အိုက်စ်-𝗜𝗖𝗘 အကြောင်းသိကောင်းစရာ

ဆောင်းပါးရှင် - ကိုညီညီ (တောင်ကြီး)

          တရားမဝင်နေထိုင်သူတွေကိုဖမ်းမိတဲ့အခါ အမေရိကားကနေ သူတို့လာတဲ့တိုင်းပြည်ကိုပြန်ပို့တဲ့အဖွဲ့ကို အိုက်စ်-𝗜𝗖𝗘 လို့ လူသိများပါတယ်။ အကျယ်ဖွင့်ရင်တော့ 𝗜𝗖𝗘-𝗜𝗺𝗺𝗶𝗴𝗿𝗮𝘁𝗶𝗼𝗻 𝗮𝗻𝗱 𝗖𝘂𝘀𝘁𝗼𝗺𝘀 𝗘𝗻𝗳𝗼𝗿𝗰𝗲𝗺𝗲𝗻𝘁 ဖြစ်တဲ့ တပ်ဖွဲ့ကို ၂ဝဝ၃ ခုနှစ်မှာဖွဲ့စည်းခဲ့ပါတယ်။

          𝗜𝗖𝗘 ကို စက်တင်ဘာ ၁၁ ရက်-𝟵/𝟭𝟭 မှာ ကမ္ဘာ့ကုန်သွယ်ရေးအဆောက်အဦ နဲ့ ပင်တဂွန်စစ်ဋ္ဌာနချုပ်တို့အတိုက်ခိုက်ခံရမှုကြီးအလွန် အမိမြေလုံခြုံရေးဋ္ဌာနကြီး-𝗗𝗛𝗦 (𝗗𝗲𝗽𝗮𝗿𝘁𝗺𝗲𝗻𝘁 𝗼𝗳 𝗛𝗼𝗺𝗲𝗹𝗮𝗻𝗱 𝗦𝗲𝗰𝘂𝗿𝗶𝘁𝘆) ရဲ့ အစိတ်အပိုင်းတစ်ခုအနေနဲ့ပါဝင်ခဲ့တာပါ။

          လက်ရှိဦးဆောင်နေသူ မက်သရူးအယ်လ်ဘန်းစ်-𝗠𝗮𝘁𝘁𝗵𝗲𝘄 𝗔𝗹𝗯𝗲𝗻𝗰𝗲 က အမေရိကန်ပြည်တွင်း နဲ့ ပင်လယ်ရပ်ခြားက ဋ္ဌာနခွဲ ၄ဝဝ ကျော်မှာတာဝန်ထမ်းဆောင်နေသူ ဝန်ထမ်း ၂ဝဝဝဝ နဲ့ မောင်းနှင်နေတာဖြစ်ပါတယ်။

          𝗜𝗖𝗘 အဖွဲ့ရဲ့ ၂ဝ၂ဝ ခုနှစ်ဘတ်ဂျက်က အမေရိကန်ဒေါ်လာ ၈.၄ ဘီလျံဖြစ်ပြီး ၂ဝ၂၁ ခုနှစ်အတွက် ၁ဝ.၄ ဘီလျံအထိတိုးမြှင့်တောင်းခံထားပါတယ်။ 𝗜𝗖𝗘 မှာ အဓိကလုပ်ဆောင်ရမယ့်ကိစ္စတွေအတွက် အဖွဲ့ ၃ ဖွဲ့ ထပ်ခွဲထားပါတယ်။

 𝗛𝗦𝗜-𝗛𝗼𝗺𝗲𝗹𝗮𝗻𝗱 𝗦𝗲𝗰𝘂𝗿𝗶𝘁𝘆 𝗜𝗻𝘃𝗲𝘀𝘁𝗶𝗴𝗮𝘁𝗶𝗼𝗻𝘀 ၊

𝗘𝗥𝗢-𝗘𝗻𝗳𝗼𝗿𝗰𝗲𝗺𝗲𝗻𝘁 𝗮𝗻𝗱 𝗥𝗲𝗺𝗼𝘃𝗮𝗹 𝗢𝗽𝗲𝗿𝗮𝘁𝗶𝗼𝗻𝘀 နဲ့

𝗢𝗣𝗟𝗔-𝘁𝗵𝗲 𝗢𝗳𝗳𝗶𝗰𝗲 𝗼𝗳 𝘁𝗵𝗲 𝗣𝗿𝗶𝗻𝗰𝗶𝗽𝗮𝗹 𝗟𝗲𝗴𝗮𝗹 𝗔𝗱𝘃𝗶𝘀𝗲𝗿 တို့ဖြစ်ကြပါတယ်။

အမေရိကားရောက်မြန်မာတွေအတွက်အရေးကြီးတဲ့ 𝟐𝟎𝟐𝟎 𝐂𝐞𝐧𝐬𝐮𝐬

ဆောင်းပါးရှင် - ကိုညီညီ (တောင်ကြီး)

️♣️♣️♣️ အမေရိကားရောက်ပြီး ရုံး၊ ဆေးရုံ၊ ဆိုရှယ်ရုံးတွေမှာ အင်္ဂလိပ်လိုပြည့်ပြည့်ဝဝမပြောနိုင်လို့အခက်အခဲဖြစ်နေပါသလား?

️♣️♣️ ကားလိုင်စင်ဖြေဖို့ လမ်းစည်းကမ်းတွေကိုအင်္ဂလိပ်လိုကျက်ရတာအခက်အခဲဖြစ်နေပါသလား?

️♣️ အမေရိကန်အစိုးရရုံးစာတွေဖြည့်ဖို့ နားလည်ရခက်တဲ့အင်္ဂလိပ်စာအသုံးအနှုန်းတွေအတွက် စကားပြန်အကူအညီယူနေရပါသလား?

ဒါတွေအားလုံးကိုပြေလည်နိုင်ဖို့နည်းလမ်းတစ်ခုက အမေရိကားရောက်မြန်မာတွေ နဲ့ ချစ်ခင်ရတဲ့တိုင်းရင်းသားပေါင်းစုံအတွက် အခွင့်အရေးတစ်ခုက မျက်စိရှေ့မှာစောင့်ကြိုနေပါတယ်။ အဲဒါကတော့ မကြာခင်ကျင်းပတော့မယ့် 𝐀𝐦𝐞𝐫𝐢𝐜𝐚 𝟐𝟎𝟐𝟎 𝐂𝐞𝐧𝐬𝐮𝐬 မှာ (မြန်မာနိုင်ငံကနေဘယ်လိုနည်းနဲ့အမေရိကားရောက်လာတယ်ဖြစ်စေ) အမျိုးဂုဏ်၊ ဇာတိဂုဏ် နဲ့ လူဦးရေစာရင်းဖြည့်သွင်းရေးမှာပါဝင်နိင်တော့မှာဖြစ်ပါတယ်။

မရှင်းလို့မေးပါရစေဦး . . .

မေး ။ ။ အမေရိကားက သူ့ဟာသူလူဦးရေစာရင်းကောက်တာ မြန်မာ နဲ့ တိုင်းရင်းသားတွေနဲ့ဘာဆိုင်လို့တုန်း?

‌ဖြေ ။ ။ အမေရိကားရောက်မြန်မာတွေ အစိုးရရုံးဖောင်တွေဖြည့်တဲ့အခါ လူမျိုးနေရာမှာ အာရှတိုက်သား-𝐀𝐬𝐢𝐚𝐧 ဆိုပြီးဖြည့်ရလေ့ရှိတယ်။ ဒါကြောင့် မြန်မာလူမျိုး (ဒါမှမဟုတ်) မြန်မာနိုင်ငံကတိုင်းရင်းသားတွေကို “မြန်မာလူမျိုးနွယ်” အနေနဲ့မသိဘဲ အာရှတိုက်ထဲက တိုင်းပြည်တစ်ခုရဲ့မထင်မရှားလူမျိုးတစ်ခုအနေနဲ့သာသိပါတယ်။ ဒါကိုသိအောင်လုပ်ရမှာဖြစ်ပါတယ်။

အမေရိကန်သမ္မတလွှင့်တင်လိုက်တဲ့ 𝐒𝐜𝐡𝐨𝐨𝐥𝐒𝐚𝐟𝐭𝐲.𝐠𝐨𝐯 အကြောင်း

ဆောင်းပါးရှင် - ကိုညီညီ (‌တောင်ကြီး)

           အမေရိကန်သမ္မတဒေါ်နယ်ထရမ့်အစိုးရက (၂ဝ၂ဝ) ခုနှစ် ဖေဖော်ဝါရီလ (၁ဝ) ရက်နေ့မှာ ကျောင်းလုံခြုံရေးဝဘ်ဆိုဒ် https://www.schoolsafety.gov/ ကို လွှင့်တင်လိုက်ပါတယ်။ အစိုးရဝဘ်ဆိုဒ်ဒိုမိန်း .gov ကိုယ်စားပြုစာမျက်နှာမှာ မူလတန်းကနေ (၁၂) တန်းအထိ ဖယ်ဒရယ်အသီးသီးက အခြေခံပညာကျောင်း‌တွေက ဆရာ/ဆရာမ၊ ဉပ‌ဒေစိုးမိုးရေးဝန်ထမ်း နဲ့ မိဘတွေက ကျောင်းသားတွေပေါ်ကျရောက်တတ်တဲ့ ကျောင်းတွင်းအကြမ်းဖက်မှု၊ အခြိမ်းခြောက်ခံရမှုတို့ကိုကာကွယ်ဖို့ဖြစ်ပါတယ်။ ဒါ့အပြင် ကျောင်းသားတွေစိတ်ချမ်းချမ်းသာသာစာသင်နိုင်ဖို့၊ ဘေးရန်ကင်းဖို့ နဲ့ သူတို့လိုတဲ့အထောက်အပံ့တွေကိုပေးစွမ်းဖို့ဖြစ်ပါတယ်။

          “ကျောင်းနဲ့ကျောင်းသားတွေဘေးကင်းလုံခြုံဖို့က ကျွန်တော်တို့ရဲ့ ပထမဦးစားပေးတာဝန်ပါ။ ဒါ‌ကိုထိပ်တန်းလုပ်ဆောင်ရမယ့်စာရင်းထဲထည့်ထားတဲ့ သမ္မတ နဲ့ အမိ‌‌မြေလုံခြုံရေးဋ္ဌာနတို့ကကျောင်းတွေမှာ ကျောင်းသားစီစစ်ရေး နဲ့ ကျရောက်လာတတ်တဲ့အန္တရာယ်တွေကိုဝေဖန်ပိုင်းခြား၊ ပြင်ဆင်၊ တုံ့ပြန်တတ်ဖို့လမ်းညွှန်မှုတွေပေးသွားမှာပါ” အ‌မိ‌မြေလုံခြုံရေးဋ္ဌာနက အတွင်းရေးမှုးကပြောသွားတာဖြစ်ပါတယ်။

𝐡𝐭𝐭𝐩𝐬://𝐰𝐰𝐰.𝐬𝐜𝐡𝐨𝐨𝐥𝐬𝐚𝐟𝐞𝐭𝐲.𝐠𝐨𝐯/ မှာ အဓိကခေါင်းစဉ် (၉) ခု တွေ့ရပါတယ်။ အဲဒါတွေကတော့

.. 𝗕𝘂𝗹𝗹𝘆𝗶𝗻𝗴 𝗮𝗻𝗱 𝗖𝘆𝗯𝗲𝗿𝗯𝘂𝗹𝗹𝘆𝗶𝗻𝗴

.. 𝗧𝗵𝗿𝗲𝗮𝘁 𝗔𝘀𝘀𝗲𝘀𝘀𝗺𝗲𝗻𝘁 𝗮𝗻𝗱 𝗥𝗲𝗽𝗼𝗿𝘁𝗶𝗻𝗴

.. 𝗦𝗰𝗵𝗼𝗼𝗹 𝗦𝗲𝗰𝘂𝗿𝗶𝘁𝘆 𝗣𝗲𝗿𝘀𝗼𝗻𝗻𝗲𝗹

.. 𝗣𝗵𝘆𝘀𝗶𝗰𝗮𝗹 𝗦𝗲𝗰𝘂𝗿𝗶𝘁𝘆

.. 𝗧𝗿𝗮𝗶𝗻𝗶𝗻𝗴, 𝗘𝘅𝗲𝗿𝗰𝗶𝘀𝗲𝘀, 𝗮𝗻𝗱 𝗗𝗿𝗶𝗹𝗹𝘀

.. 𝗠𝗲𝗻𝘁𝗮𝗹 𝗛𝗲𝗮𝗹𝘁𝗵

.. 𝗦𝗰𝗵𝗼𝗼𝗹 𝗖𝗹𝗶𝗺𝗮𝘁𝗲

.. 𝗘𝗺𝗲𝗿𝗴𝗲𝗻𝗰𝘆 𝗣𝗹𝗮𝗻𝗻𝗶𝗻𝗴.

.. 𝗥𝗲𝗰𝗼𝘃𝗲𝗿𝘆 တို့ပါပဲ။

          ဒီအထဲမှာ ကျွန်တော်ဆွေးနွေးချင်တာက သင်တန်းပေး၊ လေ့ကျင့်၊ စုပေါင်းထွက်ပြေး ဆိုတဲ့ 𝗧𝗿𝗮𝗶𝗻𝗶𝗻𝗴, 𝗘𝘅𝗲𝗿𝗰𝗶𝘀𝗲𝘀, 𝗮𝗻𝗱 𝗗𝗿𝗶𝗹𝗹𝘀 မှာ ကျောင်းသားတွေရန်ပြုသူကို ခံမချခိုင်းပါဘူး။ ဘယ်သူလာရင် ဘယ်လိုရင်ဆိုင်မယ်ဆိုတာကိုသင်တန်းပေးတယ်။ အကျိုးအကြောင်းတစ်ခုပေါ်ပေါက်လို့ အန္တရာယ်ကျရောက်တော့မယ်ဆိုရင် ဘယ်လိုပုန်းရှောင်နေရမယ်ဆိုတာကိုလေ့ကျင့်ခိုင်းတယ်။ ပြီးတာနဲ့အစမ်းလေ့ကျင့်တဲ့ Drill ဉသြဆွဲပြီး အုပ်စုလိုက်ကျောင်းထဲကနေထွက်ပြေးဖို့သင်ပေးပါတယ်။

တစ်ချိန်တုန်းက ကိုရိုနာ နဲ့ အခုခေတ် ကိုရိုနာ

ဆောင်းပါးရှင် - ကိုညီညီ (တောင်ကြီး)

တို့များငယ်ငယ်တုန်းက တိုယိုတာကားတွေစီးတော့ တိုယိုတာ ကိုရိုနာ-Toyota Corona ဆိုတာရှိခဲ့တယ်။ အခုပြန်ဖတ်ကြည့်တော့ မှတ်မှတ်ရရ (၁၉၅၇) ကနေထုတ်ခဲ့တာ (၂ဝဝ၁) ခုနှစ်အထိ နှစ်များစွာတာစားခဲ့တယ်။ လူတိုင်းရဲ့လက်ထဲကို သူ့ကားရဲ့စတီယာရင်ကိုထိုးအပ်ခဲ့တယ်။ ဒါက ခပ်စောစောသိခဲ့တဲ့ ကိုရိုနာ။

တကယ်တမ်းလေ့လာကြည့်တော့ Corona ရဲ့အဓိပ္ပာယ်က နေနဲ့ကြယ်တာယာတို့ကနေထုတ်လွှတ်တဲ့ရောင်ခြည်အလင်းပါတဲ့အငွေ့အတန်းလို့ဆိုပါတယ်။ ပြောရရင်တော့ နေ နဲ့ ပြောရင် နေထီးဆောင်းတယ်။ လ နဲ့ ပြောရင် လထီးဆောင်းတယ်။ ဒီအဖြစ်အပျက်တွေက နေကြတ်/လကြတ်တဲ့အခါမှသာ ရှားရှားပါးပါးမြင်ရလေ့ရှိတဲ့ တန်ဖိုးထားကြတဲ့စကားလုံးဖြစ်ပါတယ်။

သက္ကရာဇ်စောစောပိုင်းကိုပြန်သွားရရင် စကားလုံးအစ လက်တင်ကလို့လူအများကယုံကြည်ကြပေမဲ့ ဒီ ကိုရိုနာစာလုံးဟာ စပိန်စကားရဲ့မူရင်းအဓိပ္ပာယ်ဖြစ်တဲ့ “သရဖူ-Crown” ကနေ ဆင်းသက်လာတယ်လို့ သိရှိရပါတယ်။ အမေရိကန်ပြည်ထောင်စု လော့အိမ့်ဂျလိစ်မြို့အနီးက မြစ်းကမ်းပါးခရိုင်-Riverside County, California မှာ စပိန်လူမျိုးအများစုရှင်သန်စီးပွားရှာတဲ့ ကိုရိုနာမြို့လေးလည်း ရှိနေပြန်ပါတယ်။

အနုပညာနဲ့ပတ်သက်တဲ့ ကိုရိုနာ ကို ပြပါဆိုရင် အီတာလျံအကအဖွဲ့ကို‌အ‌ခြေတည်ဖွဲ့ထားတဲ့ Corona Music Band ရှိ‌ခဲ့ပါတယ်။ သူ့ခေတ် သူ့အခါက အတော်လေးအောင်မြင်ခဲ့ပြီး ကျော်ကြားတဲ့သီချင်းက “The Rhythm of the Night” ပါ။

ကိုယ်ဝန်ဆောင်ခရီးသွားဗီဆာကြပ်ပြီ

ဆောင်းပါးရှင် - ကိုညီညီ (‌တောင်ကြီး)

          အမေရိကားကိုလာနိုင်တဲ့ပြည်ဝင်ခွင့်တွေထဲမှာ ကိုယ်ဝန်ဆောင်တွေအတွက် သီးသန့်ထုတ်ပေးတဲ့ဗီဆာဆိုတာမရှိပါဘူး။ ဒါပေမဲ့ အလည်အပတ်ဗီဆာကိုင်ထားပြီးခရီးသွားတဲ့ကိုယ်ဝန်ဆောင်တွေဟာ အမေရိကန်နိုင်ငံထဲမှာ ဘယ်လိုနေထိုင်ကြတယ်ဆိုတာကို ဒီသတင်းတိုလေးနဲ့အတူရှင်းပြသွားပါမယ်။

          အမေရိကန်သမ္မတရဲ့လက်ရှိအလုပ်ချင်ဆုံးကိစ္စတွေထဲမှာ အမေရိကားကိုဝင်ရောက်လာမယ့်ဗီဆာတွေကိုသေသေချာချာစိစစ်ဖို့အတွက်တော်တော်လေးအာရုံစိုက်နေပါတယ်။ နောက်ဆုံးကြားသိရတဲ့တားမြစ်ချက်ထဲမှာ "ကိုယ်ဝန်ဆောင်ခရီးသွား” တွေအလည်အပတ်ဝင်ရောက်လာမယ့်ဗီဆာကိုတင်းကြပ်ဖို့ပါဝင်နေပါတယ်။

          ရှင်းအောင်ပြောပြရရင် ဗီဆာရထားသူကိုယ်ဝန်ဆောင်မိခင်က အမေရိကန်မြေပေါ်မှာ ကလေး‌မွေးတဲ့အခါ မွေးလာတဲ့ကလေးက မွေးရာပါအခွင့်အရေး-Birthright Citizenship အရ အလိုလိုအမေရိကန်နိုင်ငံသားဖြစ်လာပါတယ်။ ဒါကိုအခွင့်ကောင်းယူပြီး မိမိရဲ့သားသမီးကိုအမေရိကန်နိုင်ငံသားဖြစ်အောင်လုပ်ဆောင်တဲ့ဝန်ဆောင်မှုဟာ အမေရိကား နဲ့ ပြင်ပကမ္ဘာတွေမှာ ဒေါ်လာသန်းနဲ့ချီတဲ့စီးပွားရေးကြီးဖြစ်နေတာပါ။

          မွေးပြီးတဲ့‌ကလေးကိုထားခဲ့တဲ့ "Birth Tourism" ကြီးထွားလာတဲ့နောက် ရုရှားကိုယ်ဝန်ဆောင်‌တွေ နဲ့ တရုတ်ကိုယ်ဝန်ဆောင်တွေကို သမ္မတထရမ့် အိမ်ဖြူတော်မှာရုံးခန်းမထိုင်ခင်ကတည်းကနှိမ်နင်းလာခဲ့တာ အမေရိကန်သံရုံးတွေနဲ့ လ.ဝ.က က နိုင်နိုင်နင်းနင်းကိုင်တွယ်နိုင်သလားဆိုတော့ . . မကိုင်တွယ်နိုင်ပါဘူး။ တားမြစ်သူက တားမြဲ၊ လာတဲ့သူက လာမြဲ၊ မွေးတဲ့သူက မွေးမြဲ ဖြစ်နေပါတယ်။

ရင်ခုန်သံချင်းထပ်တူ

ဆောင်းပါးရှင် - ကိုညီညီ (‌‌တောင်ကြီး)

          အဖေ နဲ့ သမီး ရင်ခုန်သံချင်းတူတယ်ဆိုရင် ယုံပါ့မလား။ အဖေ က အမေကိုတွေ့ ရင်ခုန်သံချင်းထပ်တူ။ အမေ က အဖေ့ကိုချစ် ရင်ခုန်သံချင်းထပ်တူ။ အမေ က သမီးကိုမွေး ရင်ခုန်သံချင်းထပ်တူ။ မောင်လေးက အစ်မကိုလေးစား ရင်ခုန်သံချင်းထပ်တူ။

          ကျွန်တော်တို့အားလုံးဟာ လောကထဲကိုအချိန်အတိုင်းအတာတစ်ခုအထိ အလည်လာခဲ့ကြတာပါ။ ဘယ်တုန်းကပြုခဲ့တဲ့ကံတွေကြောင့် ဒီဘဝရဲ့ ဒီရေစက်မှာပေါင်းဆက်ပြီး အိမ်သူနဲ့ဆို ဇနီးမယားအဖြစ်ပေါင်းဆုံရတယ်။ သမီး၊ သား နဲ့ကျတော့ ရင်နှစ်သည်းချာအဖြစ် ရင်ခုန်သံချင်းထပ်တူကျရတယ်။

         သမီးအကြောင်း ကျွန်တော့စာတွေမှာသိပ်ရေးလေ့မရှိဘူး။ သူ့ရဲ့အမူအကျင့်တွေကို လူသိအောင် ကျွန်တော်ရေးပြလေ့သိပ်မရှိဘူး။ ဒီနေ့ သူ့မွေးနေ့မှာတော့ သမီးအကြောင်းရေးဖို့စိတ်ကူးရလာခဲ့ပါပြီ။

          ကျွန်တော်ဟာ ငယ်ငယ်ကတည်းကမလုပ်ချင်တာတွေအများကြီးလုပ်ခဲ့ရတယ်။ သမီးကိုပျိုးထောင်တဲ့အချိန်မှာ သူမလုပ်ချင်တာဆိုရင် ကျွန်တော်အတင်းကြီးမလုပ်ခိုင်းဘူး။ အခု ကျွန်တော်မလုပ်ချင်တာကိုမလုပ်ပဲနေခွင့်ရတဲ့အချိန် သမီးနဲ့ရင်ခုန်သံချင်းထပ်တူကျလာပါပြီ။

          ကျွန်တော်ဟာ ငယ်ငယ်ကတည်းကလုပ်ချင်တဲ့တစ်ခုခုဆို မရရအောင်လုပ်တယ်။ မဖြစ်မနေလုပ်တယ်။ စားမေးပွဲတွေမှာတော့ အားမသန်လို့မာန်လျှော့ခဲ့ရတာလွဲရင် လုပ်ချင်တာကိုလုပ်ခွင့်ရခဲ့တာချည်းပဲ။

ပြောင်းလဲလာတဲ့ အမေရိကန် လ.ဝ.က ရဲ့ စည်းမျဉ်းအသစ်တစ်ချို့

ဆောင်းပါးရှင် - ကိုညီညီ (‌‌တောင်ကြီး)

          (၂ဝ၁၉) မှာ အသက်ဝင်ခဲ့တဲ့ သမ္မတထရမ့်အစိုးရရဲ့ပြောင်းလဲမှုဥပဒေတွေထဲက (၂ဝ၂ဝ) ခုနှစ်ကိုအကျိုးသက်ရောက်စေတဲ့အချက်တွေထဲက (၄) ခု ကို ထုတ်နှုတ်ရေးသားပြပါရစေ။ ဒီအထဲမှာ အမေရိကားကိုတရားဝင်နေထိုင်နေပြီးသား အသစ်ပြောင်းရွှေ့သူ-New Immigrants တွေ မလွဲမသွေလိုက်နာရမယ့်ဥပဒေသစ်တွေပါနေပါတယ်။ နည်းနိုင်သမျှနည်းအောင်ကြိုးစားနေတဲ့ပြည်ဝင်ခွင့် နဲ့ ဆွဲထားနိုင်သမျှဆွဲဆန့်ချင်နေတဲ့လုပ်ဆောင်ပုံအဆင့်ဆင့်တွေဟာ အမေရိကန်နယ်စပ်လုံခြုံရေးဝန်ကြီးဋ္ဌာနရဲ့သြဇာကိုပိုမိုကြီးထွားလာစေပြီး တရားဝင်ပြောင်းရွှေ့လိုသူတွေရဲ့အကျိုးခံစားခွင့်-Benefit တွေကို လျှော့ချလိုပုံရပါတယ်။

 “ကောက်ခံတဲ့ဝန်ဆောင်ခတွေတိုးမြင့်လာနိုင်”

          အမေရိကန် လ.ဝ.က ဟာ နိုင်ငံသားတွေအပေါ်မှာ ဝန်ဆောင်ခတွေအဆမတန်တိုးမြင့်ကောက်ခံသွားဖို့ရှိနေပါတယ်။ အထင်သာ အမြင်သာဆုံးကိုပြပါဆိုရင် နိုင်ငံသားစာမေးပွဲဖြေဖို့ဖောင်-U.S. Citizenship through Naturalization Application တင်ဖို့ ဒီနှစ်ထဲမှာ ဒေါ်လာ (၁၁ရဝ) ပေးရတော့မှာပါ။ အရင်ပေးနေရတဲ့ ဒေါ်လာ (၆၄ဝ) ထက်စာရင် (၈၃%) မြင့်တက်သွားတာဖြစ်ပါတယ်။

           နိုင်ငံရေးခိုလှုံခွင့်ဖောင်-Asylum Seekers for Their Application အတွက် ဒေါ်လာ (၅ဝ) ပေးမှ တင်ခွင့်ပြုပါတော့မယ်။ ဒီအခကြေးငွေကောက်ခံမှုဟာ တစ်ကမ္ဘာလုံးမှာ လူသားချင်းစာနာမှုကာကွယ်ရေး-Humanitarian Protection ကိုငွေပေးမှလုပ်ဆောင်ပေးတဲ့ (၄) နိုင်ငံထဲကို အမေရိကန်နိုင်ငံဝင်ရောက်လိုက်တာဖြစ်ပါတယ်။ လူသိများတဲ့နောက်တစ်ခုက EAD- Employment Authorization Document လို့ခေါ်တဲ့ အလုပ်လုပ်ပိုင်ခွင့်-Work Permit အခွန်ကို ဒေါ်လာ (၄၉ဝ) ၂ဝ% တက်လာတာပါ။

          ဒါက ဖတ်မိတဲ့ဆောင်းပါးထဲမှာပါတဲ့ တက်စျေးတစ်ချို့သာဖြစ်ပါတယ်။ လက်ရှိလုပ်နေတဲ့အမှုတွဲရဲ့ဝန်ဆောင်မှုစျေးနှုန်းတက်/မတက်ဆိုတာကိုဂဂဏဏသိချင်ရင်  ဒီနေရာ (https://www.uscis.gov/forms/our-fees) မှာဝင်ဖတ်နိုင်ပါတယ်။

“နိုင်ငံသားစာမေးပွဲဖြေဖို့မေးခွန်းတွေပိုခက်လာနိုင်”

(၂ဝ၁၉) ခုနှစ်မှာ အမေရိကန်တစ်နိုင်ငံလုံးမှာကျင်းပတဲ့နိုင်ငံသားသစ်တွေကိုကြိုဆိုတဲ့ကျမ်းကျိန်ပွဲပေါင်း (၄ဝဝဝ) ကနေ လျှောက်ထားသူပေါင်း အယောက် (၈၃၄ဝဝဝ) ကို အမေရိကန်နိုင်ငံသားအဖြစ်ခံယူခွင့်ပေးခဲ့ပါတယ်။ ဒီပမာဏဟာ (၁၁) နှစ်အတွင်းမှာအမြင့်မားဆုံးဖြစ်တာနဲ့အညီ လက်ရှိသမ္မတရဲ့အထူးအာရုံစိုက်မှုကိုရရှိထားတာလည်းဖြစ်ပါတယ်။

          ဒါရဲ့အကျိုးဆက်အနေနဲ့ အမြဲတမ်းနေထိုင်ခွင့်ကဒ်ပြားအစိမ်းကိုင်ထားသူ-Permanent Residents တွေဟာ နိုင်ငံသားစာမေးပွဲမေးခွန်းတွေကို အရင်ထက်ပိုမိုနားလည်ဖို့လိုလာတယ်လို့သိရပြန်ပါတယ်။

           သာမန်ထက်ပိုတဲ့ အင်္ဂလိပ်စာကိုကောင်းကောင်းမွန်မွန် မှန်မှန်ကန်ကန်ဖတ်နိုင်၊ ရေးနိုင်၊ ပြောနိုင်ဖို့လိုလာမယ့်အပြင် အမေရိကန်သမိုင်းနဲ့အစိုးရရုံးစံနစ်တွေရဲ့ဖွဲ့စည်းပုံတွေကိုသိကျွမ်းပြီးသားဖြစ်နေရပါမယ်။ ဒါမှသာ နိုင်ငံသားစာမေးပွဲကအရာရှိမေးတဲ့မေးခွန်းတွေအတွက် အဆင်သင့်ဖြစ်နေမှာပါ။ ဒါ့အပြင် လူ့ကျင့်ဝတ် နဲ့ သာမန်လူတစ်ယောက်မှာရှိသင့်ရှိအပ်တဲ့အကျင့်စရိုက်တွေကိုဆန်းစစ်နိုင်ပါသေးတယ်။

           ဒါတင်ဘယ်ကဦးမလဲ နိုင်ငံသားတစ်ယောက်မလုပ်သင့်တဲ့ အာမခံကိစ္စရပ်တွေမှာတရားခွင်ကိုရှောင်တိမ်းတာ၊ ဘဏ်စာရင်းလိမ်တာ၊ အခွန်ရှောင်တာ၊ လူမှားရိုက်ပြီးနိုင်ငံသားလျှောက်တာ စတဲ့ ဖြစ်နိုင်ခြေရှိလောက်တဲ့အရိပ်အယောင်တွေကိုအရာရှိကရှာဖွေနေမှာဖြစ်ပါတယ်။

နွားသိုးဗိုလ်တစ်ကောင်နည်းဗျူဟာနဲ့အမေရိကားရောက်ဆိုနီ

ဆောင်းပါးရှင် - ကိုညီညီ (တောင်ကြီး)

အမေရိကားရဲ့စတိုးဆိုင်တွေပေါ်မှာတွေ့ရတဲ့ဆိုနီတံဆိပ်ရုပ်မြင်သံကြားဟာဒီစင်တွေပေါ်လွယ်လွယ်ကလေးရောက်လာခဲ့ကြတာမဟုတ်ပါ။ အားမနာတမ်းပြောရမယ်ဆိုရင် (၁၉၇ဝ) ခုနှစ်ဝန်းကျင်က အမေရိကားမှာ နာမည်မရှိ၊ ထုတ်ကုန်ကိုလူမသိ၊ မေးမြန်းသူမရှိ ဂို‌ဒေါင်မှာ Stock တွေပိနေတာ ဂျပန်မှာရောင်းအကောင်းဆုံး Sony ရဲ့ ထွက်ကုန်‌တွေပဲဖြစ်ပါတယ်။

ဒါဆိုရင် ဆိုနီဟာ ဆိုင်တွေပေါ်မှာရောင်းမရတဲ့ပစ္စည်းတွေကိုအကုန်ပြန်သိမ်းပြီးဂျပန်နိုင်ငံကိုပြန်သယ်သွားသလား? မဟုတ်ရပါ။ လူသိများအောင်လုပ်ဖို့ခက်ခဲနေတဲ့တံဆိပ်တစ်ခုကို လူသိပ်မသိတဲ့ ပင်လယ်ရပ်ခြားရောင်းအားမြှင့်တင်ရေးဌာနအကြီးအကဲတစ်ယောက်ကို ဆိုနီက တာဝန်ပေးခဲ့ပါတယ်။

မစ္စတာရာနာဂီ-Mr. Yanagi အမေရိကန်နိုင်ငံချီကာဂိုမြို့ကိုရောက်တဲ့အခါမှာတော့ ချောင်ထိုးခံထားရတဲ့ဖုန်အလူးလူး ဆိုနီတီဗီတွေကဝမ်းနည်းဖွယ်ရာဆီးကြိုနေပါတယ်။ လက်ရှိခန့်ထားတဲ့မန်နေဂျာက ဆိုနီပစ္စည်းတွေကို ချီကာဂိုမြို့ရဲ့လမ်းတွေပေါ်မှာ၊ ချီကာဂိုမြို့ရဲ့သတင်းစာတွေပေါ်မှာ ဈေးနှုန်းတွေအတင်းချပြီးကြော်ငြာနေတာ၊ ကြိုးစားပြီးအရောင်းမြှင့်တင်နေတာ မစ္စတာရာနာဂီ တွေ့ရပါတယ်။

ဘယ်လိုပင်‌ကောင်းအောင်ကြော်ငြာပါစေ၊ ဘယ်လောက်သက်သာအောင်စျေးချနေပါ‌စေ သုံးစွဲသူကပစ္စည်းကောင်းလို့မသတ်မှတ်တာကအဓိကပြဿနာဆိုတာမစ္စတာရာနာဂီ တွေ့ရှိခဲ့တယ်။ ဒီအတွက်ရောဂါသည်ဆိုနီရဲ့စီးပွားရေးအသက်ရှင်မှုနဲ့အမေရိကားမှာရပ်တည်နိုင်ဖို့အတွက်ပထမဦးဆုံးကုထုံးကိုရှာဖွေပါတော့တယ်။

ရုပ်ဆိုးသွားတဲ့ဆွယ်တာတစ်ထည်ရဲ့သမိုင်း

ဆောင်းပါးရှင် - ကိုညီညီ (တောင်ကြီး)

         အေးချမ်းလှတဲ့အခုလိုရာသီမျိုးရောက်ရင်အအေးဒဏ်ကိုကာကွယ်ဖို့အနွေးထည်မျိုးစုံဝတ်ကြတယ်။ လက်တိုကနေ လက်ရှည်၊ လက်ရှည်ကနေ အနွေးထည်၊ အနွေးထည်တွေဆင့်ကာဆင့်ကာထပ်ဝတ်ရင်း နောက်ဆုံးချွေးထွက်တဲ့အထိအနွေးဓာတ်ပေးနိုင်တဲ့ "ဆွယ်တာ-Sweater" ဆိုတာ ဝတ်လာကြတယ်။

          စိတ်မကောင်းပါဘူး အမေရိကား . . ဆွယ်တာ ကို အမေရိကားက စထွင်ခဲ့တာမဟုတ်ပါဘူး။ (၁၈) ရာစုက ဂရိတ်ဘရစ်တင်စစ်သူကြီးတစ်ယောက်က စစ်ပွဲတစ်ခုမှာ သူ့ရဲ့တပ်သားတွေကို အေးခဲလှတဲ့သေမင်းတမံလွင်ပြင်ကိုဖြတ်သန်းတဲ့အခါ အအေးဒဏ်ကိုခံနိုင်တဲ့ ချည်သားအဖြူနဲ့အပြာရောင်ဆိုးထားတဲ့ချည်လက်ကျန်တွေနဲ့ယက်လုပ်ဝတ်ဆင်ခိုင်းခဲ့တယ်။

          အစပိုင်းကနှစ်ချောင်းထိုးချည် နဲ့ ရှေးဟောင်းအီဂျစ်တို့ရဲ့နံရံရုပ်ပုံတွေကိုပေါင်းစပ်ထားတဲ့ ချည်ထိုးအနွေးထည်ဟာ အချမ်းဒဏ်ကို အမှန်တကယ်ကာကွယ်ပေးထားနိုင်ခဲ့တယ်။ အခုခေတ်အခေါ်ဆွယ်တာကို စစ်သူကြီး James Brudenell, 7th Earl of Cardigan ကို အစွဲပြုပြီးခေါ်ခဲ့တဲ့နာမည်ကတော့ "Cardigan" ဖြစ်ပါတယ်။

A True Friend Will Take You to Your Destiny

ဆောင်းပါးရှင် - ကိုညီညီ (‌‌တောင်ကြီး)

မကြာသေးခင်လေးကမှဖတ်ထားဖူးတဲ့စာသားလေးတစ်ကြောင်းဟာ ကျွန်တော့်ခေါင်းထဲကနေပြန်မထွက်သွားနိုင်ဘဲ စိတ်ထဲစွဲလို့ ရင်ထဲမှာမြဲနေတဲ့အတွေးတွေဟာ အချိန်ပြည့်စိုးမိုးနေပါတယ်။ A True Friend ဆိုတာဘာလဲ? Destiny ဆိုတာဘာလဲ? ဒီနှစ်ခုက ဘယ်လိုဆက်စပ်နေပါသလဲ? တစ်ဆက်တည်း အတွေးနယ်ချဲ့နေမိရင်း ကိုယ့်ဟာကိုယ် စာရေးဖို့အချိန်နည်းနေတဲ့အကြောင်းကို အပြစ်ဖို့နေမိတယ်။

Google မှာ A True Friend လို့ရိုက်ချလိုက်တာ ရှာဖွေနိုင်တဲ့အဖြေပေါင်း (2,670,000,000) ခု ရှိပါတယ်။ အဖြေတွေဘယ်လောက်ပဲများပြားနေပါစေ ကျွန်တော်တို့ရဲ့ပတ်ဝန်းကျင်မှာ သူငယ်ချင်းကောင်းရှားတယ်လို့အမြဲကြားနေရတာတွေက လူသားတွေရဲ့ဘဝကို အထီးကျန်စေတယ်၊ အကျည်းတန်စေပါတယ်။
သန်းပေါင်းများစွာသောလူတွေကြားထဲမှာ သူငယ်ချင်းကောင်းတစ်ယောက်ရဖို့ဘာကြောင့်ခက်ခဲနေကြတာပါလဲ? Destiny အကြောင်းဆက်မဆွေးနွေးခင် သူငယ်ချင်းကောင်းတစ်ယောက်မှာရှိသင့် ရှိအပ်တဲ့အချက်တွေထဲက ရင်ကိုလာစိုက်တဲ့သံယောဇဉ်အပ်လေးတွေကိုထုတ်နှုတ်ပြသချင်မိတယ်။

သူငယ်ချင်းကောင်းတစ်ယောက်ဟာ . . .

၁.. မိတ်ဆွေအတွက်အမြဲရပ်တည်တယ်-A True Friend Has Your Back
ရုပ်အားဖြင့်ဖြစ်စေ၊ စိတ်ဓါတ်အားဖြင့်ဖြစ်စေ သူငယ်ချင်းကောင်းတစ်ယောက်ဟာ မိတ်ဆွေရဲ့အကျိုးကိုအမြဲလိုလားသူတစ်ယောက်ဖြစ်ပါတယ်။ ဘယ်သူတွေက ဘယ်နေရာကနေရန်ပြုနေပါစေ သူငယ်ချင်းတစ်ယောက်ဟာ မိတ်ဆွေကိုကာကွယ်ဖို့ဝန်မလေးတတ်ဘူး။ တကယ်လိုအပ်တဲ့အချိန်မှာ ဘာအကျိုးပြန် အကျိုးစားမှမမျှော်လင့်ဘဲ ကူညီတတ်တာ သူငယ်ချင်းကောင်းတစ်ယောက်လို့ နိဒါန်းပျိုး မော်ကွန်းထိုးချင်တယ်။


၂.. အစစ်အမှန်ဖြစ်ပြီးရိုးသားတယ်-They're Authentic and Honest with You
ရှင်းလင်းပြတ်သားတဲ့ဘယ်ကိစ္စမဆိုရိုးသားမှုမှာအခြေတည်ကြရတယ်။ သူငယ်ချင်းကောင်းအချင်းချင်းဆက်နွယ်မှုအရ ဘယ်နေရာပဲရောက်နေနေ ရှေ့တင်မှာရော မမြင်ကွယ်ရာနောက်အခြေအနေတစ်ခုမှာရော "အစစ်အမှန်ဖြစ်ဖို့" လိုအပ်လှပါတယ်။
သူငယ်ချင်းကောင်းတစ်ယောက်ဟာ သူအောင်မြင်ဖို့ထက် မိတ်ဆွေအောင်မြင်တာကိုပိုမြင်ချင်တယ်။ သူငယ်ချင်းကောင်းတစ်ယောက်က မိတ်ဆွေအပေါ်တကယ်ကောင်းရဲ့လားဆိုတာ အခက်အခဲတွေကိုပြောပြရင်းစမ်းသပ်ကြည့်လို့ရတယ်။ မိတ်ဆွေအပေါ်ထားတဲ့သူ့ရဲ့ယုံကြည်မှု နဲ့ သူငယ်ချင်းကောင်းတစ်ယောက်ရဲ့တန်ဖိုးဟာ ဒီနေရာမှာမှတ်ကျောက်အတင်ခံပါလိမ့်မယ်။

တက္ကသိုလ်ဘွဲ့ဟာ လူတိုင်းနဲ့မသက်ဆိုင်ပါ

ဆောင်းပါးရှင် - ကိုညီညီ (‌တောင်ကြီး)

          လူတွေဟာ ကြီးပြင်းလာကတည်းက သူ့ရေခံနဲ့ သူ့မြေခံနဲ့။ ဒီဘက်မြေမှာဆိုရင် "The Way They Grew Up Is Different-သူတို့ကြီးပြင်းရင့်ကျက်လာတာဟာသူများနဲ့မတူဘူး" လို့ပြောကြတယ်။ ဒီလိုနည်းနဲ့လောကကြီးထဲကိုပို့လိုက်ကြတော့ ကလေးသူငယ်တွေဆိုတာ သူတစ်ပါးတစ်ယောက်၊ လူတစ်စုတစ်ဖွဲ့ဟာ "ငါ" နဲ့မတူဘူးဆိုတာလက်ခံထားကြရင်းငယ်ငယ်လေးနဲ့ မတူကွဲပြားခြင်းဝါဒ-Diversity ကို ဆင်ခြင်သုံးသပ်ကြဖို့နှလုံးရည်ပြည့်ဝနေလေ့ရှိကြတယ်။

          ဒီလိုစိတ်ဓါတ်ရှင်သန်တဲ့နေရာမှာ ဒီမိုကရေစီထွန်းကားတယ်။ ဒီလိုအတွေးအခေါ်များများရှိတဲ့တိုင်းပြည်မှာ စီးပွားရေးတိုးတက်တယ်။ ထစ်ကနဲရှိ မကျေနပ်ရင် ရန်ထဖြစ်လိုက်မယ် . .  ဘာမှတ်နေသလဲ ဆိုတဲ့လူမျိုးတွေမှာ ငါနဲ့တူဖို့ကြိုးစားရင်းကနေ တိုင်းပြည်အဆက်ဆက် ထီးနန်းအသက်သက် သွေးစက်တွေရင်းပြီး အချည်းနှီးဖြစ်ကျန်ရစ်ခဲ့ကြရလေတယ်။

          ကဲ . . ခေါင်းစဉ်ဘက်ကိုပြန်သွားရအောင်။ ဆရာကြီးဦးအောင်သင်းပြောသလို "လူတွေဟာ သူများထီပေါက်ရင် ငါပေါက်နိုင်တယ်ဆိုပြီး ကံကိုယုံကြတယ်။ သူများကားတိုက်ခံရရင် ငါလည်းကားတိုက်ခံရနိုင်တယ်လို့ မတွေးကြဘူး" ဆိုတာသိပ်မှန်တယ်။ သူများသူဋ္ဌေးဖြစ်ရင် ငါဖြစ်နိုင်တယ်လို့ထင်ကြတယ်။ သူများဆင်းရဲသွားလို့ ငါဆင်းရဲသွားနိုင်တယ်လို့ဘယ်သူမှမထင်ကြဘူး။ မဖြစ်ချင်ကြဘူး။

          တစ်ဆက်တည်းမှာ နိုင်ငံတစ်နိုင်ငံရဲ့ဆင်းရဲခြင်း နဲ့ ချမ်းသာခြင်းကိုတိုင်းတာတဲ့အခါ ငွေကြေးနဲ့တိုင်းတာရင်း ပညာရေးကိုအောက်ချနင်း သက်ဆင်းသွားခဲ့ရတဲ့အဖြစ်တွေကရင်နှင့်စရာဖြစ်ကျန်ခဲ့တယ်။ လူတိုင်းဟာတိုင်းပြည်ကိုကယ်တင်ချင်တယ်လို့ပြောတယ်။ တကယ်တော့ လူတွေကတိုင်းပြည်ကြီးကိုကယ်တင်နေတာလား? တိုင်းပြည်ကြီးကလူတွေကို ပြန်ကယ်တင်နေရတာလားဆိုတာ သမိုင်းရဲ့ပေးထားချက်နဲ့အညီ ပြန်စဉ်းစားရလိမ့်မယ်။

(၁) မိသားစု (၂) ကျောင်း (၃) အလုပ်

ဆောင်းပါးရှင် - ကိုညီညီ (တောင်ကြီး)

မိသားစုလိုက် နေရာသစ်တစ်ခုမှာ အခြေချမယ်စဉ်းစားတော့ ကျွန်တော့ခေါင်းထဲမှာ အရွေ့ဖြစ်စဉ်ကြီး-Phases (၃) ခု ရှိခဲ့တယ်။ အဲဒီ (၃) ခုရဲ့ရှေ့မှာတော့ နောက်ပိုင်းနှစ်တွေကျမှဆုံးဖြတ်နိုင်မယ့် "ဒီနေရာမှာအခြေချမယ် (Yes, I’ll Stay)" နဲ့ "မနေဘူး ပြန်မယ် (No, I’m Out)" ဆိုတာတွေ ရှိနေခဲ့ပါတယ်။

တကယ့်ကိုစီမံကိန်းကြီးလိုဆွဲပြီး အမေရိကားမှာအခြေတည်သင့်တာက
ဦးစားပေး (၁) မိသားစု
ဦးစားပေး (၂) ကျောင်း
ဦးစားပေး (၃) အလုပ် တို့ဖြစ်ပါတယ်။

ဒီဖြစ်စဉ်တွေကို “အစီအစဉ်အတိုင်း” ပေးမဖြတ်သန်းတဲ့တစ်ချို့တွေဟာ မှန်းသလိုမဖြစ်လာတော့ ဖြစ်သလိုလှမ်းလျှောက်ကြရင်း သူတို့ရဲ့ဘဝတွေဟာ ဦးတည်ရာမရဖြစ်လာတာမြင်ဖူးတယ်။ မိသားစုပါလာတဲ့အိမ်ထောင်စုမျိုးဟာ အမေရိကားမှာသိပ်အရေးကြီးတယ်။ အဓိကပြောချင်တာက ကလေးငယ်တွေကိုဘယ်လိုပျိုးထောင်ကြမလဲ? ဒီအကြောင်းအရာက အင်မတန်လက်ဝင်သလို နူးညံ့လွန်းတဲ့အပြင် ထိလွယ် ရှလွယ် ပွန်းပဲ့လွယ်ကြတယ်။

ဥပမာပေးရမယ်ဆိုရင် DV ပေါက်ပြီးအမေရိကားရောက်လာတဲ့မိန်းကလေးတစ်ယောက်ဟာ အင်ဂျင်နီယာဘာသာရပ်နဲ့ဘွဲ့ယူပြီး ဘဝကိုရပ်တည်ဖို့ စိတ်ပိုင်းဖြတ်ထားပါသတဲ့။ ဒါနဲ့ ဒီကိုရောက်တယ်၊ ဘဝကိုအစကနေပြန်စရတယ်၊ အခြေချတယ်၊ အလုပ်စလုပ်တယ်၊ အလုပ်လုပ်ရင်းကျောင်းတက်တယ်၊ ကျောင်းစာကောင်းကောင်းလုပ်နိုင်ဖို့ အိပ်ချိန်နဲ့ အလဲအလှယ်လုပ်ရတယ်။ နောက်ပိုင်းကျေတာ့ အလုပ်လုပ်တဲ့အချိန်များလာပြီး ကျောင်းစာကိုပစ်ချထားလိုက်မှ အလုပ်ကောင်းကောင်းလုပ်နိုင်လာတယ်။ အဲဒါကိုပဲကြည့်။

အခုဆိုရင် သူရောက်တာ (၁ဝ) နှစ် ကျော်နေပြီ ကျောင်းကတက်လို့မပြီးသေးဘူး။ များလှတဲ့ဗာဟီရ၊ မပြတ်ရှာဖွေကျွေးမွေးရတဲ့ခန္ဓာရဲ့ဒုက္ခ၊ သင်လိုက်တဲ့ကျောင်းကစာတွေက မရ နဲ့ စာသင်ယူနစ်နည်းနည်းသာယူနိုင်တဲ့ သက်တမ်းရှည်ကျောင်းသားဖြစ် နေပါတယ်။

နောက်တစ်ယောက်ကျတော့ မြန်မာနိုင်ငံမှာ အင်္ဂလိပ်စာကိုငယ်ငယ်လေးကတည်းကအလွန်အမင်းကြိုက်နှစ်သက်ခဲ့တဲ့ကောင်လေးတစ်ယောက်ဟာ သူမှန်းထားတဲ့အရွယ်ထက် (၈) နှစ်လောက်နောက်ကျမှ သူ့စိတ်ကူးအိပ်မက်တိုင်းပြည်အမေရိကားကိုရောက်တော့ လျှာတွေကခေါက်နေပြီ။ အင်္ဂလိပ်စကားကမပီတော့။