို တရားဝင် စိုက်ပျိုး၊ သုံးစွဲခွင့်ပြုခဲ့တဲ့ အတည်ပြုပုဒ်မ(၆၄) ကျေးဇူးကြောင့် အမေရိကန်နိုင်ငံရဲ့ ဆေးဘက်ဝင်လို့ကြွေးကြော်ခဲ့တဲ့ Cannabis Industry ဟာ ဝင်ငွေ ဒေါ်လာ သန်း (၅၄ဝဝ) ကနေ သန်း (၆၇ဝဝ) ရှိခဲ့လို့ (၂၅%) တိုးတက်ခဲ့တယ်။
.
. ပြည်နယ်အစိုးရကို တရားဝင်စာရင်းမတင်ထားတဲ့ တစ်နိုင်တစ်ပိုင်လုပ်ငန်းရှင်တွေဟာ စက်မှုဇုံနယ်မြေအတွင်းမှာ အလုံပိတ်ဂိုဒေါင်ကြီးတွေငှားရမ်းပြီး ဆေးခြောက်ကိုစိုက်ပျိုးခဲ့တာတွေဟာ အခုမှ လူသိသူသိဖြစ်လာကြတာပါ။
.
.
. ပတ်ဝန်းကျင်ကကြည့်ရင် သာမန်ကုန်သိုလှောင်တဲ့ဂိုဒေါင် - Warehouse သာ ဖြစ်လို့ ဘယ်သူမှလည်း မသိကြသလို ဘယ်သူကမှလည်း တိုင်တန်းတာမရှိကြပါဘူး။ ဒါပေမယ့် တရားဝင်သာဖြစ်ပါစေ . . ဥပဒေအသစ်ကိုကျွမ်းကျင်နိုင်သမျှလက်စွမ်းပြကြတဲ့ရှေ့နေများဟာလည်း မသင်္ကာလို့ရဲဝင်စစ်ရင် လုပ်ငန်းလုပ်ပိုင်ခွင့်/စိုက်ပျိုးခွင့်လက်မှတ်တွေနဲ့ အမှုလိုက်ဖို့/ကာကွယ်ဖို့ အဆင်သင့်ဖြစ်နေကြပါတယ်။

သွးကြောပိတ်တာတွေကို ကုသပေးမယ့် Penumbra System

ဆောင်းပါးရှင် - ကိုညီညီ ( တောင်ကြီး )

.

လူတစ်ကိုယ်ရောဂါတစ်မျိုးလို့ပြောရအောင် အခုခေတ်မှာ အမျိုးအစားစုံရောဂါတွေကြောင့် လူတွေစိတ်ညစ်ကြရတယ်။ ငယ်တုန်းကရှာခဲ့သမျှ အိုကြီးအိုမအရွယ်ကျမှ မရှောင်လွဲနိုင်တဲ့ရောဂါဝေဒနာပျောက်ကင်းဖို့ သုံးစွဲရတဲ့အခါ အခက်အခဲတွေရှိကြတယ်။

.

ဘယ်လောက်ပင်များစေကာမူ လူများစုဖြစ်ပွားကြတဲ့သွေးကြောပိတ်ရောဂါကို လေ့လာကြည့်မိတယ်။ သွေး ဆိုတာ သွေးပြန်ကြော၊ သွေးလွှတ်ကြော၊ ပင်မသွေးကြော စတာတွေမက သေးသွယ်နုတ်စင်းတဲ့သွေးကြောတွေမှာ အပိတ်အဆို့အတားအဆီးမရှိ စီးဆင်းနိုင်ပါမှ လူ့ခန္ဓာ၊ တိရိစ္ဆာန်ခန္ဓာ နဲ့ သက်ရှိသတ္တဝါတို့အားလုံး ကျန်းမာစွာနေထိုင်နိုင်ပါလိမ့်မယ်။

.

.

လူကဝဖိုင့်နေလို့ အဆီတွေများရင် နှလုံးသွေးကြောပေါက်တယ်၊ ဦးနှောက်သွေးကြောပြတ်တယ်၊ သွေးခဲသွားတယ် ဆိုပြီး မိတ်ဆွေအပေါင်းအသင်းတွေရဲ့ ကျန်းမာရေးမကောင်းတဲ့သတင်းတွေ မကြာခဏကြားရပါတယ်။

.

ခဏလောက်ကုလိုက်တယ်၊ ပြန်ကောင်းသွားတယ်၊ ဆေးဆက်သောက်နေတယ်၊ နိုင်ငံခြားသွားကုနေတယ် စသဖြင့် စုံအောင်ကြားနေရတဲ့အထဲက ခဲသွားတဲ့သွေးကြောထဲက ပိတ်နေတဲ့သွေးခဲ - Clot ကို ထုတ်ပေးနေရာမှာ နာမယ်ရလာတဲ့ကုမ္ပဏီနဲ့သူ့ထုတ်ကုန်တွေအကြောင်း အနည်းငယ်ပြောပြချင်ပါတယ်။

ဆရာဝန် ( ၂ ) ဦးကိုပြောပြချင်ပါသည်။ အပိုင်း ( ၂ )

ဆောင်းပါးရှင် - ကိုညီညီ ( တောင်ကြီး )

.

.

နောက်တစ်ဦးပြောလာတဲ့ဆရာဝန်လေးက အသက် ( ၂၆ ) နှစ်ခန့်ရှိတဲ့ သွားနှင့်ခံတွင်းဆိုင်ရာဆရာဝန် ဖြစ်ပါတယ်။ ကိုယ်ပိုင်ဆေးခန်းနဲ့ ပုံမှန်ထက်မြင့်တဲ့ဝင်ငွေရှိသူဖြစ်ပြီး လူမှုရေးဝင်ဆန့်သူလို့ မှန်းဆရပါတယ်။ ပေါင်းသင်းဆက်ဆံရေးမှာ အထူးကောင်းမွန်သလို အလွှာစုံပေါင်းသင်းတတ်သူတစ်ယောက်လို့ ကျွန်တော်သိနေသလို ခံစားရပါတယ်။ အစိုးရဝန်ထမ်းအလုပ်ကို မခုံမင်သလို ဘဝတူသူငယ်ချင်းတွေကတော့ အမေရိကန်ထီပေါက်ပြီး DV ပြည်ဝင်ခွင့်နဲ့ အမေရိကန်မှာ ဆေးကျောင်းဆက်ဖတ်နေသူတွေရှိတယ်ဆိုတာ သူ့စာအရ သိရတယ်။

.

တစ်လောက ကျွန်တော်ရေးတဲ့ “ မြန်မာနိုင်ငံကဝင်ငွေနဲ့တွက်ချက်လာဖို့လိုတယ် သူငယ်ချင်း ” ဆောင်းပါးကိုဖတ်ပြီး သွားဆရာဝန်လေးက တွေဝေသွားပါသတဲ့..။ သူတစ်ယောက်ထဲ နယ်ကိုမပြန်ပဲ ရန်ကုန်မှာ သမာအာဇီဝ ဆေးကုစားတာ ( ၈ ) သိန်း နဲ့ ( ၁ဝ ) သိန်းကြားရတယ်ဆိုတော့ ဒီဝင်ငွေကိုစွန့်ပြီး နိုင်ငံခြားပဲသွားရမလား? လက်ရှိအမိမြေမှာ လူနာကြည့်ပြီး တင်းတိမ်နေရမလားဆိုတဲ့ အတွေးများစွာဖြစ်ပေါ်စေပါတယ်လို့ ပြောလာပါတယ်။ ကျွန်တော့ဆောင်းပါးထဲမှာ အရင် ကျွန်တော်မလာခင် အစ်မတစ်ယောက်က မြန်မာနိုင်ငံမှာ ဝင်ငွေ သိန်း ( ၂ဝ ) ရှိရင် အမေရိကားမလာနဲ့လို့ပြောထားတာ ရှိနေတာကိုး။

.

.

အဲဒီဆောင်းပါးထဲမှာရှင်းပြပြီးသားဖြစ်လို့ အကျယ်တဝင့်မပြောလိုတော့ပါ။ ချင့်ချိန်ပြထားတဲ့ Graph တစ်ခုက လူတိုင်းနဲ့ကိုက်ညီဖို့ အမှန်တကယ်မလွယ်ကူတာသိသိကြီးနဲ့ စေတနာအလျောက် တင်ပြထားခြင်းသာဖြစ်ပါတယ်။ အခု သွားဆရာဝန်လေးပြောတဲ့ သူ့တစ်လဝင်ငွေက မြန်မာနိုင်ငံမှာ တစ်ယောက်ထဲပိုက်ဆံရှာပြီး တစ်အိမ်ထောင်စုလုံးဝိုင်းစားသောက်နိုင်ပေမယ့် အမေရိကားမှာ အိမ်ငှားခတောင်ပေးလို့မလောက်သေးပါဘူး။ စားဖို့၊ ဝတ်ဖို့၊ သွားဖို့ လာဖို့လိုအပ်ချက်တွေဖြည့်ဆည်းရဦးမယ်လေ။

.

နောက်တစ်ခု သူ့အပြောအရ သူ့မိသားစုနဲ့အတူ မြေအရောင်းအဝယ်လုပ်တယ်လို့ သိရတယ်။ ဘာလိုင်စင်မှမလို၊ ဘယ်လိုကျွမ်းကျင်မှုမှမလို၊ နာမည်မဖောက်၊ အခွန်တိတိကျကျမဆောင်ပဲ မြေ ဝယ်/ရောင်း ဆိုတာ မြန်မာနိုင်ငံမှာပဲ အဆင်ပြေပါလိမ့်မယ်။ ငွေဖောင်းပွလွယ်သလောက် ငွေကိုငွေနဲ့ရင်းပြီး တိုးရင်းစားလိုက်နိုင်တဲ့ထဲမှာ အမေရိကားမပါတာ သိထားသင့်ပါတယ်။ ရောက်တာကြာပြီးအခြေကျနေသူ ကုန်သည်တွေ၊ ကုမ္ပဏီပိုင်ရှင်တွေ၊ ကိုယ်ပိုင်လုပ်ငန်းရှင်တွေ အမေရိကားမှာ ကိုယ်ပိုင်လုပ်ငန်းမလုပ်သာပဲ ဝန်ထမ်းဘဝနဲ့ နှစ်သိမ့်နေရတာနဲ့တင် ဒီအချက်ကို သက်သေခံနိုင်ပါတယ်။

ဆရာဝန်( ၂ ) ဦးကိုပြောပြချင်ပါသည်။ အပိုင်း ( ၁ )

ဆောင်းပါးရှင် - ကိုညီညီ ( တောင်ကြီး )

.

.

ကျွန်တော့ကိုမေးခွန်းတွေမေးလာသူတွေထဲမှာ လူငယ်ဆရာဝန် ( ၂ ) ဦးလည်း ပါဝင်ပါတယ်။ ပထမတစ်ဦးကတော့ တပ်မတော်ဆေးတက္ကသိုလ်မှာ ကျောင်းပြီးခါနီးလို့ မိတ်ဆက်လာပြီး သူ့ဘဝကို သူမကျေနိုင် မခဲနိုင် ခရီးဆက်နေရသူတစ်ဦးဆိုတာ သူ့ရဲ့မိတ်ဆက်စာအရ သိရတယ်။ အသက်အားဖြင့် ( ၂၂ ) နှစ်ခန့်အရွယ် နဲ့ ( ၂ဝ၁၆ ) ဒီဇင်ဘာလောက်ဆိုရင် ကျောင်းပြီးပြီးလို့ ပြောပြတယ်။

.

စစ်တပ်ဆရာဝန်လောင်းလေးဟာ တက်နေရတဲ့ ဆေးတက္ကသိုလ်ကို စိတ်မဝင်စားပဲ စီးပွားရေးကိုပဲ စိတ်ဝင်စားပါတယ်။ ဒါကြောင့် နိုင်ငံခြားသွားဖို့လိုက်စုံစမ်းရင်း “ မြန်မာနိုင်ငံပြန်ချင်သူများ နှင့် နိုင်ငံခြားသွားချင်သူများစကားဝိုင်း ” ကို တွေ့မိတယ်လို့ရင်ဖွင့်လာပါတယ်။

.

သူ့ရင်ထဲမှာ ပွင့်ထွက်လို့မရတဲ့ခံစားချက်တွေ ကြိတ်ခဲမရဖြစ်နေရတာကို ဒီစာသားလေးတွေက သက်သေခံနေပါတယ် ...“ အဲဒါကြောင့် နိုင်ငံခြားသွားချင်လို့ လိုက်စုံစမ်းနေတာ ”
.
“ ညီ စဉ်းစားထားတာက ငယ်တုန်းမှာ နိုင်ငံခြားသွားပြီး ပိုက်ဆံတွေအများကြီးရှာချင်တယ်။ ပြီးရင် မြန်မာနိုင်ငံမှာ ပဲ ကိုယ်ပိုင်စီးပွားရေးလုပ်ချင်တာ ”
.
“ ညီက ဘာမှ မသိဘူး အစ်ကိုရညီက ဆေးပညာအကြောင်းပဲသိတာ စစ်တပ်အကြောင်းတောင်စိတ်မဝင်စားဘူးမုန်းတယ် "
.
အခု စစ်တပ်ထဲက လူတွေက ရိုင်းတယ်။အချင်းချင်းတောင် အကျင့်ယုတ်တယ်။ ညီက ဒဏ်ခံရလို့မဟုတ်ဘူး။ ညီကျောင်းဆင်းပြီး ဆရာဝန်ဖြစ်ရင်လည်း လစာလေး ၂၅ဝဝဝဝ လောက်နဲ့ ချောင်ထိုးခံရမှာ မလိုလားဘူး အစ်ကိုရာ ”
.

“ လစာ နှစ်သိန်းခွဲက ဘာလုပ်လုပ်ရနေတာကို မတန်လို့ မလုပ်ချင်တာ။ ကျွန်တော်က ရည်မှန်းချက်ကြီးတယ်။ ကျွန်တော် မတင်းတိမ်နိုင်ဘူး။ ညီ နိုင်ငံခြားသွားမယ်ဆိုရင် ဘယ်ကိုသွားသင့်လဲ။ ဘာလုပ်သင့်လဲ။ ဒီက ဘာတွေပြင်ဆင်ထားသင့်လဲ။ ဘယ်လိုကြိုးစားသင့်တယ်ဆိုတာ လမ်းညွှန်ပေးပါဦးဗျာ ” စတဲ့ ဘယ်သူ့ကိုမှ မထိခိုက်လိုတဲ့ သူ့ရင်တွင်းဖြစ်ဝေဒနာလေးတွေကို ကြေငြာလာပါတယ်။

ဆေးခြောက်ကို ဒီနေရာတွေမှာ သုံးပါလား - အပိုင်း ( ၂ )

ဆောင်းပါးရှင် - ကိုညီညီ ( တောင်ကြီး )

.

.

သဘာဝအပင်တွေဖြစ်တဲ့ အချို့သော ဇီဝပရဆေးနွယ်ပင်တွေဟာ ကမ္ဘာမြေကြီး ဘယ်နေရာ၊ ဘယ်ဒေသ၊ ဘယ်မြေကြီးပေါ်မှာမှ ရှင်သန်ကြီးထွားမယ်ဆိုတဲ့ အလေ့မရှိပါဘူး။ တစ်ဆက်တည်းမှာပဲ ဒီအပင်တွေကို ဘယ်သူ့ကိုတော့ အကျိုးပြုစေ၊ ဘယ်သူ့ကိုတော့ မူးယစ်စေဆိုတဲ့ ကွဲပြားအသုံးတော်ခံမှုမျိုးလည်း မရှိခဲ့ပါဘူး။ သုံးစွဲသူပေါ်မူတည်ပြီး အကျိုး၊ အပြစ် လမ်းနှစ်မွှာ ခြားနားခဲ့ရပါတယ်။ ဆေးခြောက်ရဲ့ကောင်းမှုတွေကို ဆက်ပြောရရင် ..

.

.

အဓိကဒြပ်ပေါင်းဖြစ်တဲ့ CBD – Cannabidiol ဓါတ်ဟာ ရင်သားကင်ဆာ နဲ့ ကင်ဆာတစ်ချို့မှာ မျိုးပွားကင်ဆာဆဲဖြစ်တဲ့ Id-1 ကို ရပ်တန့်ပေးနိုင်ပါတယ်။ CBD ဟာ ကင်ဆာရောဂါကနေ ကင်ဆာဆဲလ်မဟုတ်တဲ့ သာမန်တစ်ရှူးတွေကို ထုတ်လုပ်ပေးဖို့ ခန္ဓာကိုယ်ကို အကူအညီပေးပါတယ်။ သုတေသီများ နဲ့ ဆေးပညာရှင်များဟာ Id-1 အဆင့်ရောက်နေတဲ့ ရင်သားကင်ဆာဆဲလ်ကို CBD ဓါတ်နဲ့ ကုစွမ်းနိုင်တာကို ဖော်ထုတ်နိုင်ခဲ့တယ်။ ဒီ့နောက်မှာ ပို၍နည်းပါးသော ကင်ဆာဆဲလ်များကို ထိန်းထားနိုင်ခြင်းဖြင့် ဆဲလ်ပြန့်ပွားမှုကို ဟန့်တားနိုင်ပါတယ်။

.

.

ဆေးခြောက်ဟာ စိုးရိမ်ကြောင့်ကြခြင်းကို လျှော့ချပေးနိုင်ပါတယ်။ ဆေးခြောက်ကုထုံးကို လက်ခံနေသူတစ်ဦးအဖို့ အနာရောဂါသက်သာစေပြီး အော်ဂလီဆန်ခြင်းကိုလည်း လျော့ပါးစေတယ်။ အထူးသဖြင့် လူနာရှင်အတွက် ဆေးဝါးသုံးစွဲပြီးထွက်ပေါ်လာတဲ့ ဘေးထွက်ဆိုးကျိုးကို ကာကွယ်တဲ့နေရာမှာ ဆေးခြောက်ဟာ လက်နက်ကောင်းတစ်ခုပါ။ ( ၂ဝ၁ဝ ) တုန်းက ဟားဗတ်ဆေးတက္ကသိုလ်ရဲ့ သုတေသနစာတမ်းတစ်ခုမှာ ဆေးခြောက်ကုထုံးဟာ စိတ်ကစဉ့်ကလျားဖြစ်မှုကို လျှော့ချပေးတယ်၊ အဲဒီကနေ စီးကရက်သောက်သုံးသူတွေရဲ့ စိတ်ခံစားမှုကိုသက်သာစေပြီး နည်းနည်းသုံးလေ များများကောင်းလေလို့ ဆိုပါတယ်။ အများကြီးသုံးမိတာနဲ့ စိုးရိမ်ကြောင့်ကြမှုထိုးတက်သွားနိုင်ပြီး ဆေးလွန်သွားတဲ့အခါ ကြောင်တောင်ကန်းဖြစ်သွားနိုင်တာကတော့ အထူးသတိထားစရာပါ။

ဆေးခြောက်ကို ဒီနေရာတွေမှာ သုံးပါလား - အပိုင်း ( ၁ )

ဆောင်းပါးရှင် - ကိုညီညီ ( တောင်ကြီး )

.

.

အမေရိကန်အစိုးရမှာ ဝန်ကြီးဋ္ဌာနတစ်ခုရှိတယ်။ သူတို့ကိုယ်တိုင်က အဓိက အဆင့်အတန်း ( ၅ ) မျိုး ကိုပဲ ကိုင်တွယ်တယ်။ အန္တရာယ်အသက်သာဆုံးနေရာ နဲ့ နောက်ဆုံးကနေပြန်ပြောရင်

.

အဆင့် ( ၅ ) – Schedule V မှာ ချောင်းဆိုးပျောက်ဆေးတွေ ပါဝင်တယ်။

.

အဆင့် ( ၄ ) – Schedule IV မှာ ကျတော့ အကိုက်အခဲပျောက်ဆေးအုပ်စုထဲက ဒါဗိုဆက် အုပ်စုဝင်ဆေးတွေက နှလုံးကိုဖမ်းဆုတ်ယူပြီး နောက်တော့ အသက်ပါခြွေယူကြတယ်။

.

အဆင့် ( ၃ ) – Schedule III မှာ က အကိုက်အခဲပျောက်ဆေးအမည်ခံပြီး စိတ်ဝေဒနာရှင်တွေသောက်တဲ့ဆေးအဆင့်မျိုး ဖြစ်သွားပြီ။

.

အဆင့် ( ၂ ) – Schedule II မှာ က ပိုစုံတယ်။ မက်တာဖက်တာမင်း၊ မက်တာဒုန်း၊ ဟိုက်ဒရိုမော်ဖင်း၊ အောက်စီကိုဒုန်း၊ ဖန်တနိုင်းလ် တို့လိုမျိုး ဆေးစပ်ပေးသူတွေသာ နားလည်တဲ့ ဒြပ်ပေါင်းနာမည်မျိုးနဲ့ လူငယ်တွေကြားမှာ နာမည်ဝှက်အမျိုးမျိုးသုံးကာ မိန်းကလေးငယ်တွေပါမကျန် အကုန်သိမ်းသွင်းပြီး ဇရာကုန်ကူးသွားတဲ့ ခပ်ကြမ်းကြမ်းအုပ်စု ဖြစ်ပါတယ်။

.

အဆင့် ( ၁ ) - Schedule I မှာ နှစ်ပေါင်းများစွာ ဗိုလ်ဆွဲတာကတော့ ကမ္ဘာကိုတရုတ်လူမျိုးတွေ မြည်းစမ်းပေးခဲ့တဲ့ ဟီးရိုးအင်း ( ခေါ် ) ဘိန်းဖြူ နဲ့ ဆေးဘက်နွယ်သုံးပန်လှ - Cannabis အုပ်စုဝင် မာရီဝါးနား - ဆေးခြောက်များပဲ ဖြစ်ပါတယ်။

.

.

အဆစ်ပါလာတာတွေကတော့ LSD ရယ် အက်တက်စီ စတဲ့ နောက်ဆုံးပေါ်ဆေးတွေပါ။ အဲဒီဝန်ကြီးဋ္ဌာနကို DEA – Drug Enforcement Admissions လို့ခေါ်ပါတယ်။ ဟုတ်ပါတယ် .. မြန်မာ့ရှေးပဝေသဏီအိမ်နီးနားချင်းက မိတ်ဆက်ပေးလို့ အခုထိစစ်ပွဲဖြစ်လို့မပြီးသေးတဲ့ ဘိန်း ပြီးရင် ဆေးခြောက်က အဆင့်အမြင့်ဆုံး နဲ့ အန္တရာယ်အပေးဆုံးထဲမှာ ပါနေတာ သတိပြုသင့်ပါတယ်။

.

 ထပ်ပြီး သတိပြုရမယ့်အရာကတော့ ဒီပစ္စည်းတွေအားလုံးဟာ စိတ်ကိုပြောင်းလဲစေတတ်တဲ့အရာ - Psychoactive Substance ဖြစ်ရုံတင်သာမက ရာဇဝတ်မှု နဲ့ မှုခင်းဆိုင်ရာကျူးလွန်မှုတွေကိုဖိတ်ခေါ်နေတဲ့ ဆေးဖက်ဆိုင်ရာအတည်ပြုချက်မရနိုင်တဲ့ ဆေးအမျိုးအစားများဖြစ်တယ်ဆိုတာပါပဲ။

လမ်းဘေးကနေခေါင်းထောင်လာတဲ့ မူးယစ်ဆေးဝါးအသစ် Flakka

ဆောင်းပါးရှင် - ကိုညီညီ ( တောင်ကြီး )

.

.

ပီးပေါ် … ပီးပေါ် … ပီးပေါ် ……!

--- စိတ်ဝေဒနာရှင်တစ်ယောက်ဟာ အကျီင်္တွေ ဆုတ်ဖြဲပစ်နေတယ်။ လမ်းမပေါ်ပြေးထွက်လာတော့ ကိုယ်ပေါ်မှာ ဘာအဝတ်အစားမှ မကျန်တော့ဘူး။ လူတစ်ကိုယ်လုံးကလည်း လှုပ်ရမ်းလို့။ ဘီလူးစီးထားသလို သင်္ကြန်ယိမ်းလိုလို ခုန်ပေါက်ပြေးလွှားပြီး သူ့နောက်ကို လူအုပ်ကြီးကလိုက်နေတယ်လို့ အော်နေတယ်။

--- အရေးပေါ် - Pediatric Ambulance Transport ကားပေါ်မှာပါတဲ့  အသက်ငင်နေတဲ့ လူနာတစ်ယောက်ပါလာတယ်။ တစ်ယောက်ကမောင်းနေတုန်း နောက် ယောင်္ကျားသူနာပြုတစ်ယောက်က လူနာကို အဖျားတိုင်းတယ်။ သူ့နဖူးပေါ်မှာ ( ၁ဝ၅ံ)

--- စိတ်ကစဉ့်ကလျားဖြစ်နေသူတစ်ယောက်ဟာ သွပ်နန်းကြိုးခြံစည်းရိုးပေါ်ကျော်တက်ရင်း အချွန်တစ်ခုနဲ့ ငြိနေတယ်။ ရဲတွေရောက်လာလို့ ဖြုတ်ချအပြီးမှာ ထွက်ပြေးလို့ ပြန်လိုက်ဖမ်းနေတယ်။ လူ ( ၄ ) ယောက်အားလောက်အထိ သန်မာကြမ်းတမ်းနေသူကို ရဲ ( ၅ ) ယောက်က မနည်းကြီး မိအောင်ချုပ်ထားရတယ်။

--- တီဗွီမှာ သတင်းလာနေတယ်။ “ ( ၂ဝ၁ဝ ) မှာ ကျွန်မတို့ကို ဒီလိုတိုင်ကြားမှုမျိုး တစ်ခုမှ မရှိခဲ့ဘူး။ ( ၂ဝ ၁၂ ) ခုနှစ်မှာ ( ၈၅ ) မှု ရှိခဲ့တယ်။ ( ၂ဝ၁၄ ) မှာ တိုင်ကြားမှု ( ၆၇ဝ ) အထိ မြင့်တက်လာတယ်။ ဒီကိစ္စဟာ ( ၃ ) နှစ်အတွင်းမှာ ( ၇၈ဝ% ) မြင့်တက်လာတဲ့ ပြသနာပဲ ဖြစ်ပါတယ် ” လို့ သတင်းဖတ်သူက ကြေငြာသွားတယ်။

.

ဒီဖြစ်ရပ်တွေဟာ ရုပ်ရှင်ထဲက ဇာတ်ဝင်ခန်းကို ပြန်ပြောပြနေတာမဟုတ်သလို အရေးပေါ်အခြေအနေတွေကို ဖြေရှင်းနေရတဲ့ ရဲဋ္ဌာနတစ်ခုရဲ့ မှတ်တမ်းလည်း မဟုတ်ပါဘူး။ အမေရိကန်နိုင်ငံ ဖလော်ရီဒါပြည်နယ်မှာ ဖြစ်တာသိပ်မကြာသေးပေမယ့် ( ၂ဝ၁၃ ) ခုနှစ် တစ်နှစ်ထဲမှာတင် လူ ( ၁၂၆ ) ယောက်ကို သတ်ခဲ့ပြီးတဲ့ မူးယစ်ဆေးဝါးလက်သစ် “ ဖလက်ကာ - Flakka  ” ရဲ့ ခပ်ကြမ်းကြမ်း မိတ်ဆက်မှုပဲ ဖြစ်ပါတယ်။

ကျွန်တော့ရင်ပတ်မှာ ပလာစတာတွေနဲ့ ..

ဆောင်းပါးရှင် - ကိုညီညီ ( တောင်ကြီး )

.

.

ဆေးရုံထဲကို ကားကွေ့ဝင်လိုက်တော့ ဖုန်းဆက်လာတုန်းကမှာထားတဲ့အတိုင်း ရပ်ရမယ့် ပါကင် ( D ) နဲ့ ( G ) ကို အရင်ရှာမိတယ်။ ရက်ချိန်းပေးတဲ့ Appointment Center က သူကခွဲစိပ်ရက်သာပေးနိုင်တာ ဆေးရုံကို ဘယ်အချိန်အရောက်လာပြီး ဘာတွေပြင်ဆင်ရမယ်ဆိုတာ ဆေးရုံက ဖုန်းထပ်ဆက်လိမ့်မယ်လို့ ပြောထားတဲ့အတိုင်း ( ၃ ) ရက်အလိုမှာ ဆက်လာတယ်။ မတိုင်ခင်အရှေ့ည ( ၁၂ ) နာရီကျော်တာနဲ့ အစာမစားရတော့ဘူး။ ( ၁၂ ) နာရီကနေ ( ၅:၃၅ ) အထိ ရေကို နည်းနည်းပဲ Sip လုပ်ပြီး ငုံသောက်သောက်ရမယ်။ ( ၅:၃၅ ) ကနေ ( ၇:၃၅ ) အထိ ရေလုံးဝမသောက်ရတော့ဘူး။ ခွဲစိပ်မှာက ( ၉:၃၅ ) ကို ( ၂ ) နာရီကြိုချိန်းပြီး ( ၇:၃၅ ) အရောက်သွားရမယ်။ စာရွက်စာတမ်းပြင်ဆင်ဖို့၊ လူနာစာရင်းသွင်းဖို့ နဲ့ ခံဝန်ဖောင်ဖြည့်ဖို့အတွက် ကြိုခေါ်တယ်လို့ ပြောပြတယ်။

.

အရေးထဲ အခန်း ( ၂ဝ၂ ) ဆိုတာကို ရှာလို့မတွေ့တော့ ဝန်ထမ်းတစ်ယောက်ကို သွားမေးရသေးတယ်။ ဧည့်ကြိုခုံက စာရေးမက လိုအပ်တဲ့အချက်အလက်တွေမေးပြီး ကွန်ပျူတာမှာ တစ်ထောက်ထောက်ရိုက်ရင်း ကျွန်တော့လို မြန်မာပြည်ဝေးတစ်ယောက် သိပ်ကြားလေ့ကြားထမရှိတဲ့မေးခွန်းတွေကို မေးပါတယ်။ ကိုးကွယ်တဲ့ဘာသာရှိပါသလား ( ရှိပါတယ်-ဗုဒ္ဒဘာသာပါ ) လို့ မေးတာကိုက တစ်မျိုးကြီးလို ဖြစ်နေတယ်။ “  ဒီနိုင်ငံမှာ ဘာသာမဲ့တွေက များတာကိုး ” ဆိုတဲ့အတွေးက ချက်ချင်းကြီး ခေါင်းထဲဝင်လာပါတယ်။ နောက်တစ်ခွန်း .. သေတမ်းစာရေးထားတာရှိပါသလား ( မရှိပါ ) ကတော့ တစ်ခါမှကိုမတွေးမိတာပါ။ နောက်အကြောင်းတစ်ခုက ဗုဒ္ဓဘာသာကိုးကွယ်သူတွေက ကံ၊ ကံ၏အကျိုးကို ယုံကြည်သူတွေဆိုတော့ သေတမ်းစာကို ပြင်ဆင်လေ့မရှိသလို ဥပဒေအရလည်း သက်သေခံ မဖြစ်ပါဘူး။

.

.

အရေးပေါ်ဆက်သွယ်ရမယ့်ဖုန်းနံပါတ်တောင်းတော့ ရီလေးဖုန်းနံပါတ်ပေးပြီး နောက်တစ်ယောက်အတွက် စွမ်းကိုထည့်မယ်လုပ်တဲ့အခါ အသက် ( ၁၄ ) နှစ် ဆိုရင် ထည့်လို့မရဘူး ဆိုပဲ။ အဲဒါနဲ့ ဒီနိုင်ငံက ကျေးဇူးရှိတဲ့အစ်မဖုန်းနံပါတ် ပေးလိုက်တယ်။ ပြီးတော့ ကျွန်တော့မိသားစုဝင်တွေက မခွဲစိပ်ခင် နဲ့ ခွဲစိပ်လို့ နလံထူနားနေပြီးချိန် ( ၂ ) ကြိမ်စလုံးမှာ မိနစ် ( ၃ဝ ) စီ တွေ့ခွင့်ရမယ်ဆိုတာ ပြောပြတယ်။ လူနာနံပါတ် - Case Number ကို စာရွက်တစ်ရွက်မှာ ရေးပေးထားပြီး အနီးအနားက TV တွေပေါ်မှာ လူနာရဲ့ခွဲစိပ်ခန်းအဝင်အထွက်အခြေအနေ - Status ကို သိနိုင်မယ်လို့ ရှင်းပြတယ်။

အစစ်နောက်ကကပ်လိုက်တဲ့အကောင်းစား ( Brand-Name and Generic Comparison )

ဆောင်းပါးရှင် - ကိုညီညီ ( တောင်ကြီး )

.

.

တစ်ချိန်က စီးပွားရေးသမားအဖြစ် ရပ်တည်ခဲ့ဖူးသူတစ်ယောက်အဖို့ ဘာဝယ်ဝယ် ပစ္စည်းမှန်ရမယ်၊ ဈေးသက်သာရမယ်၊ မသက်သာရင်တောင် ဈေးမှန်ရမယ်ဆိုတဲ့အတွေးကတော့ ဘယ်ဆိုင်ကိုပဲသွားသွား၊ ဘယ်အွန်လိုင်းစာမျက်နှာမှာပဲဝယ်ဝယ် စိတ်ထဲမှာ အမြဲရှိနေခဲ့ပါတယ်။ တစ်ကယ်တမ်း ရေခြားမြေဝေးရောက်တဲ့အခါမှာတော့ အလွယ်တကူသောက်တဲ့ “ ရေ ” ကိုတောင် အစစ်၊ အကောင်းစား၊ မူလလက်ဟောင်း - Brand-Name ဆိုတာတွေရှိသလို အစစ်နောက်ကကပ်လိုက်တဲ့အကောင်းစား - Generic ဆိုတဲ့ တံဆိပ်တွေဆိုတာလည်း စားသုံးသူရဲ့ငွေတွေ သဲ့ယူနေတဲ့ စီးပွားရေးတစ်ခုအဖြစ် လေ့လာတွေ့ရှိရပါတယ်။

.

လူတွေဆိုတာကလည်း အခက်သား ..။ စစ်တဲ့ပစ္စည်းကိုသာပေးလို့ကတော့ တောင်းသလောက်ပေးပါ့မယ်ဆိုမှတော့ ရောင်းသူဖက်က အသာစီးယူပြီးသား ဖြစ်နေတော့တာပေါ့။ တစ်ခြားမကြည့်နဲ့ .. မြန်မာနိုင်ငံတီဗွီကြော်ငြာတွေပေါ်မှာလည်း ထိုနည်းနှင်နှင် အရောင်းမြှင့်တင်နေကြတာ တွေ့ဖူးကြမှာပါ။ ကုန်ပစ္စည်းအစစ်ဆိုတဲ့တံဆိပ်ဟာ ကနဦးပေါ်စကတည်းက သူက စခဲ့ရင် သူ့တံဆိပ်က မူလပေါ်မို့ နောက်မှလိုက်ထုတ်ကြသူများက အတုတွေလို့ ပြောကြတယ်မဟုတ်လား? ဒါဟာ အမေရိကားလိုဈေးကွက်မှာ နေရာတိုင်း မမှန်တာကို လေ့လာရင်းနဲ့ သိလာခဲ့တယ်။

.

.

ထိပ်ဆုံးကြုံတွေ့ရတာက အိမ်သုံးဆေးဝါးတွေ ဝယ်တဲ့အခါမှာပါ။ မြန်မာနိုင်ငံက မထွက်ခွာခင်တုန်းက အသည်းပါမောက္ခဒေါက်တာဦးခင်မောင်ဝင်း ရေးတဲ့စာတစ်ပုဒ်မှာ “ ကျွန်တော်က ဆေးဝါးအသစ်တိုင်းကို စမ်းသုံးသင့်တယ်လို့ မယူဆပါဘူး။ ဆေးတွေမှာ နိုင်ငံတကာအသိအမှတ်ပြု - FDA Approved ပါမှ သုံးဖို့ ကျွန်တော်တိုက်တွန်းပါတယ်။ ဆေးဝါးဋ္ဌာနတစ်ခုခုက စစ်ဆေးပြီးကြောင်း အသိမှတ်ပြုစာမပါရင် ဘေးကင်းလုံခြုံဖို့ စိတ်မချရပါဘူး ” လို့ ဖတ်မိထားတာ တစ်သက်မမေ့နိုင်ခဲ့ပါ။ ဒါကြောင့် ဆေး ဆိုတာကို စဝယ်ဖို့ မရဲခဲ့ပါဘူး။

သည်းခြေအိတ်ရဲ့စိမ်ခေါ်သံ

ဆောင်းပါးရှင် - ကိုညီညီ ( တောင်ကြီး )

.

.

အလုပ်ကအပြန် ကားမောင်းနေတုန်း Voicemail ( ၂ ) ခု ဝင်လာတယ်။ တစ်ခုက ပြနေကျဆေးရုံက ခွဲစိပ်ဋ္ဌာနကဖြစ်ပြီး နောက်တစ်ခုက ကျွန်တော်ရွေးထားတဲ့ မိသားစုဆရာဝန်ဆီကပါ။ ဖုန်းထဲမှာ သူတို့ချန်ထားခဲ့တဲ့ အသံတွေကို နားထောင်ပြီးတော့ စိတ်ထဲမှာ တစ်မျိုးကြီးဖြစ်သွားတယ်။ တစ်သက်လုံး ဘာခွဲစိပ်မှုမှ မလုပ်ဖူးခဲ့တဲ့ ကျွန်တော့ကို ခွဲစိပ်ဋ္ဌာနက ရက်ချိန်းယူဖို့ဆက်တယ်ဆိုတာ မဖြစ်နိုင်တာပဲ။ သူတို့ လူမှားဆက်တာပဲဖြစ်မယ်လို့ယူဆပြီး အဲဒီနံပါတ်ကို ပြန်ဆက်ကြည့်တော့ ဟုတ်နေတယ် .. တစ်ကယ် ခွဲစိပ်ဋ္ဌာနက ဖြစ်နေတယ်။ နောက်ထပ် Voicemail တစ်ခုကို နားထောင်ကြည့်တော့မှ စိတ်ပိုလှုပ်ရှားလာမိတယ်။

.

ဆရာဝန်မ အသံက ခပ်မြန်မြန်ပြောတာဖြစ်ရုံတင်မက သူ့ဆီကို ဖုန်းပြန်ဆက်ပါ .. ဒါမှမဟုတ် ဆေးရုံဝဘ်ဆိုဒ်က ကျွန်တော်ကိုယ်ပိုင်ဖိုင်ထဲမှာ မက်ဆေ့ပို့ထားတယ်လို့ ပြောတယ်။ ဒါနဲ့ စွမ်းကိုကျောင်းကြိုအပြီး ဖုန်းထဲက Kp.org App ကိုဖွင့်ပြီး စွမ်းကိုပဲ ဖတ်ခိုင်းရင်း အိမ်ပြန်လာခဲ့တယ်။

.

.

ဆရာဝန်မက ..

“ ရှင့်ကို ကျွန်မ ခေါ်သေးတယ်။ မတွေ့လို့ ဒီအီးမေးလ်ကိုဖတ်မိရင်လည်း အဆင်ပြေပါတယ်။ ရှင်ရိုက်ထားတဲ့ အပ်ထရာဆောင်းကို ကြည့်ပြီးတဲ့နောက် စိတ်ပူရလောက်တာ တစ်ခုမှ မတွေ့ရှိရပါဘူး။ ဒါပေမယ့် သည်းခြေအိတ်ရဲ့ အရွယ်အစားက ( 0.5 cm x 1.1 cm ) ဖြစ်နေတာ တွေ့ရတယ် ”

.

 “ ဖြစ်သင့်တာထက် ပိုကြီးနေတဲ့ ဒီသည်းခြေအိတ်ဟာ ကင်ဆာကြွက်သားတွေဖြစ်လာနိုင်တဲ့ အရွယ်အထိ ဖြစ်နိုင်ခြေရှိတာကို တွေ့ရတယ်။ အဲဒီထဲမှာ Gallbladder Polyp ( သည်းခြေအသားသီး ) ရှိနေတယ်။ ဒါကြောင့် သည်းခြေအိတ်ကို ခွဲစိပ်ထုတ်ပစ်လိုက်ဖို့ ကျွန်မတိုက်တွန်းပါတယ်။ ”

.

“ ဒီအဖြေလွှာကို ခွဲစိပ်ပါရဂူနဲ့ တိုင်ပင်ပြီး ကျွန်မတို့ ထပ်ဖတ်ကြည့်ပါသေးတယ်။ ခွဲစိပ်ဆရာဝန်ကလည်း ကျွန်မနဲ့အမြင်တူပြီး အထွေထွေခွဲစိပ်ဋ္ဌာနကို လွှဲပြောင်းပေးဖို့ သဘောတူထားတယ်။ ဆက်ဖတ်နိုင်ဖို့ အသေးစိတ်အချက်အလက်တွေကို အောက်မှာ တစ်ပါတည်းတွဲပေးလိုက်ပါတယ် ”

မူးယစ်ဆေးဝါးကိုမှ ထပ်တုကြသတဲ့

ဆောင်းပါးရှင် - ကိုညီညီ ( တောင်ကြီး )

.

.

လူသားတွေကို ရောဂါကုတဲ့ဆေးထက် မူးယစ်ဆေးဝါးတွေက ဈေးပိုကောင်းတတ်ပါတယ်။ တစ်ခုသတိထားရမှာက ဈေးပေါတဲ့ မူးယစ်ဆေးဝါးက လူတွေကို ဒုက္ခပေးနိုင်စွမ်း ပိုကြီးမားနေတာပါ။ ဒီ့ထက်ပိုဆိုးတာက မူးယစ်ဆေးဝါးကိုမှ အတုထပ်လုပ်ကြတာပါ။

.

လူတွေရဲ့ ကိုယ်ချင်းစာတရားတွေက ဘယ်ရောက်ကုန်ကြပြီလဲ လို့ မမေးပါနဲ့။ မသမာစီးပွား နဲ့ ဆေးဝါးကုန်ကူးသူတွေဟာ ငွေရဖို့ နဲ့ မိမိရဲ့ ဆေးစွဲသက်ဆိုးရှည်ရေးကိုသာ အာရုံစိုက်ပါတယ်။ အနာဂါတ်ကို အရှည်သဖြင့်တွေးဖို့ ဝေလားဝေး .. တစ်လစာ၊ တစ်ပတ်စာ ထက်စာရင် တစ်မနက် တစ်ရက်စာကိုပဲ ကြည့်ပါတယ်။ ဒါတောင် ဆေးအစွမ်းပြလို့ မဟုတ်တရုတ်နတ်ပြည်တက်တုန်း ခဏပါ။ ဆေးဓါတ်ကုန်လို့ အာခေါင်ခြောက်ပြီဆိုရင် ဘီလူးဇာတ်ရုပ်လုံးပေါ်လာပြီး နောက်ထပ် တစ်ပွဲဆင်နွှဲရအောင် နည်းလမ်းရှာပါတော့တယ်။ ဒီကနေမှ ရာဇဝတ်မှုတွေ၊ လုယက်မှုတွေ၊ မှုခင်းတွေဆိုတာလည်း အမေရိကန်ရုပ်သံတွေပေါ်မှာ မမြင်ချင်မှအဆုံးပါပဲ။

.

.

ဆေးဝါးတွေကိုနောက်ကြောင်းပြန်ကောက်ရရင် ခေတ်သစ် WY ရာဘ ဆေးဟာ သုံးစွဲသူတွေရဲ့ ယဉ်ကျေးမှုတစ်ခုကို ပြောင်းလဲခဲ့တယ်။ အစက ဘိန်းတို့ ဆေးခြောက်တို့ဆိုတာ သုံးစွဲပြီးရင် လူတွေဟာ မှိန်းမောအိပ်ပြီး ဇိမ်ခံနေချင်တတ်တဲ့ အတန်းအစားမျိုးထဲကပါ။ နောက်ပိုင်း ရွှေတြိဂံနယ်မြေတစ်ဝိုက်က ချယ်လှယ်ချက်လုပ်လာတဲ့ မက်တာဖက်တာမင်းအုပ်စုဝင်ဆေးဝါးတွေဟာ ပြောင်းရွှေ့လာသူ တရားမဝင်လုပ်သားတွေအပေါ်မှာ စမ်းသပ်ကြည့်ရင်း ဈေးကွက်ကြီးလာခဲ့တယ်။ အဓိက ဆေးဝါးစမ်းသပ်ရာနေရာကတော့ ထိုင်းနိုင်ငံရဲ့ အလုပ်သမားလိုအပ်ချက် ဈေးကွက်ကြီးပဲဖြစ်ပါတယ်။

.

အစကတော့ မူးယစ် ဆို ဆိုတဲ့အတိုင်း မူးပြီးရင် ရစ်နေတာမျိုး မဟုတ်လား။ နောက်ပိုင်း မက် - Meth လို ဆေးမျိုးကျတော့ သောက်လေ လန်းလေ အိုခေမှာ စိုပြေတယ်ဆိုတော့ အစပိုင်းမှာ အန္တရာယ်မရှိဘူးလို့ အထင်သေးရာကနေ ပြသနာက ကြီးလာတော့တာပါပဲ။ အဲဒီခေတ်ကိုမှီတဲ့ လူကြီးတွေရဲ့အဆိုအရ မက် ပေါ်လာတဲ့အချိန်မှာ ဘိန်းဖြူပေါက်ဈေးဟာ သိသိသာသာကျဆင်းသွားတယ်။ ဒါနဲ့ လုပ်စားနေသူတွေလည်း နောက်ပိုင်းဆေးဝါးသစ်တွေကို ကုန်ကူးဖို့ ဈေးကွက်သစ်ရှာဖွေဖို့ ဖြစ်လာခဲ့ရတယ်။

.

ဘိန်းဖြူဟာ အနောက်နိုင်ငံကို ထွင်းဖောက်ဖို့ခက်လာတဲ့အခါ မက် အုပ်စုက အိမ်ကြိုအိမ်ကြားက ကားဂိုဒေါင်တွေမှာ နေရာယူလာကြတယ်။ အခေါ်အဝေါ်အမျိုးမျိုးပြောင်းလဲလာပေမယ့် တစ်နည်းနည်းနဲ့တော့ မီးမြှိုက်ချက်လုပ်ရတာချည်းပါပဲ။ ဆိုလိုတာက လိုအပ်တဲ့ ကုန်ကြမ်းက အလွယ်တကူရနိုင်တဲ့ ဓါတုဗေဒပစ္စည်းတွေဖြစ်လေလေ ချက်သူများလေလေ၊ ချက်လို့ ပစ္စည်းများများထွက်တော့ သုံးစွဲသူဈေးကွက်ရှာရလေလေ၊ သုံးစွဲတတ်သွားရင် ဆက်သုံးနိုင်ဖို့ သုံးစွဲသူအသစ်ကို စည်းရုံးရလေလေ စတဲ့ သုံးနားညီတြိဂံက မြန်မာနိုင်ငံအနီးက ရွှေတြိဂံနယ်မြေထက် အဆမတန်ဆိုးဝါးကျယ်ပြန့်တယ်လို့ ဆိုရမှာ ဖြစ်ပါတယ်။

.

.

သုံးစွဲရတဲ့ ကိရိယာတွေက နည်းနည်းနဲ့ အလုပ်ဖြစ်ကြတယ်။ ဒြပ်ကူးဖို့ ဘီကာ - Beaker နဲ့ မီးဖို - Lab Burner ၊ သမိုမီတာ နဲ့ အပေါ်ဖွင့် ရေခဲသေတ္တာ - Chest Freezer စတာတွေရှိရင် ချက်လို့ရတဲ့အထိ လွယ်ကူလာခဲ့တယ်။ ဒီတော့ စသုံးမိရာက ဆေးစွဲသူလာသူတစ်ယောက်ဟာ ကိုယ်တိုင်အရဲစွန့်ပြီး ချက်ကြည့်တဲ့အထိ ဈေးကွက်အခြေစိုက်မိလာတယ်။ ပိုတဲ့ဆေးကိုရောင်းရင်း သူဟာ လက်ပိုက်ရောင်းချသူ - Dealer တစ်ယောက်ဘဝကို ရောက်ချင်းမလှရောက်လာခဲ့တယ်။

.

အမှုန့်ဘဝကနေ မြစ်ဖျားခံလာတဲ့ မူးယစ်ဆေးဝါးတွေဟာ နောက်ပိုင်းမှာ ဆေးပြား - Tablet ဒါကတော့ သောက်ရုံပဲ .. လွယ်တယ်၊ ရှင်းတယ်၊ အိမ်သုံးဆေးနဲ့ရောသိမ်းလို့ရတယ်။ နောက်ပိုင်း အရည် - Syrup ဖြစ်လာတော့ ထိုးသွင်းတဲ့ရှေးဟောင်းနည်းကို ပြန်ရောက်သွားတယ်။ ဒါကျတော့ ကုရာနတ္ထိဆေးမရှိတော့ဘူး။

.

.

နောက်ပိုင်းပိုဆိုးလာတာက ဆေးပြားကို အမှုန့်ကြိတ်ပြီး လက်ဘက်ရည်ဇွန်းလေးပေါ်တင် ရေနဲ့ သမအောင်ရောပြီး အောက်ကနေ ဂက်စ်မီးခြစ်နဲ့မြှိုက်၊ ထွက်တာတဲ့အငွေ့ကိုမှ ဖန်ပိုက်နဲ့လှမ်းရှူ .. ဒီအဆင့်ရောက်သွားသူတွေ အမှန်တစ်ကယ် ပြန်လမ်းမရှိတော့ပါ။ ဒီလိုဆေးကို Crystal Meth လို့ ခေါ်ပါတယ်။

.

သုံးစွဲသူတွေက သူတို့သုံးရလွယ်ကူရေးနည်းလမ်းတွေအမျိုးမျိုးရှာဖွေချိန်ဟာ မူးယစ်ရာဇာတွေကလည်း လူငယ်တွေကို ဆေးအသစ်တွေနဲ့ အမျိုးမျိုး မိတ်ဆက်ပေးနေချိန်လည်း ဖြစ်ပါတယ်။ ဒါကို အနောက်နိုင်ငံက အစိုးရတွေ လိုက်မမီဘူးလို့ အားနာစွာနဲ့ ဝေဖန်ပါရစေ။ အရှေ့က မဖမ်းပြနေပေမယ့် နောက်ဖေးပေါက်ကလွတ်နေသလို လက်သိပ်ထိုး သယ်ဆောင်ခွင့်ပေးတဲ့ အဂတိလမ်းကြောင်းက အကြီးသားမဟုတ်လား။

.

.

အထက်က ဆေးဝါးတွေအားလုံးမှာ မီသိုင်လင်း ဒိုင်အောက်စီ မက်တာဖက်တာမင်း -  MDMA ( Methylenedioxy Methamphetamine ) ဒြပ်ပေါင်းတွေ ပါဝင်ပါတယ်။ နောက်တစ်ဆင့်တက်ပြီး တီထွင်လာတဲ့အခါ PMMA ( Para-Methoxy-N-methylamphetamine ) ဓါတ်ပါဝင်ပြီး နာမည်ပြောင်းလာသလို လူအသက်ကို ပိုမိုသတ်နိုင်စွမ်းထက်လာပါတယ်။ သူ့ရဲ့အဓိက လုပ်ဆောင်ချက်က ဦးနှောက်ရဲ့ လုပ်ကိုင်စွမ်းရည် နှေးအောင် ထိန်းချုပ်လိုက်ပြီး ခန္ဓာကိုယ်က ရေဓါတ်ကို အကုန်နီးပါး စုတ်ယူလိုက်တယ်။ ဆေးဖြတ်နိုင်သူတွေတောင် နဂိုမူလ အသားအရည်ကို ဘယ်လိုနည်းနဲ့မျှ ပြန်မရနိုင်တဲ့ လူဖြစ်ရှူံးတဲ့ဘဝပါ။

.

ဆေးချက်ပုံချက်နည်း တစ်မျိုးပြီးတစ်မျိုး ပြောင်းလဲလာသလို လမ်းကြိုလမ်းကြားမှာရောင်းတဲ့ မက် တွေဟာ ပါတီတွေ ကလပ်တွေကို အသွင်တစ်မျိုးနဲ့ ရောက်သွားပြန်ပါတယ်။ ပါတီကြိုက်ဆေးကိုတော့ Happy Tablet လို့ အမည်ပေးထားပြီး ဆေးအစွမ်းပြသက်တမ်းက အရက်နဲ့ခပ်ဆင်ဆင်ပါ။ ဆေးနာမည်က အက်စ်တက်စီ - Ecstasy လို့ လူငယ်တွေခေါ်ကြတယ်။

.

.

ကြုံဖူးသူတစ်ယောက်ရဲ့ ပြောပြချက်အရ ပါတီတက်ခါနီး နာရီအနည်းငယ်မှာသုံးလိုက်ပြီး ကဲချင်သလိုကဲ၊ အိမ်ရောက်ရင်ထိုးအိပ်၊ ကိုယ်ညက ဘာမှမလုပ်ခဲ့သလို နောက်တစ်ရက် အလုပ်ပြန်တက် ပုံစံနဲ့ လေထဲမှာ ဖြစ်စေချင်သလို ထင်ရာစိုင်းလို့ အကောင်းဆုံးလို့ မှတ်ချက်ပြုတာကို အသည်းတယားယား နားထောင်ဖူးပါတယ်။

.

ညတာရှည်ကပွဲ - Raves တွေ ကလပ်တွေမှာ ဆယ်ကျော်သက် နဲ့ နှစ်ဆယ်ကျော်သက်တွေ အင်မတန် အသုံးများတယ်။ ဒီဆေးဟာ အင်္ဂလန်ဖက်မှာတော့ မင်ဒီ - Mandy အနေနဲ့ ပါတီဆေးအဖြစ် နာမည်ဝှက်ပေးထားသလို အမေရိကားညနက်တွေမှာတော့ မော်လီ - Molly ဆိုပြီး ရေပန်းစားကြတယ်။ နောက်ဆုံးမှာ စူပါမင်းဆေး - Superman Pills အနေနဲ့ လူသေစေတော့မှ အစိုးရမသိတဲ့ အဖြစ်အပျက်တွေက သားသမီးတွေရဲ့ မိဘတွေကို အော့နှလုံးနာစေပါတော့တယ်။

.

.

 

အဖြစ်အပျက်က ဒီလိုပါ။ ပြီးခဲ့တဲ့လက ယူကေနိုင်ငံက နိုက်ကလပ်တစ်ခုမှာ Ecstasy ဆိုပြီးရောင်းလိုက်တဲ့ဆေးကိုသောက်ပြီး လူငယ် ( ၄ ) ယောက် သေဆုံးသွားပါတယ်။ အမေရိကားမှာလည်း  လူငယ် ( ၆ ) ဦးက ဖလော်ရီဒါပြည်နယ်မှာ၊ ( ၃ ) ဦးက ချီကာဂိုမှာ သေဆုံးခဲ့ပါတယ်။ အိုင်ယာလန်မှာလည်း အလားတူဖြစ်ရပ်တွေ ရှိခဲ့တယ်လို့ ကမ္ဘာ့သတင်းတွေက ရေးသားပါတယ်။

.

ဆေးဖောက်သူတွေက အစွမ်းပိုထက်အောင်ဆိုပြီး အန္တရာယ်သော ဘာသော နားမလည်ပဲ PMMA ကွန်ပေါင်းတွေ အများကြီးထည့်ချက်ရာက နည်းနည်းသောက်ပေမယ့်လည်း ဆေးလွန် - Overdose ဖြစ်ပြီး အသက်ဇီဝိန်ကြွေလွင့်ရတဲ့ ဝမ်းနည်းဖွယ်ရာ ဇာတ်သိမ်းခန်းပါ။ PMMA ဟာ ခန္ဓာကိုယ်ရဲ့ အပူချိန်ကို အလွန်အမင်းမြင့်တက်စေတယ်။ အဲဒီကနေ သွေးပေါင်ချိန် အထက်ကိုဆောင့်တက်ပြီဆိုတော့ လူမသေပဲ ခံနိုင်မလား?

.

.

အခုနောက်ဆုံးဆေးကို ဗာတီဂို - Vertigo လို့ခေါ်တာ နောက်ပိုင်း အမေရိကန် TV စီးရီးတွေမှာ ပြသလာပါတယ်။ ဆေးဝါးအသွင်ကလည်း ပါရာစီတမောလို အပြားကနေ အမောက်စက်စလင်လို ဆေးတောင့် - Capsule အသွင်ပြောင်းလာပါတယ်။ တစ်ဖက်စိမ်း တစ်ဖက်ဝါ ဆေးလုံး ( ၁ ) ဒါဇင်လောက်ပါတဲ့ အထုပ်ငယ်လေးတွေကိုလိုက်ရောင်းနေတာ စကပ်တိုတိုနဲ့ ဆယ်ကျော်သက်မိန်းကလေးတွေဖြစ်နေတာ ရင်လေးစရာပါ။ ဆေးမသုံးဖူးသူကို မွေးနေ့မှာ အမှတ်တရအနေနဲ့ ပေးလိုက်တဲ့အခါ ဆေးစွဲသူအဖွဲ့ဝင်အသစ် ရသွားပါပြီ။ ဆေးသယ်ဆောင်တဲ့နေရာက ထိတွေ့ကိုင်တွယ်ရှာဖွေဖို့ ခက်ခဲ့တဲ့ ပေါင်ခြံလိုနေရာ၊ ရင်ညွန့်လိုနေရာဆိုတော့ ပိုဆိုးပြီပေါ့။

.

.

ဒီလောက်အထိဆိုးဝါးတဲ့ မူးယစ်ဆေးဝါးကို တိုက်ဖျက်ဖို့ လူတိုင်းမှာတာဝန်ရှိပါတယ်။ နည်းအမျိုးမျိုးနဲ့ ခိုးကြောင်ခိုးဝှက် မိသားစုကိုသွေးခွဲမယ့်အရာဟာ သေနတ် မဟုတ်ပါဘူး။ လက်နက်ထက်ဆိုးရုံမက စိတ်ကိုပြောင်းလဲစေတတ်တဲ့ ဟင်းခတ်ပစ္စည်း - Spice Products တွေကို ဖော်မြုလာအမျိုးမျိုး နည်းပညာအသွင်သွင်နဲ့ လူသတ်ဆေးဝါးတွေကို ထွင်နေကြတာ သတိထားကြပါ။ သားတွေ သမီးတွေရဲ့ခြေလှမ်းကို မပျက်စောင့်ကြည့်ကြပါ။ အရေးကြီးပါတယ်။

.

ကျန်းမာသန်စွမ်းဖို့ သဘာဝက ပေးထားတာ အများကြီးပါ။ ထို့အတူ လှပပျော်ရွှင်စေဖို့ ဆေးဝါးကင်းတဲ့ နည်းလမ်းတွေ အလျံပယ်ပါ။ လတ်ဆတ်တဲ့ ဟင်းသီးဟင်းရွက် အသီးအနှံတွေကိုသာ ခန္ဓာကိုယ်က အလိုရှိပါတယ်။ ဒါ့အပြင် ထိုးသွင်းဖို့ ဘာဆေးရည်မှ မလိုပါဘူး။ ရှူသွင်းဖို့ ဘာအငွေ့ပိုမှ မလိုပါဘူး။ အမှန်က လူလန်းဆန်းစေဖို့ ပျော်ရွှင်စေဖို့ ဆေးဝါးမှ သောက်စရာမလိုပါဘူး။ မဖြစ်မနေသောက်ရရင်လည်း အကျိုးပြုတဲ့ ဆေးဝါးအစစ်တွေကိုပဲ သောက်သုံးသင့်ပါတယ်။ ကောင်းကျိုးမပေးတဲ့ မူးယစ်ဆေးဝါး ( အတု ) ဆိုရင်တော့ “ No ” လို့ တစ်ခွန်းပဲ ပြောစရာရှိပါတော့တယ်။ စာချစ်သူအားလုံး ကျန်းမာရွင်လန်းပြီး သားသား မီးမီးအားလုံး မူးယစ်ဆေးဝါးနဲ့ ကင်းနိုင်ကြပါစေ ..။

.

koko2yeye@gmail.com

သင်သိထားသမျှ အားဆေးအကြောင်းနောက်ကွယ်က

ဆောင်းပါးရှင် - ကိုညီညီ ( တောင်ကြီး )

.

.

ယခုနှစ်သစ် အပိုင်းအခြားရောက်လာတဲ့အခါ လူတွေဟာ ကျန်းမာရင်ပြီးရော ဘာမဆိုလုပ်မယ် ဆိုတဲ့ လူနေမှုပုံစံကို တွေ့လာရတယ်လို့ Business Insider ရဲ့ ယခုဆောင်းပါးကို အစချီထားပါတယ်။ လူနေမှုစတိုင်သစ်အတွက် အသုံးဝင်တဲ့နည်းလမ်း မြောက်များစွာထဲက အားဆေးနေ့စဉ်စားတာ ( Take A Daily Vitamin ) ဟာ အခုဆိုရင် ကောင်းကျိုးထက် ဆိုးကျိုးပေးလာတဲ့အကြောင်းကို တင်ပြထားပါတယ်။

.

အားဆေးတစ်လုံးဟာ လူ့ခန္ဓာကိုယ်က လိုအပ်တာမှန်သမျှကို ဖြည့်စွမ်းပေးနေတယ်ဆိုတဲ့ အိုင်ဒီယာဟာ ဟုတ်သလိုလို ထင်စရာပါ။ ဆယ်စုနှစ်ပေါင်းများစွာ သုတေသနလုပ်ခဲ့တဲ့ တွေ့ရှိချက်များအရ အထွေထွေအားဆေး Multi-Vitamin ရဲ့ ဆောင်ရွက်နိုင်မှုအမူအကျင့်တွေကို ကောင်းကောင်းကြီး မျှတမှန်ကန်အောင် မဝေခွဲနိုင်ခဲ့ကြပါဘူး။ တစ်ချို့အားဆေးများဆိုရင် စွဲစွဲမြဲမြဲ သုံးစွဲသူရဲ့ ကျန်းမာရေးကို ကင်ဆာပေါင်းစုံ ဖြစ်နိုင်ခြေများတဲ့ ဇီဝခန္ဓာအဖြစ်သို့ မသိမသာတွန်းပို့ပေးနေတာကို စိတ်မကောင်းစွာ တွေ့ရှိလာရပါတယ်။

.

အမှန်က သင့်ခန္ဓာကိုယ်ဟာ ဗိုက်တာမင် A ၊ C ၊ E တို့ကို မလိုအပ်တော့တာ မဟုတ်ပါ။ အဆိုပါဓါတ်တွေသာမရှိရင် မိမိခန္ဓာကိုယ်ဟာ စားသောက်လိုက်တဲ့ အစားအစာတွေကို စွမ်းအင်အဖြစ်ပြောင်းလဲရာမှာ အခက်အခဲရှိရုံမက သွားတွေတောင့်တင်းဖို့ ကြွေသွားဖရိုရိုက် နဲ့ အဆစ်အမြစ်တွေကြားမှာ ချောဆီထိုးပေးတဲ့ အရွတ်အဆီတွေ မထုတ်လုပ်နိုင်တော့ပါဘူး။