ဖေ့စ်ဘွတ်ခ်အသက် နှစ်ရက်နဲ့တစ်မနက်

ဆောင်းပါးရှင် - ကိုညီညီ ( တောင်ကြီး )

.

ဒီဆောင်းပါးကိုရေးဖို့ အားသွင်းထားတာကြာပြီ  တော်တော်နဲ့ မရေးဖြစ်ခဲ့ဘူး။ ရေးပြီးတိုင်းလည်း အသက် ငွေ့ငွေ့သာရှိတဲ့ ဖေ့စ်ဘွတ်ခ်ပေါ်က အများသူငါရေးတဲ့ Status တွေရဲ့သက်တမ်းကိုသိနေတော့ တစ်ခြား အကျိုးပြုစာတွေဘက်ကိုသာ ရောက်ရောက်သွားခဲ့တယ်။ အခုလည်းကြည့်လေ .. စာဖတ်သူက “ ဒီဆောင်းပါးအရှည်ကြီးလား ? ” ဆိုပြီး ဖုန်းအောက်ပိုင်းကို လက်မလေးနဲ့ဖိပြီး ကြည့်နေတယ်မဟုတ်လား? သိနေပါတယ်လေ..။

.

တစ်လောက ကုန်သည်ဘဝတုန်းက ကျေးဇူးရှိတဲ့ အစ်ကိုတစ်ယောက်ကို အလည်ရောက်လာတော့ နှင်းတောင်လိုက်ပို့ဖြစ်တယ်။ ကားမောင်းနေတုန်း သူကမေးတယ် “ မင်း ဘယ်လို စာရေးဖြစ်သွားတာလဲ ” တဲ့?

.

( ၂ဝ၁၂ ) ခုနှစ်မှာ မြန်မာနိုင်ငံတစ်ခေါက် ပြန်တယ်၊ ကိုယ်သိတဲ့ပညာရှာရာနည်းလမ်းတွေ၊ ကျောင်းတွေ ကောလိပ်အကြောင်းတွေ၊ သားသမီးပျိုးထောင်ပုံ ပျိုးထောင်နည်းတွေ နဲ့ နေ့စဉ်ပြောစကားမတူတဲ့နယ်မြေရပ်ဝေးမှာ ငွေထုတ်ထမ်းပြီးသွာတာတောင် ဘယ်လိုရုန်းကန်ပြီး ဘဝရပ်တည်ရတယ်ဆိုတာကို ( သိသလောက် တတ်သလောက် မတောက်တစ်ခေါက် ) ပြောပြဖို့ကို ဘယ်သူမှ နားမထောင်ချင်ဘူး။ ဘယ်မေးခွန်းမှမေးမယ့်သူမရှိဘူး။ သူတို့ရဲ့သား က နယူးယောက်က တက္ကသိုလ်မှာ ဆရာဝန်လိုင်းတက်နေတာ ဆိုတာ နဲ့ ငါ့သမီးလည်း နောက်လ အမေရိကားသွားတော့မှာဆိုတာတွေပဲ နားထောင်ပြီး ပြန်လာခဲ့ရတယ်။ ဒါနဲ့ ဒီဘက်မြေပြန်ရောက်ပြီး နောက်တစ်နှစ်လောက်နေတော့ ကိုယ်သိထားတာတွေကို အသိပညာဖြန့်ဝေဖို့ စာရေးပြီးပြောရတာပါပဲ .. လို့ ရှည်ရှည်ဝေးဝေးရှင်းပြတော့ သူက အော် .. သိပြီ .. “ ပြောချင်တာကို နားထောင်မယ့်သူမရှိလို့ စာရေးဆရာဖြစ်လာတာကိုး ” လို့ သုံးသပ်သွားပါတယ်။ အမှန်က ကျွန်တော်က စာရေးဆရာမဖြစ်သေးပါဘူး။ စာတိုမုတ်စရေးတဲ့ စာရေးသားသူတစ်ယောက်သာသာပါလို့ ပြန်ရှင်းပြမိတယ်။

.

.

မှန်ပါတယ်။ ကျွန်တော်ဟာ အဟောအပြောကောင်းဖို့ဝေးစွ .. စကားတစ်ခွန်းတောင် လေသံချောအောင်ပြောတတ်သူတစ်ယောက် မဟုတ်ပါဘူး။ ပြောတဲ့စကားတစ်ခွန်းတစ်ခွန်းကလည်း “ ကုလား ( ၅ ) ယောက်ထမ်းလာတာကမှ သူ့ထက်ပေါ့ဦးမယ် ” လို့ သုံးသပ်သူလည်း ရှိခဲ့ပါတယ်။ ဒါ့အပြင် ကုန်သည်ဘဝက ငွေရှင်ကြေးရှင်ဆိုတော့ ဆက်ဆံရေးက ပိုဆိုးတယ်။ အပေါက်ကလည်း ကြမ်းတယ်။ ငွေလည်းပေးဝယ်ရသေးတယ် .. ဟောက်လည်း ဟောက်ငမ်းသေးတယ်လို့ ပြောသူလည်း ရှိသပ..။ ဒါပေမယ့် အရောင်းအဝယ်သမားပေမို့ ဝယ်သူရဲ့အလိုလာဘ နဲ့ ဈေးကွက်ရဲ့ရနိုင်ခြေကို ဘယ်တုန်းကမှ ကျွန်တော်မျက်ခြေအပြတ်မခံခဲ့ပါဘူး။ ကဲပါလေ .. စာရေးဖြစ်လာရခြင်းဘက်ကို ပြန်သွားရအောင်..။

မအေးအေးနှင်း မေးသဖြင့် ဖြေပါသည်

ဆောင်းပါးရှင် - ကိုညီညီ ( တောင်ကြီး )

.

မအေးအေးနှင်း မေးသည် ။။။။။။။။။။ သားကို စာစိတ်ဝင်စားအောင် ဘယ်လို သင်ပြပေးခဲ့တယ်ဆိုတဲ့ စွမ်းရဲ့ ငယ်ဘဝ အကြောင်းရော ပြောပြပါလား ကိုညီညီ ရှင့်။ ဘာဖြစ်လို့လည်းဆိုတော့ ကျွန်မတို့ သားက ( ၆ ) နှစ်အရွယ် မို့လို့ပါ။ ကလေးတွေကို ထိန်းကျောင်းပေးတဲ့ ဥပမာတွေကို အများကြီးလေ့လာချင်ပါတယ်။ တော်တယ်နော်။ နာမည်နဲ့ လူနဲ့ တကယ်လိုက်တဲ့ " စွမ်း " ပါလား..။

.

.

ကိုညီညီ ဖြေသည် ။။။။။။။။။။ ပထမဦးစွာ “ စွမ်း ” ကို ချီးကျူးတဲ့အတွက် မိဘတစ်ယောက်နေရာကနေ ကြည်နူးဝမ်းသာဖြစ်ရပါတယ်။ အထူးသဖြင့် မအေးအေးနှင်းတို့လို ဒီနိုင်ငံရောက်ပြီး ကလေးငယ်တစ်ယောက်နဲ့ အလုပ်တစ်ဖက်လုပ်ကိုင်ရင်း အမေရိကန်အိပ်မက်ကို ကြိုးစားအကောင်အထည်ဖော်နေသူအချင်းချင်း အသိအမှတ်ပြုတော့ ပိုခံစားရပါတယ်။

.

“ စွမ်း ”  က ဒီနိုင်ငံရောက်တော့ ( ၉ ) နှစ် ရှိနေပါပြီ။ မြန်မာနိုင်ငံကနေ ( ၃ ) တန်း အောင်လာပါတယ်။ ကိုယ့်အရင်းကြီးလိုပြောရမယ်ဆိုရင် ကျေးဇူးရှိတဲ့ အစ်မအိမ်မှာ တစ်နှစ်လောက်နေခဲ့တဲ့ကာလအတွင်း မျက်စိရှေ့ကအရာအားလုံးဟာ ယောင်ချာချာပါပဲ။ ဘာလုပ်လို့ ဘာကိုင်ရမှန်းမသိချိန်တစ်လျှောက်မှာ ဒစ္စနေချန်နယ် ကလာတဲ့ အင်္ဂလိပ်ဇာတ်လမ်းတွဲတွေကို တောက်လျှောက်ထိုင်ကြည့်နေတာကတော့ “ စွမ်း ” ရဲ့ သေချာတဲ့တိုးတက်မှုတစ်ခု ဖြစ်မှန်းမသိဖြစ်ခဲ့တယ်။

.

ဒါ့အပြင် ကလေးငယ်တွေကြည့်တဲ့ ကာတွန်းကား၊ အင်နီမေးရှင်းဇာတ်လမ်းတွဲတွေကို မရှိဘူးဆိုရင် တစ်ရက်ကို ( ၄ ) နာရီလောက် ဆက်တိုက်ကြည့်တယ်။ တစ်ခါတစ်ခါများဆို မျက်စိပျက်မှာစိုးလို့ လျှော့ကြည့်လို့ ပြောရတဲ့အထိပါပဲ။ သူက လူကြီးတွေကြည့်သလို အပေါ်ကအရုပ်ပြ အောက်က စာတန်းကိုလိုက်ဖတ်သူမဟုတ်တော့ သူရတဲ့ အင်္ဂလိပ်စကားက ဒီမြေမှာပေါက်တဲ့ “ ဘို ” တွေလို အတိုင်းသား - Pure ဖြစ်သွားတာ ကံကောင်းတယ်လို့ ကျွန်တော်ကတော့ ယူဆမိပါတယ်။

အမြဲဝဖို့ချောင်းနေတဲ့ခန္ဓာကိုယ်

ဆောင်းပါးရှင် - ကိုညီညီ ( တောင်ကြီး )

.

ထိုင်ဝမ်နိုင်ငံကနေ အမေရိကားရောက်လာတဲ့ ဆရာဝန်တစ်ဦးက ပြောပြဖူးတယ်။ ပြောပြတယ်ဆိုတာထက် ပြီးခဲ့တဲ့နှစ်က ကျွန်တော် သည်းခြေအိတ်ခွဲစိတ်မှုလုပ်ပြီးခါစ မျက်နှာချောင်ကျလာတာကို သူက “ ခင်များ တော်တော်ပိန်သွားတယ် ” လို့ မှတ်ချက်ပေးနှုတ်ဆက်ရာကနေ စကားစမိတာဖြစ်ပါတယ်။ ခွဲစိတ်မှုပြီးလို့ အိမ်မှာနားနေတဲ့ကာလမှာ အမျိုးသမီးက လူနာကျွန်တော့ကို တော်တော်ဂရုစိုက်ပါတယ်။

.

အစားအသောက်စားရင် အဖတ်တွေ အခဲတွေအစား အရည်သောက်ခိုင်းတယ် .. ကြက်စွတ်ပြုတ် အမြဲပါတယ်။ အသားတွေကို သေးသေးလေးဖြစ်အောင် နွှင်ကျွေးတယ်။ ပန်းဂေါ်ဖီစိမ်း - Broccoli ဆို ကတ်ကြေးနဲ့ ညှပ်ကျွေးတယ်။ အများကြီးမစားခိုင်းဘူး .. တစ်နာရီခြားတစ်ခါ ကျွေးတယ်။ နောက်ပိုင်းမှာ နှစ်နာရီတစ်ခါ စားခိုင်းပါတယ်။

.

.

ဒီလိုနဲ့ မေ့ဆေးကနေ နလံထူလာတဲ့ အဆီခပ်ပြည့်ပြည့်ခန္ဓာကိုယ်ဟာ ကိုယ်ရည်စစ်လာတယ်။ ပြောရရင်တော့ ထပ်တိုးစရာအဆီအစိမ့်တွေ ထပ်မဖြည့်ဆည်းပေးတော့တဲ့အတွက် ဖောင်းနေတာတွေ ပိန်လာတဲ့သဘောပါ။ ဒါနဲ့ တစ်ပတ်ကျော်လာရော အလုပ်ပြန်တက်တော့ ဒီစံနစ်အတိုင်းပဲ စားတယ် .. သောက်တယ်။ ချက်ချင်းကြီး လူကောင်သေးသွားတဲ့ ကျွန်တော့မျက်နှာပိန်ကိုသတိထားမိသူများက နေမကောင်းဘူးလားလို့ မေးကြတယ်။

.

အဲဒီ ဆရာဝန်ကို အကျိုးအကြောင်းရှင်းပြပြီး “ ကျွန်တော်က မျက်နှာချောင်ချင်တာမဟုတ်ဘူး။ ဗိုက်ကျချင်တာဗျ ” လို့ ပြောတော့ သူက “ ဗိုက်က ဝရင် အရင်ပူတယ်။ ပိန်သွားရင် နောက်ဆုံးမှ ကျတယ် ” လို့ ပြန်ပြောတာကို ကျွန်တော်အသေအချာမှတ်ထားမိတယ်။ဆက်စပ်ပြီးစဉ်းစားတဲ့အခါ သူပြောတာနဲ့ ကျွန်တော့လက်ရှိအခြေအနေတို့က သွေးထွက်တာထက်မှန်နေတာကို တွေ့ရတယ်။ သူကလည်း သာမန်လူမှမဟုတ်တာ .. ဆရာဝန်ပဲလေ။

.

ဆရာဝန်ပေမယ့် အသက်ကြီးမှ မိသားစုနဲ့ အမေရိကားရောက်လာ၊ သမီးနှစ်ယောက်က တက္ကသိုလ်တက်၊ ဆရာဝန်လည်း ဆက်မလုပ်ချင်၊ ပိုက်ဆံကလည်း မရှာလို့မဖြစ်၊ မြန်မာနိုင်ငံကိုလည်း ပြန်လို့မရ၊ ဒီမှာလည်း မနေချင် အားလုံးနဲ့ထော်လော်ကန့်လန့်မလုပ်ချင်လို့ ဘယ်သူနဲ့မှ အလာပသလာပ စကားမပြော .. ဒါပေမယ့် တစ်ခုခုမပြောလိုက်နဲ့ အကုန်လုံးကို သူသိတယ်ဆိုတဲ့ လူတော်ကြီးပါ။ ကဲပါ .. သူ့အကြောင်းအသာထား .. အခုက သူပြောခဲ့တဲ့စကားတစ်ခွန်းနောက်က လှေကြီးနဲ့အပြည့်ထည့်ထားတဲ့အတွေးတွေအကြောင်း ဆက်ရအောင်..။

ကိုယ့်ဝန်ကိုယ်ထမ်း ကိုယ့်လမ်းကိုယ်လျှောက်

ဆောင်းပါးရှင် - ကိုညီညီ ( တောင်ကြီး )

.

ဆရာတော် ဘဒ္ဒန္တ ဒေါက်တာနန္ဒာမာလာဘိဝံသ ရဲ့ တရားတစ်ပုဒ်ကိုနာယူရင်း ဆရာတော်ဟောကြားတဲ့ “ ကိုယ့်ဝန်ကိုယ်ထမ်း ကိုယ့်လမ်းကိုယ်လျှောက် ” ဆိုတဲ့ တရားခေါင်းစဉ်ကို နှလုံးသွင်းမိတဲ့အခါ တောင်တန်းကြီးပေါ်ခရီးနှင်နေတဲ့ သံသရာလူသားရဲ့ အထုတ်အပိုးတွေကို စတင်ပြီးသတိထားမိလာပါတယ်။ ရှင်တော်မြတ်ဗုဒ္ဓရဲ့ ပရိတ်နိဗ္ဗာန်မစံတော်ခင်အထိ အကြိမ်ကြိမ်အထပ်ထပ်ဟောကြားခဲ့တဲ့ “ အပ္ပမာဒေန သမ္ဗာဒေထ - မြန်မာလို မမေ့မလျော့သတိနှင့်နေလော့ “ ဆိုတဲ့ တရားတော်လာနဲ့ဆန့်ကျင်စွာ ကျွန်တော်တို့ရဲ့ဘဝခရီးကြမ်းတွေကို မနိုင်ဝန်တွေထမ်းပြီး ဒုံးစိုင်းနှင်လာခဲ့တာ ဘယ်လောက်တောင်ကြာနေပြီလဲဆိုတာကို ဇက်ကြိုးသတ်ပြီး စဉ်းစားခန်းဝင်မိတယ်။

.

မိမိဘဝလမ်းကို မိမိတို့လိုတာတွေ ထမ်းပိုးရင်း ကျွန်တော်လို မနိုင့်တနိုင်လှမ်းလျှောက်ခဲ့သလို ကိုယ်လိုချင်တာကိုယူသွားနိုင်တဲ့ သတ်သတ်မှတ်မှတ်ပုဂ္ဂိုလ်များ -  Dedicated Person တွေကို အထူးချီးကျူးမိပါတယ်။ သူတို့လို လူတေ်ာတော်များများက စီးပွားမရှာနိုင်ကြဘူး။ သူတို့လို လူတော်တော်များများက နိုင်ငံရေးအထင်ကရအလုပ်တွေကို မလုပ်နိုင်ကြဘူး။ သူတို့ကို ဘယ်သူမှမှီအောင် ပရဟိတလုပ်ငန်းကို ကိုယ်ကျိုးစွန့်မလုပ်နိုင်ကြပါဘူး။

.

.

လူ့ဘဝသက်တမ်းတိုတိုလေးမှာ ငယ်ဘဝအသက်စသွင်းကြ၊ ကြီးပြင်းကြ၊ ပညာသင်ကြ၊ ဥစ္စာရှာကြ၊ တွန်းကြ တိုက်ကြ နဲ့ တော်တော့ကို အသက်ရှူမဝတဲ့ဖြစ်ရပ်တွေ ရှိကြစမြဲပါ။ ဒါကြောင့် ဖြတ်ကျော်နေတဲ့ဘဝအောင်မြင်အောင် ယှဉ်ပြိုင်လိုက်တိုင်းအနိုင်ရဖို့ လူစွမ်းလူရည် - Personal Capacity ရှိမှ လောင်စာအပြည့်ထည့်ထားတဲ့ ယာဉ်ရထားလို မတိမ်းမစောင်းမောင်းနှင်နိုင်ပါလိမ့်မယ်။

ကျွန်တော်တို့တစ်တွေ အမှန်ပြောကြမယ်

ဆောင်းပါးရှင် - ကိုညီညီ ( တောင်ကြီး )

.

ကျွန်တော်ဒီမြေပေါ်မှာဖြတ်သန်းခဲ့တဲ့ကာလတစ်လျှောက်မှာ မကြာခဏအမေးခံခဲ့ရတဲ့မေးခွန်းက “ ကိုညီ ဒီကိုဘယ်လိုနည်းနဲ့ရောက်လာတာလဲ “ ဆိုတာပါပဲ။ တစ်ခြားမြန်မာတွေအတွက် ခက်နိုင်ကောင်းပေမယ့် ကျွန်တော်အတွက် ဒီမေးခွန်းကိုဖြေဖို့အခက်အခဲမရှိပါဘူး။ လွန်ခဲ့တဲ့ အနှစ် အစိတ်လောက်က အမျိုးသားရဲ့မိဘတွေကခေါ်လို့ လာရောက်ခဲ့တဲ့ အစ်မက သူ အမေရိကားရောက်လို့ ဒီနိုင်ငံသားခံယူပြီး ပြန်ခေါ်လို့ မောင်နှမချင်းခေါ်တဲ့အစီအစဉ် နဲ့ ရောက်လာခဲ့ရခြင်းဖြစ်ပါတယ်။

.

ပြောင်းရွှေ့အခြေအနေ - Immigrant Status တွေထဲက အကြာဆုံး နဲ့ နှစ်အရှည်ကြာဆုံးစောင့်ရတဲ့ (F4) အဆင့်နဲ့ ကျေးဇူးရှိတဲ့ အစ်မတို့ဇနီးမောင်နှံက ကူညီလမ်းပြခေါ်ယူခဲ့လို့ ခြေချခွင့်ရခဲ့တာဖြစ်ပါတယ်။ အသေးစိတ်ကို အမေရိကန်အစိုးရဝဘ်ဆိုဒ် www.state.gov မှာ “ Family Fourth Preference (F4): Brothers and sisters of U.S. citizens, and their spouses and minor children, provided the U.S. citizens are at least 21 years of age “ ဆိုပြီး အကျယ်တဝင့်ရေးထားတာကို လေ့လာနိုင်ပါတယ်။

.

.

တစ်ချို့က ကျွန်တော်စာရေးတဲ့အကောင့်ကနေ ဒါကို မေးချင်တယ်။ သူတို့ရော ဘယ်လိုလာရောက်နိုင်မလဲ ဆိုတာ သိချင်ကြတယ်။ ဒီအကြောင်းကို နောက်ပိုင်းမှသိကျွမ်းလာရတဲ့စာဖတ်သူများကို https://www.facebook.com/photo.php?fbid=1507631116192023&set=pb.100008354461942.-2207520000.1447039794.&type=3&src=https%3A%2F%2Fscontent.fsnc1-1.fna.fbcdn.net%2Fhphotos-xpa1%2Fv%2Ft1.0-9%2F16809_1507631116192023_1964791009728047228_n.jpg%3Foh%3Da1e5219a297d61078d6c977ca22ed7a8%26oe%3D56F242A5&size=727%2C555 မှာ ပြန်ဖတ်စေချင်ပါတယ်။

စာလည်းသင်ပါ .. P.E လည်းလုပ်ပါ

ဆောင်းပါးရှင် - ကိုညီညီ ( တောင်ကြီး )

ဒီနေ့ ကျွန်တော် ရဲစခန်းရောက်ခဲ့တယ်။ ရဲစခန်းဆိုလို့ ကြောက်လန့်သွားစရာမရှိသလို ကျွန်တော်လည်း ဘာမှမဖြစ်ပါဘူး။ ဒီနိုင်ငံမှာ ရဲက လူတွေကိုကူညီဖို့ အဓိကဖွဲ့စည်းထားတာပါ။ လူ့အဖွဲ့အစည်းအတွက် ဝန်းရံပေးတဲ့ အသိုက်အမြုံတံတိုင်းတစ်ခုဆိုရင် ပိုမှန်ပါလိမ့်မယ်။ ကျွန်တော် ပညာရေးအကြောင်းရေးရင်  “ စွမ်း ” က ဇာတ်လိုက်နေရာက ပါနေကျ။ အခုလည်း သူ့ရဲ့ကျောင်းသားလှုပ်ရှားမှု - Interact လုပ်အားပေးအဖွဲ့ရဲ့ အစည်းအဝေးတစ်ခုကိုတက်ဖို့ ( ၂၈ ) မိနစ်မောင်းယူရတဲ့ မဲလ်ပိတပ်စ် - Milpitas မြို့ ကို ရောက်နေတာပါ။ အဲဒီလူငယ်တွေ့ဆုံပွဲ - Open District Council Meeting ကို မဲလ်ပိတပ်စ် ရဲစခန်းရဲ့ ခန်းမ - Community Room ထဲမှာလုပ်တာ .. ကဲ .. မဆန်းဘူးလား..။

.

“ စွမ်း ” က ကျောင်းမှာ P.E – Physical Education ကို ဖိဖိစီးစီးလုပ်တယ်။ တစ်နှစ်မှာ ရာသီ - Season အရ အားကစားအမျိုးအစားပြောင်းလဲမှုရှိပေမယ့် နှစ်စကနေ စာသင်နှစ်ကုန်းဆုံးတဲ့အထိ အမြဲပါဝင်ခဲ့တယ်။ လူကျန်းမာသလို သူငယ်ချင်းတွေနဲ့တွေ့ဆုံချိန်ပိုများလို့ သူအင်မတန်နှစ်သက်တဲ့ ကျောင်းသင်ခန်းစာလို့တောင် ပြောလို့ရတယ်။ တစ်ခါတစ်ခါများဆို အပြေးလေ့ကျင့်ပြီးပြန်လာလိုက်ရင် အိမ်ရောက်တော့ မဟန်နိုင်ပဲ မောပန်းနေလိုက်တာ။

.

ကြက်တောင်ရိုက်ရာသီဆိုလည်း ဒီအတိုင်းပဲ .. ကျောင်းလွှတ်တော့ သူ့အမေသွားကြိုပြီး အိမ်ပြန်ခဏနား၊ အစားနည်းနည်းစား၊ ပြန်ပို့..။ ကျွန်တော်အလုပ်ကပြန်လာမှ သူ့ကိုတစ်ခေါက်ပြန်သွားကြို။ အိမ်ပြန်ရောက်၊ ညစာစား၊ အိမ်စာလုပ်၊ ပရောဂျက်လုပ် နဲ့ နောက်တစ်ရက်မနက်စောစောအလုပ်သွားဖို့ ကျွန်တော်အိပ်သွားပေမယ့် သူမအိပ်ရသေးဘူး။

.

.

ဒါနဲ့  ကလေးပင်ပန်းတာကိုမကြည့်ရက်တဲ့ အမေလုပ်တဲ့သူက အားကစားမလုပ်လို့ရရင်လည်းမလုပ်နဲ့လေ .. နားနားနေနေ အိမ်စာလုပ်ဆိုတာကို သူက မရဘူး။ ဒါက ကျောင်းသားတိုင်းလုပ်ရမှာ .. ကောလိပ်တက်တဲ့အခါ အင်မတန်အထောက်အကူရတယ်လို့ ပြန်ရှင်းပြတယ်လေ။ ဒီနေ့ သူ့ကိုလိုက်ပို့ရင်း ကားပေါ်မှာရှင်းပြသွားတာက နိုင်ငံခြားမှာ အလယ်တန်း၊ အထက်တန်းကျောင်းတက်မယ့် သားသမီးတွေပါလာမယ့် ပြောင်းရွှေ့မြန်မာမိဘတွေအတွက် အများကြီးအကျိုးရှိနိုင်လို့ ပြန်လည်မျှဝေပေးချင်ပါတယ်။

လူမျိုးခြားနာမယ်များနဲ့အသံထွက်မပီခြင်းအရှုပ်တော်ပုံ

ဆောင်းပါးရှင် - ကိုညီညီ ( တောင်ကြီး ).

ကျွန်တော် ဒီဘက်နိုင်ငံမရောက်ခင်ကတည်းက ဘိုအစစ်တွေနဲ့ အဆက်အသွယ်ရှိခဲ့တယ်။ မှတ်မှတ်ရရ ဆီနိတ်တာ ဘရက်အိုဘားမား သမ္မတရာထူးအတွက် အပြင်းအထန်မဲဆွယ်နေတုန်းကပေါ့။ မတူတာကိုမှရွေးလုပ်တတ်တဲ့ အမေရိကန်လူမျိုးတွေ ဟိုးရှေးတစ်ချိန်တုန်းက အလုပ်ကြမ်းခိုင်းဖို့ တင်သွင်းလာတဲ့လူမည်းသွေးပါသူကို နိုင်ငံ့အကြီးအကဲမြှောက်မယ်တကဲကဲလုပ်နေတုန်းက ကျွန်တော်က သူ့ကို သမ္မတဖြစ်မယ်လို့ ပြောခဲ့တယ်။ အမှန်က သူ့နာမယ် အိုဘားမား ဖြစ်နေကတည်းက ကြိုက်နေပြီးသားပါ။ “ O ” မင်း မစွမ်းဖြစ်နေတဲ့ “ Burma ” ကို ကယ်မယ့်သူလို့ နာမည်အရ ကျွန်တော်က တွက်ထားခဲ့တာကိုး..။

.

.

ဒါကို အမေရိကားရောက်တော့ ကျွန်တော်နဲ့ တစ်သဘောတည်းရှိတဲ့ ဘို အမျိုးသမီးမန်နေဂျာတစ်ယောက်နဲ့ သွားတွေ့တယ်။ ဒီနိုင်ငံကကျေးဇူးရှိတဲ့ ကျွန်တော့အစ်ကခေါ်သွားလို့ အမေရိကန်မြေဆီလွှာပေါ်နင်းပြီး ပထမဦးဆုံးစကားပြောဖြစ်တဲ့ ဘိုမ တစ်ယောက်ဖြစ်ပါတယ်။ အိုဘားမားကိုဘယ်လောက်ကြိုက်တယ်ဆိုတာ ကျွန်တော်နဲ့သူနဲ့  အားရပါးရပြောကြတယ်။ ဘယ်လောက်ပင်လေ့ကျင့်ထားပေမယ့် နဖူးတွေ့ ဒူးတွေ့ပြောရတဲ့အခါ ကျွန်တော့နှုတ်ဖျားက ကျိုးပဲ့တဲ့အင်္ဂလိပ်စကားတွေပဲ ထွက်လာခဲ့ပေမယ့် သူက ချီးကျူးခဲ့တယ်။

.

ကျွန်တော်အိမ်ပြန်ရောက်တဲ့အခါမှာ မန်နေဂျာ ကင်ဘလေ ကို အီးမေးလ်ပို့ပြီး ကျေးဇူးစကားဆိုခဲ့တယ်။ ( ၉ ) တန်း ( ၁ဝ ) တန်းက Letter Writing ရေးသလို Dear Madam, လို့ အစချီပြီးရေးတာပေါ့ဗျာ။ ဒါကို သူက အသိအမှတ်ပြုပြီး ကျေးဇူးတင်တဲ့အကြောင်း အီးမေးလ် ပြန်လာတယ်။ ကျွန်တော့အစ်မကို အဲဒီအီးမေးလ် ပြတော့ လူကြီးဖြစ်ပေမယ့် စာရေးတဲ့အခါ Madam လို့ မသုံးရဘူးလို့ အစ်မက သင်ပေးပါတယ်။ ဒါဆိုရင် ကင်ဘလေ ကို စာထဲဘယ်လိုထည့်ရေးရမလဲဆိုတော့ ကင်ဘလေ လို့ နာမယ်တပ်ရမယ်လို့ ပြောတယ်။ အော် .. ဒါဆို လူချင်းတွေ့ရင်ရောဆိုတော့ ကင်ဘလေ လို့ပဲ ခေါ်တယ် တဲ့..။ “ ဒါဆိုရိုင်းသွားမှာပေါ့ ” လို့ ကျွန်တော်က စောတကတက်တော့ ဒီမှာ နာမည်ကိုအဖျားဆွတ်ခေါ်မှ ရင်းနှီးတယ်တဲ့။ အပြင်မှာလူချင်းတွေ့ရင် Kimberly ကို “ ခင်းဘလေ ” လို့ ခေါ်မှ အသံထွက်မှန်မယ်ဆိုတာကို နောက်ပိုင်းမှ သိလာခဲ့တယ်။

.

.

ကျွန်တော်တို့ အစ်မအိမ်ရောက်ခါစက “ စွမ်း ” နဲ့ သက်တူရွယ်တူ “ စင်းဒီ - Cindy  “ ဆိုတဲ့ မြန်မာမလေးတစ်ယောက်လာလည်တယ်။ ဒီနိုင်ငံကတူမလေးရဲ့ကျောင်းနေဘက် မာ့ခ် - Mark ဆိုတဲ့ကောင်လေးကို သူ့ထက် ( ၁ဝ ) နှစ်လောက်ငယ်တဲ့ စင်းဒီက ပိုင်စိုးပိုင်နင်း “ မာ့ခ် ” လို့ တစ်လုံးထဲခေါ်တယ်။ ကျွန်တော်ကြားတော့ ရင့်သီးလိုက်တာ .. ဆိုပြီး စိတ်ထဲမှာ တော်တော်နဲ့ဘဝင်မကျနိုင်ဘူး။

မွန်းတည့်ပင်အို ရဲ့ နေညိုညိုအတွေး

ဆောင်းပါးရှင် - ကိုညီညီ ( တောင်ကြီး )

.

ကျွန်တော်မကြာခဏ အိုကြည့်မိတယ်။ ကျွန်တော့ကိုမွေးဖွားပေးခဲ့တဲ့ ကျေးဇူးရှင်အမေလိုရော၊ ကုန်းရုန်းရှာဖွေပညာသင်ပေးခဲ့တဲ့ ကျေးဇူးရှင်အဖေ့လိုရော၊ သူတို့လို ဘယ်လိုအိုရမလဲဆိုတာကို အဖြေမရနိုင်သေးဘူး။ ဒါတောင် ကျွန်တော့အသက်က သေမယ်ဆိုရင် သတင်းစာထဲမှာပါတဲ့ကြော်ငြာတွေထက် အနည်းငယ်စောသေးတယ်။ နေမယ်ဆိုရင်တော့ လမ်းထိပ်နား၊ အိမ်ဘေးနား၊ စတိုးဆိုင်နားက လူကြီးတွေအသက်ရဲ့တစ်ဝက်လောက်တော့ ရောက်နေပြီလို့ပြောနိုင်ပြီပေါ့။

.

.

ကျွန်တော့အဖေက ငယ်ငယ်တုန်းကလူချောဗျ..။ မကြာခဏမှတ်မိတာတစ်ခုက အဖေဟာ အမေ့ကိုပိုးပန်းတုန်းက “ မင်း ငါ့ကိုယူနိုင်မလား ? ” လို့ မာမာထန်ထန် ချစ်ရေးဆိုခဲ့တာကိုပဲ ရယ်သွမ်းပြီး ပြောပြတတ်တယ်။ သေချာစဉ်းစားကြည့်တော့ အမေ့ကိုရအောင်ယူခဲ့တဲ့အဖေရဲ့ရည်းစားစကားမှာ “ ချစ်တယ် ” ဆိုတာ တစ်လုံးမှ မပါခဲ့ဘူး။ ဒီလိုချစ်ခွင့်ပန် .. အဲ .. အတူနေခွင့်တောင်း ခဲ့တုန်းက သူတို့ ဒီလို သားသမီးတွေမွေးပြီး ဒီလိုအိုမင်းမစွမ်းနဲ့ ဘဝကုန်ရမယ်ဆိုတာ တွေးမိခဲ့ဟန်မတူဘူး။

.

တစ်ကယ်တော့ အမေ့ဟန်ပန်လေးကမှ ရှက်ချင်ဟန်ဆောင်နေပြီး ချစ်စရာလေး ခင်ဗျ..။ အဖေက သူ့ကို ဒီလိုပြောတော့ “ ဝူးဝါ နား သွားပြော ” လို့ ပြောတယ်။ ဒါက ငယ်ငယ်က အဖွားကိုလေးစားတဲ့ အမေ့ရဲ့ရှက်ပြုံးငြင်းတုံ့လေးချိုးလေးပေါ့။ ဒါပေမယ့် အမေဟာ အဖေ့ကိုငြင်းလိုက်လို့လား..။ ဟင့်အင်း ဆိုတဲ့စာလုံး မပါဘူး။ ဝူးဝါ ဆိုတာ တရုတ်ဘာသာနဲ့ အမေ ကိုခေါ်တာ။ အဲဒီတုန်းက မင်းသမီးလို ချောမောလှပတဲ့အမေလည်း အခုလို အိုမင်းဇရာ ရဲ့ ပျိုခြင်းမယ့်ကမ္ဘာ ကို ကျော်ဖြတ်ရမယ်ဆိုတာ စဉ်းစားမိခဲ့ဟန်မတူဘူးလေ..။

.

.

လူတွေ၊ သတ္တဝါတွေ၊ ရုပ်တွေ၊ နာမ်တွေ၊ သက်ရှိမှန်သမျှတွေဟာ အချိန်နဲ့အမျှ ပျက်စီးနေကြတယ်လို့ ရှင်တော်မြတ်ဗုဒ္ဓ ဟောကြားခဲ့တယ်။ ဒါပေမယ့် ကျွန်ေ်တ်ာက တရားတော်နဲ့ဆန့်ကျင်ပြီး ငယ်ငယ်တုန်းက ဖြူဖြူသန့်သန့်နဲ့ လူချောတစ်ယောက်ဗျ..။ ဟုတ်မဟုတ် သိချင်ရင် ကျွန်တော့ကိုသဘောကျခဲ့တဲ့ ကောင်မလေးတွေကိုမေးကြည့်ရင် အဖြေပေါ်ပါလိမ့်မယ်။ ပိုတယ်မထင်နဲ့ တကယ်ပြောတာ။ အား .. ဘေးကနေ ဗိုက်ခေါက်ဆွဲတယ် .. သူချောတယ်ဆိုတာလည်း ရေးမှာပါ မိန်းမရဲ့..။  ဒါပေမယ့်ဗျာ .. ကျွန်တော်အခုလို မိသားစုကြီး ( အဖေနဲ့အမေတို့ရဲ့မိသားစု ) နဲ့ ဝေးပြီး နယ်ဝေးမြေခြားကိုရောက်ရမယ်လို့ မတွေးထင်ထားခဲ့ရိုးအမှန်ပါ။

အတုယူနိုင်စရာ အမေရိကန်နိုင်ငံ၏ ကူသန်းရောင်းဝယ်ရေးဝန်ကြီးဋ္ဌာနအကြောင်း

ဆောင်းပါးရှင် - ကိုညီညီ ( တောင်ကြီး )

.

ဒီမိုကရေစီခေတ်ဦးမှာ စံနစ်နဲ့အုပ်ချုပ်သူတွေဘယ်လိုပြောင်းပြောင်း ခိုင်ခိုင်မြဲမြဲရှိနေရရုံမက တိုင်းပြည်အတွက်အမာခံအလုပ်လုပ်ပေးမယ့်ဝန်ကြီးဋ္ဌာနတွေလိုအပ်ပါတယ်။ ဒီထဲမှာ လူပြောအများဆုံးနဲ့ ပြည်သူတွေဒုက္ခအရောက်ဆုံးက မြန်မာနိုင်ငံတွင်းကိုလှမ်းကြည့်လိုက်ရင် ကျန်းမာရေးဝန်ကြီးဋ္ဌာန နဲ့ ပညာရေးဝန်ကြီးဋ္ဌာနတို့ရဲ့အားနည်းချက်တွေက အောက်ခြေလူထုကိုအလှုပ်ခတ်ဆုံးဖြစ်သလို အမှားမလုပ်လိုက်နဲ့ တစ်ခုခုဆို လူမှုကွန်ယက်တွေမှာ အတိမ်းအစောင်းမခံတဲ့ အကြောင်းအရာတွေအဖြစ် မြင်လာရပါတယ်။

.

ဒါပေမယ့် အခုအချိန်မှာ နိုင်ငံတကာ နဲ့ နိုင်ငံအတွင်း ပြည်သူတွေကြား လူထုရဲ့စားဝတ်နေရေးပြေလည်မှုကို ဦးဆောင်မောင်းရွက်ထမ်းတင်ပေးနေတဲ့ ကူးသန်းရောင်းဝယ်ရေးအလုပ်အကြောင်းကို ထဲထဲဝင်ဝင်လေ့လာကြည့်ဖို့ အရေးကြီးတဲ့အချိန်ကိုရောက်လာနေပါပြီ။ ဒီနေရာမှာ သာမန်ပြည်သူတွေအတွက် မျက်စိဖွင့် နားပွင့်စေဖို့ ဖတ်စရာ နဲ့ လေ့လာစရာနေရာတွေနဲ့ လမ်းညွှန်ချက်တွေကို သိဖို့ပိုမိုလိုအပ်တာကို သတိပြုလာမိတဲ့အခါ အမေရိကန်နိုင်ငံရဲ့ဝန်ကြီးဋ္ဌာန  - Department တွေထဲက ကူးသန်းရောင်းဝယ်ရေးဝန်ကြီးဋ္ဌာနအကြောင်းကို ဖောက်သည်ချလိုပါတယ်။ ( အခေါ်အဝေါ်တွေကို အများဗဟုသုတရစေရန်အလို့ငှာ အင်္ဂလိပ်လိုသာ အလေးပေးရေးသားသွားမှာဖြစ်ကြောင်း ကြိုတင်အသိပေးအပ်ပါတယ် )

ထမင်းစားပြီးရင်ရေတစ်ခွက်တိုက်လိုက်ပါ

ဆောင်းပါးရှင် - ကိုညီညီ ( တောင်ကြီး )

.

ကလေးငယ်တွေဟာ ငယ်စဉ်ကတည်းက သူဘာလုပ်ချင်တယ်ဆိုတာ မသိကြပါဘူး။ ဒါကြောင့် သူတို့ကို ကြီးပြင်းလာအောင်ပျိုးထောင်ပြုစုလာတဲ့ မိသားစုလုပ်ငန်းပေါ်မူတည်ပြီး ဆရာဝန်သားသမီးတွေက နားကြပ်နဲ့ဆော့ရင်း ဆရာဝန်ဖြစ်ချင်တယ်လို့ပြောမယ်။ တစ်ချို့ကျပြန်တော့ ဝက်အူလှည့်လေးတွေကိုင်ပြီး အင်ဂျင်နီယာဖြစ်ချင်တယ်လို့ပြောမယ်။ တစ်ချို့စီးပွားရေးသမားတွေရဲ့ သားသမီးတွေက ဂဏန်းတွက်စက်ကိုင်ပြီးတွက်ချက်တမ်းကစားနေတဲ့ သားသမီးကို သူဋ္ဌေးဖြစ်တော့မှာပဲဆိုပြီး ဝမ်းသာကြတယ်။

.

.

ကလေးတွေရဲ့နှုတ်ဖျားကနေ “ သမီးက ” ၊ “ သားသားက ” ဘာဖြစ်ချင်တယ်ဆိုတာ ပြောထွက်လာနိုင်အောင်လုပ်ဆောင်ပေးဖို့ လူကြီးတွေက လမ်းကျောင်းပေးရပါမယ်။ အဲဒီနိဒါန်းစကားချီးကို မထစ်မငေါ့ပြောလာတဲ့နောက် ကလေးတွေရဲ့ပကတိစိတ်ထဲမှာ ဖခင်လိုဖြစ်ချင်သလား ? မိခင်လြိုဖစ်ချင်သလား ? ဒါမှမဟုတ် သူတို့ကြည့်နေတဲ့ကာတွန်းကားထဲက ပါဝါရိန်းဂျားလို ဖြစ်ချင်သလား ? စတဲ့ ဦးတည်ရာတစ်ခုခုရဖို့ ဦးနှောက်ကိုဖွင့်ပေးဖို့ လိုအပ်ပါတယ်။

.

မိဘအလုပ်အကိုင်က ကားစပယ်ရာဖြစ်ပါစေ .. ကုမ္ပဏီတစ်ခုရဲ့အမှုဆောင်အရာရှိဖြစ်ပါစေ .. ကလေးငယ်ရဲ့ရင်ထဲကဖြစ်ချင်စိတ်ကို ပေးပြောသင့်ပါတယ်။ ဒီကနေမှ သူတို့ဘဝရဲ့ယုံကြည်မှုရှိလာအောင် မိဘအုပ်ထိန်းသူတွေက လက်ရှိဘဝက အောင်မြင်သူများ နဲ့ ကျရှူံးသူများကို သာဓကအနေနဲ့ထုတ်ပြရင်း သင်ကြားပေးနိုင်ပါမယ်။ ဒီပုံရိပ်တွေဟာ အချိန်တန်ရင် သူတို့ဘဝဖြစ်လာလိမ့်မယ်။ ဒီတဒင်္ဂကတွေဟာ သူတို့ရဲ့မှတ်ပုံတင်ဖြစ်သလို သူတို့ရဲ့အရိပ်လည်း ဖြစ်ပါတယ်။ ဒါဟာ ဘဝကားကိုမောင်းနှင်မယ့် ယာဉ်မောင်းလိုင်စင်တစ်ခုလို့လည်း ယူဆနိုင်ပါတယ်။ အကြောင်းရင်းကတော့ ကလေးငယ်ဟာ “ သူကြီးလာရင် .. ဘာဖြစ်အောင်လုပ်မယ် ” ဆိုတဲ့ရည်မှန်းချက်ကိုရောက်အောင်သွားရန် ဆန္ဒဖြစ်ပေါ်လာစေဖို့ မောင်းနှင်ပေးမယ့် ယန္တရားတွေ ဖြစ်လို့ပါ။

သူ့နေရာနဲ့သူ့ဈေးနဲ့

ဆောင်းပါးရှင် - ကိုညီညီ ( တောင်ကြီး ) 

. 

ဒီဘက်နိုင်ငံကိုရောက်စတုန်းက မဖြစ်မနေလုပ်မိတဲ့အလုပ် ( ၂ ) ခု ရှိပါတယ်။ အဲဒါတွေကတော့ အိမ်ရှင်တွေဘယ်သွားသွား ကားနဲ့တစ်ကောက်ကောက်လိုက်တာ နဲ့ စတိုးဆိုင်တွေကိုလိုက်ငေးတာပါပဲ။ အပိုဆုအနေနဲ့ ကုန်ပစ္စည်းတစ်ခုကောက်ကိုင်လိုက်ရင် “ ဟင်း .. ဈေးကြီးလိုက်တာ .. ဒါမျိုး ရန်ကုန်မှာဆိုရင် ဘယ်လောက်ပဲ ” ဆိုတာက အကျင့်ပါနေခဲ့တယ်။ ဘာပဲဖြစ်ဖြစ် နေရာသစ်၊ နယ်မြေသစ်၊ ကားလမ်းနဲ့ကားတွေကအသစ် နဲ့ နောက်ဆုံး ဈေးဆိုင်မှာ ကုန်ပစ္စည်းဝယ်တာကအစ အားလုံးအသစ်ဖြစ်နေပါတယ်။ ဒါကို အကျွမ်းတဝင်ဖြစ်ဖို့ လိုက်လံလေ့လာရမယ် မဟုတ်ပါလား? 

. 

. 

ကျေးဇူးရှိတဲ့အစ်မခေါ်သွားတဲ့ မီးဖိုချောင်သုံးပစ္စည်းတွေဝယ်တဲ့အခါ ပျော်ရပါတယ်။ ဒါပေမယ့် စိတ်လည်းညစ်ရတယ်။ မြန်မာနိုင်ငံကနေ ကိုယ့်မရှိမဲ့ရှိမဲ့ ကျပ်ငွေကို ဒေါ်လာဈေး ( ၁၃ဝဝ ) နဲ့ လဲခဲ့ရသူဆိုတော့  အစ်မဘာဝယ်ဝယ်ဈေးကြီးတယ်လို့ပဲ ထင်နေမိတယ်။ စဉ်းစားကြည့်တော့လည်း ဈေးတစ်ခါဝယ် ဒေါ်လာ ( ၃ဝ ) ဆိုတာ နည်းမှမနည်းပဲ။ မြန်မာငွေ ( ၄ဝဝဝဝ ) ရှိတယ်လေ။ ပြီးတော့ တစ်ခါဈေးသုံးသွားရင် အနည်းဆုံးကျွတ်ကျွတ်အိတ် ( ၆ ) ဆွဲစာလောက်ရှိတယ်။ အိမ်ပြန်ရောက်လာရင် ရေခဲသေတ္တာထဲကို အစီအစဉ်တကျထည့်ရသေးတယ်။ ကျွန်တော်တို့မြန်မာနိုင်ငံကလို မနက်တိုင်းဟင်းစားသွားဝယ်လို့ မရဘူးလားလို့မေးတော့ " ငါက နင်တို့လို မအားဘူး " ဆိုပြီး အပိုအဆူခံရတာကို အမှတ်ရမိသေးတယ်။ 

. 

အခုဆိုရင် ကျွန်တော်တို့မိသားစု မကြုံဖူးတဲ့အတွေ့အကြုံဆိုတာ ရာခိုင်နှုန်းနည်းနည်းပဲကျန်လာတော့တဲ့အခါ အစ်မစကားကမှန်နေတာကို ကိုယ်ချင်းစာမိတယ်။ တစ်ဆက်တည်း အသစ်ရောက်လာသူ ဆွေမျိုးအယောက် ( ၂ဝ ) ကျော်ကို မြေတောင်မြှောက် ပေါင်းသင်ပျိုးထောင်ပေးနိုင်တဲ့ အစ်မတို့လင်မယားလိုသာဆို ကျွန်တော်တို့တော့ တတ်နိုင်မှာမဟုတ်ဘူးဆိုပြီး လိုက်မပြောပြပေမယ့် စိတ်ထဲက ကြိတ်ပြီး ကျေးဇူးတင်နေရဆဲပါ။ 

. 

. 

ဟုတ်ပါတယ် .. တစ်ပတ် ( ၅ ) ရက်၊ တစ်ရက် ( ၈ ) နာရီလုပ်၊ အိမ်မှုကိစ္စ၊ သားသမီးကျောင်းကိစ္စ၊ ရုံးကိစ္စ၊ ဘဏ်ကိစ္စ၊ ကားကိစ္စအပြင် အိမ်သန့်ရှင်းရေး၊ စားဖို့၊ သောက်ဖို့ အားလုံးကိုစီမံခန့်ခွဲရတဲ့ အမေရိကားရောက်မြန်မာအမျိုးသမီးတွေဆိုတာ ကိုယ်တိုင်မန်နေဂျာ၊ ကိုယ်တိုင်စားပွဲထိုး၊ ကိုယ်တိုင်ကားသမားဘဝ တစ်ပင်တိုင်တစ်ကိုယ်တော်ကရတဲ့ဇာတ်ပွဲတစ်ခုလိုပါပဲ။ ဒါကြောင့် ရုံးပိတ်တဲ့ စနေ၊ တနင်္ဂနွေကျရင် တစ်ပတ်စာ ဟင်းစားဝယ်တာ အဟုတ်သဏ္ဍန်ထဲက သရုပ်မှန်ပါပဲဗျာ..။ 

. 

တစ်ချို့ဟာတွေက ဝယ်ရတာပိုဆိုးတယ်။ နွားနို့လေးတစ်ပုံးဝယ်ဖို့ မောင်းလိုက်ရတဲ့ကား၊ ရှာလိုက်ရတဲ့ပါကင်၊ ငွေရှင်းဖို့စောင့်လိုက်ရတဲ့လူတန်းရှည် တို့နဲ့တင်မကသေးဘူး .. ကိုယ်အပြင်ထွက်ဈေးဝယ်ရင် အိမ်ကမိသားစုက ကားထဲမှာစောင့်ရင်းတန်းလန်းနဲ့ တစ်ခုခုဆို အကြာကြီးကုန်လိုက်တဲ့အချိန်တွေဆိုတာ ..။ 

ရန်ကုန်လေဆိပ်မှ တိတ်တဆိတ်ထွက်ခွာ

ဆောင်းပါးရှင် - ကိုညီညီ ( တောင်ကြီး )

.

ရန်ကုန်လေဆိပ်ကို ပြန်ရောက်တာဒီတစ်ခေါက်မှာ ရှားရှားပါးပါး ရာသီဥတုက အအေးလှိုင်းဖြတ်တာနဲ့ကြုံတယ်လို့ ပြောရလိမ့်မယ်။ မြို့နေလူထုတွေကိုကြည့်လိုက်တော့ သူတို့ကိုယ်ပေါ်မှာဝတ်ထားတဲ့ လက်ရှည်အကျီင်္လောက် သူတို့ရဲ့စိတ်တွေမရှည်ကြတာကိုတော့ အထူးသတိထားမိတယ်။ မင်္ဂလာဒုံကိုချည်းကပ်လာရင်း နိမ့်နိမ့်ကလေးပျံလာတဲ့လေယာဉ်ဟာ ပြေးလမ်းကတ္တရာရဲ့ငိုညည်းသံနဲ့အတူ ကျွန်တော့ရဲ့ပူနေတဲ့စိတ်အစဉ်ကို ဒုံးဒုံးချစေနိုင်ခဲ့ပါတယ်။

.

လေယာဉ်ပေါ်က အထုတ်ဆွဲလာတဲ့ကျွန်တော့ကို အမျိုးသမီးဝန်ထမ်းငယ်လေးက ဆက်သွားရမယ့်လမ်းကိုပြပေးပါတယ်။ ဘီးမပါတဲ့ လက်ဆွဲကယ်ရီကိုဆွဲ၊ ကျောပိုးအိတ်ကို အရှေ့ရင်ဘတ်နဲ့ကပ်လျက်လွယ်လို့ စက်လှေခါးကနေဆင်းခဲ့တယ်။ လေယာဉ်ပေါ်ကပေးလိုက်တဲ့ အခွန်ကြေငြာစာရွက်မှာ အချက်အလက်လိုနေတဲ့ကျွန်တော်ဟာ “ စုံစမ်းရန် ”  ကောင်တာမှာ ဘောပင်လေးပြီး ပြည့်စုံအောင်ဖြည့်လိုက်တယ်။ ပြီးတော့ ခပ်လှမ်းလှမ်းက လူတွေတန်းစီနေတဲ့ လူဝင်မှုကြီးကြပ်ရေးကောင်တာတွေဆီ ဆက်ထွက်ခဲ့ပါတယ်။

.

.

ခဏလေးမတ်တပ်ရပ်စီ၊ ဘေးဘီကလူတွေကိုကြည့်၊ ပတ်ဝန်းကျင်ကိုလေ့လာ၊ လေဆိပ်ကအင်တာနက်ကို ဖုန်းထဲကဝိုင်ဖိုင်ကွန်ယက်မှာလိုက်ရှာ၊ အုပ်စုလိုက်ခရီးသွားကုမ္ပဏီတွေရဲ့ခေါင်းဆောင်တွေရဲ့စကားသံကိုနားစွင့် လုပ်နေရင်းနဲ့ ကျွန်တော့အလှည့်ရောက်လာပါတယ်။ ကောင်တာရှေ့ကိုရောက်တဲ့အခါ မြန်မာနိုင်ငံကူးလက်မှတ်ကိုင်ထားတဲ့ မြန်မာနိုင်ငံသားမို့လို့ ကျွန်တော်တန်းစီတဲ့နေရာမှားနေတယ်လို့  ပြောပါတယ်။ ဒါနဲ့ နိုင်ငံသားသီးသန့်စစ်ဆေးတဲ့ကောင်တာရဲ့ငါးမျက်လုံးကင်မရာရှေ့မှာဝင်ရပ်လိုက်တော့ ကျွန်တော့ကိုလာကြိုနေသူတွေကို အသင့်တွေ့ရပါတယ်။

.

ကယ်ရီအထုတ်တွေစက်ထဲဖြတ်တော့ လူကတစ်ယောက်တည်းနဲ့ပစ္စည်းတွေကများလိုက်တာလို့ X Ray စက်ကိုင်သမားက ပြောပါတယ်။ ဒါနဲ့ အကောက်ခွန်အရာရှိတွေရှေ့မှာ ဖွင့်ဖောက်ပြဖို့ လှည်းကိုရွှေ့သွားခိုင်းတယ်။ ပထမတစ်ထုတ်ကိုဖောက်လိုက်တော့ အားဆေးတွေပါလို့ ရှာရှာဖွေဖွေမေးခွန်းတွေ အမေးခံရတယ်။ “ အစ်ကိုတို့ကလည်းဗျာ .. မြန်မာနိုင်ငံမပြန်တာကြာလို့ လက်ဆောင်ပေးဖို့ ဒီလောက်တော့ ပါမှာပေါ့ ” လို့ ပြောလိုက်တော့ သူတို့ဘက်ကလျှော့သွားပါတယ်။ သူ့ရဲ့အထက်လူကြီးထပ်ရောက်လာပြီး အကြမ်းဖျဉ်းမေးမြန်းပြီး အကောက်ခွန်ကောင်တာကနေ ထွက်ခွာလာနိုင်ခဲ့ပါပြီ။