သံယောဇဉ်ကားလေးရဲ့ဒဏ္ဍာရီ

ဆောင်းပါးရှင် - ကိုညီညီ ( တောင်ကြီး )

.

.

အမေရိကားကိုရောက်တာ ( ၅ ) နှစ်ကျော်လာပြီဖြစ်တဲ့ တိုင်းရင်းသူလေးတစ်ယောက်ရဲ့ အဖြစ်အပျက်ပါ။ သူ ဒီမြေပေါ်ခြေချခါစမှာ ( ၁၉၉၄ ) ခုနှစ်ထုတ် တိုယိုတာ ကိုရိုလာအဟောင်းလေးတစ်စီး ဝယ်စီးပါတယ်။ မိုင်းလစ် ( ၂ဝဝဝဝဝ ) ကျော်နေပေမယ့် ကားကကောင်းနေဆဲ .. ဆွဲနေဆဲပါပဲ။ အဲဒါလေးနဲ့ပဲ အလုပ်သွား၊ အလုပ်ပြန်၊ ဈေးသုံး၊ ဗာဟီရကိစ္စအကုန်လုံး အဆင်ပြေခဲ့ရတာ ကြာခဲ့ပေါ့။ ဒါပေမယ့် တစ်နေ့မှာတော့ အဆင်မပြေစရာအဖြစ်အပျက်ဖြစ်ခဲ့ပုံက ဒီလိုပါ ..။

.

သူအလုပ်ရောက်တဲ့အထိ ကားကကောင်းနေပေမယ့် အလုပ်ပြန်လို့ကားစက်နှိုးတဲ့အခါ ခေါင်းခန်းကနေ မီးခိုးတွေအူတက်လာပါတယ်။ ဒါနဲ့အလုပ်က မြန်မာတွေထဲကသိသူ၊ တတ်သူတွေကိုမေးမြန်းပေမယ့်လည်း မောင်းလို့မရခဲ့ပါဘူး။ ဒီလိုနဲ့ အဲဒီကားလေးကို သူ့အိမ်ကိုဘယ်ပုံဘယ်နည်းပြန်သယ်သွားတယ်ဆိုတာ အလုပ်ကလူတွေသေချာမသိခဲ့ပေမယ့် နောက်တစ်ပတ်အလုပ်တက်တဲ့အချိန်မှာ တိုယိုတာ ကိုရိုလာ ( ၂ဝ၁၅ ) ခုနှစ်ကားသစ်လေးနဲ့အလုပ်လာတာကိုတော့ လူတွေအားလုံးသတိထားမိလိုက်ကြတယ်။ ဟုတ်တယ် .. သူ ကားအသစ်ဝယ်လိုက်ပြီ။ အမေရိကားမှာအခြေလည်းကျလာပြီမို့ ( ၃ ) နှစ်လောက်အကြာမှာ မြန်မာတွေကားအသစ်ဝယ်စီးတဲ့ဖက်ရှင်ဟာ အသစ်အဆန်းမဟုတ်တော့ပါဘူး။

.

.

ဒါပေမယ့် တိုင်းရင်းသူလေး ရဲ့ မောင် တိုင်းရင်းမောင်လေး မလေးရှားကနေ အမေရိကားရောက်လာတဲ့အခါ ပစ်ထားတဲ့ကားအဟောင်းလေးရဲ့ ပိုင်ရှင်အသစ်ဖြစ်လာပါတယ်။ သူ့အတွက်လည်း ရောက်ခါစမြန်မာတွေကြုံရတဲ့အတိုင်း ဒေါ်လာ ( ၁ဝဝ ) ကျော်အကုန်ခံပြီး ဝပ်ရှော့ကပြန်ပြင်ပြီးထွက်လာတဲ့ကားလေးနဲ့ ဘဝသစ်စကြပြန်ပါတယ်။

.

နောက်ပိုင်ရှင်လက်ထဲမှာလည်း ကားအဟောင်းလေးဟာ ဘီးစွမ်းသိပ်မပြလိုက်ရပါဘူး။ လအနည်းငယ်အတွင်းမှာ ဘရိတ်မမိတာကို အကြောင်းပြုပြီး သူတို့အိမ်ရှေ့စောင်းစောင်းလေးက ပလက်ဖောင်း -  Curb ဘေးမှာ ထိုးထားလိုက်ပါတယ်။ ဒီ့နောက်မှာ အလုပ်တွေရ၊ သွားရဲ၊ လာရဲ၊ အင်္ဂလိပ်စကားပြောရဲတဲ့ တိုင်းရင်းမောင်လေးကလည်း ကားအသစ်တစ်စီးဝယ်လိုက်ပြန်ပါတယ်။

( ၇ ) နှစ်ကြာ ( ၈ ) ကြိမ်မြောက်ရောက်ရှိခိုက် Back To School Night

ဆောင်းပါးရှင် - ကိုညီညီ ( တောင်ကြီး )

.

.

သူတို့ဟာ ကလေးတွေကို စာကိုဘယ်လိုနည်းနဲ့သင်တယ် .. အသင်အပြကောင်းတဲ့ ဘယ်လိုဆရာ ဆရာမမျိုးနဲ့သင်တယ် .. မိဘတွေက ကလေးတွေကို မငဲ့တမ်း၊ မညှာတမ်း အိမ်စာတွေဘယ်နေရာကနေ ဝင်စစ်ရမယ် .. ကလေးတွေအမူအကျင့်ပြောင်းလို့ပဲဖြစ်ဖြစ်၊  မိဘက အတန်းဆရာကိုမေးစရာရှိတာပဲဖြစ်ဖြစ်၊ သီတင်းပတ်အတွင်း ဘယ်လိုကျောင်းလှုပ်ရှားမှုတွေရှိနေတယ်ဆိုတာတွေကို သိစေဖို့ ဟောလ်ခန်းထဲမှာ ကျောင်းအုပ်ကြီးက မိတ်ဆက်စကားပြောပါတယ်။

.

တစ်ဆက်တည်း တာဝန်ကျဆရာမတွေကို အသီးသီးနာမည်တွေခေါ်ကာခေါ်ကာ မိတ်ဆက်ပေးပြန်တယ်။ ဒီညနေကတော့ ကျောင်းသားမိဘတွေ အင်မတန်မှတက်ရောက်သင့်လှတဲ့ အမေရိကန်အခြေခံပညာကျောင်းတွေရဲ့ လုပ်ရိုးလုပ်စဉ် Back To School Night ပါပဲ။

.

.

ဒီနှစ်မှာ ( ၁၁ ) တန်းကျောင်းသား “ စွမ်း ” က မလိုက်လာတော့ဘူး။ ပြီးခဲ့တဲ့နှစ်က ကျောင်းအထိပါလာသေးတယ်။ ဆရာကြီးစကားပြောပြီးသွားတာနဲ့ စွမ်း ဖြည့်ပေးထားတဲ့ အချိန်ဇယားစာရွက်အဝါလေးကိုကိုင်ရင်း ( S-13 ) ဆိုတဲ့အခန်းကို လိုက်ရှာရပါတယ်။ ရှာရင်းရှာရင်းနဲ့ ကျောင်းရဲ့ဆန့်ကျင်ဖက်အစွန်နားရောက်သွားတယ်။

.

အခန်းထဲဝင်သွားတော့ ရောက်ရှိသူနေရာမှာ စာရင်းသွင်း Register လုပ်ပါတယ်။ Mountain လို့ ရေးထားတော့ သချာင်္ကို ဆရာသင်တာလို့မှတ်ထားတာ ဆရာမဖြစ်နေတယ်။ “ ဒီနေရာမှာ ခင်များတို့သားထိုင်တာပေါ့ ” လို့ ဆရာမက လက်ညှိုးထိုးပြတယ်။ အသေးစိတ်ရေးနေရင်မပြီးတော့မှာမို့ ဆရာတွေရဲ့မိဘတွေကိုနှုတ်ဆက်စကားတွေကို အပိုင်းလိုက်ရေးပြသွားချင်ပါတယ်။

ကျေးဇူးတင်နေမိတဲ့ ပါရမီဖြည့်ဖက်

ဆောင်းပါးရှင် - ကိုညီညီ ( တောင်ကြီး )

.

သူ ဒီကိုမလိုက်လာခင်တုန်းက ကျွန်တော်ကတိတွေ ပေးဖူးတယ် “ နင် အမေရိကားရောက်ရင် ဘာမှမလုပ်နဲ့ ” လို့။ ဒါပေမယ့် ( ၃ ) နှစ် ကျော်လာတဲ့အခါ အခြေအနေတစ်ခုကြောင့် ကျွန်တော့စကားမတည်တာကို နောင်တရမိတယ်။ သို့သော်လည်း ကမ်းနားလမ်းမှာ သူ့လက်ကလေတွဲခေါ်ရင်း “ နင် ငါနဲ့ယူပြီးရင် တရုတ်ချွေးမတွေလိုမထားဘူး ” ဆိုတဲ့ ကတိကိုတော့ အထိုက်အလျောက်ထိန်းသိမ်းနိုင်ခဲ့တာနဲ့ ဖြေသိမ့်ခဲ့ပါတယ်။ အခုကျတော့ မတူတော့ဘူး။ အသက်တွေက ရပ်မနေဘူး .. တစ်ဖြည်းဖြည်းကြီးလာတာကတစ်ကြောင်း၊ သားသမီးတွေက အရွယ်ရောက်လာတာကတစ်ကြောင်း ကိုယ်တိုင်မလုပ်နိုင်တာမရှိရအောင် အနောက်နိုင်ငံရဲ့သူတစ်ပါးမြေမှာ အောက်ခြေသိမ်းလုပ်ရပါတယ်။

.

.

သူ့ကို ကားမောင်းသင်ဖို့မပြောနဲ့ .. ကားရှေ့ခန်းကလိုက်စီးတာတောင် တော်တော်ကြောက်တတ်တဲ့သူမျိုးကို အမေရိကန်ကားမောင်းလိုင်စင်ဖြေခိုင်းတဲ့ ကျွန်တော်ဟာ တော်တော်ဆိုးသူပါ။ နှစ်များစွာ အင်္ဂလိပ်စာနဲ့ဝေးခဲ့သူကို ဖြေပြီးသားလိုင်စင်စာရွက် ( ၁ ) ဒါဇင်ကျော် နဲ့ အိမ်စာပေးခဲ့တာလည်း ကျွန်တော်ပါပဲ။ အိမ်ထောင်ကျပြီးကတည်းက တောက်တိုမယ်ရလုပ်စရာမလိုတဲ့ သူ့ကို အိမ်မှာ မီးဖိုချောင်ထဲဝင်ခိုင်းတာလည်း ကျွန်တော်ပါပဲ။

.

ပိုလို့ဆိုးတာက သူဟာ ဈေးဝယ်ရတယ်၊ သယ်ရတယ်။ ကားမမောင်းတတ်ခင်တုန်းက သားကိုကျောင်းကြိုဖို့ ကျောင်းအထိအဝေးကြီး သူလမ်းလျှောက်ရတယ်။ တွန်းသွားတဲ့ Scooter လေးကို သားက ပြန်စီးလာတဲ့အချိန်မှာ သားကျောင်းကျောပိုးအိတ်ကို သူတစ်လမ်းလုံးလွယ်ထားရတယ်။ သားသမီးတွေကို နှစ်ရှည်လများ ကားမောင်းကျောင်းပို့ရတယ် .. ဘယ်လောက်များမတရားလိုက်တဲ့ ကျွန်တော်ပါလဲ?

Space Pen ၏ ဖြစ်ရပ်မှန်

ဆောင်းပါးရှင် - ကိုညီညီ ( တောင်ကြီး )

.

အာကာသထဲကခဲတံကိစ္စ ဆောင်းပါးရေးပြီးသွားတော့ ရှရှားကော်စမိုနော့တွေရဲ့ဖြစ်ရပ်အမှန်ကို ရှင်းပြချင်ပါသေးတယ်။ အကြောင်းက လူတွေက အဖြစ်မှန်ကိုရှာဖွေပြောဆိုမယ့်အစား အမေရိကန်ကိုလှောင်ပြောင်ဖို့ ဆန္ဒစောပြီး ပါးစပ်အရသာခံပြောနေကြတဲ့အခါ ဒီယုံတမ်းစကားရဲ့သက်တမ်းက ပိုရှည်ကြာခဲ့ရတယ်။

.

.

ရိုးရိုးဘောပင်ကိုသုံးတဲ့အခါ ကမ္ဘာမြေဆွဲအားမရှိတဲ့အာကာသမှာ မင်အိုး - Cartridge ထဲက မင်မထွက်တော့ အခက်အခဲဖြစ်ကြတယ်။ အမှန်ကရုရှားတို့ အာကာသထဲမှာ ခဲတံသုံးခဲ့သလား မသုံးခဲ့ဘူးလားဆိုတာ ဘယ်သူကမှအတည်မပြုနိုင်ပေမယ့် ဘလော့ဂ်တစ်ခုမှာတော့ အမေရိကန်ရော ရုရှားရော အာကာသထဲမှာ ခဲတံသုံးခဲ့တယ်လို့ ရေးထားပါတယ်။

.

ခဲတံသုံးရင်းသုံးရင်း နဲ့ တုံးသွားရင်ဘယ်လိုလုပ်မလဲ? နောက်တစ်ခုက အာကာသထဲမှာ ခဲတံဘယ်လိုချွန်မလဲ? စတဲ့အခက်အခဲကိုဖြေရှင်းဖို့ အမေရိကန်က တစ်ချောင်းကို ( ၁၂၈ ) ဒေါ်လာပေးရတဲ့ ခဲဆံဘောပင် - Mechanical Pencil သုံးကြည့်တယ်။ ခဲဆစ်ကျိုးသွားတဲ့အခါ အဲဒီအပိုင်းအစလေးက အာကာသလေဟာနယ်ထဲမှာ သေးသေးလေးနဲ့လွင့်နေတော့ အဆင်မပြေပြန်ပါဘူး။ အထူးသဖြင့် ခဲဆံကထွက်တဲ့ ဂရပ်ဖိုက် - Graphite ဓါတ်ဟာ လျှပ်စစ်စီးကြောင်းရှာပြီးကပ်တွယ်တတ်သလို စက်ပစ္စည်းတွေရဲ့လည်ပတ်မှုကိုအနှောင့်အယှက်ပေးတတ်တော့ ဆက်မသုံးဖြစ်တော့ပါဘူး။

.

တစ်ဖန် ရုရှားတွေက အမျိုးသမီးတွေမျက်လုံးလှအောင်ဆွဲတဲ့ အလှကုန်မျက်ခုံးမွှေးဆွဲတံနဲ့ဆင်တူတဲ့ “ ကြိုးဆွဲခဲတံ ” လိုမျိုး သုံးစွဲခဲ့တယ်။ တုံးသွားတဲ့အခါ တစ်ရစ်ထပ်ခွာလိုက်ရုံနဲ့ အမေရိကန်ထက်အဆင်ပြေတယ်ဆိုပြီးတော့ကို ကြွေးကြော်ခဲ့သေးတာပါ။ အထဲကခဲဆံကိုတော့ ပျစ်ခဲဆီတစ်မျိုးနဲ့အထူးပြုလုပ်ထားပြီး Grease Pencil လို့ နာမည်ပေးထားပါတယ်။ ဒါကလည်း အချိန်တစ်ခုအထိ ကော်စမိုနော့တွေအတွက် အဆင်မပြေပြန်ပါဘူး။ အလုပ်အတွက် ရှရှားအာကာသယာဉ်မှူးတွေဟာ စာရေးတာထက် ခဲတံအတုံးကြီးနဲ့ ပုံဆွဲနေရသကဲ့သို့ ဖြစ်နေရတာက သူတို့အတွက် တစ်ဒုက္ခပါ။ ဘေးထွက်ဆိုးကျိုးအနေနဲ့ ခွာလိုက်တဲ့ စက္ကူစတွေက ယာဉ်ထဲမှာ ပလူပျံနေတဲ့အခါ ပိုလို့တောင်အမှိုက်ရှုပ်လာပါတော့တယ်။

မိမိကလေး ( ၉ ) နှစ်သားအရွယ်မှာ စပြောပြသင့်တဲ့ အရက်ရဲ့ဆိုးကျိုး

ဆောင်းပါးရှင် - ကိုညီညီ ( တောင်ကြီး )

.

အရက်သောက်တာမကောင်းဘူးဆိုတာ မိမိကလေးငယ် ( ၉ ) နှစ်သားအရွယ်ရောက်ကတည်းက ရေရေလည်လည်နားလည်အောင် ပြောပြသင့်တယ်လို့ အမေရိကန်ကလေးသူငယ်များစောင့်ရှောက်ရေးအကယ်ဒမီ - AAP ( American Academy of Pediatrics ) က ပြောလိုက်ပါတယ်။

.

သူတို့ရဲ့စာရင်းများအရ အထက်တန်းရောက်ပြီးသားကျောင်းသားအရေအတွက်ရဲ့ ( ၅ဝ% ) ဟာ အရက်သောက်ဖူးကြပါတယ်။ အရွယ်မတိုင်ခင်အရက်စွဲကြသူကျောင်းသားများက ( ၆ဝ% ) ရှိတယ်လို့ အစီရင်ခံစာက ထောက်ပြတယ်။ ဒါကြောင့်မို့ AAP ရဲ့ဖော်ပြချက်အရ များပြားလှတဲ့ဒီပမာဏကိုအရေးတကြီးကာကွယ်ဖို့လိုလာပြီဖြစ်တဲ့အကြောင်း သြဂုတ်လ ( ၃၁ ) ရက်နေ့ထုတ် ကလေးသူငယ်များဂျာနယ် - Journal of Pediatrics မှာ ရေးသားထားပါတယ်။

.

.

အသက် ( ၁၂ ) နှစ် နဲ့ ( ၁၄ ) နှစ်ကြား အရက်စမ်းသောက်ကြည့်တဲ့ ကလေးငယ်တစ်ဝက်တိတိဟာ အရက်စွဲသွားကြပါတယ်။ ဒီပမာဏကိုကြည့်ပြီး မိဘများနဲ့ဆရာဝန်များက စိုးရိမ်တကြီးနဲ့စောင့်ကြည့်နေရတဲ့ကာလဆိုရင်လည်း မမှားပါဘူး။ မိမိသားသမီးကို အလယ်တန်းရောက်ပြီဆိုတာနဲ့ အရက်မကောင်းကြောင်း ထိထိမိမိပြောသင့်လှတဲ့အကြောင်းရင်းတွေက ခိုင်လုံစွာတည်ရှိနေပါတယ်။

.

ဒီအရွယ်မှာ ကလေးတွေရဲ့ဦးနှောက်ဟာ စိတ်ခံစားမှုဖွံ့ဖြိုးခြင်းနဲ့အတူ အရာရာကိုစူးစမ်းတတ်တဲ့အမူအကျင့်က ( ၉ ) နှစ်သားအရွယ်ကတည်းက စတာဖြစ်ပါတယ်။ အဆိုးလမ်းမှားမရောက်ရအောင်ကြိုတင်ကာကွယ်တဲ့အနေနဲ့ ကလေးတွေရဲ့စိတ်ကူးကို မိဘတွေက အချိန်မီဝင်ရောက်စွက်ဖက်ဖို့လိုအပ်ပါတယ်။

ပြောပြချင်တဲ့ စွမ်း တက်မယ့် AP Calculus (AB) အတန်းအကြောင်း

ဆောင်းပါးရှင် - ကိုညီညီ ( တောင်ကြီး )

.

ဒီစာစုလေးမှာ ဆောင်းပါးရေးတာထက် မြန်မာနိုင်ငံကနေ မိမိသားသမီးကို နိုင်ငံခြားကျောင်း အဆင့်မြင့်မြင့်ထားချင်သူ မိဘများကိုပြောပြချင်တဲ့ စေတနာ နဲ့ ပရဟိတသုတ ပေါင်းစပ်ပြီး သတင်းစကားပါးချင်တယ်ဆိုရင် ပိုမှန်ပါတယ်။ ကျွန်တော်ကိုယ်တိုင်ငယ်ငယ်က မြန်မာဘာသာပြန်ထားတဲ့သချာင်္ဘာသာရပ်ကိုသင်ခဲ့ရပြီး လက်ရှိကျောင်းပညာရေးနဲ့ အနှစ် ( ၃ဝ ) လောက်ဝေးလာခဲ့ပြီမို့ ဘာသာရပ်အခေါ်အဝေါ်တွေငှားယူသုံးစွဲရာမှာ အခက်အခဲရှိလာပါတယ်။ အထူးသဖြင့် ဒီဘက်နိုင်ငံရောက်မှတက်ခဲ့တဲ့ အင်္ဂလိပ်လိုသင်ရတဲ့သချာင်္အခြေခံအနည်းငယ်ရှိရင်းစွဲဖြစ်လို့သာ ကိုယ်ရေးကိုယ်တာရှေ့မထားပဲ ရေးပြပါရစေ။

.

.

အမေရိကားရောက်ပြီး ( ၁ ) နှစ်ပြည့်ပြီး ( ၁ ) ပတ်ကျော်တာနဲ့ ကွန်မြူနတီကောလိပ်ကို ကျွန်တော် စတက်ပါတယ်။ ဘာယူရမယ်ဆိုတာထက် အခြေခံယူနစ်ဖြည့်ဖို့ အင်္ဂလိပ် နဲ့ သချာင်္တော့ မဖြစ်မနေယူရတယ်။ ဒီ ( ၂ ) မျိုးသင်ရတာနဲ့တင် အခုလိုအမေရိကားရောက်တာတန်တယ်လို့ ခပ်ကဲကဲပြောနိုင်ပါတယ်။ ဘာဖြစ်လို့လည်းဆိုတော့ ဒီလိုအင်္ဂလိပ်စာ နဲ့ အင်္ဂလိပ်လိုသင်တဲ့သင်္ချာကို သင်ယူဖို့ စိတ်ကူးယဉ်ခဲ့တာ ကျွန်တော် ( ၁၃ ) နှစ်သားကတည်းကပါ။ ဒီလိုနဲ့ ..

.

စကော့တလန်လူမျိူး သချာင်္ပါမောက္ခသင်တဲ့ သချာင်္အတန်းမှာ အထက်တန်းကျောင်းက ( ၁၄ ) နှစ်သားကျောင်းသားလေးတစ်ယောက် လာတက်တော့ ကျွန်တော်အံ့သြမိတယ်။ ကျွန်တော်တို့သင်သလိုသူလိုက်သင်တယ်။ အိမ်စာလည်း ကျွန်တော်တို့နဲ့အတူတူလိုက်လုပ်တယ်။ စဉ်းစားကြည့်တယ် .. သူ့အရွယ်နဲ့ကောလိပ်ကျောင်းနဲ့ဘာဆိုင်လို့လဲပေါ့။ ညပိုင်းမှောင်လောက်ကျမှစတဲ့အတန်းကို သူ့အဖေကလာပို့တယ်။ အတန်းပြီးတဲ့ ည ( ၉ ) နာရီလောက်ဆိုလည်း စိတ်ရှည်ရှည်လာကြိုတာပါပဲ။

.

.

နောက်မှသိရတာက အထက်တန်းပြီးရင်ယူရမယ့် သချာင်္သင်တန်းတွေကို စာလိုက်နိုင်တဲ့ကလေးကိုခုန်တက်ခွင့်ပေးတဲ့ AP – Advanced Placement Test အောင်လို့ရောက်လာတာဖြစ်တယ်။ ဆိုလိုတာက ဥပမာ - သူက ( ၁၂ ) တန်းမှာသင်ရတဲ့အတန်းဘာသာရပ်အားလုံးက သူ့သူငယ်ချင်းတွေနဲ့တူချင်တူမယ် .. ဒါပေမယ့် သချာင်္ကျတော့ ကောလိပ်အဆင့်ကို သူလိုက်နိုင်လို့ ကျောင်းကသချာင်္အချိန်မှာ အတန်းကြီးကိုသွားတက်ရတဲ့ပုံစံမျိုးပါ။ ( ၁ဝ ) တန်း၊ ( ၁၁ ) တန်း မှာ အမြင့်သချာင်္ ( ၁၂ ) တန်းက ရှိပေမယ့် ( ၁၂ ) တန်းရောက်လာတဲ့ဒီကျောင်းသားကတော့ ကောလိပ်မှာသင်္ချာဆက်သင်ရတော့တာပေါ့။

ဇာတ်ကြမ်းထလာတဲ့အမေရိကားကဘိန်းဖြူအန္တရာယ်

ဆောင်းပါးရှင် - ကိုညီညီ ( တောင်ကြီး )

.

အမေရိကန်နိုင်ငံ၊ ပင်ဆန်ဗေးနီးယားပြည်နယ်က ဝါရှင်တန်ကောင်တီ ( တိုက်နယ် ) ဟာ တစ်ဖက်မှာ ဗာဂျီးနီးယားပြည်နယ်နဲ့ နယ်နိမိတ်ချင်းထိစပ်လျက်ရှိပါတယ်။ တစ်လောလေးကမှ လူဦးရေ ( ၂ဝဝဝဝဝ ) ကျော်စပြုလာတဲ့ ဒီဒေသမှာ ဘိန်းဖြူအထိုးလွန်လို့ ဆေးရုံရောက်လာသူ တစ်နေ့ကို ( ၅ ) ဦးကနေ ( ၈ ) ဦးအထိ ရှိလာနေပါတယ်။

.

ပြီးခဲ့တဲ့သီတင်းပတ် ( ၂ဝ၁၅ သြဂုတ်လလည် ) က ဆိုရင် ဝါရှင်တန်ပို့စ်သတင်းစာရဲ့အဆိုအရ ( ၂၄ ) နာရီအတွင်း ဘိန်းဖြူအထိုးလွန်ပြီး လူ ( ၁၆ ) ဦး ဒုက္ခရောက်ကြရပါတယ်။ တစ်ပတ်လုံးစာရင်းအရတော့ ဆေးလွန်ပြီးရောက်လာတဲ့ ( ၂၅ ) ယောက်ထဲမှာ ( ၃ ) ယောက်ရဲ့အသက်ကိုကယ်လို့မမှီခဲ့ဘူးလို့ သိရပါတယ်။ အမေရိကန်တစ်နိုင်ငံလုံးစာရင်းအထိဖြန့်ကြည့်လိုက်ရင် လူအယောက် ( ၁၁ဝ ) ဟာ တရားဝင်ဆေးများအရရော၊ တရားမဝင်မူးယစ်ဆေးများပါ အသုံးလွန်ပြီးသေပွဲဝင်နေကြတယ်။

.

.

ဝါရှင်တန်ကောင်တီက အရေးပေါ်လူနာတင်ကားများပေါ်မှာ နယ်လိုစုံး - Naloxone လို့ခေါ်တဲ့ မူးယစ်ဖြေဆေးဆောင်ထားလို့ လွန်နေတဲ့ဆေးရဲ့အသက်နှုတ်ယူမှုကနေ တစ်ချို့သော မူးယစ်ဆေးဝါးကျွန်များကို ကယ်တင်နိုင်ခဲ့တယ်။ ဒီဒေသမှာ ဘိန်းဖြူထိုးပြီး ဆေးလွန်တဲ့ဖြစ်ရပ်များဟာ ( ၂ ) နှစ်အတွင်း သိသိသာသာတိုးပွားလာတယ်လို့ ရစ်ရလပ်သ် - Rick Gluth ဆိုတဲ့ ယစ်မျိူးကာကွယ်ရေးစုံထောက်က ဝါရှင်တန်ပို့စ်သတင်းစာကို ပြောကြားထားလည်း ရှိနေပါသေးတယ်။

လွယ်ပေမယ့်ခက်နေရတဲ့အကြောင်းတွေ

ဆောင်းပါးရှင် - ကိုညီညီ ( တောင်ကြီး )

.

၁။ နေ့စဉ်ဘဝထဲကဖြစ်ရပ်

.

.

အပြန်စာအိတ်ပါတဲ့အစိုးရရုံးတစ်ခုရဲ့စာကိုဖောက်လိုက်တယ်။ အထဲမှာပါတဲ့ဖောင်မှာလိုတဲ့အကွက်တွေဖြည့်ပြီး ညနေ ( ၅ ) နာရီမထိုးခင် စာပြန်သွားထည့်ရမယ်။ အကွက်သေးသေးလေးထဲမှာ ဘောပင်ချွန်ချွန်လေးနဲ့ဖြည့်သွင်းရင်း စာရွက်ရဲ့အောက်ပိုင်းနားလေးမှာ လက်မှတ်ထိုးလိုက်တယ်။ ပြီးတော့ တံဆိပ်ခေါင်းကပ်ရဦးမယ်။ အမြဲမေ့တတ်တဲ့တံဆိပ်ခေါင်းမို့လို့ အလုပ်သွားတဲ့ ကားထဲမှာတံဆိပ်ခေါင်းဆောင်ထားတာ သွားသတိရမိတယ်။

.

အဲဒီအချိန်မှာ စိတ်ထဲကစဉ်းစားမိတယ်။ အမျိုးသမီးမောင်းတဲ့ကားကဘယ်လိုအခြေအနေရှိနေလဲမသိဘူး … စွမ်းကလည်းကျောင်းပြန်ဖွင့်ပြီဆိုတော့ မနက်တိုင်းကျောင်းပို့ရပြီ လို့တွေးလိုက်ပြန်တယ်။ ဒါနဲ့ကားပြောင်းပြီး အမျိုးသမီးကားနဲ့စာတိုက်ကိုထွက်လာခဲ့တယ်။ ကားကမောင်းလိုက်တယ်ဆိုရင်ပဲ သခင်အကြိုက်အားလုံးအဆင်ပြေပါတယ်။ အဆင်မပြေတာက စာတိုက်ရောက်တော့မှပါ..။

.

.

စာအိတ်လေးကိုကိုင်ပြီး ကားပေါ်ကဆင်းလိုက်တယ်။ အလုပ်ကပြန်လာခါစ ဗိုက်ကလည်းဆာနေတာမို့ ဖြည်းဖြည်းချင်းပဲလှမ်းနေမိတယ်။ စာတိုက်ပုံးရဲ့အပေါ်အံကိုဖွင့်လိုက်ပြီး စာထည့်မယ်အလုပ်မှာ လှစ်ကနဲဖြစ်သွားတဲ့စိတ်ကလေးက စာအိတ်ကိုပြန်စစ်ကြည့်ဖို့ခိုင်းနေသလိုပဲ။ ကိုင်ထားတဲ့လက်ကိုလှည့်လိုက်တာမှာ စာကတံဆိပ်ခေါင်းကပ်ဖို့မေ့နေသေးတာကို သိလိုက်တယ်။ ဒါနဲ့ ချက်ချင်းကြီးစိတ်တိုသွားပြီး ကားရပ်ထားတဲ့နေရာကိုပြန်လျှောက်လာတယ်။ ကားပါကင်မှာကားကိုအဝေးကလှမ်းမြင်လိုက်တော့မှ ..  ခုနလေးတင် ကားပြောင်းပြီးမောင်းလာတာကို ပြန်သတိရသွားတယ်။ ခက်ပြီ .. ဒါ .. အမေရိကားလေ .. တံဆိပ်ခေါင်းမပါရင် စာပို့သမားကစာပို့ပေးမှာမဟုတ်ဘူးလို့လည်း အသည်းနာအောင်တွေးနေမိပြန်တယ်။

.

ဟာ .. သွားပြီ .. ဒီနေရာကနေ အိမ်ပြန်ပြီးတံဆိပ်ခေါင်းသွားယူရဦးမယ်ဆိုတာတွေးမိတော့ ဒီတံဆိပ်ခေါင်းပါးပါးလေးတစ်ခုအတွက် ဓါတ်ဆီကုန်ရဦးမှာပါလားဆိုတာကိုဆက်စဉ်းစားမိရင်း တော်တော်လေးကိုစိတ်ပျက်သွားတယ်။ ငါ့နှယ် .. ဒီနေ့မှကားပြောင်းမောင်းလာတာမိတာကိုး။ အမျိုးသမီးကားပေါ်မှာ တံဆိပ်ခေါင်းမှမဆောင်ထားတာလို့တွေးရင်း ဘေးကြပ်နံကြပ်ဖြစ်နေတာ တော်တော်ဆိုးတယ်။

အောင်မြင်သူတွေမပြောတဲ့စကား ( ၇ ) ခွန်း

ဆောင်းပါးရှင် - ကိုညီညီ ( တောင်ကြီး )

.

အောင်မြင်မှုဆိုတာ ညအိပ်လိုက်တာနဲ့ရလာတာမျိုးမဟုတ်ပါဘူး။ တပင်တပန်းကြိုးစားအားထုတ်မှု၊ ရင်းနှီးရတဲ့အချိန် နဲ့ ထွန်းလင်းတောက်ပတဲ့စိတ်အားထက်သန်မှုတို့ လိုအပ်ပါတယ်။  အောင်မြင်မှုရထားတဲ့ခေါင်းဆောင်၊ စွန့််ဦးစီပွားတီထွင်သူ - Entrepreneur နဲ့ အိုင်ဒီယာစားသမား - Idealist တို့မှာ သူတို့ထူးချွန်တဲ့၊ အများနဲ့မတူတဲ့ ခရီးကြမ်းလျှောက်လှမ်းခဲ့ရမှုတွေကိုယ်စီရှိကြပေမယ့် “ အောင်မြင်မှုသို့ရှေ့လှမ်းချီ ” တဲ့ ပန်းတိုင်ချင်းတော့တူကြတယ်။ ဒီလိုတစ်ဦးချွန်တစ်ယောက်ကောင်းကနေ သူတို့ဘယ်လိုကြီးပြင်းလာတယ်၊ ဘယ်လိုရင့်ကျက်လာတယ်ဆိုတာကို လျှောက်ခဲ့တဲ့ခရီးလမ်းမှာလေ့လာစရာအချက်တွေအများကြီးရှိပါတယ်။

.

.

 “ လူချမ်းသာတွေဘယ်လိုတွေးသလဲ ” စာအုပ်ရေးသူ စတိဗ်စီဘိုး - Steve Siebold က နှစ်ပေါင်း  ( ၃ဝ ) ကျော်ကာလအတွင်း ထောင်နဲ့ချီတဲ့သန်းကြွယ်သူဋ္ဌေးတွေကို အင်တာဗျူးခဲ့သူပါ ။ သူဋ္ဌေးတွေရဲ့အောင်မြင်မှုကနေ ကြွယ်ဝချမ်းသာမှုကိုရခဲ့ပုံက ရိုးရိုးရှင်းရှင်းလေးပါလို့ သူကရှင်းပြတယ်။ သူတို့ကိုဘယ်မှာမွေးခဲ့တယ်ဆိုတာ နဲ့ သူတို့ဘယ်သူတွေဆိုတာက အခရာမကျပဲ သူတို့ရဲ့စိတ်ဓါတ်နဲ့ပင်ကိုယ်သဘောထား က အရေးကြီးတယ်လို့ ဆိုပါတယ်။

.

ဒီအရာကပဲ သူတို့ရဲ့ပန်းတိုင်ကိုမောင်းနှင်ပေးခဲ့သလို နောက်မဆုတ်ဖို့ အင်အားဖြစ်စေပြန်ပါတယ်။ အဲဒီ Mindset ကသာ တစ်ဦးချင်းတစ်ယောက်ချင်းစီကို ဓနဥစ္စာပိုင်ဆိုင်မှုအထွဋ်အထိပ်ကို ပို့ဆောင်ပေးခဲ့တာ သေချာနေပါတော့တယ်။ အောက်မှာတော့ အောင်မြင်သူများထံကမကြားရနိုင်တဲ့စကား ( ၇ ) ခွန်းကို သူခွဲခြမ်းစိတ်ဖြာပြထားတာက ..

.

.

.

၁.. ဒီအလုပ်ကိုငါမုန်းတယ်

.

.

အောင်မြင်သူတွေဟာ သူတို့လုပ်နေတဲ့၊ ဦးဆောင်နေတဲ့အလုပ်ကို သူတို့ဘဝနဲ့ဖယ်ကျဉ်စွာ မလေးမစားမလုပ်ပါဘူး။ တစ်ကယ်လို့ ရှောင်လွဲလို့မရတဲ့ အဆင်မပြေမှုတွေရှိခဲ့ရင်ဖြစ်ဖြစ်၊ အနှုတ်သဘောဆောင်တဲ့အင်အားစုတွေနဲ့ရင်ဆိုင်နေရချိန်မှာပဲဖြစ်ဖြစ် ဒီလိုစကားမျိုးမပြောပါဘူး။

.

မကောင်းမြင်တဲ့အရာက ဘာကိုမှအကောင်းမလုပ်ပေးနိုင်ဘူး။ မကောင်းမြင်တဲ့စိတ်က သင့်ဘဝခရီးကိုအောင်မြင်မှုဆီရောက်ဖို့ အရှိန်လျှော့နည်းသွားစေပါတယ်။ လူတစ်ဦးတစ်ယောက်၊ အလုပ်တစ်ခု၊ ကုမ္ပဏီတစ်ခု တို့ကို စော်ကားမော်ကားပြောဆိုမယ့်အစား သင့်တင့်လျှောက်ပတ်တဲ့နည်းလမ်းကိုသုံးရုံမက ဘာကိုမှဂရုမစိုက်တဲ့ ဥပေက္ခာခန္တီတရားလက်ကိုင်ထားပြီး ဖြေရှင်းခဲ့လို့သာ သူတို့ရဲ့အခုလက်ရှိနေရာတွေကိုရောက်ရှိနေတာဖြစ်ပါတယ်။

ဒီပွဲမှာ NLD သေသေချာချာနိုင်မှဖြစ်မယ်

ရွေးကောက်ပွဲမှာ ဘယ်သူတွေပါလို့ ဘယ်သူတွေမပါလို့ လုပ်နေဖို့အချိန်မရှိဘူး။

.

.

ပြည်သူအတွက်အလုပ်လုပ်တဲ့သူချင်းအတူတူ အမောခံနိုင်တဲ့သူ ပေးရမှာပဲ။

.

.

နာမည်ကြီးတဲ့သူမပါတော့ တိုင်းပြည်ကဘာဖြစ်သွားလို့လဲ။

.

.

အခုလိုအုပ်စုကွဲတဲ့အပြစ်မျိုးဆိုတာ လွတ်လပ်ရေးရပြီးကတည်းက မြန်မာမှန်-ကွဲနေကျ ဆိုတာ ဗိုလ်ချုပ်မကွယ်လွန်ခင်ကတည်းက ဖြစ်နေပြီးသား။

.

.

အကြိမ်ကြိမ်အခါခါ အတိုက်ခံရတယ်။ အလီလီ အပွဲပွဲ လဲကျခဲ့ဖူးတယ်။ ဒါပေမယ့် ဒီမိုကရေစီမှန်ရင် ပြန်ထနိုင်ရမယ်။

.

.

လူရွေးမှာလား မူရွေးမှာလား မေးချင်တယ်။ တိုက်ပွဲတုန်းကမကျပဲ အောင်ပွဲနီးခါမှ လက်ပန်းကျရင် မတန်ဘူး။

.

.

အခုနေများ အမျိုးသားဒီမိုကရေစီအဖွဲ့ချုပ်ကိုမဲမပေးရင် ဘယ်သူ့ကိုမဲပေးမလဲ။ တိုင်းပြည်ကို လေတစ်ခေါက်အတိုက်ခံ၊ ရေထဲနောက်ထပ်တစ်ခါ အစိမ်ခံမလို့လား။

.

.

ဘယ်သူက ဘယ်နှစ်နှစ် အလုပ်အကျွေးပြုခဲ့လို့ ဘယ်သူက ဘယ်နေရာကနေ အတိုက်အခံလုပ်ပေးခဲ့လို့ဆိုတာက အရေးမကြီးဘူး။ အာဏာရပြီးရင် စိတ်မပြောင်းသွားသူတွေဖြစ်ဖို့ အရေးကြီးတယ်။

.

.

အဖေတို့ တစ်ခေတ်၊ ငါတို့တစ်ခေတ် - ဒါဆို တော်လောက်ပြီပေါ့ကွာ။ ငါတို့သားသမီးတစ်ခေတ်မှာတော့ ဒီမိုကရေစီနဲ့ရင်းနှီးတဲ့၊ ရန်မဖြစ်တဲ့၊ ညီညွတ်တဲ့ဗမာတွေရှိတယ်ဆိုတာ ကောင်းကောင်းကြီး ပြောပြပါရစေ။

.

.

မတည့်အောင်လုပ်တာ အတိုက်အခံရဲ့သဘာဝ။ ကိုယ်ကတုန်လှုပ်လေလေ ရန်သူကကြိုက်လေလေပဲ။ ဒါပေမယ့် ကိုယ့်လူအချင်းချင်းရန်တိုက်ပေးတာကိုမသိပဲ မတည့်ရင်တော့ ရန်သူကအသာလေးနှပ်ချသွားလိမ့်မယ်။

.

.

ဆက်ဒန်ဟူစိန်ကိုအီရန်က နိုင်အောင်မတိုက်နိုင်ခဲ့တာအကြောင်းရှိတယ် .. သူ့ကိုဖြုတ်လိုက်ရင် သူ့ထက်ဆိုးတဲ့သူကိုခေါင်းဆောင်တင်ရမှာ။ အခု မြန်မာနိုင်ငံမှာ ဆက်ဒန်ထက်ယုတ်ညံ့တဲ့သူကိုအနိုင်တိုက်နိုင်သူရှိနေပြီလေ .. ဘာဖြစ်လို့ မဲမထည့်ရမှာလဲ။ ဘာလို့ ဆက်ဒန်ကိုဆက်မဲပေးဦးမလို့လဲ။ ဦးနှောက်ကိုလွာသုံးကြပါ။

.

.

လေဘေးကျတော့လေဘေး၊ အခုကျတော့ ရေဘေး၊ မေ-ဘေးတွေကို တိုက်ထုတ်နိုင်ဖို့ ရက် ( ၉ဝ ) တောင်မလိုတော့ဘူး။ စည်းရုံးကြပါ။ နည်းလမ်းရှာကြပါ။ ဒီမိုကရေစီစည်းကမ်းလိုက်နာကြပါ။ လူအချင်းချင်းလေးစားကြပါ။ တိုင်းပြည်အတွက်အလုပ်လုပ်နိုင်သူတွေကို ဦးစားပေးကြပါ။

.

.

သိပ်ရန်ဖြစ်ချင်နေရင် နောက် ( ၅ ) နှစ်ခွဲမှ ရန်ထပ်ဖြစ်။ အခုတော့ လက်တွဲပြီးကူလိုက်ကြဦး။

.

.

အခုအချိန်က သိပ်အရေးကြီးတယ်။ လက်နှစ်လုံးအလိုတိုင်းပြည်ကို ရေစီးထဲမျှောပါမခံနိုင်ဘူး။ မြန်မာပြည်ကြီးကို မူလပိုင်ရှင်ဖြစ်တဲ့ ပြည်သူတွေကို ပြန်ပေးပါ။

.

.

မြန်မာ့ရေဘေးကို ကူညီကြသလို မြန်မာနိုင်ငံကြီးကို ကယ်ထုတ်ကြပါ။ ဒီတစ်ခေါက်မှ အကယ်မမှန်ရင် အမှန်တကယ်မလွတ်လပ်တော့ဘူး။

.

.

ပြည်ပရောက်မြန်မာပညာတတ်တွေ မြန်မာနိုင်ငံကိုပြန်အလုပ်အကျွေးပြုချင်တဲ့အခွင့်အရေးကို ပညာရေးကိုတန်ဖိုးထားတဲ့ဒီမိုကရေစီအစိုးရကသာ လက်ကမ်းကြိုဆိုနိုင်တယ်။

.

.

ရက်ချိန်းအလီလီ နဲ့ အချုပ်ခံထားရတဲ့ ပညာရေးစံနစ်ပြုပြင်ကျောင်းသားတွေကို ( ၆၉၆၆ ) ယောက်လွှတ်ပေးတဲ့အထဲမှာသာ ထည့်လွှတ်ပေးလိုက်လို့ကတော့ ရေဘေးမှာပြည်သူတွေကို ကောင်းမွန်စွာအလုပ်အကွေးပြုနိုင်လိုက်မယ့်ဖြစ်ခြင်း..။

.

.

ဒီတော့ နောက်ဆုံးပြောချင်တာက အစိုးရကိုမယုံဘူးဆိုတဲ့စကားကိုပဲ ဘဘဦးဝင်းတင်နားက ငှားသုံးချင်မိတော့တယ်။

.

.

လေပဲတိုက်တိုက်၊ ရေပဲလွှမ်းလွှမ်း၊ မြေပဲပြိုပြို၊ မိုးပဲစိုစို NLD နိုင်မှဖြစ်မယ်။ ဒါမှ ငါတို့နောက်ကမျိုးဆက် ကမ္ဘာမှာ နေရာရမယ်။ လူသားအချင်းချင်းလေးစားကြလိမ့်မယ်။ ငါကလည်းမင်းကို၊ မင်းကလည်းငါ့ကို အသိအမှတ်ပြုငံညာဆက်ဆံနိုင်ကြလိမ့်မယ်။

.

.

တိုင်းပြည်အတွက်မလုပ်နိုင်သူတွေ၊  ပြည်သူအတွက်အပင်ပန်းမခံနိုင်သူတွေ၊ ပညာရေးကိုဦးစားမပေးတဲ့သူတွေ၊ လူ့အခွင့်အရေးကိုဦးစားမပေးတဲ့သူတွေ၊ လူကိုလူလိုမဆက်ဆံတတ်တဲ့လူတွေ၊ ဘာဆိုဘာမှကောင်းကျိုးမပေးတဲ့သူတွေ ရောက်လေရာ-ကြားလေရာ-မြင်လေရာ-ရှိလေရာ ရာထူးတွေကနေ တာဝန်သိသိနှုတ်ထွက်ကြပါ။ တိုင်းပြည်က အမှတ်ပေးပြီး ကျေးဇူးတင်နေမှာပါ။

.

.

ငါတို့ရဲ့နောက်-မျိုးဆက်တွေကို မျက်နှာပြချင်လို့ ငါအနူးအညွတ်တောင်းဆိုပါတယ်။ တိုင်းပြည်ကို ကယ်ပါ။ ကိုယ့်အတ္တကို ခဏပယ်ထားပေးကြပါ။

.

.

ရန်မဖြစ်ကြပါနဲ့တော့..။

.

.

ခင်မင်ခြင်းများစွာဖြင့်

.

ကိုညီညီ ( တောင်ကြီး )

.

08-08-2015

အံ့သြချက် ( ၉ ) လောက်ရှိတဲ့ နယူးယောက်

ဆောင်းပါးရှင် - ကိုညီညီ ( တောင်ကြီး )

.

မတူညီတဲ့ ရေမြေဒေသကနေ လူတိုင်းကြိုက်တဲ့မြို့တစ်မြို့ကိုပြောင်းရွှေ့နေထိုင်တဲ့အခါ ထူးခြားတဲ့ယဉ်ကျေးမှုနဲ့ နဖူးတွေ့ဒူးတွေ့ ဖြစ်လာရတယ်။ ဆောင်းပါးရှင် ထရာဗစ်လိုင်လီ - Travis Lyles ပြောပြတာက

.

ဗာဂျီးနီးယားပြည်နယ် နယူးပေါ့နယူးစ်မြို့ကနေ ကျွန်တော်ထွက်ခဲ့တယ်။ ပြည်နယ်ထဲမှာတော့ အတော်သေးတဲ့မြို့လေးတစ်မြို့လို့ပြောရမှာပေါ့။ အခုဆို နယူးယောက် ကို ကျွန်တော်ရောက်နေတာ ( ၂ ) လရှိပြီ .. အတွေ့အကြုံတွေက တကယ့်အံ့မခန်းပဲ..။

.

.

တကယ်တော့ နယူးယောက်ဆိုတာ အမြဲမပြတ်လှုပ်ရှားနေတဲ့မြို့ကြီးဗျ။ ကြုံရမယ့်နေရာအားလုံးမှာ အလျင်အမြန်ဆုံးဖြတ်ချက်ချနိုင်ဖို့လိုတယ်။ ဒါက ကျွန်တော်နေခဲ့တဲ့ တောမြို့လေးနဲ့ကွာတဲ့အချက်ပဲ။ နယူးယောက်မြို့ဟာ ကျွန်တော့ကို အံ့အားသင့်စေတယ်။

.

ကျွန်တော်ရဲ့ဇိမ်ခံခံနေတတ်တဲ့ဘဝလေးထဲကနေ နယူးယောက်ရဲ့နေ့ညတွေကို ခဏခဏ ထထကြည့်ရတယ်။ အမှန်က ဒီမြို့ကြီးက ခင်များတို့အပေါ်မှာ တည်ထားတာဆိုရင် ယုံနိုင်မလား? ကိုယ်တိုင်ခံစားကြည့်မိတဲ့အခါ တိုးပွားလာတဲ့ဒဏ်ရာတွေမှာ ဝေဒနာတွေအပြည့်ပါပဲ။ အခုတော့ အဲဒီအနာတရတွေမှာပဲ ကျွန်တော်အိမ်လုပ်နေတတ်နေပါပြီ။ ပြောရရင် အံ့သြချက်က ( ၉ ) လောက်ရှိတယ်။

နောက်တစ်ခါတော့လာမလုပ်နဲ့ မရတော့ဘူး

ဆောင်းပါးရှင် - ကိုညီညီ ( တောင်ကြီး )

.

.

စာရေးသူအချို့ဟာ နိုင်ငံရေးဆိုတာကို တို့ရ ထိရမှာကြောက်ကြတယ်။ အမှန်က စာရေးပြီးလူအချင်းချင်းဆက်သွယ်တာဟာ နိုင်ငံရေးတစ်ခုပါပဲ။ ကျွန်တော်တို့အမြင်မတော်တာတွေကို ထောက်ပြကြတယ်။ ကိုယ်သိထားတာကို နောက်လူမမှားရလေအောင် သတိပေးလက်ဆင့်ကမ်းကြတယ်။ မိတ်ဆွေအချင်းချင်းစကားပြောကြတယ်။ ရန်သူကိုလေ့လာတယ်။ အဲဒါနိုင်ငံရေးပဲ။

.

ပြောရမယ်ဆိုရင် ကျွန်တော်တို့အားလုံး တစ်နေ့မှာ နိုင်ငံ့အရေးနဲ့ပတ်သက်တဲ့တစ်ခုခုကို မဖြစ်မနေလုပ်ကြတယ်။ အဲဒါတွေထဲမှာ ကောင်းတဲ့ကုသိုလ်တွေလည်းပါသလို မကောင်းတဲ့အကုသိုလ်တွေလည်း လုပ်မှန်းမသိလုပ်နေမိတတ်တယ်။ ကောင်းရာကောင်းကျိုးဆိုရင်တော့ လူမှုကွန်ယက်မှာ အများနဲ့သင့်တော်မယ့်စာလေးတွေဖတ်ပြီး ပြန်လည်မျဝေတာတို့ ပညာပေးတာတို့လုပ်တာမျိုးကိုဆိုလိုတာပါ။

.

.

အကုသိုလ်ဆိုရင်တော့ အခုလက်ရှိ ရေဘေး၊ မိုးဘေး၊ လေဘေးမှာ အဆဲခံရဆုံး မေ-ဘေးဆိုတဲ့ အဆိုးရ ဆိုသူတွေပါပဲ။ သူတို့လုပ်ပုံကိုင်ပုံမဟုတ်တဲ့အခါ Facebook တစ်ခွင်လုံး ပြဲပြဲစင် ရွှဲရွဲစိုအောင် အကုသိုလ်ဖြစ်ရတယ်။ သူတို့က လုပ်ကိုင်နိုင်ခြင်းအခွင့်အာဏာတွေယူထားပြီး ဆောင်ရွက်ဖို့ပျက်ကွက်တယ်။

.

နိုင်ငံသားတိုင်းဆီက အခွန်ငွေတွေယူ၊ လခစားပြီး ပြည်သူပြည်သားကိုစောင့်ရှောက်ဖို့ပျက်ကွက်တယ်။ အန္တရာယ်ကျရောက်နိုင်တဲ့ သဘာဝဘေးတွေကနေ စောစီးစွာရှောင်ကွင်းနိုင်ဖို့ သူတို့မှာလုပ်ပိုင်ခွင့် - Access ရှိနေတာ မဟုတ်ပါလား?