သေမထူး နေမထူးတဲ့ K2

ဆောင်းပါးရှင် - ကိုညီညီ ( တောင်ကြီး )

.

ကမ္ဘာမြေပေါ်မှာ သင် နဲ့ သင့်မိသားစုဘယ်နေရာပဲရောက်နေနေ ရန်သူမျိုး ( ၅ ) ပါးအပြင် အနီးကပ်ရန်သူတစ်မျိုးကို ရင်ဆိုင်ရဖို့ရှိနေပါတယ်။ အဲဒါကတော့ အသွင်အမျိုးမျိုး နဲ့ ယှဉ်ကာတိုး မျိုးဖျက်မယ့် မရိုးနိုင်တဲ့ အဆိုးတိုင်မူးယစ်ဆေးပါပဲ။

.

မူးယစ်စေတတ်သောပစ္စည်းဆိုတာ လူတွေရဲ့အဝေးမှာထားသင့်တယ်လို့ ယူဆသူတွေရှိသလို မူးယစ်ဆေးဝါးရဲ့မကောင်းကျိုးကို လူတွေရဲ့မနက်ခင်း၊ နေ့လည်၊ ညနေ၊ အလုပ်တက်၊ အလုပ်ဆင်း ဘယ်အချိန်မှာမဆို သိထားသင့်ရုံမက အမြဲပညာပေးသင့်တယ်လို့ ယူဆသူတွေလည်းရှိကြတယ်။ ရေရှည်ကျတော့ မသိအောင်နေသူက ကင်းဝေးတာလား? ကောင်းကျိုးမပေးတာကိုသိအောင်နေပြီး မပတ်သက်သူက ကင်းဝေးတာလား? ဆိုတာ အချိန်ကာလက အဆုံးအဖြတ်ပေးလာပါတယ်။

.

.

အရင်က အရက်၊ နောက်ပိုင်း ဆေးခြောက်၊ ဘိန်းဖြူ၊ ဘိန်းစိမ်း၊ ဘိန်းချေး၊ ပိုပြီးခေတ်မီလာတော့ ဓါတုဗေဒပစ္စည်းအားကိုးနဲ့ ဆေးပြား၊ မီးရှို့ပြီးပြန်ရှူရတဲ့ အမျိုးမျိုးသော အသွင်ပြောင်းမီးခိုးငွေ့တွေကြောင့် စတေးခဲ့ရတဲ့ လူ့အသက်ဝိဥာဉ်တွေမှာ ဘာအသိဥာဏ်မှမရသွားသလို ဘယ်လိုအဖြေမှလည်း ထုတ်မသွားနိုင်ခဲ့ကြပါဘူး။

.

ဒီလောက်ဆိုးဝါးတဲ့ မူးယစ်ဆေးဝါးကို လူသားအကျိုးအတွက်ကောင်းမွန်စွာအသုံးပြုသူလက်ထဲရောက်တဲ့အခါ ဟော .. လူ့အသက်ကိုကယ်ပြန်ပါတယ်။ ဒါကြောင့် ဆေးခြောက်ကို ကျန်းမာရေးအထောက်အကူပြုပစ္စည်းအဖြစ် အမေရိကန်နိုင်ငံရဲ့ပြည်နယ်တစ်ချို့မှာ တရားဝင်ဘယဆေးအဖြစ်ခွင့်ပြုပေးနေတာက မတတ်သာလို့လုပ်နေရတာဖြစ်သလို ကုန်တိုက်ကပစ္စည်းဝယ်သလို ကောင်းကျိုးနဲ့ဆိုးကျိုးကို အုတ်အရောရော ကျောက်အရောရော သယ်ယူလက်ခံနေရတာနဲ့တူနေပါတယ်။

.

.

နောက်ဆုံးမှထွက်ပေါ်လာတဲ့ Weed အနွယ်ဝင်ဆေးတစ်မျိုးက အမေရိကန်နိုင်ငံပြည်နယ်တစ်ချို့ရဲ့အမှောင်လမ်းတွေမှာ လူတွေကို နည်းသစ်တစ်မျိုးနဲ့နှိပ်စက်လာနေတဲ့သတင်းကိုဖတ်မိတဲ့အခါ ကျွန်တော်တို့မြန်မာနိုင်ငံဘက်မရောက်ရေးကို တွေးပူမိတယ်။

.

“ အမေရိကန် နဲ့ မြန်မာနိုင်ငံအဝေးကြီး .. မင်းက .. ဘာစိတ်ပူနေတာလဲ? ” လို့တော့ မမေးလိုက်ပါနဲ့..။ အခုအသစ်ပေါ်လာနေတဲ့ “ ဆေးခြောက်အတု - K2 ” ကိုပြုလုပ်တဲ့ ဓါတုကုန်ကြမ်းက ကျွန်တော်တို့ရဲ့ခေါင်းရင်းအိမ်ကြီး တရုတ်ပြည်ကနေ အမေရိကတိုက်ကို တရားမဝင်သယ်နေကြတာဖြစ်လို့ပါ။

" G "

ဆောင်းပါးရှင် - ကိုညီညီ ( တောင်ကြီး )

.

“ မိန်းမရေ .. ဒီမှာလာကြည့်ဦး။ မင်း သားတော့ ထောင်ကျတော့မယ် ”

.

“ ရှင်တို့သားအဖ ဘာဖြစ်နေတာလဲ? အလန့်တကြားနဲ့ ”

.

“ ဒီမှာလေ .. ဒေါ်လာ ( ၁ဝဝဝဝဝ ) ..။ သူ့ဘဏ်စာအုပ်ထဲရောက်တယ်လေ။ သူ့လို ( ၁၆ ) နှစ်သားကျောင်းသားတစ်ယောက်က ငွေတစ်သိန်း ဘယ်ကရမှာတုန်း ”

.

.

“ သား ရှင်းပြမယ် ပါပါ ”

.

“ လွန်ခဲ့တဲ့ ( ၆ ) လလောက်ကတည်းက သားအခန်းထဲမှာ အလုပ်တွေရှုတ်နေတာ မြင်တယ်မဟုတ်လား? ” လို့ ကျွန်တော်ကပြောတော့

.

“ ဟုတ်တယ်လေ .. ကျောင်းစာကိုမထိခိုက်မချင်း ကြိုက်တာလုပ်လို့ ပြောခဲ့သားပဲ။ ဒါနဲ့ ဒီငွေက ဘာဆိုင်လို့လဲ? ” ပါပါက ရင်ဘတ်ကိုလက်နဲ့ရိုက်ပြီး စိတ်မရှည်စွာ ဆက်မေးပါတယ်။ ကျွန်တော်က

.

.

“ ဒေါ့ကွန်းစီးပွားရေး - dot-com Market ကို သား လုပ်နေတာကြာပြီ ပါပါရဲ့။ အသက်ငယ်တဲ့ သူဋ္ဌေးလေးတွေကိုကြည့်ပြီး သား သိပ်အားကျတာပဲ။ သူတို့ဘယ်လိုသူဋ္ဌေးဖြစ်လာတယ်ဆိုတာ လများစွာ သား လေ့လာခဲ့တယ် ”

.

“ အဲဒီမှာ နှစ်ချက်နှိပ်ရတဲ့မောက်စ်ခလုပ် - DoubleClick ကို သား သွားတွေ့တယ်။ သားရဲ့အာရုံကို သိပ်ဖမ်းစားတယ်။ ဒါနဲ့ ဒါကိုလုပ်မယ်ဆိုပြီး အိပ်ခန်းထဲမှာ ( ၆ ) လ ကြာအောင် တည်ဆောက်ခဲ့တယ် ”

.

.

“ ပါပါ တို့ကိုနားလည်အောင်ပြောရရင် အင်တာနက် - World Wide Web မှာ ကြော်ငြာချင်ရင် ပိုက်ဆံပေးရတယ်။ အခု အင်တာနက်ကပေါ်ခါစ။ လူတွေက အသစ်အဆန်းဖြစ်လို့ ပိုသုံးလာကြတယ်။ ထပ်ပြီးလည်း တွင်ကျယ်လာလိမ့်ဦးမယ်။

.

ဒါကြောင့် ကြော်ငြာတွေလက်ခံတဲ့အင်တာနက်ကုမ္ပဏီကို အင်္ဂလန်က ပရိုဂရမ်မာတစ်ယောက်နဲ့ပေါင်းရေးပြီး သား ထောင်လိုက်တာ။ အခု ဒီငွေတွေက ကြော်ငြာခကနေရတဲ့ငွေတွေပါ ” လို့ ကျွန်တော်ရှင်းပြတာနားထောင်ပြီး ပါပါ က

.

.

“ ငါ့မှာတော့ သားသမီးတွေကို ဆရာဝန်ဖြစ်မလား? အင်ဂျင်နီယာဖြစ်မလား? လို့ အရိပ်တစ်ကြည့်ကြည့်နဲ့ ” လို့ သက်ပြင်းချပြီးပြောတော့ ကျွန်တော်က

.

“ ဒါက ပိုကောင်းတယ် ပါပါ။ သား ဂတိပေးပါတယ်။ ဒါ ပိုသေချာတယ် ”

.

“ ဒါပေမယ့် သားမှာ အဖေဆီက တောင်းဆိုစရာတစ်ခုရှိတယ် ” လို့ ကျွန်တော်ကပြောတော့ အံ့သြသွားတဲ့အဖေက “ ဘာလိုချင်တာလဲ သား ? ” လို့ အသက်ပြင်းပြင်းရှုထုတ်ရင်း မေးတယ်။ ကျွန်တော်ပြောလိုက်တာက ..

.

“ သားကို ကျောင်းထုတ်ပေးပါ ပါပါ ”

အားအောင်လည်း နေပါ။ နားလည်း နားပါ

ဆောင်းပါးရှင် - ကိုညီညီ ( တောင်ကြီး )

.

နယ်မြေခြား နယ်မြေသစ်ကိုရောက်တဲ့အခါ စားဝတ်နေရေးအတွက် အလုပ်လုပ်နေရသူများ နဲ့ အလုပ်လုပ်စရာမလိုသူများအတွက် အမေရိကားမှာ အားလပ်ချိန်မတူညီကြပါဘူး။ မယုံမရှိပါနဲ့ .. တစ်ချို့မြန်မာနိုင်ငံကလာသူတွေ ဒီနိုင်ငံမှာအလုပ်လုပ်နေသူတွေထက်ချမ်းသာကြတယ်။

.

ပစ္စည်းတစ်ခုဝယ်ချင်ရင် ချက်လက်မှတ် - Paycheck က သောကြာနေ့မှာ ဘဏ်စာရင်းထဲကိုဘယ်လောက်ဝင်လာမယ်ဆိုတာ ထည့်တွက်နေစရာမလိုပဲ စိတ်ထင်သလို ဝယ်ခြမ်းပစ်လိုက်နိုင်တာကိုပဲ ကြည့်ပါတော့လေ..။

.

.

တစ်ပတ်ကို နာရီ ( ၄ဝ ) ၊ တစ်လ ( ၄ ) ပတ် အလုပ်စက်ဝိုင်းထဲမှာကျင်လည်ရသူအဖို့ သောကြာနေ့ဟာ လူတိုင်း မျှော်လင့်ရလွန်းရုံမက စနေ တနင်္ဂနွေရုံးပိတ်ရက်ဟာ များပြားလှတဲ့အဓိပ္ပာယ်ကို ဖော်ကျူးပေးပါတယ်။

.

တစ်ပတ်လုံးညစ်ပေစွာဝတ်ထားသမျှအဝတ်တွေကို သောကြာနေ့ညနေ ရုံးဆင်းလာရင် စက်နဲ့အကုန်လျှော်ထား၊ အိမ်သူသက်ထား ( သို့မဟုတ် ) အိမ်ရှင်ထီး နဲ့ ချိန်းပြီး တစ်ပတ်စာ ဈေးသုံးသွားထား၊ ညနေစောင်းလို့ အားနေသေးရင် အိမ်သန့်ရှင်းရေးပါ လုပ်ထား၊ အဲဒါထက်မှ အချိန်ပိုသေးရင် တစ်ပတ်စာ ထမင်းဗူးထည့်ဖို့ အိုးကင်းလေးနဲ့ အဖြူထည်ကြော်လေး ( ၃ ) ( ၄ ) ခွက်လောက်ချက်ထား .. ဒီလိုတွေစီမံနိုင်ရင် စနေ လည်မလား? တနင်္ဂနွေ နားမလား? စိတ်ကြိုက်စီမံခန့်ခွဲနိုင်ပါတယ်။

.

.

တစ်ချို့ကျတော့  အိမ်မှာလျှော်လျှော် ဆိုင်မှာသွားလျှော်လျှော် မောင်ကလျှော်ထား..။ အိမ်မှာအကြော်အလှော်လေးချက်ချက် ဆိုင်မှာပဲ သွားဝယ်စားစား မယ်ကဝယ်ထား ..။ ဒီလို ကျွမ်းကျင်ရာ အလိမ္မာ တာဝန်ကိုယ်စီခွဲလိုက်တဲ့အခါ ပင်ပန်းသမျှတွေကျော်လွန်သွားတော့ ဆက်တိုက်နားရက် ( ၂ ) ရက် ရရှိနိုင်ပါတယ်။

.

ဒါပေမယ့် တစ်ချို့တစ်ချို့တွေရဲ့ အိမ်ထောင်စီမံခန့်ခွဲမှုက အိမ်အလုပ်တွေ မပြီး၊ အဝတ်အစားတွေ မလျှော်၊ ထမင်းဗူးအဆင်သင့် မရှိ၊ တစ်အိမ်လုံး ပွစိရှုတ်၊ ကလေးတွေအိမ်စာ မကြည့်နိုင်၊ ဟင်းတစ်ခါဝယ် ( ၃ ) ရက် ဆက်တိုက်စား၊ ကလေးကျောင်းကို အိမ်နီးနားချင်းမိတ်ဆွေတွေကို ငွေပေးပို့ခိုင်း စတဲ့ ပြောင်းရွှေ့အမေရိကန်တွေဆိုတာလည်း ရှိကြပါတယ်။

အေးအေးဆေးဆေးသွားချင်သူ နဲ့ အမြန်လူသား

ဆောင်းပါးရှင် - ကိုညီညီ ( တောင်ကြီး )

.

မော်တော်ကားတစ်စီးကို သတ်မှတ်ထားတဲ့မိုင်ထက်ပိုမောင်းတဲ့အခါ အန္တရာယ်များလှပါတယ်။ အကွေ့တွေမှာ မြင့်တက်နေတဲ့အရှိန်ကို မထိမ်းနိုင်တဲ့အခါ လမ်းဘေးကိုပဲ ကျမလား? အရှေ့ကားတစ်စီးစီးကိုပဲ တိုက်မိမလား? အနည်းဆုံးတော့ ပုံမှန်အမြန်နှုန်းနဲ့သွားနေတဲ့ကားတွေကို အနှောင့်အယှက်ပေးမိပါတော့တယ်။

.

ထို့အတူပဲ .. တစ်နာရီကို ( ၆၅ ) မိုင် အောက်ထစ်မောင်းရတဲ့လမ်းမကြီးမှာ နှေးတုံ့နှေးတုံ့လုပ်နေလို့ကတော့ နောက်ကကားတွေအတွက် အပိတ်အဆို့ဖြစ်စေပြီး ကန့်လန့်ကန့်လန့်ဖြစ်နေပါလိမ့်မယ်။ ဒါက ကားလောက နဲ့ ကားလမ်းတွေကို နမူနာပြတာသာဖြစ်ပြီး သက်ရှိလူသားတွေအပေါ်မှာ ဘယ်လိုအကျိုးသက်ရောက်မှုရှိနိုင်တယ်ဆိုတာကို ဆက်ဆွေးနွေးချင်ပါတယ်။

.

.

လူတစ်ချို့ကိုကျွန်တော်တွေ့ဖူးတယ် .. တစ်ခုခုလုပ်ရင် ပြီးကို .. မပြီးနိုင်ဘူး..။ ဆွဲကာ ငင်ကာ နဲ့ ကိစ္စမပြီးမြောက်အောင် တမင်သက်သက်များ လုပ်နေသလား အောက်မေ့ရတယ်။ ကာယကံရှင်စိတ်ထဲမှာ ဘယ်လိုတွေးပြီး ဘယ်လိုလှုပ်ရှားနေတယ်မသိရပေမယ့် ဗီဒီယိုခွေသာဖြစ်ခဲ့ရင် လက်လှည့်စက်နဲ့ထည့်ပြီးရစ်ပစ်ချင်မိလောက်အောင် အားမလိုအားမရ ဖြစ်ရတဲ့အခါတွေလည်း ရှိခဲ့တယ်။

.

အမှန်က သူတို့အနေနဲ့ သူတို့အမြန်နှုန်းနဲ့အကိုက်ပါပဲ။ သို့ပေမယ့် မဝင့်မရဲဖြစ်နေတဲ့အခါတွေမှာ မလုပ်မိ မကိုင်မိဖြစ်နေသလို တစ်ကယ်လုပ်ရမယ်ဆိုတဲ့ အလုပ်အသစ်အဆန်းမျိုးကို ရှောင်ကျဉ်နေမိတတ်ကြတယ်။ သူတို့စိတ်ထဲမှာ လုပ်သင့်လုပ်ထိုက်တာကို လုပ်နေတယ်လို့တွေးနေမယ်ဆိုတာကလည်း သေချာသလောက်ရှိပါတယ်။ ဒါပေမယ့် စိတ်ထဲမှာ ကြောက်စိတ်ရှိနေတယ်။ စိုးရွံ့နေတယ်။ ဒီတစ်ခုပြီးမှ နောက်တစ်ခုကိုလုပ်မယ်လို့တွေးနေတတ်ကြတယ်။

.

.

အမြန်သမားတွေကျတော့ ပြောင်းပြန် ..။ ဘာမဆို အမြန်ပြီးချင်တယ်။ တစ်ခုခုလုပ်နေရင်း နောက်တစ်ခုကို တွဲလုပ်ချင်တယ်။ ပထမကိစ္စတစ်ခုမပြီးခင် နောက်တစ်ခု စ,ထားလိုက်ချင်တယ်။ လက်တစ်ဖက်က စီယာတိုင်ကိုင်ရင်း၊ နောက်တစ်ဖက်က ဖုန်းပြောရင်း၊ ခြေထောက်က ဘရိတ်ကိုနင်း၊ ပါးစပ်က ဖုန်းပြော၊ နားရွက်က နားစွင့်၊ မျက်စိက ကြည့် .. စသဖြင့် အာရုံအားလုံးကိုမန်နေဂျာလုပ်တဲ့ Multitasking အလုပ်မျိုးကိုလုပ်နိုင်ကြတယ်။

သွးကြောပိတ်တာတွေကို ကုသပေးမယ့် Penumbra System

ဆောင်းပါးရှင် - ကိုညီညီ ( တောင်ကြီး )

.

လူတစ်ကိုယ်ရောဂါတစ်မျိုးလို့ပြောရအောင် အခုခေတ်မှာ အမျိုးအစားစုံရောဂါတွေကြောင့် လူတွေစိတ်ညစ်ကြရတယ်။ ငယ်တုန်းကရှာခဲ့သမျှ အိုကြီးအိုမအရွယ်ကျမှ မရှောင်လွဲနိုင်တဲ့ရောဂါဝေဒနာပျောက်ကင်းဖို့ သုံးစွဲရတဲ့အခါ အခက်အခဲတွေရှိကြတယ်။

.

ဘယ်လောက်ပင်များစေကာမူ လူများစုဖြစ်ပွားကြတဲ့သွေးကြောပိတ်ရောဂါကို လေ့လာကြည့်မိတယ်။ သွေး ဆိုတာ သွေးပြန်ကြော၊ သွေးလွှတ်ကြော၊ ပင်မသွေးကြော စတာတွေမက သေးသွယ်နုတ်စင်းတဲ့သွေးကြောတွေမှာ အပိတ်အဆို့အတားအဆီးမရှိ စီးဆင်းနိုင်ပါမှ လူ့ခန္ဓာ၊ တိရိစ္ဆာန်ခန္ဓာ နဲ့ သက်ရှိသတ္တဝါတို့အားလုံး ကျန်းမာစွာနေထိုင်နိုင်ပါလိမ့်မယ်။

.

.

လူကဝဖိုင့်နေလို့ အဆီတွေများရင် နှလုံးသွေးကြောပေါက်တယ်၊ ဦးနှောက်သွေးကြောပြတ်တယ်၊ သွေးခဲသွားတယ် ဆိုပြီး မိတ်ဆွေအပေါင်းအသင်းတွေရဲ့ ကျန်းမာရေးမကောင်းတဲ့သတင်းတွေ မကြာခဏကြားရပါတယ်။

.

ခဏလောက်ကုလိုက်တယ်၊ ပြန်ကောင်းသွားတယ်၊ ဆေးဆက်သောက်နေတယ်၊ နိုင်ငံခြားသွားကုနေတယ် စသဖြင့် စုံအောင်ကြားနေရတဲ့အထဲက ခဲသွားတဲ့သွေးကြောထဲက ပိတ်နေတဲ့သွေးခဲ - Clot ကို ထုတ်ပေးနေရာမှာ နာမယ်ရလာတဲ့ကုမ္ပဏီနဲ့သူ့ထုတ်ကုန်တွေအကြောင်း အနည်းငယ်ပြောပြချင်ပါတယ်။

ကျောင်းသား နဲ့ စာ၊ စာ နဲ့ ကျောင်းသား ( Motivation )

ဆောင်းပါးရှင် - ကိုညီညီ ( တောင်ကြီး )

.

ဒီဘက်နိုင်ငံကိုလာရမယ်ဆိုတာ တိတိကျကျမသိခင်ကတုန်းက ရန်ကုန်ကို ကျွန်တော် မကြာခဏရောက်တယ်။ လုပ်ငန်းလုပ်ရင်းလည်းရောက်ရသလို နိုင်ငံခြားနဲ့ စာသွားစာလာလုပ်ရတဲ့အခါ၊ ငွေကြိုလွှဲဖို့လုပ်ရတဲ့အခါ အရောက်စိတ်လာခဲ့တယ်။

.

ဘယ်လောက်အထိခေတ်နောက်ကျခဲ့သလဲဆိုရင် ( ခေတ်ကိုပစ်ထားခဲ့တယ်ဆိုရင် ပိုမှန်ပါတယ် ) အမ်ပီသရီးသီချင်းဖွင့်စက် - Mp3 Player ဆိုတာကို တူမလေးက ဖွင့်ပြမှ “ အယ် .. ဒီခလုပ်လေးနှိပ်လိုက်ရင် သီချင်းသံကြားရတယ်နော် ” ဆိုပြီး စမြင်ဖူးခဲ့တဲ့ ကျွန်တော့အဖို့ ရန်ကုန်မြို့မှာ တော်တော်မျက်စိလည်ရတယ်။

.

တက္ကသိုလ်တက်တုန်းက အင်တာနက်ဆိုတာ ရှိမှမရှိခဲ့တာဆိုတော့ ရန်ကုန်သားသူငယ်ချင်းတစ်ယောက်က သူ့အိမ်မှာအင်တာနက်ရှိတယ်လည်းဆိုရော သူ့ကို အမေရိကန်သွားခွင့်ထီ - DV တင်ခိုင်းဖူးသေးတယ်။ သူ့အိမ်မှာ ကွန်ပျူတာ ( ၃ ) လုံး၊ သူအလုပ်လုပ်တာကတစ်စုံ၊ မိသားစုသုံးတာက တစ်လုံး နဲ့ နောက်တစ်လုံးက သူ့သား ဂိမ်းဆော့ဖို့ထားတဲ့သူငယ်ချင်းက တော်တော်ခေတ်မှီတယ်။

.

.

ကျွန်တော့မှာတော့ တစ်နာရီ ( ၄ဝဝ ) ပေးပြီး အင်တာနက်ကဖေး ပြေးရ၊ အကောင့်မဖွင့်တတ်လို့ ငွေ ( ၇ဝဝ ) ပေးပြီး Gmail ဖွင့်ခိုင်းရ နဲ့ တော်တော့ကိုလည်ထွက်ပြီး ပူလောင်စပ်ခါးတဲ့ ရန်ကုန်မြို့ပြကြီး ဖြစ်ခဲ့တယ်။ အဲဒီသူငယ်ချင်းနဲ့ နှစ်ကြိမ်သုံးကြိမ်လောက်တွေ့တော့ သားနဲ့သမီးကို စာကြိုးစားဖို့ ကျွန်တော်အမြဲသွန်သင်တယ်ဆိုတဲ့စကားအပေါ်မှာ သူကပြောတယ်

.

“ ဟေ့ .. သူငယ်ချင်း ”

“ ကျောင်းသားက စာသိပ်ကြိုးစားဖို့မလိုဘူးကွ။ အချိန်တန်ရင် အတန်းက သူ့အလိုလိုအောင်သွားလိမ့်မယ်။ ကလေးဆိုတာ ပေးဆော့မှကွ ” တဲ့..။

.

.

ဒါနဲ့ ကျွန်တော်က “ ဟာ .. မင်းဟာက မဟုတ်သေးပါဘူး။ ကျောင်းသားပဲ စာလုပ်ရမှာပေါ့။ စာမလုပ်လို့ စာမေးပွဲရောက်ရင် ဘယ်ကစာနဲ့ သူသွားဖြေမှာလဲ ” ဆိုတော့ သူက

.

“ ကလေးတွေကို စိတ်လွတ်လွတ်လပ်လပ် ထားပေးရတယ်။ လူကြီးတွေကဖိအားပေးတိုင်းကောင်းတာမဟုတ်ဘူး ” ဆိုပြီး တုံ့ပြန်ခဲ့ပါတယ်။

.

.

ဒီလိုနဲ့ နောက်ထပ် ( ၄ ) နှစ်အကြာမှာ သူနဲ့ ရန်ကုန်မှာ တစ်ခေါက်ပြန်ဆုံတယ်။ စွမ်း က ဒီနိုင်ငံ ( ၈ ) တန်း ရဲ့ အလယ်တန်းကျောင်းသားခေါင်းဆောင်ဥက္ကဋ္ဌ - School President မဖြစ်ခင် လပိုင်းအလိုမှာ သူနဲ့ကျွန်တော် ရန်ကုန်ရွှေပုစွန်မှာ စကားပြောတော့ ကျွန်တော်ကမေးတယ် “ မင်း ရဲ့ သားရော .. စာတော်တယ်မဟုတ်လား? မင်းစိတ်အေးရပြီပေါ့ ” ဆိုတော့ သူပြန်ဖြေတာက

.

“ ငါ့သား စာမေးပွဲ ( ၂ ) နှစ်ဆက်တိုက်ကျတယ် ” တဲ့လေ..။ ဒါနဲ့ ကျွန်တော်က “ ဘယ်လိုဖြစ်တာတုန်း .. မင်းရဲ့သားက စာတော်တယ်ဆို .. မင်းပဲ ကလေးဆိုတာ ကစားမှဆို? ” လို့ ဆက်မေးတော့ ....

.

“ သူ Grand Theft  Auto  ကစားတာများသွားတယ်။ စာမကျက်တော့ စာမေးပွဲမှာ မဖြေနိုင်ဘူး ” လို့ နွမ်းလျစွာ ဖြေရှာတယ်။

အချစ်က

.

“ အချစ် ”  ဘယ်ကစတယ်ဆိုတာ သေချာမသိပေမယ့် မမြင်ရ မတွေ့ရရင် နေရခက်တာတော့ အမှန်ပါ။ လိုက်လေ ဝေးလေလို့ အများကပြောကြပေမယ့် အချစ်နဲ့နီးဖို့ အချစ်နား သွားရတယ်။

.

အရာအားလုံးထဲမှာ အချစ်ဟာ ဆွဲအားအကြီးဆုံးပဲ။ ဒါကြောင့် “ မင်းအချစ်ဟာ ဆွဲအားရှိတယ် ( ဆွဲအားတွေအချစ်လေး .. ရုန်းဖို့မစဉ်းစားတော့ဘူး ” လို့ သီချင်းလုပ်ဆိုကြတာ အခုထိ နားထဲစွဲနေပါတယ်။

.

.

ဓါတ်တူ နံတူ ပညတ်ယူဖို့ အချစ်မှာ စွမ်းအားတွေ ရှိနေပြန်တယ်။ ဒါကြောင့် အချစ်ဟာ အရာရာကိုအောင်နိုင်တယ်လို့ အနှစ်နှစ်အလလက ကဗျာတွေ .. စာတွေမှာ ဖတ်ခဲ့ရတာပေါ့။

.

ဒီစကားဘယ်လောက်မှန်တယ်ဆိုတာ အင်းယားကန်ပေါင်က လမ်းလေးက ပိုသိတယ်။

.

ဗူးသီးကြော်ဆိုင်က မန်ကျည်းအချဉ်ရည်ခွက်လေးတွေ သက်သေရှိတယ်။

.

အတူထိုင်ငေးခဲ့ဖူးတဲ့ လှေလှော်အသင်းက ထိုင်ခုံတန်းလေးက ဝိုင်းရှက်ပေးနေခဲ့ကြတယ်လေ။

.

.

တစ်ယောက်တစ်ပေါက်လုပြောရင်း နားလည်းမညည်းနိုင် မပြောပဲလည်း မနေနိုင် .. သန်းခေါင်ကျော်ခဲ့ရတယ် .. ဒါဟာ အချစ်ရဲ့သဘာဝပဲ။ မတူညီတဲ့လားရာတွေကလာတဲ့စကားလုံးတွေဟာ ဘယ်လိုလုပ်ပြီး အဓိပ္ပာယ်တူညီ တစ်သံတည်းထွက်လာပါ့မလဲ။

.

ဒါပေမယ့် မျက်လုံးချင်းဆုံတဲ့အချိန်မှာ အချစ်က ရောက်လာတယ်။

.

နှုတ်ခမ်းချင်းဆုံမယ့် ဘုံအရပ်တစ်နေရာကို အချစ်က ပို့ဆောင်ပေးတယ်။

ကျွန်တော်တို့ဘယ်လို ‘ အို ’ ကြမလဲ?

ဆောင်းပါးရှင် - ကိုညီညီ ( တောင်ကြီး )

.

ကမ္ဘာမြေပေါ်မှာ ဘယ်နေရာကိုသွားပုန်းပုန်း လောကနိယာမတစ်ခုရဲု့လက်ကနေ ကျွန်တော်တို့ ပြေးလို့မလွတ်နိုင်ကြပါဘူး။ အဲဒါကတော့ မွေးဖွားခြင်းကနေ ပါလာတဲ့ အိုခြင်း၊ နာခြင်း၊ သေခြင်း ဆိုတဲ့ သန္ဓေဓါတ်ပဲ ဖြစ်ပါတယ်။

.

အမိဝမ်းကကျွတ်ကတည်းကိုက ဒီမျိုးစေ့ကို ဘယ်အရွယ်မှာ အညှောင့်ထွက်မယ်၊ ဘယ်အချိန်မှာ သန်မာကြီးထွားမယ်၊ ဘယ်ကာလမှာ ပိန်လှီကွေးလျလို့ ခြောက်နွမ်းရမယ်ဆိုတာ အချိန်ဇယားနဲ့အတိအကျမဟုတ်ပေမယ့် အချိန်ကိုက်ကြွေပျက်ဗုံးတစ်လုံးကို စနက်တံမဖြုတ်သေးပဲ ထည့်သွင်းပေးပြီးသားပါ။

.

.

ဒါကြောင့် ကြိုစားပမ်းစားရှာဖွေနေတဲ့ စည်းစိမ်၊ ဥစ္စာ၊ ဓန တို့ကို ထားခဲ့ရမယ်လို့ လူတကာ သိထားကြတယ်။ ဒါတွေကို မစွဲလမ်းရဘူးဆိုတဲ့ ဆုံးမသံကိုလည်း အမြဲလိုလို ကြားဖူးနေကြတယ်။ ကိုယ်ရထားပြီးတဲ့ ပိုင်ဆိုင်မှု အတုံးအခဲတွေကို ထိတွေ့ကိုင်တွယ်လို့မကျေနပ်နိုင်သေးပဲ အရည်မရ အဖတ်မရ သူတစ်ပါးရဲ့ ဥစ္စာတွေကို အစိုးမရ လိုချင်နေသေးတာက ပြသနာပါ။

.

နဂိုကတည်းက ပျက်ကိုပျက်ပါမယ်ဆိုတဲ့ ခန္ဓာကိုယ်ပေါ်မှာ သယ်သွားလို့မရတဲ့ အတ္တအပိုတွေ ပိုပိုသာသာထမ်းပိုးထားတဲ့အခါ ငယ်ရွယ်သန်မာနေတုန်းကတော့ သိပ်အကြောင်းမဟုတ်ပေမယ့်  အိုမင်းမစွမ်းဖြစ်လာတဲ့အခါ မနိုင်မနင်း ထုတ်ပိုးသယ်ထမ်းထားရပါတော့တယ်။

.

.

ဒါကြောင့် ကျွန်တော်တို့ ဘယ်လိုအိုကြရင်ကောင်းမလဲ လို့ စဉ်းစားကြည့်မိတယ်။ အဖေမဆုံးခင်တုန်းက သူ့သူငယ်ချင်း တရုတ်အဖိုးကြီးတစ်ယောက်အကြောင်း ပြောပြမယ်။ သူ့နာမည်ကို အဓိကမဖော်ပြလိုပေမယ့် ကြီးပွားခဲ့တဲ့နေရာကိုအစွဲပြုပြီး သူ့ကို “ ဦးညောင်ခါးရှည် ” လို့ ခေါ်ကြတယ်။ တရုတ်ပြည်ကသိပ်ဆင်းရဲတဲ့အခါ မြန်မာနိုင်ငံဘက်ခိုလှုံလာသူတွေထဲမှာ သူလည်းအပါအဝင်ပေါ့။

သူငယ်ချင်း ရေ .. ( ၃ ) + ( ၄ )

သူငယ်ချင်း ရေ .. ( ၃ )

သူငယ်ချင်းတို့ရေ ..

မင်းတို့ဆီကို စာမရေးရတာကြာတော့ ရေးချင်လာတယ်

ဒါပေမယ့် ရေးမယ်ကြံလိုက်တိုင်း ဒီအင်္ဂလိပ်စာကပဲ ခေါင်းထဲမှာ လာလာကြပ်နေတယ်

ဒါကို ထပ်ရေးပြီးပြောရင် မင်းတို့ငါ့ကိုသတ်ချင်နေမလား ပဲ ..။

မတတ်နိုင်ဘူးလေ ပြောသင့်တာတော့ ပြောရမှာပဲ .. မဟုတ်ဘူးလား?

ဒီတစ်ခေါက် ငါ ရန်ကုန်ရောက်တုန်းကပြောခဲ့သလို

မင်းတို့ ရန်ကုန်မှာနေနေ .. နယ်မှာနေနေ .. မြန်မာနိုင်ငံတွင်းမှာနေနေ .. ဟိုနားဒီနားသွားသွား ..ပြသနာမရှိဘူး။

ငါတို့ရဲ့အင်္ဂလိပ်စာက ပြည်ပနိုင်ငံမထွက်မချင်း ပြသနာမရှိသေးဘူး။

အေး .. ကမ္ဘာ့အနောက်ဘက်ခြမ်းဘက် ခြေတစ်လှမ်းခွာပြီဆိုတာနဲ့ ထိုင်ဝမ်လေဆိပ်က ဇာတ်လမ်းစပြီ။ တစ်ဆက်တည်း မင်းတို့သွားချင်တဲ့၊ သွားမယ်လို့ရည်ရွယ်ထားတဲ့

အနောက်ဘက် အင်္ဂလိပ်စကားပြောတဲ့နိုင်ငံတစ်ခုခုရောက်ပြီဆိုရင် နည်းနည်းတော့ ပြင်ရတော့တာပဲကွ..။

အခုပဲကြည့် ..

ငါ့မှာ ငယ်ငယ်လေးကတည်းက ငါ့လို အင်္ဂလိပ်စာ အရမ်းရူးတဲ့တူတစ်ယောက်ရှိတယ်ကွ..။ အခု သူ ဒီဘက်နိုင်ငံရောက်တော့ သိတယ်နော် .. တတ်တယ်နော် .. ပြောဖို့စိတ်ထဲမှာ ရှိတယ်နော် .. တစ်ကယ်တန်း လူချင်းတွေ့တော့ စကားက မထွက်ဘူး။ ဖုန်းထဲမှာ ဘယ်လိုပြောရမှန်းကို မသိဘူး .. အဲဒါ ငါ့ရှေ့တင်..။

အကောင်းဆုံးထဲက တစ်ကယ့်အကောင်းဆုံး

ဆောင်းပါးရှင် - ကိုညီညီ ( တောင်ကြီး )

ပြင်သစ်နိုင်ငံမှာ အကောင်းစားဝိုင်တံဆိပ်တွေ အများကြီးရှိတယ်။

ရောင်းကောင်းတဲ့တံဆိပ်တွေဟာ လူစည်ကားတဲ့လမ်းတစ်လမ်းထဲမှာ စုပြုံပြီး အပြိုင်အဆိုင် ကြေငြာဈေးကွက်တင်ကြတယ်။

တစ်ဆိုင်က

“ ကျွန်တော်တို့ရဲ့ဝိုင်တံဆိပ်ဟာ ကမ္ဘာပေါ်မှာ အကောင်းဆုံး ” လို့ ကြော်ငြာတယ်။

နောက်တစ်ဆိုင်က

" ကျွန်တော်တို့ရဲ့ဝိုင်ဟာဆိုရင် ပြင်သစ်နိုင်ငံမှာ အကောင်းဆုံးပါ " လို့ မတူအောင် ကြော်ငြာပြတယ်။

နောက်ထပ်တစ်ဆိုင်က

" ကျွန်တော်တို့ ဝိုင် ဟာ ပဲရစ်မြို့မှာ အကောင်းဆုံးပါ " ဆိုပြီး သူ့ထက်သာအောင် ကြော်ငြာပြန်တယ်။

နောက်ဆုံးတစ်ဆိုင်က

" ကျွန်တော်တို့ဝိုင်တံဆိပ်ဟာ ဒီလမ်းထဲမှာ အကောင်းဆုံးပဲ " လို့ ရိုးရိုးလေးကြော်ငြာလိုက်တယ်။ 

ဒီကြော်ငြာနဲ့ပဲ အခု ဒီနောက်ဆုံးဆိုင်က ဝိုင်ကို လူတွေဝယ်အသောက်ဆုံး ဖြစ်သွားပါတော့တယ်။

အဖေတစ်ယောက်ရဲ့တန်ဖိုး

ဆောင်းပါးရှင် - ကိုညီညီ ( တောင်ကြီး )

.

ကျွန်တော်လူလားမြောက်လို့ အိမ်ထောင်တစ်ခုတည်ဆောက်ပြီး စီးပွားရေးအခြေကျတဲ့အခါမှ အဖေ့ကိုလက်လွှတ်ဆုံးရှူံးခဲ့ရတာ သူတစ်ကာထက် တစ်ခုကံကောင်းတယ်လို့ဆိုရမယ်ထင်ပါတယ်။ ဒါပေမယ့် မိစုံ ဖစုံ ပညာစုံ ကြင်ယာစုံရသူတွေနဲ့တော့ သွားမနှိုင်းချင်ပါဘူး။ သူတို့တစ်တွေရဲ့ ဘဝပေးကံက ကျွန်တော့ထက်မြင့်လွန်းလှပါတယ်။

.

အဖေ့ကို ကျွန်တော်ငယ်ငယ်လေးကတည်းက အပါး လို့ ခေါ်နေကျပါ။ အခုလိုစာတွေရေးတဲ့အခါ ကိုယ်ပိုင်စကား အပါး ထက်စာရင် လူသားအားလုံးရဲ့ ဖခင် ဆိုတဲ့ဂုဏ်ထူးကိုချီးမြှောက်ချင်လို့ အဖေ လို့ပဲ ဆက်ခေါ်ပါရစေ။

.

.

မွေးဖွားသန့်စင်ပေးတဲ့ မာတာမိခင်က ရေသောက်မြစ်ဆိုရင် ရင်သွေးဆိုတဲ့အပင်ကြီးထွားဖို့ အဖေဟာ ပင်စည်ကြီး ပါပဲ။ ဒီလိုတောင့်တင်းခိုင်မာမှု နဲ့ အရပ်လေးမျက်နှာက အတိုက်အခိုက်လေကြမ်းတွေကို ခုခံကာကွယ်ပေးတယ်။ ပူပြင်းလှတဲ့ စူးစူးရှရှမွန်းတည့်နေကို အဖေ့ရဲ့ သစ်အိုရွက်လက်တက်တွေနဲ့ ကာမိုးထားပေးတယ်။ ဒီအခါမှာ ကျွန်တော်ဟာ အဖေ့ကို အရာရာအားကိုးရင်း ကြီးပြင်းခဲ့တယ်။

.

နေရာတကာမှာ အဖေပါမှ ဖြစ်မယ် .. ရောက်လေရာမှာ ဦး -  ရဲ့ သား ဆိုပြီး ဂုဏ်ယူလေ့ရှိတယ်။ ကျောင်းသွားတဲ့အခါ မုန့်ဖိုးဆိုရင် အဖေပေးရင် ပိုရတယ် .. အရွက်ကြီးတွေ ရတတ်တယ်။ အလုပ်တစ်ဖက်နဲ့မို့ ကျောင်းလိုက်ပို့တာ ကြိုတာ အဖေမလုပ်နိုင်ပေမယ့် ကျောင်းရဲ့အာစရိယပူဇော်ပွဲ ဆို အဖေရောက်အောင်တက်တယ်။

.

.

အဖေ့အတွက် ဗမာစကားဟာ မွေးချင်းပေါက်ဘာသာစကားမဟုတ်ပေမယ့် ဗမာလိုပြောတဲ့အဖေ့အသံဟာ တော်တော်ချစ်ဖို့ကောင်းတယ်။ ဒါပေမယ့် အဖေဟာ စကားနည်းတယ် .. လိုမှ ပြောလေ့ရှိတယ်။ အဖေလာပြီဆို ကျောင်းအုပ်ဆရာမကြီးကအစ ဆရာတွေကြားမှာ လှုပ်လှုပ်ရှားရှားဖြစ်သွားလေ့ရှိတယ်။

( ၄၆ ) ပါးရောဂါ နှင့် အဖြေစုံ ( ၃ ) ပိုင်း စ-ဆုံး

ဆောင်းပါးရှင် - ကိုညီညီ ( တောင်ကြီး )

.

ရှိတာက ( ၉၆ ) ပါး ရောဂါ .. ဒါပေမယ့် အပါး ( ၅ဝ ) ကို ချန်ပြီးတော့ ( ၄၆ ) ပါး တော့ပြည့်အောင် ကြိုးစားပြောပြကြည့်မယ်။ ဒါကလည်း ကျွန်တော်ဆိုတဲ့လူကို ဖြူတယ်၊ မည်းတယ် သဲသဲကွဲကွဲ မသိသူတွေလည်းပါသလို စာရေးမှန်းသိလို့ အခက်အခဲတွေကို ပြောပြ၊ မေးကြသူတွေလည်း ရှိတယ် .. ကောင်းမွန်တဲ့ အကြံပေးချက်တွေလည်း ပါရှိပါတယ်။

.

ဒါကြောင့် အကြောင်းဆက်စပ်မှုမရှိတဲ့လောကမှာ လေလှိုင်း၊ အင်တာနက်လှိုင်းပေါ်မှာ ခဏတွေ့ကြတဲ့ မေးခွန်းတွေကို Messenger Inbox ကနေ ပြန်လည်နှိုက်ထုတ် ခံစားကြည့်မိပါတယ်။ ကာယကံရှင်ရဲ့နာမည်တွေ နဲ့ Username တွေက အရေးမကြီးပါဘူး။ အလေးထားမိတာက သူတို့ရဲ့ဝေဒနာတွေ နဲ့ ဖြူစင်တဲ့စေတနာတွေပါ..။ www.messenger.com ကို ပြန်ရှာတာ မက်ဆေ့အဟောင်းတွေကို ( ၁ ) နှစ်အထိ သိမ်းထားပေးတာ တွေ့ရတယ် .. ရသလောက်ပေါ့..။

.

.

1.. အကိုရေမင်္ဂလာပါ။ ကျွန်တော်အကူအညီတောင်းချင်ပါတယ်။ အကြံပေးပါခင်ဗျား။ ကျွန်တော်ဝါသနာပါတဲ့ကျောင်းကိုမတက်ရဘဲGTCကိုတက်နေရလို့စိတ်ညစ်တယ်။ အဲ့ဒါဘာလုပ်သင့်ပါလဲ

KNN- ကို - - -  က ဘာကိုဝါသနာပါတာပါလဲ?

.

1.. ကွန်ပျူတာ

KNN- ရတာကိုတော့ ယူထားစေချင်တယ်။ ဖြစ်နိုင်ရင်တော့ အင်္ဂလိပ်စာကို အပိုင်ကြီး တတ်ထားစေလိုတယ်။

.

1.. ဟုတ်ကဲ့ပါ။ ကျွန်တော်ဘာစာအုပ်တွေ လေ့လာရမလဲ။ တခါတလေ စိတ်တွေတအား လေတယ်။ သေချင်စိတ်တောင် ပေါက်တယ်။